Versículos bíblicos populares de Matiyò 28

Partilhar

Ghàn yen lê, ha ghɨta lak tu mbyi tu nâ tù jɨ̀m ma ghàn fokti tum à mì yi jùŋ ha ghɨna, shyəma ghɨna bimi ma boŋà jumti mu, ma ghàn fo mòlû ha ghɨna, a Bì yi yet, nì Wan nì Yohnà Yulena. Ghɨna ki bimî, ghàn yiki ghɨna na ghɨna lem gha à jɨ̀m ghe a mu hì mô ma mu ti fôktì ha ghàn na ghàn hi nê. Ghàn hi khə hamok na mu nè hì mô kə yi mô nì ghàn bu hi bè de ghàn nâ shyəma mbyi bê mi.”

Jisòs yen kûmhì ha ghɨna ki jîs na, “Yènfù ti fo jyaka ha mu a nyə̂ fî fo a chyə̂ na mu nê hi saka nâ gha à jɨ̀m.

Ywen ghe bên, anjèl àtɨ̂n ki jîs ha ghɨna na, “Kə ghàn fan. Mu khəlò na ghàn khɨŋa Jisòs we ghɨ che bante a kàkfùtàfù. Wù wijə afân, wù ti lôtì a yi kpû kə yi ghəl te wù tì jìsa. Ghàn ben lê ma ghàn yen luk we ghɨ che niŋhe wun atɨ̂n.

Jisòs ki jîs ha ghɨna na, “Kə ghàn fan. Ghàn yê jis ha wana noma na ghɨna yen a Galìlî ma ghɨna yen mu afû.”

Ngàŋsu chiksu nì chəhsu lak su khɨti yi yûŋtì fati na ghɨ fo ka ha sojàsu tɨnsu wu dô, Ma ghɨ jis ha ghɨna na, “Ghàn hi jîsà kə ha ghɨta na, ‘À ndùku mô ntuksu, jùmtìbàmsu wunsu bên, ghàh bwunê chwoŋ lô nì gun yi wuni.’ Gòbnà ki yu yi gha tɨni, ma ghàh nê khɨli nâbi gha ye ghàh nè fôktè ha wûn hi chìlè wûn na kə ghàn lye a ngə̂k.” Sojà se fyi ka we, ni kə te ghɨna jìsa. Fəm ye ghɨna tì bakte gbî lak mi ye yì jɨ̀m, hi bè tàn lân ghɨt a Jûs chyə khə kə na ghɨ tì chwoŋ lô gun yi Jisòs.