Versículos bíblicos populares de Mateo 21

Partilhar

Kon motuo kamo, madawat ninyo ang bisan unsa nga inyong pangayoon pinaagi sa pag-ampo.”

Si Jesus mitubag, “Mao kini ang tinuod: kon motuo lang kamo ug dili magduhaduha, makahimo kamo sa akong gibuhat niining kahoyng igera. Ug dili lamang kay kini ra, makahimo usab kamo sa pagsugo niining bungtora sa pag-ambak ngadto sa dagat ug mahimo kini.

Ang mga tawo nga nag-una kang Jesus ingon man ang mga nagsunod kaniya naninggit, “Hosanna—dalaygon ang Kaliwat ni David! Bulahan siya nga mianhi sa ngalan sa Ginoo! Dalaygon ang Dios!”

Siya miingon kanila, “Nasulat sa Kasulatan nga ang Dios miingon, ‘Ang akong balay paganganlag balay-alampoanan,’ apan gihimo ninyo kini nga tagoanan sa mga tulisan!”

“Sultihi ang siyudad sa Sion: Karon moanhi kanimo ang imong hari! Malumo siya ug magkabayo sa asno ug sa nati niini.”

Si Jesus miingon kanila, “Wala ba kamo makabasa sa giingon sa Kasulatan? ‘Ang bato nga gisalikway sa mga magtutukod kay kuno walay kapuslanan, nahimo hinuong bato nga labing mapuslanon. Buhat kini sa Ginoo, ug kahibulongan gayod kini!’”

Ug midugang pagsulti si Jesus, “Busa sultihan ko kamo nga ang mga panalangin sa paghari sa Dios kuhaon gikan kaninyo ug ihatag ngadto sa mga tawo nga makahatag ug maayong mga bunga.”