Versículos bíblicos populares de Mātaio 23

Partilhar

Tei ma'ata rā i rotopū i a kōtou nei, kia riro ia 'ei tāvini nō kōtou.

Ko tei 'akateitei i aia 'ua'orāi ka tā'aka'aka'ia ia, ē tei tā'aka'aka i aia 'ua'orāi ka 'akateitei'ia ia.”

“Auē kōtou, e te au Pū'āpi'i Ture ē te au Phārīsea tāpikipiki ē! Tē 'ōronga nei kōtou i te tu'anga nga'uru o te minete ē te 'āneto ē te kūmino, ē tē 'akaruke nei kōtou i te au mea pu'apinga mama'ata o te Ture, koia te 'akatere'anga tau tikāi, te aro'a ē te 'ākono mou tikāi. Ko tēia 'oki tā kōtou kia 'ākono, ē auraka katoa e 'akaruke i tērā.

“Auē kōtou, e te au Pū'āpi'i Ture ē te au Phārīsea tāpikipiki ē! Tē tāmā nei kōtou i a va'o i te kapu ē te mereki, kāreka ā roto tē kī nei i te noinoi 'apinga ē te kakī nui.

“E Iērūsalēma, e Iērūsalēma ē, tei tā i te au peroveta ē tei pē'i 'oki ki te toka i te aronga i tonokia atu ki a koe na! 'E mānganui tōku anoano'anga i te 'akaputuputu mai i tō tamariki mei te moa e 'akako'uko'u i tāna 'anaunga ki raro ake i tōna pē'au, kāre rā kōtou i 'inangaro i te reira!

Pērā katoa kōtou, te 'ākara'anga ki va'o, mei te aronga tuatua tika, inārā, ko ā roto rā, tē kī nei ia i te tū tāpikipiki ē te kino.”