Matayo NTONGEELA AKWE
NTONGEELA AKWE
Nkani ni Nza niyandɨkilwe nʉ Matayo ingɨ ɨng'wɨ mʉ mbugulu innɨ nɨyiganʉe ʉlikalo lang'wa Kilisito. Mʉ mbugulu inzi yitangwa “Injili” lʉkani nʉlʉkete ndogoelyo a “Nkani ni Nza.” Mbugulu izi yandɨkilwe nʉ Matayo nʉ Maliko nʉ Lʉka nʉ Yohana Mʉbadisi, yandɨkilwe itungo nsha ang'wa Yesʉ naɨ akɨla. Amanyi shanga alɨngile itungo kɨɨ lʉkʉlʉ yandɨkilwe Nkani ni Nza niyang'wa Matayo, ingɨ ihumɨkile lukulu kɨna aɨ yandɨkilwe mʉ ng'waka nʉa makʉmi mʉtandatʉ kʉpumɨɨla nʉatugɨwe ʉ Kilisito. Kɨʉya ingɨ nkɨka naɨyadɨkiwe shanga ilɨngɨkile kʉlʉ kʉʉlʉ, ingɨ antʉ ɨdʉ ɨsɨgɨɨla kɨna kɨandɨkɨwe mihɨɨ a Palesitina, hangɨ ihumɨkile kɨandɨkɨwe mʉ kɨsalɨ ka Yelusalemu.
Mʉandɨki nʉa mbugulu ɨyɨ ingɨ Matayo, naɨ wakɨlɨ kitangwa nʉ Yesʉ atule mʉmanyisigwa wakwe aɨ mʉhangʉlya kodi. Lina lʉlya nɨlang'wa Matayo aɨ ʉkumʉkile Lawi. Matayo aɨ ʉng'wɨao mʉ Itʉmi nɨ ikʉmi na abɨɨlɨ, nʉyo aɨ wandɨkile i Nkani ni Nza waze ʉasɨgɨɨe alɨngi a Kɨyahudi. Mpola izi yikomanɨɨye kʉona kɨna ʉkolɨ ʉandɨkwi makumi mʉtandatʉ nʉkʉkɨla kʉpuma mʉwandɨkwa nʉwa kalɨ. Matayo ʉsɨgɨɨe kʉganʉla kɨna ʉ Yesʉ ingɨ Masia. Mʉguni nʉhoilwe ni Itunda, nʉ ʉmanga ʉpumilye ʉ mʉloto wakwe. Matayo ʉandɨkile hangɨ makani nɨmaʉya ɨdʉ na ʉtemi wang'wi Itunda. Ayahudi aɨ alindɨɨe Masia ʉkʉtula mʉtemi nʉa kɨ ʉnkumbigʉlʉ. Matayo wɨkaganʉla yɨdʉ nsuta nɨ masɨgoao kʉ ʉmanyi nʉ ʉkendegeeli ʉkʉlʉ, waze ʉganʉla ʉtemi nʉa kɨnkolo nʉ wang'wi Itunda.
Mbugulu a Nkani ni Nza nɨandɨkilwe nʉ Matayo ingɨ kɨza kʉtula wandɨɨlyo wi Ilago ni Ipya, kʉnsoko kɨsʉkɨɨe makani ɨdʉ kʉpumɨɨla mi Ilago ni la Kalɨ, ingɨ kɨtungɨnkani kɨza nɨka Malago aya nabɨɨlɨ. Antʉ nɨasomile atambʉe kɨna ingɨ ʉ Matayo aɨʉgemile kʉtyatɨnkania nɨ mbugulu niyandɨkilwe nʉ Musa, nɨɨza mbugulu itaano niya ng'wandyo Milago nɨ la Kalɨ.
Namolɨ
Matayo ʉkandya Nkani ni Nza kʉganʉla mpola niyakʉtugwa kʉng'wa Kilisito nʉ ng'wandyo nʉa mʉlɨmo wakwe, mʉ mʉlango nʉa 1-4.
Naɨ wamala nanso Matayo ʉkʉganʉla mʉlɨmo nʉ ʉmanyisi wɨdʉ nʉ wang'wa Yesʉ, mʉlango 5-25.
Ʉmalɨnkɨɨlyo nʉa Nkani ni Nza niyandɨkilwe nʉ Matayo yiganʉe ikani nɨla kʉlʉ kʉʉlʉ nɨla kʉnsha nʉ kiʉka kʉng'wa Yesʉ, mʉ mʉlango nʉa 26-28.
Currently Selected:
Matayo NTONGEELA AKWE: IBV
Highlight
Share
ਕਾਪੀ।
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved