Versículos bíblicos populares de Mateo 18

Partilhar

Kay kon may duha o tulo nga magkatigom sa akong ngalan, anaa ako uban kanila.”

“Ug sultihan ko pa gayod kamo: kon duha kaninyo dinhi sa yuta magkauyon sa pagpangayo bisag unsang butanga, kini ihatag kaninyo sa akong Amahan nga atua sa langit.

Si Jesus mitawag ug usa ka bata ug gipatindog niya sa atubangan nila. Unya miingon siya, “Mao kini ang tinuod: gawas kon mausab kamo ug mahimong sama sa mga bata, dili gayod kamo makasulod sa Gingharian sa langit.

Ang labing dako ilalom sa pagmando sa Dios mao kadtong magpaubos sa iyang kaugalingon ug magpakasama niining bataa.

Ug ang magdawat sa usa ka bata nga sama niini sa akong ngalan, magadawat kanako.

“Ug busa sultihan ko kamong tanan: ang inyong idili dinhi sa yuta, idili usab didto sa langit ug ang inyong itugot dinhi sa yuta, itugot usab didto sa langit.

Ug gitapos ni Jesus ang sambingay sa pag-ingon, “Ingon usab niana ang buhaton kaninyo sa akong Amahan nga atua sa langit kon dili kamo mopasaylo sa inyong isigkatawo sa kinasingkasing gayod.”

“Bisan kinsa nga mahimong hinungdan nga makasala kining mga gagmayng bata nga nagtuo kanako, mas maayo pa nga hiktan ug dako nga galingang bato ang iyang liog ug itambog siya sa lawod.

“Sa inyong hunahuna, unsa may buhaton sa usa ka tawo kon kawad-an siyag usa sa iyang usa ka gatos ka karnero? Iya gayong biyaan ang 99 nga manibsib didto sa bungtod ug molakaw siya aron pagpangita sa nawala.