Sirak 3
3
1Olketa pikinini, lisin kam long mi.
Mi nao dadi blong yufala.
Duim wanem mi talem long yufala
an bae yufala laef.
2Bikos Lod nao hemi givim
paoa long dadi
fo lidim olketa pikinini,
an tok strong long olketa pikinini
fo obeim mami blong olketa.
3Sapos yufala obeim dadi
blong yufala,
bae mi fogivim evri sin blong yufala.
4Sapos yufala tinghevi
long mami blong yufala,
yufala bae garem plande gudfala samting.
5Sapos yufala tinghevi
long dadi blong yufala,
olketa pikinini blong yufala bae i mekem yufala hapi,
an Lod bae hemi herem prea blong yufala.
6Sapos yufala obeim Lod
long weiwea yufala mekhae long dadi blong yufala,
an yufala mekem hapi mami blong yufala,
bae yufala laef longtaem.
7Yufala mas obeim mami
an dadi blong yufala,
olsem yufala nao slev blong tufala.
8Tinghevi#Eksodas 20:12. long dadi blong
yufala
long evrisamting yufala duim an talem,
mekem hem blesim yufala.
9Taem mami an dadi i givim
blesing blong tufala,
hemi strongim olketa famili blong yufala olketa pikinini.
Bat taem tufala mekem trabol fo kasem olketa pikinini,
hemi barava spoelem nao famili blong yufala olketa pikinini ya.
10Yu no haemapem yu seleva
fo daonem dadi blong yu,
pipol bae no tinghae long yu long diswan.
11Long wei wea yu tinghae
long dadi blong yu,
hem nao bae pipol i tinghae long yu.
Sapos olketa pikinini no save tinghae long mami blong olketa,
diswan hemi meksem long olketa seleva.
12Pikinini blong mi,
yu mas lukaftarem gud dadi blong yu
taem hemi olo,
an no mekem hem wari an sore
taem hemi laef.
13Yu mas lavem hem
nomata tingting blong hem hemi no save stret gudfala.
An no lukdaon long hem
bikos yu strong an yu laef gudfala.
14Bae Lod hemi no fogetem
olketa wei
wea yu kaen long dadi blong yu.
An bikos yu duim olsem,
bae God hemi fogivim olketa sin blong yu.
15Taem trabol hemi kasem yu,
bae Lod hemi rimembarem wei
wea yu kaen
long dadi blong yu.
An bae olketa sin blong yu olketa lus nating
olsem aes hemi lus taem san hemi hotem.
16Olketa hu i lusim
mami an dadi blong olketa
o mekem olketa fo kros,
hemi olsem taem olketa suea long Lod.
Lod hemi redim finis trabol fo kasem olketa.
Fo putum yumi seleva daon
17Pikinini blong mi,
yu mas putum yu seleva daon
long evrisamting yu duim,
an pipol bae i barava hapi long hem
winim evri gudfala samting wea yu save givim.
18-19Taem#Filipae 2:3. yu kamap bikman moa,
yu mas daonem yu seleva moa.
Sapos yu duim olsem,
bae Lod hemi hapi long yu.
20Paoa blong Lod nao
hemi bikfala tumas,
bat olketa hu i daonem olketa seleva nao
olketa mekhae long hem.
21No trae fo save
long olketa samting
wea hemi had tumas fo yu,
o trae fo faendemaot olketa samting
wea hemi winim paoa blong yu fo save.
22Yu#Diutronomi 29:29. mas tingting strong
nomoa fo falom Lo.
Yu no traem fo save wanem Lod hemi no somaot.
23So, no tingting strong
long olketa samting olsem,
bikos olketa samting ya
hemi winim nao paoa
blong man fo save.
24-25Plande pipol i go rong
long falom tingting blong olketa seleva,
krangge tingting blong olketa nao
hemi mekem olketa fo siusim krangge wei.
26Olketa hu i no herem
gud advaes,
bae trabol hemi kasem olketa.
Olketa hu i laekem trabol,
bae i dae long trabol.
27Man hemi les
long gud advaes,
bae trabol hemi kasem hem.
Hemi olsem wea man nogud hemi hipimap plande moa sin
antap long olketa sin blong hem.
28No eni meresin hemi fitim
fo kiurim trabol blong olketa praod pipol,
ravis tingting hemi spoelem olketa finis nao.
29Olketa hu i garem gudfala
tingting
bae save falom olketa waes toktok an olketa tokpiksa.
Olketa herehere gudfala
bikos olketa wandem fo save gudfala.
Fo givim samting long olketa pua
30Fo givim samting
long olketa pua,
hemi save aotem sin.
Hemi olsem wata save kilim dae bikfala faea.
31Eniwan hu hemi kaen
long olketa narafala pipol,
hemi somaot wea hemi tingim taem bae hemi kam,
taem trabol hemi kasem hem,
bae olketa narafala pipol save helpem hem.
Currently Selected:
Sirak 3: SIDC
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 3
3
1Olketa pikinini, lisin kam long mi.
Mi nao dadi blong yufala.
Duim wanem mi talem long yufala
an bae yufala laef.
2Bikos Lod nao hemi givim
paoa long dadi
fo lidim olketa pikinini,
an tok strong long olketa pikinini
fo obeim mami blong olketa.
3Sapos yufala obeim dadi
blong yufala,
bae mi fogivim evri sin blong yufala.
4Sapos yufala tinghevi
long mami blong yufala,
yufala bae garem plande gudfala samting.
5Sapos yufala tinghevi
long dadi blong yufala,
olketa pikinini blong yufala bae i mekem yufala hapi,
an Lod bae hemi herem prea blong yufala.
6Sapos yufala obeim Lod
long weiwea yufala mekhae long dadi blong yufala,
an yufala mekem hapi mami blong yufala,
bae yufala laef longtaem.
7Yufala mas obeim mami
an dadi blong yufala,
olsem yufala nao slev blong tufala.
8Tinghevi#Eksodas 20:12. long dadi blong
yufala
long evrisamting yufala duim an talem,
mekem hem blesim yufala.
9Taem mami an dadi i givim
blesing blong tufala,
hemi strongim olketa famili blong yufala olketa pikinini.
Bat taem tufala mekem trabol fo kasem olketa pikinini,
hemi barava spoelem nao famili blong yufala olketa pikinini ya.
10Yu no haemapem yu seleva
fo daonem dadi blong yu,
pipol bae no tinghae long yu long diswan.
11Long wei wea yu tinghae
long dadi blong yu,
hem nao bae pipol i tinghae long yu.
Sapos olketa pikinini no save tinghae long mami blong olketa,
diswan hemi meksem long olketa seleva.
12Pikinini blong mi,
yu mas lukaftarem gud dadi blong yu
taem hemi olo,
an no mekem hem wari an sore
taem hemi laef.
13Yu mas lavem hem
nomata tingting blong hem hemi no save stret gudfala.
An no lukdaon long hem
bikos yu strong an yu laef gudfala.
14Bae Lod hemi no fogetem
olketa wei
wea yu kaen long dadi blong yu.
An bikos yu duim olsem,
bae God hemi fogivim olketa sin blong yu.
15Taem trabol hemi kasem yu,
bae Lod hemi rimembarem wei
wea yu kaen
long dadi blong yu.
An bae olketa sin blong yu olketa lus nating
olsem aes hemi lus taem san hemi hotem.
16Olketa hu i lusim
mami an dadi blong olketa
o mekem olketa fo kros,
hemi olsem taem olketa suea long Lod.
Lod hemi redim finis trabol fo kasem olketa.
Fo putum yumi seleva daon
17Pikinini blong mi,
yu mas putum yu seleva daon
long evrisamting yu duim,
an pipol bae i barava hapi long hem
winim evri gudfala samting wea yu save givim.
18-19Taem#Filipae 2:3. yu kamap bikman moa,
yu mas daonem yu seleva moa.
Sapos yu duim olsem,
bae Lod hemi hapi long yu.
20Paoa blong Lod nao
hemi bikfala tumas,
bat olketa hu i daonem olketa seleva nao
olketa mekhae long hem.
21No trae fo save
long olketa samting
wea hemi had tumas fo yu,
o trae fo faendemaot olketa samting
wea hemi winim paoa blong yu fo save.
22Yu#Diutronomi 29:29. mas tingting strong
nomoa fo falom Lo.
Yu no traem fo save wanem Lod hemi no somaot.
23So, no tingting strong
long olketa samting olsem,
bikos olketa samting ya
hemi winim nao paoa
blong man fo save.
24-25Plande pipol i go rong
long falom tingting blong olketa seleva,
krangge tingting blong olketa nao
hemi mekem olketa fo siusim krangge wei.
26Olketa hu i no herem
gud advaes,
bae trabol hemi kasem olketa.
Olketa hu i laekem trabol,
bae i dae long trabol.
27Man hemi les
long gud advaes,
bae trabol hemi kasem hem.
Hemi olsem wea man nogud hemi hipimap plande moa sin
antap long olketa sin blong hem.
28No eni meresin hemi fitim
fo kiurim trabol blong olketa praod pipol,
ravis tingting hemi spoelem olketa finis nao.
29Olketa hu i garem gudfala
tingting
bae save falom olketa waes toktok an olketa tokpiksa.
Olketa herehere gudfala
bikos olketa wandem fo save gudfala.
Fo givim samting long olketa pua
30Fo givim samting
long olketa pua,
hemi save aotem sin.
Hemi olsem wata save kilim dae bikfala faea.
31Eniwan hu hemi kaen
long olketa narafala pipol,
hemi somaot wea hemi tingim taem bae hemi kam,
taem trabol hemi kasem hem,
bae olketa narafala pipol save helpem hem.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.