Versículos bíblicos populares de 2 कुरन्थीयो 1

Partilhar

परमेसर जखो आपणा परबु ईसु मसी को परम-पिता ह, दया करबाळो अर अराम देबाळो परमेसर धने ह। अर जद आपणा प कळेस आवै ह जणा बे आपानै हिमत बंधावै ह। जिऊँ आपा बी परमेसर की बि हिमत की बजेऊँ बा मिनखानै जखा कळेस म पड़्या हीं हिमत बंधा सकां।

क्युं क जंय्यां मसी जखी पिड़ा भोगी बिनै म्हें बी भोगां हां जिऊँ आपा मसी की बजेऊँ परमेसर की बि म्हान मददनै बी भोगां।

अर म्हें हिया म आ बी सोचली ही क म्हानै मोत की सजा होगी ह। जिऊँ म्हें खुद प भरोसो नइ कर परमेसर प भरोसो कर सकां जखो मरेड़ानै बी ओज्यु जीवावै ह।

बो परमेसरई ह जखो ईसु मसी की बजेऊँ थानै म्हानै सागै जो'ड़र पक्‍को कर्यो अर आपणो अभिसेक कर्यो ह। बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

ज म्हें सताया जावां हां जणा बो थानै हिमत बंधाबा अर थारा छुटकारा ताँई होवै ह। थे राजी हो जणा म्हें बी राजी हां। अर थारो राजी रेह्बोई थानै हिमत क सागै बा कळेसानै भोगबा की ताकत देवै ह जखा कळेस म्हें भोगां हां।