KHABÊNG 2
2
1Aroh rẽ lahma rang ahah pa phangtang tâhôan wah. 2#Heb 4.4, 10#Loa 20.11Jâengit jâko Joban ma ate moatlem heh tamo lahma lamo tû ma bôantông wah. 3Tema jâ engit jâ rangwô ko rangkoh lahma araangraang alẽm rangwô ngãma rêthîen wah, chenrãngma ngãko erejâ rangwô ko tema rang ahah pa tâhôan wah#2.3 erejâ rangwô ko tema rang ahah pa tâhôan wah; bã erejâ rangwô ko tema rang ahah hôan moatlem pa râwah. ngãle moatlem moat pa jekwah. 4Ngãle rang ahah pa aroh hôan wah
Eden Penrĩ thong
Chenthû Teso #2.4 are Teso: tasû e Teso Nyapraang khhôan raang ekah ko. Joban ma rang ahah pa hôanko, 5Hahkhoko bãngphoak chhong phoak ahõ dâng wah, ngãle tõ phoak chhah phoak mĩn mãphoak dâng wah, chenrãngma ngãko Teso Joban ma rangpat mãpat thuk dâng wah, ngãle pit moatrãng mihnyãn ahõ dâng wah, 6Rohkomĩn hahkhhen wah jo loatjen lahma hahkho phangtang nâng phhôangjên wah. 7#1Kor 15.45Ediko Teso Joban ma hahkowah rõanchhẽ tõansan lahma ekowah mihnyãn#2.7 mihnyãn...delawã: Hebrew jabma “mihnyãn” ngãle “hah” nîî mãntheh roat tat ekĩ. hôan wah; phûmma tema ahîn rek ate khõken ko metwah ephûmma mihnyãn pa hîn wah. 8Ediko Teso Joban ma sankat nge nâng, Eden penrĩ thong khiet lahma eko tema hôantah mihnyãn pa thîen wah. 9#Lks 2.7; 22.2, 14Tema eko chentô bãngsen jat heh khiet lahma penrĩ wahrã heh rîîwah. Penrĩ bãngthong mongtãng ko tema rôandông kohte bãng ngãle chen pa achhih asen a epa jetthukte bãng khietwah.#2.9, 17 chen pa asen a ngãle chen pa achhih a epa jetthukte;bãchentô jetthĩn.
10Eden ko joanchha loatjen lahma penrĩ bãng pumma jo chohwah; ngãle Eden lîen ko epa jokhô khôbelîî phhakjên wah. 11Khhabâng joanchha pa Pison. Epumma Havila hah phangtang nâng kôamjen ekah. ( 12Ngãle ere hah kowah kem lĩnlinjat heh choh ekĩ ngãle sek nâng tûmhut thĩn ngãle thãchãn jat lõng hehmĩn choh ekĩ.) 13Ediko wah jolã pa Gihon; epa Cush#2.13 Cush (Mesopotamia wah); bã Ethiopia. diak tûmlit jen ekah. 14Ngãle ediko wah pa Tigris, epa Assyria wah sankat nge nâng jen ekah. Ngãle khhadi thhôan pa Eupharat.
15Teso Joban ma mihnyãn pa Eden penrĩ thong pa mo lahma bêmrãng thîen wah. 16Ngãle Teso ma mihnyãn ko thôkoh wah, “Nangma penrĩ thong kowah chenre bãng kowahmĩn taphhek oh, 17rohkomĩn achhih asen jetthukte bãng pa lôlô la phhekmin.#2.9, 17 achhih asen jetthĩn pa lôlô;bã chentô pa jetthĩn. Nangma ere bãng kowah penrĩ chenthû mĩn la phhekmin; nangma ma phhek oko, nanga ejâjâ ko erîî oh.”
18Ediko Teso Joban ma ngatwah, “Mihnyãn pa ate lôlô pa senmah; Ngãma tenâng tâchoh sokte ate lemrũ hôan ang.” 19Ephûmma Teso Joban ma hahwah rõanchhẽ san lahma chentô ngem angah wõchhũ wõchha heh hôan wah, ephûmma mihnyãn ko tema chenroh mîn ekah a ngãma kep hok kohwah, ngãle eroh ngem angah hehma thinmîn chohwah. 20Phûmma mihnyãn pumma chentô wõchhũ wõchha ngãle ngem angah heh nâng mîn kohwah; rohkomĩn tema tenâng tâchoh sokte ate lemrũ chohhõ. 21Ephûmma Teso Joban ma mihnyãn pa nyahrãng juplek thukwah, ngãle ate jupthû ko chhamrã kowah rãtheh chet lahma ere chetmãn pa ngakphîn wah. 22Ngãle Teso Joban ma delawã kowah chettah chhamrã kowah tema dihiak hôan wah, ngãle dihiak nyũ pa delawã tâko siet hok koh wah. 23Ediko delawã pumma ngatwah,
“Athhôanko Ngã dede rãngrãng wãtheh lâchoh tek —
Ngãrã wah chetwah rã, ngãle Ngãngem wah hôan wah ngem.
Ate mîn pa ‘Dihiak’ ngãma mînmin chenrãngma ngãko te a dela wah hôan wah.”#2.23 dihiak… dela: Hebrew jabma “dihiak” ngãle “dela” jab roat pa mãntheh dang ekah. 24#Mt 19.5; Mk 10.7-8; 1Kor 6.16; Eph 5.31 Eroh wah dela ma ate nyõng awã phethîen lahma ate tangnyũ demko rôamsõng ekah, ngãle thin a phoangtheh dang ekah. 25Ngãle dela ngãle dihiak wãnîînîî bôanglõang dâng wah, rohkomĩn rêsêhõ dâng wah.
Currently Selected:
KHABÊNG 2: Nokte
Highlight
Share
ਕਾਪੀ।
Want to have your highlights saved across all your devices? Sign up or sign in
The Bible Society of India
KHABÊNG 2
2
1Aroh rẽ lahma rang ahah pa phangtang tâhôan wah. 2#Heb 4.4, 10#Loa 20.11Jâengit jâko Joban ma ate moatlem heh tamo lahma lamo tû ma bôantông wah. 3Tema jâ engit jâ rangwô ko rangkoh lahma araangraang alẽm rangwô ngãma rêthîen wah, chenrãngma ngãko erejâ rangwô ko tema rang ahah pa tâhôan wah#2.3 erejâ rangwô ko tema rang ahah pa tâhôan wah; bã erejâ rangwô ko tema rang ahah hôan moatlem pa râwah. ngãle moatlem moat pa jekwah. 4Ngãle rang ahah pa aroh hôan wah
Eden Penrĩ thong
Chenthû Teso #2.4 are Teso: tasû e Teso Nyapraang khhôan raang ekah ko. Joban ma rang ahah pa hôanko, 5Hahkhoko bãngphoak chhong phoak ahõ dâng wah, ngãle tõ phoak chhah phoak mĩn mãphoak dâng wah, chenrãngma ngãko Teso Joban ma rangpat mãpat thuk dâng wah, ngãle pit moatrãng mihnyãn ahõ dâng wah, 6Rohkomĩn hahkhhen wah jo loatjen lahma hahkho phangtang nâng phhôangjên wah. 7#1Kor 15.45Ediko Teso Joban ma hahkowah rõanchhẽ tõansan lahma ekowah mihnyãn#2.7 mihnyãn...delawã: Hebrew jabma “mihnyãn” ngãle “hah” nîî mãntheh roat tat ekĩ. hôan wah; phûmma tema ahîn rek ate khõken ko metwah ephûmma mihnyãn pa hîn wah. 8Ediko Teso Joban ma sankat nge nâng, Eden penrĩ thong khiet lahma eko tema hôantah mihnyãn pa thîen wah. 9#Lks 2.7; 22.2, 14Tema eko chentô bãngsen jat heh khiet lahma penrĩ wahrã heh rîîwah. Penrĩ bãngthong mongtãng ko tema rôandông kohte bãng ngãle chen pa achhih asen a epa jetthukte bãng khietwah.#2.9, 17 chen pa asen a ngãle chen pa achhih a epa jetthukte;bãchentô jetthĩn.
10Eden ko joanchha loatjen lahma penrĩ bãng pumma jo chohwah; ngãle Eden lîen ko epa jokhô khôbelîî phhakjên wah. 11Khhabâng joanchha pa Pison. Epumma Havila hah phangtang nâng kôamjen ekah. ( 12Ngãle ere hah kowah kem lĩnlinjat heh choh ekĩ ngãle sek nâng tûmhut thĩn ngãle thãchãn jat lõng hehmĩn choh ekĩ.) 13Ediko wah jolã pa Gihon; epa Cush#2.13 Cush (Mesopotamia wah); bã Ethiopia. diak tûmlit jen ekah. 14Ngãle ediko wah pa Tigris, epa Assyria wah sankat nge nâng jen ekah. Ngãle khhadi thhôan pa Eupharat.
15Teso Joban ma mihnyãn pa Eden penrĩ thong pa mo lahma bêmrãng thîen wah. 16Ngãle Teso ma mihnyãn ko thôkoh wah, “Nangma penrĩ thong kowah chenre bãng kowahmĩn taphhek oh, 17rohkomĩn achhih asen jetthukte bãng pa lôlô la phhekmin.#2.9, 17 achhih asen jetthĩn pa lôlô;bã chentô pa jetthĩn. Nangma ere bãng kowah penrĩ chenthû mĩn la phhekmin; nangma ma phhek oko, nanga ejâjâ ko erîî oh.”
18Ediko Teso Joban ma ngatwah, “Mihnyãn pa ate lôlô pa senmah; Ngãma tenâng tâchoh sokte ate lemrũ hôan ang.” 19Ephûmma Teso Joban ma hahwah rõanchhẽ san lahma chentô ngem angah wõchhũ wõchha heh hôan wah, ephûmma mihnyãn ko tema chenroh mîn ekah a ngãma kep hok kohwah, ngãle eroh ngem angah hehma thinmîn chohwah. 20Phûmma mihnyãn pumma chentô wõchhũ wõchha ngãle ngem angah heh nâng mîn kohwah; rohkomĩn tema tenâng tâchoh sokte ate lemrũ chohhõ. 21Ephûmma Teso Joban ma mihnyãn pa nyahrãng juplek thukwah, ngãle ate jupthû ko chhamrã kowah rãtheh chet lahma ere chetmãn pa ngakphîn wah. 22Ngãle Teso Joban ma delawã kowah chettah chhamrã kowah tema dihiak hôan wah, ngãle dihiak nyũ pa delawã tâko siet hok koh wah. 23Ediko delawã pumma ngatwah,
“Athhôanko Ngã dede rãngrãng wãtheh lâchoh tek —
Ngãrã wah chetwah rã, ngãle Ngãngem wah hôan wah ngem.
Ate mîn pa ‘Dihiak’ ngãma mînmin chenrãngma ngãko te a dela wah hôan wah.”#2.23 dihiak… dela: Hebrew jabma “dihiak” ngãle “dela” jab roat pa mãntheh dang ekah. 24#Mt 19.5; Mk 10.7-8; 1Kor 6.16; Eph 5.31 Eroh wah dela ma ate nyõng awã phethîen lahma ate tangnyũ demko rôamsõng ekah, ngãle thin a phoangtheh dang ekah. 25Ngãle dela ngãle dihiak wãnîînîî bôanglõang dâng wah, rohkomĩn rêsêhõ dâng wah.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
The Bible Society of India