Versículos bíblicos populares de مَتَّى 28

Partilhar

مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ».

يَاخِي قْرُبِّلْهُمْ يَسُوعْ وقَالْ: «تَعْطَاتْلِي كُلْ سُلْطَة فِي السْمَاء والأَرْضْ.

آمَا المَلَاكْ قَالْ لِلزُّوزْ نْسَاء: «مَا تْخَافُوشْ. آنَا نَعْرِفْ الِّي إِنْتُومَا تْلَوْجُوا عْلَى يَسُوعْ الِّي تِصْلَبْ. هُوَّ مَاهُوشْ هْنَا، عْلَى خَاطْرُو قَامْ كِيمَا قَالْ. إِيجَاوْ شُوفُوا البْلَاصَة الِّي كَانْ مَحْطُوطْ فِيهَا.

قَالِلْهُمْ يَسُوعْ: «مَا تْخَافُوشْ! إِمْشِيوْ لِخْوَاتِي وقُولُولْهُمْ يِمْشِيوْ لِلْجَلِيلْ، وغَادِي يْشُوفُونِي».

يَاخِي تْلَمُّوا كْبَارْ الكَهَنَة والشْيُوخْ وتْشَاوْرُوا، وبَعْدْهَا رْشَاوْ الحَرَسْ إِبَّرْشَة فْلُوسْ، وقَالُولْهُمْ: «قُولُوا لِلنَّاسْ الِّي تْلَامِذْتُو جَاوْ فِي اللِّيلْ وسِرْقُوهْ وَقْتِلِّي أَحْنَا رَاقْدِينْ. وكِي يِسْمَعْ الوَالِي بِالخْبَرْ، أَحْنَا نْدَافْعُوا عْلِيكُمْ قُدَّامُو ومَا يْصِيرِلْكُمْ شَيْ». يَاخِي الحَرَسْ خْذَاوْ الفْلُوسْ وعَمْلُوا كِيمَا قَالُولْهُمْ. والإِشَاعَة هَاذِي قَعْدِتْ اتْدُورْ بِينْ اليْهُودْ حَتَّى لِلْيُومْ.