Versículos bíblicos populares de 22 أيث-كورينث 1

Partilhar

أَذ يتْوَابَرك أَربِّـي بَابَاس ن سِيذِيثْنغ عِيْسَى لْمَسِيح. نتَّا عَاوذ ذ بَابَاس ن اَرَّحْمث ذ نتَّا ذ أَربِّـي إِݣ يتْعَاوَان مَارَّا يوْذَان. ئِتْعَاوَان-اَنغ ذِي مَارَّا تَمَارَا نّغ حمَا نشِّين س ومْعَاوَان-أَ إِي زِي ذَانغ يتْعَاوَان أَربِّـي نْزمَّر أَ نْعَاون يِنِّي يدْجَان ذِي كُڒ تَمَارَا.

لِأَنَّا مَامّش اَعدّب ن لْمَسِيح يتنْفيَّاض-د يتَاذَاف ذِي ثُوْذَارْث نّغ اَمنِّي عَاوذ س لْمَسِيح يتنْفيَّاض-د ومْعَاوَان نّغ.

وَاه، نْحسَّا ذݣ يِيخف نّغ بلِّي نتْوَاحْكَام س ڒْموْث. يوْقع مَانَاينِّي بَاش وَار نتْعوِّيڒ شَا خ يِيخف نّغ، أَ نْعوّڒ خ أَربِّـي ونِّي إِي د يسْنكَّارن يِنِّي يمُّوْثن.

أَربِّـي نتَّا إِي ذَانغ يسْبدّن مْلِيح اَكِذْوم ذِي لْمَسِيح. ئِخْضَر-اَنغ يضْبع-اَنغ س طَّبَاع نّس يُوْشَا-ٱنغ أَرُّوْح نّس يݣِّي-ث ذݣ وُوْڒَاون نّغ اَم يجّن ن تّسْبِق.

مڒَا نتْوَازيَّار نشِّين اَقَا مَانَاينِّي بَاش كنِّيو اَذ تْوَاعَاوْنم بَاش اَذ تْوَاسْنجّْمم. مڒَا نتْوَاعَاون نشِّين اَقَا مَانَاينِّي بَاش عَاوذ اَذ تْوَاعَاوْنم كنِّيو. أَقَا اَمْعَاوَان-أَ يتَارو-د ذَايْوم يجّن ن صْبَار خْمِي تْعدَّابم س مِين نتْعدَّاب نشِّين.