Versículos bíblicos populares de Matayi 7

Partilhar

“Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

“Umuntu wesi yuyo akwivwa amazyu ghane nukughabombezya imbombo ayanite bulo nu muntu uwamahala, yuyo akazenga inyumba yache pilyalabwe.

“Mubabombelaye abantu abanji vivyo amwe mukulonda ukuti bababombelaye. Ichi cho chicho Indaghilo izya Mozesi nu bumanyisi ubwa balaghuzi vikumanyisya.

Loli umulyango uwa ku bumi mufinye, sona izila iyakubukila kuko mpalapala, po bantu banandi babo bakuyagha.

“Mwinjilaye pamulyango umufinye. Pakuti umulyango uwa kubuzilo ubwa lunanganiko mukulu, sona izila iyakubukila kuko mpepe, po binji babo bakwendamo.

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa ivintu ivyiza babo bakumulaba?”

“Mutakabalongaye abantu abanji, umwakuti u Chala wepe atakabalonge. Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Umuntu wesi yuyo akwivwa amazyu ghane, loli atakughabombezya imbombo ayanite bulo nu muntu umupunganu yula, yuyo akazenga inyumba yache pamusesenga.

Nkimba choni chicho ukwennya akapato mu lyiso ilya umukamu wako, ukusita ukwinong'ona ichizinka chicho chili mu lyiso lyako? Nkimba ungamubuzya bulibuli umukamu wako ukuti, ‘Zagha nefye akapato mu lyiso lyako,’ bo nawe bulo mu lyiso lyako muli ichizinka?

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi! Mukwiza pakubamanyila mumbombo zyabo. Ikwi ilya mivwa litakwela abamulebe, pamo ikwi ilya ntolovu litakwela ivikomwa ivya makuyu.

Ikwi ilyiza likwela ivikomwa ivyiza, loli ikwi ibibi likwela ivikomwa ivibibi.

Ikwi ilyiza litangela ivikomwa ivibibi, sona ikwi ibibi litangela ivikomwa ivyiza.

Ikwi lyosi lilyo litakwela ivikomwa ivyiza likudumuliwa nukusumbiwa pamoto.