Versículos bíblicos populares de Mātaio 19

Partilhar

Kua 'ākara atura a Iēsū ki a rātou ē kua nā kō atura, “Kāre ia 'e rauka i te tangata nei. 'E rauka rā te au mea kātoatoa i te Atua.”

Ē pērā kōtou rāi, kāre rāua 'e tokorua 'aka'ou, 'e kōpapa 'okota'i rā. Ē tā te Atua i kāpipiti ra, auraka te tangata e 'akatakakē atu.”

Kua pa'u atura a Iēsū, “Kāre āina kōtou i tatau ē, ko tei 'anga i a rāua i muatangāna ‘i 'anga i a rāua i te tāne ē te va'ine?’ Ē kua tuatua akera aia, ‘Nō reira e 'akaruke ei te tangata i te metua tāne ē te metua va'ine, ē ka tōpiri atu ei ki tāna va'ine, ē ka riro 'oki rāua 'ei kōpapa 'okota'i.’

Inārā, kua karanga atura a Iēsū, “Ka tuku mai ana i te tamariki meariki, ē auraka e ārai i a rātou i te 'aere mai ki āku nei, nō te mea, nō te tangata 'oki mei a rātou nei te bāsileia o te ao ra.”

Ka riro rā i tō mua 'e mānganui 'ei 'openga, ē te 'openga ra 'ei nō mua ia.”

Ē tēta'i 'ua atu tangata tei 'akaruke i te ngutu'are, te au taeake, te au tua'ine, te metua tāne, te metua va'ine, te tamariki, mē kāre te au kāinga nō tōku nei ingoa, e 'ānere 'ua atu tāna ka rauka, ē e rauka 'oki i aia te ora mutukore.

Kua pa'u atura a Iēsū ki aia, “Kia 'inangaro koe ē kia meitaki rava, ka 'aere, ka 'oko i tō'ou au 'apinga, ka 'apai atu ei nā te puta'ua, ē 'e 'apinga tā'au i reira i te rangi. Ka 'aere mai ei, ka āru mai i āku.”

Kua pa'u atura a Iēsū ki aia, “'E a'a koe e ui mai ei ki āku nō runga i te meitaki? Ko te Atua anake 'ua te meitaki! Kia 'inangaro koe i te tomo ki roto i te ora, e 'ākono i te au 'akaue'anga.”

Tē 'akakite 'aka'ou atu nei au ki a kōtou, e 'akaō ngō'ie ake te kāmela nā roto i te putā nira i tēta'i tangata 'apinga nui kia 'akaō ki roto i te bāsileia o te Atua.”

Ē tē 'akakite atu nei au ki a kōtou, ko tei kōpae atu i tāna va'ine, māri 'ua nō te 'akaturi, ka 'akaipoipo ei i tēta'i, kua 'akaturi ia.”

Kua 'akakite atura a Iēsū ki tāna au pipi, “Koia mou tāku e karanga atu ki a kōtou na, e 'akaō ngatā te tangata 'apinga nui ki roto i te bāsileia o te ao ra.