Versículos bíblicos populares de Matiyò 24

Partilhar

Ma gha be bê dô tan wu lum wule, ma ghɨt a dona bê hi fê kôŋà wi ghɨta. Biyani, à wunhi nâbi nde hi bè tàn a gòkhi, ma wù bê bon.

Ghɨta bè fòktèlò tum yì jùŋ yinâ kum fə̂n wù Fùyènù ha mbyi yì jɨ̀m shyəma ghɨta lak tu khɨli hamok, ma hi mô yi bàm yi tɨ̂n ma gokhi mbyi ben.”

Ghàn bè ywolò kum nì woŋtu a tu lùk, ma fê yu na woŋtu letu bènàlò. Ghàn yu yâ, kə ghàn fan beka gha ghɨ̂n kətalò hi gàn, biyani a bu gokhini mbyi.

Lak tu bê hi nô, fə̂ntù nô fə̂n tu letu, kunsu senâ, ma jìŋ kwo lak tu a tu lùk a tu lùk. Gha ghɨ̂n bè gânà à jɨ̀m ni, a baha mò kə yìme ngə̂k yì chìk.

Nyə nì chyə bè chyà mêlò, biyani ma gha ale bê tê kwunâ atɨ̂n à gha afân a mu jìsa ni.

Ghɨta bè bê lò, dô kə ni, a mu yi yet a bê nâbi nde jîsà na, ‘À mò kə nâ mu Klistù wê!’ Ma ghɨ bê jɨŋhi ghɨt a dona.”

“Ghɨta bè kwo falò ghàn ma fo ngə̂k ha ghàn, ma fê ywiti ghàn. Nâ ghɨt à jɨ̀m bè bânàlò ghàn kə kum mu. Ghɨt a dona bè fenalò a ghɨna yi bimî wu tuk mefû ma ghɨna kahà hi bânà wana nè ma bəkli ghɨna, ma fòktìsu fəmsu fwu dô kə ni ma su jɨŋhi ghɨt a dona.

Jisòs jis ha ghɨna na, “Ghàn hi tôknè kə wùt bê jɨŋhi ghàn.

Yi chwûtè na ghàn kəta hi tè mò yu mù jɨ̀m nì fati wùni, beka Wâ Wùt bè kaha bê wu yu afa, ghàn khə wi na wù làhi bèn atɨ̂n.”

Ghàn hi chyə nì fati wùni beka ghàn khə wi tuk we Bâba wânù bè bênà atɨ̂n.

“Nâ wùt wù mòk khə wi tuku nì yu we gha ghɨ̂n bè gânà atɨ̂n. Nâbi anjèlsu Fùyènsu a nyə̂ nì Wan khə wi, a bu kə Bì.

beka Klistù su fəmsu nì fòktìsu fəmsu bè fwo mu tuk afû ma ghɨna chwuti chwènu bəmanu, ma fê mom gha kanana kə hi mômhì hi yen na ghɨna làhi jɨ̀ŋhì nâbi ghɨt ghe Yènfù chwoka lema.

Wâ Wùt bè shihi bèn, ma gha bê hi mô kə te ghɨ ndùku mô a Nuwà mu tuk. À ndùku mô a mu tuk afû shyəma kwuŋa ben, ghɨta yə̂, nyô, gbê a ywên, bime a lɨmà, fo mwəlà ha lɨma, hi kwok a tàn wu tuk afa Nuwà tì lye a bâŋ. Ghɨna ndùku nê ni, khə wi gha ye yi ndùku mô hi gàn, kwuŋa ben ywiti ghɨna kə à jɨ̀m. Gha bè hì mô kə ya wu tuk afa Wâ Wùt bè bênà.