Maliko Ntongeela a nkani niyanso
Ntongeela a nkani niyanso
Namolɨ
NKANI ni Nza niyang’wa Maliko ɨhanga I Nkani Nza nzʉya ni innɨ mʉ mbugulu Ilago nipya niiganʉe ʉlikalo lang’wa Yesʉ Kilisito. Yɨhi yitangwaa Nkani Nza,’’ ndogoelyo akwe “Nkani Nza.’’ Mbugulu niyanso aɨyandɨkilwe naɨakɨla ɨnsha ang’wa Yesʉ, aɨyandikliwe nʉ Matayo nʉ Maliko nʉ Lʉka nʉ Yohana. Nkani Nza nɨyandɨkilwe nʉ Maliko zizo nkupɨ mʉ Nkani Nza yɨhi ni innɨ. Nɨitiga ikʉmʉkile kina yandɨkilwe mʉ Nkani Nza yihi mʉ matungo a myaka makʉmi mʉtangatʉ na itaano nɨ myaka makʉmi mʉpungatɨ naɨ watugwa u Kilisito. Alɨngi ɨdʉ ahʉɨɨe kɨna ɨmbugulu a Nkani Nza niang’wa Maliko iandɨkiwe kʉ Loma kʉnsoko akʉasambya Akilisito a kɨlumi nɨa kʉng’waso.
Nɨiti ga Maliko naɨ ʉkumʉkile kɨna Yohana Maliko, aɨ mʉhemba wa Mitʉmi Paulo nʉ Balinaba, ingɨ ʉgombi wakwe ingɨ aɨ lʉalemaaye naɨ waleka ʉmʉhɨnzo wao nʉla ʉmishonali “Ntendo niya Itʉmi 13:13.’’ Panyambele Maliko akatunga mʉhɨnzo, akalongolania nʉ Balinaba ‘’Ntendo nia Itʉmi 15:37-39’’. Maliko aɨ ʉlɨngɨkile kɨna mʉhʉmbamʉya nʉwa pakupɨ nʉwang’wa Petelo ''Petelo 5:13’’. Nɨitɨ ga ʉ Maliko shanga aɨ wilolenkee ʉlikalo lang’wa Yesʉ, alɨngi ahʉɨɨe kɨna ʉ Maliko aɨ ʉandɨkile ʉkʉɨɨli wang’wa Petelo nʉwanso wʉwo wandɨɨlyo nʉwa Nkani Nza niyandɨkilwe nʉ Maliko. Mʉ Nkani Nza, Maliko ʉlagɨɨye ʉtanantyi nʉwa ʉmanyisi wang’wa Yesʉ mʉ matungo ampelo.
Kɨkupɨ ka nkani izi.
Maliko ʉtongeeye nkani 1:1-13.
Sʉnga Maliko akaganʉla mʉlɨmo wang’wa Yesʉ naɨʉkolɨ kihɨɨ a Galilaya 1:14-8-21.
Sʉnga Maliko ʉkʉganʉla mʉhɨnzo wang’wa Yesʉ kʉlongola kʉ Yelusalemu 8:22-10-52
Ʉmalɨnkɨɨlyo Maliko akaganʉla matungo Yesʉ naɨ ʉkolɨ kʉ Yelusalemu, akaganʉla ni nsha nʉ wiʉki wang’wa Yesʉ 11:1-16-8
Currently Selected:
Maliko Ntongeela a nkani niyanso: IBV
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved