KHABÊNG 3
3
Mihnyãn Nyũchha Ma Ngĩn Lakep
11 #Lks 12.9; 20.2Phûmma pû pa Teso ma hôantah hehwah bûthî chãnthhôan dâng wah. Pû pumma dihiak ko chhîen wah, “Joban ma lĩnlin jô nangnâng penrĩ thong kowah chenre bãng wahjô penrĩ lachhah min ngãma ngãthoh ã?”
2Dihiak nyũ pumma dânthâng wah, “Nima penrĩ bãng kowah chenre bãng wahmĩn tachhah e,” 3“rohkomĩn mongtãng bãng kowah lôlô lachhah min. Joban ma mongtãng bãngwah lachhah min ngatwah, ngãle aloat mĩn lasah lõ min ngatwah; nima masah lõ eko, ni a arit rêmin.” 4Phûmma pû ma dânthâng wah, “Epa toangtang dangmah; nê a chenthû mĩn rîîmet. 5Joban ma aroh ngãekah, chenrãngma ngãko tema jet chenthû nangma ma phhektoh ko nangmĩn ate rãngrãng edangoh#3.5 Joban;bã joban heh. ngãle chen pa achhih asen a epa jetmin.”#3.5 chen pa achhih a ngãle chen pa asen a epa jetmin;bã chentô pa jetmin.
6Ephûmma dihiak nyũ ma bãng pa sênmõang khêwah, ngãle penrĩ chhahrãng sênkhê wah, ngãle tema achhih asen jet pa chentô sên a ngãma thônghûn wah. Ephûmma tema pũn lahma chhah wah, ediko ate dela komĩn kohwah, ephûmma ate dela mamĩn chhah wah. 7Ephûmma thinma chhah rienrien, achhih asen pa jetwah, ngãle thin a bôanglõang ngãma mĩn jetrit wah. Ephûmma thinma phukbãng dek phhĩn lahma khhetrãng kepwah.
8Ejâko thinma penrĩ bãngthong ko sanhêmthah pôngwut kih ko Teso Joban râhkhhoam lahma tatwah, ephûmma mihwã ngãle ate tangnyũ nîî Teso Joban tâwah penrĩ thong heh bînko huhtông wah. 9Ephûmma Teso Joban ma dela ko roo wah, “Nanga chenko a?”
10Tema dânthâng wah, “Ngãma nanga penrĩ bãngthong ko râhkhhoam lohma tat ekĩ; phûmma Ngã nangnâng khêrit ran che lakma huhtong ekãng, chenrãngma ngãko Ngã a bôanglõang.”
11“Nanga bôanglõang ngãma hẽnma ngãehoh a?” ngãma Joban ma chhîen wah. “Ngãma nangnâng lachhahmin ngãtih penrĩ kowah chhahtoh ã?”
12Mihnyãn pumma dânthâng wah, “Nangma ngã demko dihiak nyũ thîenhû thoh pumma koh lahma phhektek.”
13 #
2Kor 11.3; 1Tim 2.14 Teso Joban ma dihiak nyũ ko chhîen wah, “Nangma chenni motoh a?”
Tema dânthâng wah, “Pû ma diepchhah lahma phhek ekãng.”
Joban Ma Achhih Ngatwah
14Ediko Teso Joban ma pû ko ngatwah, “Nangma aroh moatthã chêmthuk rêmin; are tem athoak ekĩ chêm pa ngem angah hehwah nang lôlôma chohmin: Ade phûmma nanga nangwok pumma lîangmin, ngãle nang chentô lek hin eko a etôko hah phhek lohma hînmin. 15#Lks 12.17Ngãma dihiak nyũ nêchhe echhih choh mîn thuk a; nang chhũ nang chha ngãle ate chhũ achha heh ran edangen. Ate chhũ achha hehma nang kho pa esoap wat hoh, ngãle nang mamĩn ate chhũ achha#3.15 ate chhũ achha; bã thin chhũ thin chha. heh dãkem thõ ko ekek oh.”
16Ngãle Tema dihiak nyũ ko ngatwah, “Ngãma nangnâng naawûn poatko echêm thuk e, ngãle chêmchoh lohma naa echha oh. Erohjô madang okomĩn nangma nang tangwã ehûn oh, ngãle tema nang khoko epên hoh.”
17 #
Heb 6.8
Ngãle tema dela ko ngatwah, “Nangma nang tangnyũ ngĩn kep lohma Ngãma lachhah min ngãtah penrĩ kowah chhah eko. Nangma eroh moatdĩ, hah pumma mĩn Ngãma tem athoak ekãng achhih heh echoh a. Eroh wah nangma nang rôandông dôngtang mo lohma nangma lânle phhekchhah roh hôngmoat min. 18Hah pumma suhchẽ chatroak ephoak a, ngãle nangma wũnwah hin heh phhekmin. 19Nanga chenre hah kowah hôantih a ere hahko mã ngak ngak kã nangma ranglêmti hõngsiet lohma chãnrîî mo lohma bã hah pumma chenni komĩn ehõng phoak a. Nanga hahwah hôan wah, ngãle nanga hahrãng jô engak dang oh.”
20Adam#3.20 Adam: Apa Hebrew jabma “mihnyãn” ngãekah. ma ate tangnyũ mîn pa Eve mînwah,#3.20 Eve: Are mîn pa Hebrew jabnâng “ahînte” ngãma ngatwah rãngrãng dang ekah, phûmma are ko “mihnyãn nyũchha” nâng ngãekah. chenrãngma ngãko te a chentô mihnyãn nyũchha heh nyõng dâng wah. 21Ngãle Teso Joban ma Adam ngãle ate tangnyũ nîî rãng ngemkhoan wah khhet hôankoh wah, ngãle tema thin nâng kepkoh wah.
Adam Ngãle Eve Nîî Penrĩ Bãngthong Kowah Chîen Chhôan Wah
22 #
Lks 22.14
Ediko Teso Joban ma ngatwah, “Ade phûmma mihnyãn pa nãng rãngrãng lâdang tah ngãle chen pa asen a ngãle chen pa achhih a epa lâjettah.#3.22 chen pa asen a ngãle chen pa achhih a epa lâjettah; bã chentô pa lâjettah. Tenâng rôandông kohte bãng kowah penrĩ la pũnthuk min, ekowah pũn lahma chhah lahma, rôantang rôanjêng rãng môanghin a.” 23Ephûmma Teso Joban ma Eden penrĩ thong kowah jûnloat wah, ngãle ate hôantah hah pa moatchhah thuk wah. 24Ediko tema penrĩ thong ko sankat nge ko ahîn nyem thîen wah#3.24 ahîn nyem: Nyapraang khhôan raang ekah ko tasû e. ngãle chentô ngenâng ditphhõng lahma wẽndô dẽng thîen rêwah. Epa rôandông kohte bãng tâko hẽnjô lanâmhû thuk rãng thîen wah.
Currently Selected:
KHABÊNG 3: Nokte
Highlight
Share
ਕਾਪੀ।
Want to have your highlights saved across all your devices? Sign up or sign in
The Bible Society of India
KHABÊNG 3
3
Mihnyãn Nyũchha Ma Ngĩn Lakep
11 #Lks 12.9; 20.2Phûmma pû pa Teso ma hôantah hehwah bûthî chãnthhôan dâng wah. Pû pumma dihiak ko chhîen wah, “Joban ma lĩnlin jô nangnâng penrĩ thong kowah chenre bãng wahjô penrĩ lachhah min ngãma ngãthoh ã?”
2Dihiak nyũ pumma dânthâng wah, “Nima penrĩ bãng kowah chenre bãng wahmĩn tachhah e,” 3“rohkomĩn mongtãng bãng kowah lôlô lachhah min. Joban ma mongtãng bãngwah lachhah min ngatwah, ngãle aloat mĩn lasah lõ min ngatwah; nima masah lõ eko, ni a arit rêmin.” 4Phûmma pû ma dânthâng wah, “Epa toangtang dangmah; nê a chenthû mĩn rîîmet. 5Joban ma aroh ngãekah, chenrãngma ngãko tema jet chenthû nangma ma phhektoh ko nangmĩn ate rãngrãng edangoh#3.5 Joban;bã joban heh. ngãle chen pa achhih asen a epa jetmin.”#3.5 chen pa achhih a ngãle chen pa asen a epa jetmin;bã chentô pa jetmin.
6Ephûmma dihiak nyũ ma bãng pa sênmõang khêwah, ngãle penrĩ chhahrãng sênkhê wah, ngãle tema achhih asen jet pa chentô sên a ngãma thônghûn wah. Ephûmma tema pũn lahma chhah wah, ediko ate dela komĩn kohwah, ephûmma ate dela mamĩn chhah wah. 7Ephûmma thinma chhah rienrien, achhih asen pa jetwah, ngãle thin a bôanglõang ngãma mĩn jetrit wah. Ephûmma thinma phukbãng dek phhĩn lahma khhetrãng kepwah.
8Ejâko thinma penrĩ bãngthong ko sanhêmthah pôngwut kih ko Teso Joban râhkhhoam lahma tatwah, ephûmma mihwã ngãle ate tangnyũ nîî Teso Joban tâwah penrĩ thong heh bînko huhtông wah. 9Ephûmma Teso Joban ma dela ko roo wah, “Nanga chenko a?”
10Tema dânthâng wah, “Ngãma nanga penrĩ bãngthong ko râhkhhoam lohma tat ekĩ; phûmma Ngã nangnâng khêrit ran che lakma huhtong ekãng, chenrãngma ngãko Ngã a bôanglõang.”
11“Nanga bôanglõang ngãma hẽnma ngãehoh a?” ngãma Joban ma chhîen wah. “Ngãma nangnâng lachhahmin ngãtih penrĩ kowah chhahtoh ã?”
12Mihnyãn pumma dânthâng wah, “Nangma ngã demko dihiak nyũ thîenhû thoh pumma koh lahma phhektek.”
13 #
2Kor 11.3; 1Tim 2.14 Teso Joban ma dihiak nyũ ko chhîen wah, “Nangma chenni motoh a?”
Tema dânthâng wah, “Pû ma diepchhah lahma phhek ekãng.”
Joban Ma Achhih Ngatwah
14Ediko Teso Joban ma pû ko ngatwah, “Nangma aroh moatthã chêmthuk rêmin; are tem athoak ekĩ chêm pa ngem angah hehwah nang lôlôma chohmin: Ade phûmma nanga nangwok pumma lîangmin, ngãle nang chentô lek hin eko a etôko hah phhek lohma hînmin. 15#Lks 12.17Ngãma dihiak nyũ nêchhe echhih choh mîn thuk a; nang chhũ nang chha ngãle ate chhũ achha heh ran edangen. Ate chhũ achha hehma nang kho pa esoap wat hoh, ngãle nang mamĩn ate chhũ achha#3.15 ate chhũ achha; bã thin chhũ thin chha. heh dãkem thõ ko ekek oh.”
16Ngãle Tema dihiak nyũ ko ngatwah, “Ngãma nangnâng naawûn poatko echêm thuk e, ngãle chêmchoh lohma naa echha oh. Erohjô madang okomĩn nangma nang tangwã ehûn oh, ngãle tema nang khoko epên hoh.”
17 #
Heb 6.8
Ngãle tema dela ko ngatwah, “Nangma nang tangnyũ ngĩn kep lohma Ngãma lachhah min ngãtah penrĩ kowah chhah eko. Nangma eroh moatdĩ, hah pumma mĩn Ngãma tem athoak ekãng achhih heh echoh a. Eroh wah nangma nang rôandông dôngtang mo lohma nangma lânle phhekchhah roh hôngmoat min. 18Hah pumma suhchẽ chatroak ephoak a, ngãle nangma wũnwah hin heh phhekmin. 19Nanga chenre hah kowah hôantih a ere hahko mã ngak ngak kã nangma ranglêmti hõngsiet lohma chãnrîî mo lohma bã hah pumma chenni komĩn ehõng phoak a. Nanga hahwah hôan wah, ngãle nanga hahrãng jô engak dang oh.”
20Adam#3.20 Adam: Apa Hebrew jabma “mihnyãn” ngãekah. ma ate tangnyũ mîn pa Eve mînwah,#3.20 Eve: Are mîn pa Hebrew jabnâng “ahînte” ngãma ngatwah rãngrãng dang ekah, phûmma are ko “mihnyãn nyũchha” nâng ngãekah. chenrãngma ngãko te a chentô mihnyãn nyũchha heh nyõng dâng wah. 21Ngãle Teso Joban ma Adam ngãle ate tangnyũ nîî rãng ngemkhoan wah khhet hôankoh wah, ngãle tema thin nâng kepkoh wah.
Adam Ngãle Eve Nîî Penrĩ Bãngthong Kowah Chîen Chhôan Wah
22 #
Lks 22.14
Ediko Teso Joban ma ngatwah, “Ade phûmma mihnyãn pa nãng rãngrãng lâdang tah ngãle chen pa asen a ngãle chen pa achhih a epa lâjettah.#3.22 chen pa asen a ngãle chen pa achhih a epa lâjettah; bã chentô pa lâjettah. Tenâng rôandông kohte bãng kowah penrĩ la pũnthuk min, ekowah pũn lahma chhah lahma, rôantang rôanjêng rãng môanghin a.” 23Ephûmma Teso Joban ma Eden penrĩ thong kowah jûnloat wah, ngãle ate hôantah hah pa moatchhah thuk wah. 24Ediko tema penrĩ thong ko sankat nge ko ahîn nyem thîen wah#3.24 ahîn nyem: Nyapraang khhôan raang ekah ko tasû e. ngãle chentô ngenâng ditphhõng lahma wẽndô dẽng thîen rêwah. Epa rôandông kohte bãng tâko hẽnjô lanâmhû thuk rãng thîen wah.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The Bible Society of India