Versículos bíblicos populares de Utusang pung Carita 2

Partilhar

Petrus bilang, “Kamong samua musti kasi tinggal kamong pung dosa-dosa deng kasi kamong pung diri par dapa baptis par kasi unju kalo kamong su satu hati deng Yesus Kristus, biar Allah kasi ampong kamong pung dosa-dosa. Tarus, Allah nanti kasi Antua pung Roh par kamong lai.

Dong paleng rajing dengar Yesus pung utusang-utusang pung ajarang deng jaga bakumpul par sombayang deng makang sama-sama.

Oras itu jua, Allah pung Roh kasi kuasa par dong samua deng biking dong bicara pake bahasa-bahasa laeng yang dong sandiri seng mangarti akang.

Skrek bagini, ada bunyi dari langit macang deng anging basar yang batiop koliling dalang ruma, tampa dong dudu bakumpul tu. Tarus, dong lia bagini macang ada lida-lida api yang tabage-bage turung di atas dong satu-satu. Oras itu jua, Allah pung Roh kasi kuasa par dong samua deng biking dong bicara pake bahasa-bahasa laeng yang dong sandiri seng mangarti akang.

Sabang hari dong jaga bakumpul deng satu hati di orang Yahudi pung Tampa Sombayang Pusat pung kintal. Dong jaga makang deng sombayang sama-sama dari ruma ka ruma deng rasa sanang deng hati bae. Dong jaga puji-puji Allah. Orang-orang samua suka dong. Sabang hari Tuhan kasi salamat orang-orang sampe dong yang parcaya Antua batamba banya.

‘Allah bilang, “Nanti pas dunya ni su mau abis, Beta kasi Beta pung Roh par samua orang. Kamong pung anana laki-laki deng parampuang nanti kasi tau pasáng yang dong dapa dari Beta. Kamong pung anana muda nanti dapa lia hal-hal yang Beta kasi unju par dong. Kamong pung orang-orang tatua nanti mimpi apapa yang Beta kasi lia par dong.

Orang-orang yang su parcaya Yesus jaga bakumpul tarus. La apa sa yang dong pung, dong jaga bage-bage deng pake akang sama-sama. Dong jual dong pung harta la bage akang pung kepeng iko orang-orang tu pung parlu.

Hari itu sapa sa yang minta tolong dari Beta, Beta nanti kasi salamat dia.” ’

Matahari nanti jadi galap, bulang jadi mera macang deng dara. Akang nanti jadi bagitu kamuka do, baru hari par Beta datang kombali deng Beta pung kuasa yang basar la putus samua pung parkara.