KENDEU 34
34
Dinah ze Teuhkecu
1Tingnai ge Dinah, Jakob penai Leah napui, Canaanme pui dung da terwa miedi. 2Shechem, Hivime Hamor napei, cipau deu ga hegwangpei, pecu ngau luge, pecu herak lü teuh di. 3Dede pa releipui hezuyi chela kecu ngau eh pecu nrai di, nah pe kekube ngau lu neu di.#34:3 pesui yi ngau lu kera tei; mede pe lung taumla. 4Pa pe pei dage rang, “I ncu peu relei aipau pui dede luupwa a nau tei lu neulie” dedi.
5Jakob pe napui ze hengam ta tei kedi ci lu, dede pe name pe kaune dung de ngngwa luh ga la kedine, pa penui caili gwang kemakta magede tei ma. 6Shechem pei Hamor kempau kera Jakob da mie, 7cidau Jakob name ze luh gade gwang dau siak lu. Penui cide siu luge, Shechem ne Jakob napui ze teuh eh Israelme ze kenneu ta tei kedi ci eh penui ze keheu nah penui lung tei mcu di. 8Hamor peda de, “A na Shechem n napui ze nrai dida; keherei de pecu peu pe naulo. 9Anai a mina dung nah n mina dung kak gade keleilüt kera kesamdau lugo. 10Ciciu de nnui anui deu aika anui ngngwa lungh lubui; nnui keneu ga lungh lubui, heli tei nah hema gum lubui” dedi.
11Pecai Shechem cu Dinah pei nah pe heime dade, “A lungning aide acu tei beu lo, ciciu de nnui luu keneube keheibe de I nnui ze peu zie. 12Nnui mta ma luu keneube ada ge rang lo, nah henau mibe nnui tei whung keneuta whung lulo; I nnui ada ze kekie keheibe de peu zie, nnui acu peu pecu a nau lu cai” dedi.
13Shechem penui tipui Dinah ze hengam tei kedi ziemne, Jakob name Shechem penai pe pei Hamor ze cwa eh penai sam keli gai. 14Penui penai dade, “Anui anui tipui ze peu hegeurum kemakme gede ngngwa lungh gailak; cide anui ziemne hengam ge. 15Nang anui nzwa eh n mina dung pelane geu rum luzie cai anui kesamdau luzie. 16Ciciu de anui keleilüt luzie. Anui nnui kak ga lungh lü nnui ze ngngwa ket tei luzie. 17Dede nang anui kerang de mzai eh hegeurum lu mecai, anui pecu ngngwa lü tet dizie” dedi. 18Sam aide Hamor penai pe napei Shechem dade petau di, 19nah rehangbe lungdak cide mzai kera peting kwa mezing di, kedanemene pa Jakob napui ze nrai kedine. Pa pe kelak gade mina nlang tube.
20Hamor penai pe napei Shechem namdi rieki nkwani ga mie eh penai namme dade rang eh cu, 21“Mina aidung de penui zai yi; penui ze peu hangdeu aika anui ze ngngwa lungh eh mbeuh mie keneu ga mielo. Kideube penui ziemne de dih süt bam. Anui penui napui dung ze luu lu nah anui napui dung ze penui ze peudi golie. 22Dede mina aidung de penui hegeukerum nzwa anui de mipei pelane hegeurum lu sangne anui kak ga lungh delü anui ze ngngwa ket tei lu zie lie zeu. 23Penui kaune pelane nah penui maleune anui gu lak luini? Cine penui ze peu anui kak ga lungh kera anui kesamdau lugo” debeu. 24Namdi ga mina pelane Hamor penai Shechem kerang de kesamdau lu, delü mipei pelane hegeurum lu.
25Lang cumne cai, mipei dung penui geu rum eh teei bamreu kecune, Jakob na kena Simeon penai Levi, Dinah heibe kena, penai qiengtie pwa lü namdi ga nkim lüt lü mipei dung pelane ze teitset ti, 26Hamor penai pe na Shechem ze de si eh. Ciciu eh penai Shechem ki gade Dinah ze nzang eh tetti. 27Teitset kedi cai Jakob name kedame penui tipui ze hengam ketei ne hequm peei eh namdi de kechung pung di. 28Penui hekaune hau dung, ketum, gada, nah namdi ga nah luh ga kebam leune teu eh tetti. 29Penui kebam be leune teu lu, mipui nah hename pelane ze tuih lu, delü ki dung ga kebam leune pung tetti.
30Jakob Simeon penai Levi dade, “Nnai keherei ada teugwang beu da; cu au Canaanme, Perizziteme, nah hangdeu aika keheibe de acu nkau zieda. I mina kekiee gah; penui pelane maa ge tei lü acu renia nah ketang cai, anui kelak pelane de nkap di zieda” dedi.
31Dede penai keli eh, “Anui anui tipui ze peu helihpui ge nzwa di gailak” dedi.
Currently Selected:
KENDEU 34: ZemeNB
Highlight
Share
ਕਾਪੀ।
Want to have your highlights saved across all your devices? Sign up or sign in
© 2018, The Bible Society of India
All rights reserved.