Versículos bíblicos populares de लूका 3

Partilhar

अस्यान होयो क जद्‍या सबळा मनख बतिस्मो लेरया छा तो ईसु बी बतिस्मो लियो। अर जद्‍या वो परातना करर्यो छो तो आम्बर खुलग्यो। अर पवितर-आत्मा एक कबुतर की न्याई की काया म होर उंक्अ उपरअ उतर्यो। अर आकासवाणी होई, “तु म्हारो लाड़लो छोरो छ मं तसुं राजी छु।”

जद्‍या यूहन्‍ना या खेर वान्अ जुवाब दियो, “मं तो थान्अ पाणी सुं बतिस्मो देऊ छु पण वो आर्यो छ, ज्यो मंसुं साउटो सक्‍तिसाली छ। मं उंकी जुत्या की ताणा खोल्बा जस्यो बी कोन्अ। वो थान्अ पवितर-आत्मा अर आग सुं बतिस्मो देव्अलो।

पचतावा का सई फळ पैदा करो जिसुं लाग्अ क थांको मन बदल्यो छ। अर आमा-सामा या मत खेवो क अबराम आपणो बाप छ। मं थान्अ खेऊ छु क परमेसर या भाटा सुं बी अबराम बेई ओलाद पदा करा सक्अ छ।

रूंखड़ा की जड़ा प करबाड़यो मलचुक्यो अर वां सबळा रूंखड़ा न्अ ज्यो चोखा फळ कोन्अ देव्अ काटर पटक्यो जावलो अर फेर वान्अ आग मं बाळ दियो जावलो।”

परमेसर की ओड़ी सुं बोलबाळा यसायाह का बचना की पोथी म जस्यान मण्ढर्यो छ, “राड़ी म एक हाक्‍को पाड़बाळा की आवाज आरी छ क ‘परबु बेई गेल्‍लो त्यार करो। अर उंक्अ बेई गेल्‍ला न्अ सीधोसट्ट करो। हरेक घाट‍्या भरी जाव्अली अर सबळा डुंगर अर डुंगर्या सपासट्ट हो जाव्अली केरी-बाकड़ी अर उबड़ खाबड़ गेल्‍ला सपासट्ट कर दिया जावला अर सबळा मनख परमेसर का उद्धार का दर्सण करअला!’”