Versículos bíblicos populares de Mat 19

Partilhar

Nake Jesû nîwamaroririe na akîmeera atîrî, “Ûndû ta ûyû ndûngîvoteka nî andû, nwatî maûndû monthe nîmavotekaga nî Ngai.”

Kwoguo o tî aîrî rîngî, nwatî o nî mwîrî ûmwe. Kwoguo andû arîa Ngai anyitithanîtie mûndû wana ûrîkû ndakanamatigithanie.”

Nake Jesû nîwamûcokerie atîrî, “Anga mûtirî mwathoma Mandîko Matheru marîa maugaga atî, kuuma wa Kîammbîrîria Ngai aaûmbire mûndûmûrûme na mûndûmûka, na akiuga atî, ‘Nîûndû wa gîtûmi gîkî mûndûmûrûme agaatigaga îthe na ng'ina, makanyitithanua na mûka, na oîrî makethagîrwa marî mwîrî ûmwe.’

Nake Jesû nîwamerire atîrî, “Îtîkîriani twana tûûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.”

Nwatî andû eengî arîa marî mbere rîu nîmagaatuîka a vuva, nao andû eengî arîa marî vuva rîu nîmagaatuîka a mbere.

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Nake Jesû nîwamûcokerie atîrî, “Nîkî kîratûma ûmbûrie ûvoro wîgiî ûndû ûrîa mwaro? Kûrî na mûndû ûmwe tu mwaro. Ethîrwa nîûrenda gûgaatonya mwoyorî, athîkagîra maathani.”

Wana rîngî nîramwîra atî nî ûndû mûvûthû ngamîîra gûtonyerera karimarî ga cindano, gûkîra gîtonga gûtonya Ûthamakirî wa Ngai.”

Nie nîramwîra atî mûndûmûrûme wa wonthe ûtecaga mûka, tiga nwa amûteere nîûndû wa kûrega kwîvokeka, angîvikia mûndûmûka wîngî, mûndû ûcio ethagîrwa atharîtie.”

Nake Jesû nîwacokire akîra arutwa ake atîrî, “Nîramwîra nama atî gûkeethîrwa arî ûndû mûmû itonga gûtonya ûthamakirî wa îgûrû.