Versículos bíblicos populares de 1 Thesaloniaid 5

Partilhar

Peidiwch byth â stopio gorfoleddu! Daliwch ati i weddïo. Byddwch yn ddiolchgar beth bynnag ydy’ch sefyllfa chi. Dyna sut mae Duw am i chi ymddwyn, fel pobl sy’n perthyn i’r Meseia Iesu.

Dw i’n gweddïo y bydd Duw ei hun, y Duw sy’n rhoi heddwch dwfn i ni, yn eich gwneud chi’n berffaith lân, ac y bydd y person cyfan – yn ysbryd, enaid a chorff – yn cael ei gadw’n ddi-fai ganddo nes daw ein Harglwydd Iesu Grist yn ôl. Mae’r Duw sy’n eich galw chi yn ffyddlon, a bydd yn gwneud hyn.

Peidiwch gadael i bobl dalu’r pwyth yn ôl i eraill. Ceisiwch wneud lles i’ch gilydd bob amser, ac i bobl eraill hefyd.

Felly calonogwch eich gilydd, a daliwch ati i helpu’ch gilydd.

A ffrindiau annwyl, dŷn ni’n apelio ar i chi rybuddio’r bobl hynny sy’n bod yn ddiog, annog y rhai sy’n ddihyder, helpu’r rhai gwan, a bod yn amyneddgar gyda phawb.

Dydy Duw ddim wedi bwriadu i ni gael ein cosbi, mae wedi dewis ein hachub ni drwy beth wnaeth yr Arglwydd Iesu Grist.

Plant y goleuni ydych chi i gyd! Plant y dydd! Dŷn ni ddim yn perthyn i’r nos a’r tywyllwch.