Versículos bíblicos populares de Bụo ạEfesos 1

Partilhar

Mị rạlom ghan mọ ọdi aghunyon iloghi phọ anyina ẹmiin ẹphalaḅaal phọ ọdi, ọbo nyina elegheri ọdo oḍuom ologhi phọ ọdi ạtu bọ kụ ịmagh bọ inyina, rꞌọdo eboom ẹelha ạḍiseph phọ ọdi aguanaan bọ we phọ ọdi, rꞌọdo oḍighi dị igbogh ịikpo phọ ọdi riḍighinaan iyira phọ momeeraam bọ. Ịikpo phọ ịphen edi bọ loor phọ ayira ị́gbatanaan rꞌịnyaam mọ ịpe ọdi aḅetenom bọ Kraist sịphe aḍuugh phọ ạrolomi ḍịghaagh elhiom mọ ọdi ẹpe kꞌạke. Ẹpe kụ ẹdi aKraist odi bọ. Ọdi kụ ạda oomo ạraraar dị ẹmoogh ịikpo ẹpe kꞌạke. Ọdi kụ ogbogh dị apu oomo aruwaloor rꞌạruukpaany kịrokiro phọ Ẹnaan. Ọdi ạzola ḍuphuuph dị epu oomo ạraraar phọ ịpe rokol ghan bọ sịen aḅirini phọ ọphon rꞌọpo katu bọ.

Ẹnaan ịsighe ni iyira mọ ạbuo ọno esi aKraist kꞌamem mọ kọ̋lhem bọ aḅirini phọ, pịdi yira ookuan oseleman ghisigh ọdi. Loor esi ẹphomoghian, Ẹnaan egbiighi ni ẹmadan mọ ọno kạtuan Jịzos Kraist kụ ụsighe iyira ạloghoma mọ ạnmuny ọno. Ịphen kụ ịdi ẹḅeeraan nyọdi oḍighi ịlo omitiom ịpe ọdi ạwa bọ.

Ịdipho aKraist azu bọ ịḅaal ẹkia phọ ọdi, pọ mụtagharan iyira aatol ịkaraph phọ ayira. Pọ eeghe ọdo ạḍibugh dị ọghor phọ Ẹnaan ạbugh

Ẹkpe ni dị yira kọseph Ẹnaan rꞌỌde phọ ạJizos Kraist Ọmoogh-we phọ ayira. Ịduon yira mọḅophoghan bọ Kraist, ọdi mụngo iyira oomo aruunmo aruwaloor phọ ịpe edi bọ ẹpe kꞌạke ụsephom iyira.