Versículos bíblicos populares de Mateo 16

Partilhar

Unya miingon si Jesus sa iyang mga tinun-an, “Kon ang usa ka tawo buot mahimong akong tinun-an kinahanglang dili siya magtuman sa iyang kaugalingon, pas-anon niya ang iyang krus ug mosunod siya kanako.

Busa sultihan ko ikaw: ikaw si Pedro ug ibabaw niining bato tukoron ko ang akong simbahan ug bisan gani ang kamatayon dili gayod makabuntog niini.

Ihatag ko kanimo ang mga yawi sa Gingharian sa langit: ang imong idili dinhi sa yuta, idili usab didto sa langit. Ug ang imong itugot dinhi sa yuta, itugot usab didto sa langit.”

Kay ang gustong magluwas sa iyang kaugalingong kinabuhi mawad-an hinuon niini. Apan ang mawad-an sa iyang kinabuhi tungod kanako makabaton niini.

May makuha ba ang tawo kon maangkon niya ang tibuok kalibotan apan kawad-an siya sa iyang kinabuhi? Wala gayod! Walay bisan unsa nga ikahatag ang tawo aron mabawi niya ang iyang kinabuhi.

Si Jesus nangutana kanila, “Apan kamo, unsa may inyong ikasulti? Kinsa man ako?” Ug mitubag si Simon Pedro, “Ikaw mao ang Mesiyas, ang Anak sa Dios nga buhi.”

Giingnan siya ni Jesus, “Bulahan ka gayod, Simon nga anak ni Jonas. Kay kining maong kamatuoran wala moabot kanimo pinaagi sa bisan unsang tawhanong pamaagi. Ang akong Amahan nga atua sa langit mao ang naghatag niini kanimo.