Versículos bíblicos populares de Marc 9

Partilhar

Komoyango Jésus alobaki na wango bwe: ”K’òlobe bwe, mo nga yiche? Koncha wango echingane tayicha bokiele beka bichò.”

Chango a mwana angamwaki dyolo, alobaki bwe: ”Nga chingane, kieliza nga o ch’iphomunya a nga.”

Chima o Jésus akolaki o ndako, bayekoli ba wango bayangaki wango o bango babèki bango phencha bwe: ”Ne banga boboyicha botubize yango ka, mbekende?” Wango ayambolaki bwe: ”Eyeka elenge yena oyicha botube bwabona ka, kokomo n’iyonga na bochabole bekidya phencha.”

Monguta modi eyeka enyòngò, ko mo monguta mochalwa beni tòwotiza mwango na nde? Bodyalaka na monguta o cha mye ma beni na phi elenge ko yango.”

Koncha wango eyambe mwana ko wango wo bona o kombo a nga, wango ayambe nga, na koncha wango eyambe nga, wango oyamba nga phencha ka, ayambe nà koncha wango etindaki nga.”

Koncha wango ephè beni buku ba may m’inywa o kombo a nga, tonga beni bodi bè Christ, nga lobe na beni nènè, iwuta a wango tichumbani.

Koncha wango echukwize mwana moki mò n’ichena o phanyak’a bana bango bachingane nga, eleki bonyòngò na wango, mo bango batinge iboko inyuka beka o kingo a wango tonga n’ibwaka wango o ediba enè.

Mo dichò akò echukwize kò n’ichena, phongolo dyango, Mòchi enyòngò k’òkole o bokonchi ba Nzambe na dichò dyò phencha o mata m’idyala na michò mibale na k’òbwakibe o Géhenne.