Versículos bíblicos populares de Mātaio 16

Partilhar

Ē kua karanga i reira a Iēsū ki tāna au pipi, “Kia 'inangaro te tangata i te 'aere nā muri i āku ra, e 'akaruke aia i aia 'ua'orāi, e 'apai i tāna sātauro, ka āru mai ei i āku.

Tē karanga katoa atu nei au ki a koe na, ko Pētero koe, ē ki runga i tēia tokapapa nei e patu ei au i tāku 'ēkālēsia, ē kāre rava ia e rauka i te ngūtupa o Āte.

E 'ōronga atu au i te au tāviri o te bāsileia o te ao ki a koe, ē tā'au e 'akamou i te 'enua nei, e 'akamou katoa'ia i te ao ra, ē tā'au e tatara i te 'enua nei, e tatara katoa'ia ia i te ao ra.”

Nō te mea, ko tei 'inangaro i te tāpū i tōna ora, kua ngere ia i te ora; ē ko tei tika i aia i te 'akangere i tōna ora nōku nei, e rauka i aia te ora.

'E a'a 'oki tā te tangata nei pu'apinga kia rauka i aia tō tēianei ao kātoatoa, e riro atura tōna vaerua? Mē kāre rā, 'e a'a tā te tangata nei kia 'ōronga atu 'ei 'oko i tōna vaerua?

Kua ui atura aia ki a rātou, “Ko 'ai rā au nei i tā kōtou tikāi tuatua'anga?” Kua pa'u maira a Simona Pētero, nā kō maira, “Ko te Mesia koe, ko te Tamaiti a te Atua ora.”

Kua karanga atura a Iēsū ki aia, “'E ao tō'ou, e Simona Bara Iōna, nō te mea, kāre nā tēta'i tangata i 'akakite mai i te reira ki a koe, nā tōku Metua i te ao ra.