Versículos bíblicos populares de མེ་ཐིའུ་ལེའུ་ 1

Partilhar

མོ་གིས་སྲས་གཅིག་འཁྲུང་འོང་ ཁྱོད་ཀྱིས་ཁོ་གི་མཚན་ཡེ་ཤུ་ཟེར་བཏགས་ཕུལ་དགོ་ ག་ཅི་སྨོ་ཟེར་བ་ཅིན་ ཁོ་གིས་ཁོ་རའི་མི་རིགས་ཚུ་ སྡིག་པའི་ནང་ལས་ སྐྱབས་མཛད་ནི་ཨིན་ཟེར་གསུངས་ནུག

ནམ་ཡང་ལུས་འབྲེལ་མ་འབད་མི་ན་ཆུང་མ་གཅིག་ལུ་ ཨ་ལོ་ཆགས་ཏེ་སྲས་གཅིག་འཁྲུང་འོང་ ཁོ་གི་མཚན་ ཨེ་མ་ནུ་ཨཱེལ་ཟེར་ཞུ་འོང་ ཨེ་མ་ནུ་ཨཱེལ་ཟེར་མི་འདི་ དཀོན་མཆོག་ང་བཅས་དང་གཅིག་ཁར་བཞུགས་ཡོད་ཟེར་བའི་དོན་དག་ཨིན།

ཁོ་དེ་སྦེ་མནོ་བསམ་བཏང་སྟེ་གཉིད་ལོག་སོངམ་ད་ ཁོ་གི་རྨི་ལམ་ནང་གཙོ་བོ་གི་ཕོ་ཉ་གཅིག་བྱོན་སྦེ་ དབའེ་ རྒྱལཔོ་ ད་བིད་ཀྱི་རིགས་བརྒྱུད་ ཡོ་སེབ་ཁྱོད་ མཱིར་ཡམ་ལུ་ཁྱོད་ཀྱི་ཨམ་སྲུ་སྦེ་ལེན་ནིའི་དོན་ལུ་མ་འདྲོག་ ག་ཅི་སྨོ་ཟེར་བ་ཅིན་ མོ་གི་མངལ་ནང་ཡོད་མིའི་ཨ་ལོ་འདི་ དམ་པའི་ཐུགས་ཉིད་ཀྱི་ཐོག་ལས་གནས་གནསཔ་ཨིན།

ཡེ་ཤུ་ཁིརཱིས་ཨ་ནི་བཟུམ་སྦེ་སྐུ་འཁྲུངས་འཁྲུངསམ་ཨིན་མས་ ཁོ་མ་འཁྲུངས་པའི་ཧེ་མ་ ཡུམ་ མཱིར་ཡམ་ ཡོ་སེབ་དང་གཅིག་ཁར་གཉེན་བརྐྱབ་ནི་སྦེ་ཁ་ཚིག་བྱིན་ཚརཝ་ཨིན་མས་ དེ་འབདཝ་ད་ན་ཆུང་ མཱིར་ཡམ་གཉེན་མ་རྐྱབ་པའི་ཧེ་མ་ལས་ དམ་པའི་ཐུགས་ཉིད་ཀྱི་ཐོག་ལས་སྦེ་ཨ་ལོ་སྐྱེ་ནི་ཆགས་ནུག དེ་ལས་ མཱིར་ཡམ་གྱི་རྨགཔ་ ཡོ་སེབ་ མི་ཆོས་སེམས་ཆེ་ཏོག་ཏོ་གཅིག་ཨིན་མས་ མོ་ལུ་མི་འཛོམས་སར་བློ་བཙོང་ནིའི་སེམས་མེདཔ་ཨིན་མས་ དེ་འབདཝ་ལས་ ཁུ་སིམ་སི་སྦེ་གཉེན་མི་བརྐྱབ་ནི་སྦེ་མནོ་བསམ་བཏང་ནུག