Versículos bíblicos populares de يوحنا 12

Partilhar

ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.

ونِّي يتخْسن ثُوْذَارْث نّس، أَتَاف اَت يخْسَر. ونِّي يتْعِيفَّان ثُوْذَارْث نّس ذِي دُّنشْت-أَ، أَتَاف اَت يَاف ذِي ثُوْذَارْث ن ڒبْدَا.

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

ؤُسِيغ-د غَار دُّنشْت-أَ ذ نُّوْر حمَا ونِّي إِي زَّايِي يُوْمْنن وَار يتْغِيمِي شَا ذِي ثَادْجسْت.

ونِّي غَا يسْڒن إِ وَاوَاڒ ينُو وَار ذَاس يتْطِيعِي شَا اَتَاف نش وَار ث تْحِسِيبغ شَا. أَقَا نش وَار د ؤُسِيغ شَا اَذ حَاسْبغ دُّنشْت؛ لَّا، ؤُسِيغ-د حمَا اَذ سنْجْمغ دُّنشْت.

ثيْسِي-د مَرْيَم اَزْين ن لِيتْرُو ن وَامَان ن لْوَرْذ صْفَان زݣ يِنِّي يغْڒَان س وَاطَّاس، ثذْهن-اَس إِ عِيْسَى يضَارن نّس، ثمْسح-اَس يضَارن نّس س وشوَّاف نّس. ثَدَّارْث مَارَّا ثشُّوْر س اَرِّيحث ن وَامَان نِّي ن لْوَرْذ.

ئِيْسِين اَفْرِيون ن ثْشجُّوْرَا ن تْمَر بَاش اَزَّايس رحْبن فّْغن اَث ڒْقَان س ڒفْرَاحث. تْعيَّاضن قَّارن لْحَمْدُو إِ أَربِّـي! سَّعْذ ن وَانِيتَا إِي د يُوْسِين عْلَاحْسَاب يسم ن سِيذِي أَربِّـي، قَا نتَّا ذ اَزدْجِيذ ن أَيث-إِسْرَائِيل!

ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.