Versículos bíblicos populares de 1 Corintios 6

Partilhar

*¿Á noahñara kixin ti cuerpo kuèntára mé ti ni̱nko kuènté Ncha̱kuén Díos tjóá la ko tíha mé kjuajon Díos kꞌuayéhéra ní? Ti cuerpo chontara la jehya kuèntára, kixin Díos la tjete kꞌue̱naxín chꞌan ti jahara. Méxra̱ chrókjuíkosáyexínra Díos ti cuerpo kuèntára la ko ti a̱sánra kixin yóí tíha la kuènté Díos.

¿Á noahñara kixin ti nkexro ichꞌe ti nkehe jínahña la tsꞌáyèhya ti kjuachaxin tsꞌejó sin ti itjen Díos ní? Chrokui̱to̱éhyara chrókjuitꞌayahara chojni; chrókónohara kixin ti nkexro tjasiko ijie̱ ókjé chojnichjin jehya ichjién, ti nkexro tinkáchónki nkehe tsíkjano̱ña, ti nkexro tja̱che̱he̱ kícho, ti nkexro nkokón ndoa tjasiko ijie̱ kícho, ti nkexro teé, ti nkexro tjinkaon jehó tsochónta itsjé nkehe, ti nkexro tókoan, ti nkexro chꞌéna kjuachꞌia, la ko ti nkexro chꞌiyehe kícho la tjanchia itsjé chichaon, mé kaín chojni xi̱kaha ichꞌe la tsꞌáyèhya ti kjuachaxin tsꞌejó ti itjen Díos.

Méxra̱ chrókui̱to̱héra, í chróchontahyara ijnko chojnichjin ókjé. Kixin ti íso ijie̱ tjasin chojni la jehya ti cuerpo kuènté sin nchekjasóte sin. A̱ndá ti nkexro tjasiko ijie̱ íjnko chojnichjin jehya ichjién mé nchekjasóte ti cuerpo kuènté.

*Jahara ndáchrora: “Siín kjuachaxin sichꞌeni kaín nkehe.” La chaxín tíha, kjánchó kaínhña nkehe jína. Chaxín ndáxrja̱n kixin jína si̱chꞌera kaín nkehe, kjánchó chrókui̱to̱éhyara kixin nkojín nkehe chrókꞌue̱tue̱hen ti jahara.

A̱ndá Díos, chónta kaín kjuachaxin, ti nkexro kjuínchexechón Ìnchéni Jesucristo, mé xi̱kaha sinchexechón chꞌan kaíni kja̱xin.