Waestok 16
16
1So, hemi fitim fo God hemi panisim olketa pipol ya an letem olketa animol ya kavaremap olketa an kaikaim olketa. 2Bat#Eksodas 16:11-13; Nambas 11:31-32. yu O Lod, yu no panisim olketa pipol blong yu long disfala wei. Nomoa. Yu som wea yu kaen tumas long olketa. Yu givim plande bed fo olketa kaikaim mekem olketa fulap gud fo fitim hanggre blong olketa. 3Yu duim olsem, mekem olketa pipol long Ijip save lukim, an taem olketa hanggre bae olketa no save kaikai, bikos yu sendem olketa nogud animol ya long olketa. Olketa pipol blong yu i safa long hanggre fo lelebet taem nomoa, bat bihaen olketa kaikaim olketa nambawan kaikai. 4Hemi fitim fo olketa enemi blong yu i safa long evrisamting wea olketa nidim, taem olketa pipol blong yu gohed fo lukim taem olketa ya i safa nogud.
5Taem#Nambas 21:6-9. olketa poesen snek i baetem olketa pipol blong yu, an kilim dae plande long olketa, yu no kros nomoa long olketa fo longtaem fo spoelem pipol blong yu. 6Disfala samting hemi hapen fo lelebet taem nomoa fo wonem olketa. Bihaen yu putumap wanfala snek long bras fo olsem saen fo sevem olketa, an fo talem olketa moa long wanem Lo blong yu hemi talem olketa fo duim. 7Sapos eniwan hemi luk go long saen ya, hemi gudbaek moa long wea snek hemi baetem hem. I no long wanem hemi lukim, bat yu, Sevia blong evri pipol long wol nao, yu sevem hem. 8Bikos yu duim olsem, yu mekem olketa enemi blong mifala i lukim wea yu nao yu sevem pipol long evri nogud samting. 9Olketa enemi blong mifala i dae, taem olketa grashopa an flae nomoa i baetem olketa. No eni wei nao fo olketa gudbaek moa, bikos hemi fitim nao fo olketa animol i kilim olketa dae. 10Nomata olketa poesen snek i baetem olketa pipol blong yu hemi no save kilim olketa dae, bikos yu sore long olketa an helpem olketa an mekem olketa gudbaek moa. 11Snek hemi baetem olketa mekem olketa save tingim olketa strongfala toktok blong yu. Bat yu kuiktaem fo sevem olketa, mekem olketa no save fogetem yu an tingimbaek wei wea yu kaen long olketa. 12No eni oel o meresin hemi mekem olketa fo gudbaek moa. O Lod, toktok blong yu wea hemi sevem evriwan long wol nao hemi sevem olketa. 13Yu nao yu garem paoa ovarem laef an dae. An yu nomoa save tekem man fo go kolsap long dae an mekem hem laefbaek moa. 14Nogud man save kilim dae wanfala man, bat hemi nating save mekem man hu hemi dae finis fo laefbaek moa, o sevem laef blong eniwan hu hemi stap finis long ples blong olketa man dae.
Strongfala win an faea hemi kasem Ijip
15Ya, no eniwan save ranawe long yu Lod. 16Lukim olketa nogud pipol. Olketa les fo luksave long yu olsem God blong olketa. So, yu panisim olketa long bikfala paoa blong yu. Yu mekem bikfala ren an ston long aes fo foldaon long olketa, an bikfala faea hemi barava spoelem olketa. 17Wanfala bikfala samting fo sapraes tumas long hem nao, faea ya hemi bone strong tumas long wata, nomata wata nao fo kilim dae faea. Evri paoa wea God hemi mekem nao i waka tugeta fo sevem laef blong olketa hu i stret. 18Long wanfala taem disfala faea ya hemi godaon, mekem hem no spoelem olketa animol wea God hemi sendem kam fo panisim olketa nogud pipol. Hemi hapen olsem mekem olketa pipol ya i luksave wea yu nao yu jajem olketa. 19Bat long narafala taem, faea hemi barava bone strong tumas winim eni narafala taem, an spoelem evri kaikai long gaden blong olketa nogud pipol, nomata wata hemi fulap raonem.
God hemi givim Mana long Israel fo kaikaim
20Disfala#Eksodas 16:1-36. nogud samting hemi no kasem olketa pipol blong yu. Nomoa. Yu givim kaikai blong enjel fo olketa. Yu givim kamdaon disfala bred long heven fo olketa kaikaim wea olketa no nidim fo kukim. Evriwan i laekem tumas disfala kaikai. 21Evrisamting ya hemi somaot hao yu lavem tumas an lukaftarem olketa pikinini blong yu. Ya, evriwan i laekem tumas disfala kaikai. 22-23Disfala kaen kaikai hemi save lus nomoa olsem diu long moning, bat distaem, nomata faea hemi bonem hemi no save lus. Diswan nao fo tisim olketa pipol blong yu dat disfala faea hemi holembaek paoa blong hem, mekem olketa stret pipol blong yu save garem kaikai. Bat bifoa, disfala faea ya wetem bikfala ren an ston long aes olketa foldaon long olketa enemi blong yu an spoelem kaikai blong olketa.
24Yu nao yu mekem evrisamting, long paoa blong yu. An evrisamting wea yu mekem save yusim paoa blong olketa fo panisim olketa nogud pipol, bat olketa holembaek paoa ya fo lukaftarem olketa hu i trastem yu. 25So, evrisamting wea yu mekem i sens long evri kaen wei, fo somaot hao yu save givim olketa samting long evriwan hu i askem yu fo helpem olketa. 26O Lod, diswan hemi hapen mekem olketa pipol wea yu lavem, olketa save dat olketa kaikaim kaikai wea olketa seleva no plantem. Toktok blong yu nao hemi strongim olketa hu i trastem yu. 27Disfala kaikai ya wea faea i no bonem finis, olketa save lus taem san hemi kamap long moning an hotem olketa. 28Diswan hemi tisim mifala dat mifala mas wekap kuiktaem long moning fo tengkiu long yu, an fo prea taem san hemi gohed fo kamap. 29Bat trast blong nogud man hemi lus nating nomoa olsem aes taem san hemi hotem, an olsem wata wea hemi ranaot nating nomoa.
Fraet hemi kasem olketa pipol blong Ijip
Currently Selected:
Waestok 16: SIDC
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 16
16
1So, hemi fitim fo God hemi panisim olketa pipol ya an letem olketa animol ya kavaremap olketa an kaikaim olketa. 2Bat#Eksodas 16:11-13; Nambas 11:31-32. yu O Lod, yu no panisim olketa pipol blong yu long disfala wei. Nomoa. Yu som wea yu kaen tumas long olketa. Yu givim plande bed fo olketa kaikaim mekem olketa fulap gud fo fitim hanggre blong olketa. 3Yu duim olsem, mekem olketa pipol long Ijip save lukim, an taem olketa hanggre bae olketa no save kaikai, bikos yu sendem olketa nogud animol ya long olketa. Olketa pipol blong yu i safa long hanggre fo lelebet taem nomoa, bat bihaen olketa kaikaim olketa nambawan kaikai. 4Hemi fitim fo olketa enemi blong yu i safa long evrisamting wea olketa nidim, taem olketa pipol blong yu gohed fo lukim taem olketa ya i safa nogud.
5Taem#Nambas 21:6-9. olketa poesen snek i baetem olketa pipol blong yu, an kilim dae plande long olketa, yu no kros nomoa long olketa fo longtaem fo spoelem pipol blong yu. 6Disfala samting hemi hapen fo lelebet taem nomoa fo wonem olketa. Bihaen yu putumap wanfala snek long bras fo olsem saen fo sevem olketa, an fo talem olketa moa long wanem Lo blong yu hemi talem olketa fo duim. 7Sapos eniwan hemi luk go long saen ya, hemi gudbaek moa long wea snek hemi baetem hem. I no long wanem hemi lukim, bat yu, Sevia blong evri pipol long wol nao, yu sevem hem. 8Bikos yu duim olsem, yu mekem olketa enemi blong mifala i lukim wea yu nao yu sevem pipol long evri nogud samting. 9Olketa enemi blong mifala i dae, taem olketa grashopa an flae nomoa i baetem olketa. No eni wei nao fo olketa gudbaek moa, bikos hemi fitim nao fo olketa animol i kilim olketa dae. 10Nomata olketa poesen snek i baetem olketa pipol blong yu hemi no save kilim olketa dae, bikos yu sore long olketa an helpem olketa an mekem olketa gudbaek moa. 11Snek hemi baetem olketa mekem olketa save tingim olketa strongfala toktok blong yu. Bat yu kuiktaem fo sevem olketa, mekem olketa no save fogetem yu an tingimbaek wei wea yu kaen long olketa. 12No eni oel o meresin hemi mekem olketa fo gudbaek moa. O Lod, toktok blong yu wea hemi sevem evriwan long wol nao hemi sevem olketa. 13Yu nao yu garem paoa ovarem laef an dae. An yu nomoa save tekem man fo go kolsap long dae an mekem hem laefbaek moa. 14Nogud man save kilim dae wanfala man, bat hemi nating save mekem man hu hemi dae finis fo laefbaek moa, o sevem laef blong eniwan hu hemi stap finis long ples blong olketa man dae.
Strongfala win an faea hemi kasem Ijip
15Ya, no eniwan save ranawe long yu Lod. 16Lukim olketa nogud pipol. Olketa les fo luksave long yu olsem God blong olketa. So, yu panisim olketa long bikfala paoa blong yu. Yu mekem bikfala ren an ston long aes fo foldaon long olketa, an bikfala faea hemi barava spoelem olketa. 17Wanfala bikfala samting fo sapraes tumas long hem nao, faea ya hemi bone strong tumas long wata, nomata wata nao fo kilim dae faea. Evri paoa wea God hemi mekem nao i waka tugeta fo sevem laef blong olketa hu i stret. 18Long wanfala taem disfala faea ya hemi godaon, mekem hem no spoelem olketa animol wea God hemi sendem kam fo panisim olketa nogud pipol. Hemi hapen olsem mekem olketa pipol ya i luksave wea yu nao yu jajem olketa. 19Bat long narafala taem, faea hemi barava bone strong tumas winim eni narafala taem, an spoelem evri kaikai long gaden blong olketa nogud pipol, nomata wata hemi fulap raonem.
God hemi givim Mana long Israel fo kaikaim
20Disfala#Eksodas 16:1-36. nogud samting hemi no kasem olketa pipol blong yu. Nomoa. Yu givim kaikai blong enjel fo olketa. Yu givim kamdaon disfala bred long heven fo olketa kaikaim wea olketa no nidim fo kukim. Evriwan i laekem tumas disfala kaikai. 21Evrisamting ya hemi somaot hao yu lavem tumas an lukaftarem olketa pikinini blong yu. Ya, evriwan i laekem tumas disfala kaikai. 22-23Disfala kaen kaikai hemi save lus nomoa olsem diu long moning, bat distaem, nomata faea hemi bonem hemi no save lus. Diswan nao fo tisim olketa pipol blong yu dat disfala faea hemi holembaek paoa blong hem, mekem olketa stret pipol blong yu save garem kaikai. Bat bifoa, disfala faea ya wetem bikfala ren an ston long aes olketa foldaon long olketa enemi blong yu an spoelem kaikai blong olketa.
24Yu nao yu mekem evrisamting, long paoa blong yu. An evrisamting wea yu mekem save yusim paoa blong olketa fo panisim olketa nogud pipol, bat olketa holembaek paoa ya fo lukaftarem olketa hu i trastem yu. 25So, evrisamting wea yu mekem i sens long evri kaen wei, fo somaot hao yu save givim olketa samting long evriwan hu i askem yu fo helpem olketa. 26O Lod, diswan hemi hapen mekem olketa pipol wea yu lavem, olketa save dat olketa kaikaim kaikai wea olketa seleva no plantem. Toktok blong yu nao hemi strongim olketa hu i trastem yu. 27Disfala kaikai ya wea faea i no bonem finis, olketa save lus taem san hemi kamap long moning an hotem olketa. 28Diswan hemi tisim mifala dat mifala mas wekap kuiktaem long moning fo tengkiu long yu, an fo prea taem san hemi gohed fo kamap. 29Bat trast blong nogud man hemi lus nating nomoa olsem aes taem san hemi hotem, an olsem wata wea hemi ranaot nating nomoa.
Fraet hemi kasem olketa pipol blong Ijip
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.