Versículos bíblicos populares de Māreko 13

Partilhar

E mākitakita'ia mai kōtou e te tangata rava rāi nō tōku nei ingoa. Ko tei tāpū tikāi e tae 'ua atu ki te 'openga ra, ka ora ia.”

E matakite! E ara! Kāre 'oki kōtou i kite i taua tuātau ra.

Ē kia arataki rātou i a kōtou ē tuku atu ki te aronga 'akavā, auraka e nā mua i te apiapi 'e a'a tā kōtou ka tuatua atu, e tuatua atu rā i te tuatua tei 'akakite'ia mai ki a kōtou i reira ra, nō te mea 'oki ē, kāre 'oki ē ko kōtou tei tuatua, ko te Vaerua Tapu rā.

Ka kore 'oki te rangi ē te 'enua, kāre tākiri rā tāku nei tuatua e kore.”

“Kāreka rā tō runga i te reira rā ē te ora, kāre rava tēta'i e kite, kāre te au 'āngela i te rangi, ē kāre katoa 'oki te Tamaiti, māri ko te Metua 'ua rā.

Ē kia 'akarongo kōtou i te au aoaoa tamaki ē te au rongo tamaki, 'eia'a e taitaiā; e nā mua 'oki taua au mea i te tupu e tikāi, kāre rā te 'openga i vaitata mai ake.

E tēnā na, e ara kōtou, kāre 'oki kōtou i kite i te ora e tae mai ei te 'Atu o te 'are ra: i te a'ia'i ra āina, te tūruā'ipō āina, i te kākaoa'anga moa, mē kāre, i te pōpongi āina? Mē 'aere vave mai aia, auraka kōtou kia kitea i te moe'anga e ia. Ē tāku e karanga atu ki a kōtou nei, tē karanga atu nei au ki te tangata rava rāi, e ara!”

E tū mai 'oki tēta'i 'iti tangata e tamaki mai ki tēta'i 'iti tangata, ē tēta'i bāsileia e tamaki mai ki tēta'i bāsileia. Ē ka tupu mai te ngāruerue 'enua i tērā ngā'i i tērā ngā'i, ē ka tupu mai te onge ma'ata. 'E mōmua anake ēia mea nei nō te au mate.

E nā mua rā te 'ēvangelia nei i te tūtū 'aere'ia ki te au 'iti tangata rava rāi e tikāi.

'E mānganui te ka 'aere mai ma tōku nei ingoa ē te nā kō'anga mai ē, ‘Ko au ia,’ ē 'e mānganui 'oki te ka vare i a rātou.

“Kia matakite rā i a kōtou 'ua'orāi. E tuku 'oki rātou i a kōtou ki mua i te aroaro o te Sūnēderi, ē ka pāpā'ia 'oki i roto i te au sūnago ra. Ē nōku nei 'oki e arataki'ia atu ei kōtou ki mua i te aroaro o te au tūtara ē te 'ui ariki 'ei kite nō rātou.

'E au Mesia pikika'a ē te au peroveta pikika'a 'oki te ka tū mai ki runga, ē ka 'ōronga mai i te au 'akairo ē te au rāvenga ūmeremere, kia vare katoa te aronga 'iki'ia ra, nāringa e rauka.

“Ē i aua rā ra i muri ake i taua tākinga kino'anga ra, ka 'akapōiri'ia te rā, kāre te marama e tūrama mai i tōna mārama, ka pururū mai 'oki te au 'ētū o te rangi, ē ka rūrū'ia mai te au mea mana o te rangi ra.