Sirak 27
27
1Plande pipol i faendem seleni long wei blong sin, so, sapos yu wande kamap ris, yu mas taengem kaleko fo satem ae blong yu. 2Hemi had tumas fo pulumaot stik wea olketa hamarem daon midol long tufala bik ston. Ya, hemi had tu fo aotem wei blong raverave long man hu hemi peim an salem olketa samting. 3Sapos yu no tinghae long Lod an duim olketa raverave waka ya, bae hemi spoelem famili blong yu.
Tru filing blong man
4Toktok blong yu save somaot rong blong yu, olsem ravis hemi pas long net taem yu kapsaetem kokonat milk long hem. 5Tru wei blong yu hemi kamaot klia long toktok wea yu talem, hemi olsem tu yu save lukim gud o nogud blong pot wea olketa wakem long graon, taem olketa bonem long faea. 6Frut#Matiu 7:17; 12:33; Luk 6:44. blong tri hemi somaot wei wea olketa lukaftarem tri ya, an toktok blong yumi hemi somaot tu wei wea yumi lukaftarem tingting blong yumi. 7So, no tokapem pipol kuiktaem, yu weit fastaem go-go yu herem wanem olketa talem. Hem nao barava wei fo testem man.
Stretfala wei
8Sapos yu traehad fo falom stretfala wei, bae yu kasem, an bae wei blong yu hemi kamap gud moa olsem naesfala kaleko yu werem hemi mekem yu luknaes moa. 9Olketa bed save stap tugeta wetem semkaen bed olsem olketa seleva. An stretfala wei save kam long olketa hu i traehad fo stretem wei blong olketa. 10Sin hemi weitem tu olketa hu i laekem sin, olsem laeon hemi weitem narafala animol fo hemi kilim dae.
Krangge toktok
11Taem olketa gud pipol i tok, wanem olketa talem hemi here stret. Bat olketa krangge pipol i spoelem olketa seleva nomoa. 12Taem yu stap wetem olketa krangge pipol, yu mas faendem wei fo goaot long olketa. Bat taem yu stap wetem olketa waes pipol, gohed fo stap wetem olketa fo longfala taem.
13Olketa stori wea krangge pipol i talem olketa save spoelem pipol. An olketa save mekfan nomoa long olketa ravis wei blong sin. 14Taem olketa pipol olsem i suea, hemi save mekem evri hea long bodi blong yu fo stanap. ?An taem olketa raoa melewan long olketa seleva, wanem yu save duim? Yu satem tufala ia blong yu nomoa. 15Hemi barava nogud tumas fo herem taem olketa tokspoelem olketa seleva. An kaen toktok olsem save mekem olketa fo faet seleva.
Olketa haed toktok
16Sapos#Provebs 20:19; 25:9. yu talemaot olketa haed stori wea pipol i talem yu, yu spoelem nao trast wea pipol i garem long yu, an bae yu lusim olketa gud fren blong yu. 17Yu mas tinghae long olketa fren blong yu an trastem olketa. Sapos yu talemaot haed stori blong fren blong yu, ating hemi kolsap fo yu no garem eni fren nomoa. 18Sapos yu duim diswan, hemi olsem wea yu kilim dae disfala fren wea yutufala garem, olsem yu kilim dae wanfala enemi blong yu. 19Fren blong yu hemi lusim yu nao. Hemi had fo yu tekem hem kambaek, olsem taem yu letem wanfala bed hemi flae, hemi had fo hemi kambaek moa long yu. 20No trae fo go bihaenem fren ya, hemi had tumas fo hemi kambaek. Hemi go finis, olsem wanfala dia wea hemi ranawe long wanfala trap. 21Soa long bodi, yu save paselem, an fo tokspoelem man, hemi save fogivim. Bat sapos yu spoelem trast blong fren blong yu, disfala samting hemi barava nogud tumas nao.
Tanem toktok
22Taem wanfala hemi stat fo satae long yu, hemi garem wanfala nogud samting insaet long tingting blong hem, an no enisamting save stopem hem fo no duim. 23Taem hemi stap wetem yu, toktok blong hem hemi naes tumas. Hemi tokhae long evri wod wea yu talem. Bat taem yu no stap, stori hemi deferen nao. Ya, bae hemi spoelem yu long evri toktok wea yu talem. 24Mi les tumas fo lukim diskaen pipol long disfala wol, an Lod tu hemi les long olketa.
25Sapos yu torowe wanfala ston goap long skae stret antap long hed blong yu, bae hemi foldaon kambaek stret long hed blong yu. Hemi olsem tu taem yu tanem toktok, bae hemi kambaek long yu seleva moa. 26Pipol hu i trae fo trapem olketa narafala pipol, bae olketa seleva tu i foldaon an pas long hem. 27Pipol hu i spoelem narafala pipol, wanem olketa duim, bae hemi kasem olketa seleva. An bae olketa nating save nomoa wea hemi stat kam.
28Olketa praod pipol save tokspoelem olketa narafala pipol an mekfan long olketa, bat narafala man hemi redi finis fo sensimbaek nogud wei ya fo olketa olsem wanfala laeon. 29Olketa hu i hapi fo lukim taem gudfala pipol i foldaon, olketa seleva nao bae i foldaon insaet long trap, an bae olketa filim bikfala pein taem olketa dae.
No foget
30Fo kros an wei fo kros kuiktaem, tufala samting evriwan i barava nogud tumas. Bat olketa man blong sin i garem tufala evriwan.
Currently Selected:
Sirak 27: SIDC
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 27
27
1Plande pipol i faendem seleni long wei blong sin, so, sapos yu wande kamap ris, yu mas taengem kaleko fo satem ae blong yu. 2Hemi had tumas fo pulumaot stik wea olketa hamarem daon midol long tufala bik ston. Ya, hemi had tu fo aotem wei blong raverave long man hu hemi peim an salem olketa samting. 3Sapos yu no tinghae long Lod an duim olketa raverave waka ya, bae hemi spoelem famili blong yu.
Tru filing blong man
4Toktok blong yu save somaot rong blong yu, olsem ravis hemi pas long net taem yu kapsaetem kokonat milk long hem. 5Tru wei blong yu hemi kamaot klia long toktok wea yu talem, hemi olsem tu yu save lukim gud o nogud blong pot wea olketa wakem long graon, taem olketa bonem long faea. 6Frut#Matiu 7:17; 12:33; Luk 6:44. blong tri hemi somaot wei wea olketa lukaftarem tri ya, an toktok blong yumi hemi somaot tu wei wea yumi lukaftarem tingting blong yumi. 7So, no tokapem pipol kuiktaem, yu weit fastaem go-go yu herem wanem olketa talem. Hem nao barava wei fo testem man.
Stretfala wei
8Sapos yu traehad fo falom stretfala wei, bae yu kasem, an bae wei blong yu hemi kamap gud moa olsem naesfala kaleko yu werem hemi mekem yu luknaes moa. 9Olketa bed save stap tugeta wetem semkaen bed olsem olketa seleva. An stretfala wei save kam long olketa hu i traehad fo stretem wei blong olketa. 10Sin hemi weitem tu olketa hu i laekem sin, olsem laeon hemi weitem narafala animol fo hemi kilim dae.
Krangge toktok
11Taem olketa gud pipol i tok, wanem olketa talem hemi here stret. Bat olketa krangge pipol i spoelem olketa seleva nomoa. 12Taem yu stap wetem olketa krangge pipol, yu mas faendem wei fo goaot long olketa. Bat taem yu stap wetem olketa waes pipol, gohed fo stap wetem olketa fo longfala taem.
13Olketa stori wea krangge pipol i talem olketa save spoelem pipol. An olketa save mekfan nomoa long olketa ravis wei blong sin. 14Taem olketa pipol olsem i suea, hemi save mekem evri hea long bodi blong yu fo stanap. ?An taem olketa raoa melewan long olketa seleva, wanem yu save duim? Yu satem tufala ia blong yu nomoa. 15Hemi barava nogud tumas fo herem taem olketa tokspoelem olketa seleva. An kaen toktok olsem save mekem olketa fo faet seleva.
Olketa haed toktok
16Sapos#Provebs 20:19; 25:9. yu talemaot olketa haed stori wea pipol i talem yu, yu spoelem nao trast wea pipol i garem long yu, an bae yu lusim olketa gud fren blong yu. 17Yu mas tinghae long olketa fren blong yu an trastem olketa. Sapos yu talemaot haed stori blong fren blong yu, ating hemi kolsap fo yu no garem eni fren nomoa. 18Sapos yu duim diswan, hemi olsem wea yu kilim dae disfala fren wea yutufala garem, olsem yu kilim dae wanfala enemi blong yu. 19Fren blong yu hemi lusim yu nao. Hemi had fo yu tekem hem kambaek, olsem taem yu letem wanfala bed hemi flae, hemi had fo hemi kambaek moa long yu. 20No trae fo go bihaenem fren ya, hemi had tumas fo hemi kambaek. Hemi go finis, olsem wanfala dia wea hemi ranawe long wanfala trap. 21Soa long bodi, yu save paselem, an fo tokspoelem man, hemi save fogivim. Bat sapos yu spoelem trast blong fren blong yu, disfala samting hemi barava nogud tumas nao.
Tanem toktok
22Taem wanfala hemi stat fo satae long yu, hemi garem wanfala nogud samting insaet long tingting blong hem, an no enisamting save stopem hem fo no duim. 23Taem hemi stap wetem yu, toktok blong hem hemi naes tumas. Hemi tokhae long evri wod wea yu talem. Bat taem yu no stap, stori hemi deferen nao. Ya, bae hemi spoelem yu long evri toktok wea yu talem. 24Mi les tumas fo lukim diskaen pipol long disfala wol, an Lod tu hemi les long olketa.
25Sapos yu torowe wanfala ston goap long skae stret antap long hed blong yu, bae hemi foldaon kambaek stret long hed blong yu. Hemi olsem tu taem yu tanem toktok, bae hemi kambaek long yu seleva moa. 26Pipol hu i trae fo trapem olketa narafala pipol, bae olketa seleva tu i foldaon an pas long hem. 27Pipol hu i spoelem narafala pipol, wanem olketa duim, bae hemi kasem olketa seleva. An bae olketa nating save nomoa wea hemi stat kam.
28Olketa praod pipol save tokspoelem olketa narafala pipol an mekfan long olketa, bat narafala man hemi redi finis fo sensimbaek nogud wei ya fo olketa olsem wanfala laeon. 29Olketa hu i hapi fo lukim taem gudfala pipol i foldaon, olketa seleva nao bae i foldaon insaet long trap, an bae olketa filim bikfala pein taem olketa dae.
No foget
30Fo kros an wei fo kros kuiktaem, tufala samting evriwan i barava nogud tumas. Bat olketa man blong sin i garem tufala evriwan.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.