Versículos bíblicos populares de Maluko 12

Partilhar

Nayo Yesu yakamutya, “Ililongozi lyoli, ‘Hulicize ta Isilayeli! U Muwaha Mulungu wetu, mweneco du yo Muwaha. Nagwe wumwendaje Muwaha Mulungu wako kwe nhumbula yako yose, na ko mutima wako wose, na kwe mahala gako gose, na kwe vilungo vyako vyose.’ Na lye kejete lyo'li, ‘Wumwendaje muyago nha vyono wiyendile go mweneco. Hasina lilajilizo linji yiwaha lyono licizize gaga.’ ”

Baho Yesu yakawacema iwejizwa wakwe yakawatya, “Mbeka nghumulonjelenyi, mudala ayu muciwa kanyhi mufwile, nha kalavya kuciza wanji wose wono watajiye zipesa mwi'sanduku lyo wuwiko we zisawo. Hambi wose nha walavya ku wulawa mu wucizilize wo winji we zisawo zawo, ninga mudala ayu, hamba yawe nha muciwa, ninga kalavya vyose vyono yena navyo, kalavya vyose vyono yali yetumbiye so wuwumipe wakwe.”

Yesu yali yekaye behi ne lisanduku lyo wuwiko we zisawo. Nayo yakawa yakulanjilila vyono wanhu wenji walavyaga zipesa no kuzitajila mu wuwiko we zisawo ze Nyumba yo Mulungu. Iwagoli wenji wakalavya pesa nyinji. Baho yakaza mudala yunji muciwa kanyhi mufwile, nayo yakalavya vipesa vyejete vyono vina cifo ca sendi 'kumi.

Holeka yimunojeye munhu yamwende u Mulungu kwe nhumbula yakwe yose, na kwe mahala gakwe gose, na kwe vilungo vyakwe vyose, no kumwenda muyagwe nha vyono yeyendile mweneco. Ne Nghani yiyi yo mbaha muno yicizize sunga ne vilavywa vyo kunyanywa hamonga ne makumbiko ganji gose kuli Mulungu.”

Yesu yakawatya, “Mumulavizye Kayisali vyakwe Kayisali, nayo Mulungu vyakwe Mulungu.” Wakamwizina muno.