Versículos bíblicos populares de Waroma 8

Partilhar

Tamanya kwa ngila zose kamba Mlungu wanadeagha kazi kwa uloli ghwa wose wamshaile, nawo ni walye awapang'ile kwa ilengo lyake.

Kwani namanya kamare sikuwesi kindu chingi chidimagha kutitaghanya na mashayo gha Mlungu; hata kifwa ango umana; hata wana malaika ango watawali wazima wa mlunguni ango udimo; hata gha indakwenyi ango ghekujagha; hata urumenguni ighulu ango urumenguni na mweni; sikwesi kindu chingi chiumbilo chidimagha kutitaghanya na mashayo gha Mlungu tio nagho kwa ngila ya Kristo Jesu Bwana wetu.

Niko kwenyi na Roho naese akujagha atiwarure, kwa kukala tio wanyonge, kwani sitiweni selyi itifweni tilombe; ela Roho mwenyi watilombela Mlungu, kwa ngila ya malagho sighedimagha kughoro.

Ndamu kwa agha ghose, tighore ije? Ngera Mlungu ewo gasi yetu, nani ewo kinyume chetu?

Kwa hung'u, ndamu sikwesi kutaghanyo kungi kwa walye wakalagha wawatane na Kristo Jesu.

Ikakala akili zako zendelongozo ni kidamu kudua ni kifwa; ikakala akili zako zendelongozo ni Roho kudua upatagha umana na sere.

Hata, kwa malagho agha ghose takala wasimi kwa ngila ya uyu etishaile.

Nendeona kamba masirimi gha iyi ngelo sighedimagha kukataniso hata kuchache na ubwaa ghujeoneka kwetu.

Nani ndamu edimagha kutitaghanya na mashayo gha Kristo? Ni wasi ango ni masirimi, ango ni kugusoguso, ango ni njala, ango ni suhuna, ango ni ndengwa, ango ni kifwa?

Naye Mlungu aonagha ngolo za wandu, wamanya maghelelo gha Roho; kwa kukala Roho yalombela wandu kuirimana na mashayo ghake Mlungu.

Walye walongozogho ni Roho wa Mlungu niwo wana wa Mlungu.

Awo wakalagha kwa ngila ya kidamu, akili zawe zanalongozogho ni ghalye ghashailo ni kidamu. Nawo walye wakalagha selyi Roho iwauzagha, akili zawe zanalongozogho ni Roho selyi ashaile.

Iye hata samleghelele Mwana wake, ela kamfunya akale sadaka kwa undu ghwetu itose. Iye amfunyile Mwana wake, uleghagha ije kutihawa isi kila kindu tuu?

Roho ya Mlungu yenyi yawatana na roho zetu kughamba nisi wana wa Mlungu. Kwa kukala nisi wana wake, tijepata mibaraka aikilile wandu wake, na sena tijepata ngila mojori na Kristo agha Mlungu amwikilile; kwani ngera tasirima na Kristo tijewatana naye kele ubwaa ghwake.

Kwa hung'u mundu ukalagha mumaiza wa Mlungu ilyi akili zake zalongozo ni kidamu; kwani seiwatagha Sheria ya Mlungu, na sedimagha kuiwata.

Vindu vose viumbilo vio vikedafurira kwa beha kuona Mlungu kewamanyisa wana wake.

Kwani tamanya kamba iyi ngelo, vose viumbilo vashonona kwa kuhariso sa kulumo kwa muke kovala mwana.