Versículos bíblicos populares de Ахия 12

Partilhar

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Кесини жанын сюйген аны жоярыкъды; бу дунияда кесини жанын кёрюп болмагъан а, аны ёмюрлюк жашаугъа сакъларыкъды.

Кертисин, кертисин айтама сизге: будай бюртюк, жерге тюшюп, ёлмесе, жангызлай къаллыкъды; ёлсе уа, кёп тирлик берликди.

Манга ийнаннган бир адам да къарангылыкъда къалмаз ючюн, Мен дуниягъа келген жарыкъма.

Мени сёзлерими эшитип ийнанмагъан адамгъа Мен сюд этмейме: нек десегиз Мен дуниягъа сюд этерге тюйюл, алай а дунияны къутхарыргъа келгенме.

Мариям а, нарддан этилген бир гёренке багъалы таза жауну алып, Иссаны аякъларына сюртюп, чачлары бла Аны аякъларын сыйпады; юй жауну ариу ийисинден толду.

Хурма терек бутакъла алып, Аны аллына чыгъып: «Хозана! Раббийни аты бла келген, Израильни Патчахы алгъышлыды!» – деп къычыра эдиле.

Исса уа алагъа жууапха: «Адам Улуну махтаулу болур сагъаты келди.