Versículos bíblicos populares de Мф 12

Partilhar

Тӓлӓндӓ попем: цилӓ такеш шамакышты гишӓн эдемвлӓ суд кечӹн шамакым кычаш тӹнгӓлӹт. Шамакет верц тӹнь тӧрӹш лӓктӓт, шамакет верцок суйымы лиӓт».

Шим кӹшкӹ гӹц шачшывлӓ! Тӓмдӓн шамакда кыце пуры лин кердеш, кынам тӓ ӹшкежӹ худа ылыда? Вет эдемӹн шӱмжӹ ма доно темӹн, тӹдок йӹлмӹжӹ гӹц лӓктеш.

Пуры эдем шӱм пайдажы гӹц пурым лыктеш, а худа эдем шӱм худажы гӹц худам лыктеш.

Седӹндон тӓлӓндӓ попем: эдемӹн хоть-махань сулыкшы дӓ мыскылымыжы простялтеш, но Святой Шӱлӹшӹм мыскылымаш ак простялт.

Ӓли пушӓнгӹжӹмӓт яжоэш дӓ кӹцкӹжӹмӓт яжоэш шотлыда, ӓли пушӓнгӹжӹмӓт ярдымыш дӓ кӹцкӹжӹмӓт ярдымыш лыкда, вет пушӓнгӹм кӹцкӹжӹ гӹц пӓлӓт.