Versículos bíblicos populares de Жаратылыс 17

Partilhar

Ибрам тоқсан тоғыз жаста болғанда, Жаратқан Ийе оған көринип: – Мен Қүдирети күшли Қудайман. Мениң жолым менен жүр ҳәм минсиз бол.

Енди сениң атың Ибрам емес, ал Ибрайым болады. Себеби Мен сени көп халықлардың бабасы қыламан.

Мен сениң менен ҳәм сеннен кейинги урпақларың менен келешек әўладларға өтетуғын мәңгилик келисим дүземен: Мен сениң ҳәм сеннен кейинги урпақларыңның Қудайы боламан.

– Мениң сениң менен дүзетуғын келисимим мынаў: сен көп халықлардың бабасы боласаң.

Сонда Қудай оған былай деди: – Яқ, ҳаялың Сара саған ул туўып береди. Сен оның атын Ысақ деп қоясаң. Мен оның менен ҳәм оның урпақлары менен мәңгилик келисимимди дүземен.

Ҳәзир өзиң келгинди болып жасап атырған пүткил Қанан жерин саған ҳәм сеннен кейинги урпақларыңа мәңгиге меншик етип беремен ҳәм Мен олардың Қудайы боламан.

Ибрайым ет бетинен жығылды. Ол: «Жүз жасар ғаррыдан бала туўыла ма? Тоқсан жасар Сара бала туўа ма?» – деп ойлап, күлип қойды.

Қудай Ибрайымға және былай деди: – Ендигиден былай, ҳаялыңды Сарай деп емес, ал Сара деп шақыр.

Сизлер сүннет етилиўиңиз шәрт. Сүннет арамыздағы келисимниң белгиси болады.

Бирақ Мен Өз келисимимди келеси жылы усындай ўақытта Сараның туўатуғын улы Ысақ пенен дүземен.

Ҳәр бир ер бала, соның ишинде үйиңизде туўылған ямаса урпағыңыздан болмай, қандай да бир шет елли адамнан сатып алынған қуллар сегиз күнлигинде сүннет етилсин. Бул әўладлар бойы даўам етсин. Олар үйиңде туўылған болса да, сатып алынған болса да, сүннет етилиўи шәрт. Денеңиздеги бул белги Мениң мәңгилик келисимимниң белгиси болады.