Versículos bíblicos populares de Emiighom 37

Partilhar

Ḍiniin aḍughul ạJosef ạmalha mạlha, kụ ạghaaph ạḅeni bumor phọ ọdi, kụ bịdi ọlogh nyọdi ḍien bịn ọkpaariom.

Ịzirel ạphomoghian Jọsef apu oomo ạnmuny phọ ọdi, ịdi eḍighi bọ ọdi ạmar Jọsef mem dị ọdi mạkpo, kụ ạkolonaan nyọdi ạsuoma ạko kịrokiro.

Mem dị bịdi ọmiin bọ mọ ọde phọ ạbuno ạpomoghian Jọsef apu bụno, kụ bịdi ọlogh ḍien Jọsef; kụ bịdi rꞌọdi ọrol ẹpomoghian ụ́kaaph ghan ọghaaph ẹphomoghian.

Kụ ọdi ạḅile ạmalha mụnon ạmalha, kụ ạghaaph ạḅeni bumor phọ ọdi. Ạḅem mọ, “Ịnaghan, mị mạḅile kẹn ạmalha mụnon ạmalha. Erumuḍio phọ rꞌụnwanyu phọ rꞌiḍioph rꞌoniin ạraanaan kụ ekpuḍian ghan rịiḅereghi ghan ịmi.”

Abumor phọ ọdi ọlogh nyọdi ḍien, kụ ọde phọ ọdi ạphamanam mạlha phọ.

Kụ ạḅeni bumor phọ ọdi mọ, “Iseseeny, ịnaghan mạlha dị mị ạmalha. Yira rọgba ghan ịbiakpa ẹpe ozo phọ, kụ odi ropogh bịn ạḍigba ịbiakpa phọ ḍịphe ạmi ẹmeera zẹm, kụ ạsigba ịbiakpa phọ ịpe anyina ẹmeregha eko ḍịphe ạmi ẹlhogh ogbo, kụ ekpuḍian ẹeḅereghi ghan ḍịphe ạmi.”

Itu oghiigh nyọdi, osumeeny nyọdi ologhi ooni, kụ ọgba mọ elhom ẹnam kụ ighiigh nyọdi, kụ yira ọrol kụ ọmiin ịpe ạramalha phọ ọdi keḍighi bọ.”

Abumuul ḍighi ạMidian phọ roten kụ abumor phọ ọghi ọsighe Jọsef ophune, ọsighe nyọdi oola ịyaldi ipoḍi asilva, kụ bịdi ọpham nyọdi osiom Ijipt.

Kụ oniin ạḅeni nyoniin mọ, “Ịmiin, uwo ạramalha phọ ratu-o.

Mem dị bịdi ọmiin nyọdi egher, kụ bịdi oopuruan ọḅoph ọnhu mọ oghiigh nyọdi.

kúzu ịḅaal, osiph nyọdi bịn osumeeny ooni phọ ọphon sịen ẹdala phọ. Oye nyọdi kụ́ḅogh uḍighi ịyaar. Ọdi ạtuan ọphel ọdi ọsighe rạghaagh ạbidi, ọtophoron ọdi ophune ọghiom ọde ọdi kụ ạghaaph bọ ịphen phọ.