YOANI 21
21
Yesu asaenɛmɛdjai na batingami ba nde saambo
1Ngɔngɔ dja maswii, Yesu asaenɛmɛdja koko odii batingami ba nde, ta ibongu la ibeke inɛnɛ la Tibelia. Hokea moda masaenɛmɛdja yo: 2Simo Piɛlɛ, Toma – ɔbeakabo Ipasa –, Natanaɛlɛ – ona ɔdaka moto ɔ Kana ta Galilai –, bana ba Djebedai, ko na bakina batingami babae ba Yesu, badaka engbanga. 3Simo Piɛlɛ abala nabu boo: «Nakɛi aluba.» Babala na nde boo: «Iso koko, lakeke na wɛ engbanga.» Bea bakɛɛ na nde ko batitea ta bwato. Endolo baitɛdja noko eka bulu bua. 4Ena ɔbanga busa oya, Yesu adaka aemi ta ibongu, endolo batingami baidjebaka boo ɛdaka Yo. 5Bea Yesu abala na bu boo: «Bana ba mbai, oditini na swi?» Bamosɔmbɛdja boo: «Ngasa.» 6Abala na bu boo: «Maani modjanga ta ebɔ ɛ bami ɛ bwato ko odihaleani.» Bea bamaa modjanga, ko baihɔnɔ omokola ta madiba, ɛlɔkɛɛ boo maluma na swi. 7Bea motingami ona ɔpalaka Yesu abala na Piɛlɛ boo: «Edii Kumu!» Ehole ɛoka Simo Piɛlɛ bibaeli bia boo: «Edii Kumu», alwa esendja ɛ nde ɛ diko, tina ɛ boo ayeihwaka tina ɛ oluba, ko asamaa ta madiba. 8Batingami bakina basɔmbɛdja bwato ta ibongu, ena ɔdaka bo batuba modjanga imaluma otɔɔ na swi: baidaka ohali na ibongu, mbuti na mɛtɛlɛ mokama. 9Ehole ɛduboabo o ngondo, baenɛ malo ma mosa na swi babaki diko la mu, ko na mapa. 10Yesu abala na bu boo: «Doani na ekenge ɛ swi ibahulakeno atɛɛdja.» 11Simo Piɛlɛ atitea ta bwato ko atuba modjanga o ngondo molumake na swi ibanɛnɛnɛ mokama na tuku itano na basato. Noko ɔdaka swi bike, modjanga maikalea. 12Yesu abala na bu boo: «Doa ayakeni.» Pɛpɛ noko motingami omɔti omeka omohɔdja boo: «Wɛ nda?» Tina ɛ badjebaka boo ɛdaka Kumu. 13Yesu abatama, atomba ipa ko abakaanea lo; aiko bapa koko moswi. 14Ɛdaka mbala ɛ basato ɛsaenɛmɛdja Yesu odii batingami ba nde, donga opusoama ba nde ta ndanda ɛ bago.
Yesu na Piɛlɛ
15Ngɔngɔ dja oyaka, Yesu ahɔdja Simo Piɛlɛ boo: «Simo, mwana ɔ Yoani, okapaleni onɔ moda mokapaleni bii?» Amosɔmbɛdja boo: – «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» 16Bea amohɔdja mbala ɛ babae: «Simo, mwana ɔ Yoani, okapaleni?» – Amosɔmbɛdja boo: «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» 17Bea amohɔdja mbala ɛ basato boo: «Simo, mwana ɔ Yoani, okapaleni?» Piɛlɛ aoka ndjokwa ta molema ena ɔmohɔdja Yesu mbala ɛ basato boo: «Okapaleni?» Ko amosɔmbɛdja boo: «Kumu, ɔdjebaka midjɔ misusu; ɔdjebaka boo nakaopale!» Yesu abala na nde boo: «Banea bhata ba mbai. 18Edii bea, nabali na wɛ sooti: ehole ɛdaka wɛ yɛngɛ, osalwɛdjaka mosenge ma wɛ ko ɔkɛkɛ dɔngɔ lapalaka wɛ; endolo ehole eimeabi wɛ mobange, oninodjabi mabɔ, ko okina aolwɛdjabi mosenge ko akebi na wɛ dɔngɔ lidii wɛ pɛpɛ opala okɛɛ.» 19Yesu abala bibaeli bia oinedja moda mogwabi na Piɛlɛ tina ɛ ekumu ɛ Ndjambe. Ngɔngɔ djia abala na nde boo: «Kimanani!»
Yesu na motingami ona ɔpalaka yo
20Piɛlɛ ahokea sangɔngɔ ko aenɛ motingami ona ɔpalaka Yesu onɔdja batingami bakina – ona odaka aheki dɔngɔ la Yesu ta ehole ɛyaka bo ko amohɔdja boo: «Kumu, ona ookabalea nda?» – 21Ehole ɛmoenɛ Piɛlɛ ahɔdja Yesu boo: «Kumu, modjɔ mokɔmɔbi na nde nda?» 22Yesu amosɔmbɛdja boo: «Nga nakapala boo ahelame mbunoko ehole esɔmbɔbi mbai, ma wɛ nda? Wɛ, kimanani!» 23Na bea ngala ɛnangana odii denga boo motingami ona atagwa. Endolo Yesu aibala na Piɛlɛ boo: «Agwɛtebi», endolo abala wɛte boo: «Nga nakapala boo ahelame mbunoko osɔmbɔ ba mbai, ma wɛ nda?»
24Edii oko motingami ona ɔɔpaka tati ɛ midjɔ mia ko ɔmikoma, ko lodjebi boo tati ɛ nde edii sooti.
Ta osukedja
25Yesu akɔɔ midjɔ mikina mike. Nga makomama momɔti na momɔti, nalɛdji boo ngondo esusu etabolodja esika eobomba buku idjakɔkɔ komama.
Currently Selected:
YOANI 21: ngc
Highlight
Share
ਕਾਪੀ।
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
YOANI 21
21
Yesu asaenɛmɛdjai na batingami ba nde saambo
1Ngɔngɔ dja maswii, Yesu asaenɛmɛdja koko odii batingami ba nde, ta ibongu la ibeke inɛnɛ la Tibelia. Hokea moda masaenɛmɛdja yo: 2Simo Piɛlɛ, Toma – ɔbeakabo Ipasa –, Natanaɛlɛ – ona ɔdaka moto ɔ Kana ta Galilai –, bana ba Djebedai, ko na bakina batingami babae ba Yesu, badaka engbanga. 3Simo Piɛlɛ abala nabu boo: «Nakɛi aluba.» Babala na nde boo: «Iso koko, lakeke na wɛ engbanga.» Bea bakɛɛ na nde ko batitea ta bwato. Endolo baitɛdja noko eka bulu bua. 4Ena ɔbanga busa oya, Yesu adaka aemi ta ibongu, endolo batingami baidjebaka boo ɛdaka Yo. 5Bea Yesu abala na bu boo: «Bana ba mbai, oditini na swi?» Bamosɔmbɛdja boo: «Ngasa.» 6Abala na bu boo: «Maani modjanga ta ebɔ ɛ bami ɛ bwato ko odihaleani.» Bea bamaa modjanga, ko baihɔnɔ omokola ta madiba, ɛlɔkɛɛ boo maluma na swi. 7Bea motingami ona ɔpalaka Yesu abala na Piɛlɛ boo: «Edii Kumu!» Ehole ɛoka Simo Piɛlɛ bibaeli bia boo: «Edii Kumu», alwa esendja ɛ nde ɛ diko, tina ɛ boo ayeihwaka tina ɛ oluba, ko asamaa ta madiba. 8Batingami bakina basɔmbɛdja bwato ta ibongu, ena ɔdaka bo batuba modjanga imaluma otɔɔ na swi: baidaka ohali na ibongu, mbuti na mɛtɛlɛ mokama. 9Ehole ɛduboabo o ngondo, baenɛ malo ma mosa na swi babaki diko la mu, ko na mapa. 10Yesu abala na bu boo: «Doani na ekenge ɛ swi ibahulakeno atɛɛdja.» 11Simo Piɛlɛ atitea ta bwato ko atuba modjanga o ngondo molumake na swi ibanɛnɛnɛ mokama na tuku itano na basato. Noko ɔdaka swi bike, modjanga maikalea. 12Yesu abala na bu boo: «Doa ayakeni.» Pɛpɛ noko motingami omɔti omeka omohɔdja boo: «Wɛ nda?» Tina ɛ badjebaka boo ɛdaka Kumu. 13Yesu abatama, atomba ipa ko abakaanea lo; aiko bapa koko moswi. 14Ɛdaka mbala ɛ basato ɛsaenɛmɛdja Yesu odii batingami ba nde, donga opusoama ba nde ta ndanda ɛ bago.
Yesu na Piɛlɛ
15Ngɔngɔ dja oyaka, Yesu ahɔdja Simo Piɛlɛ boo: «Simo, mwana ɔ Yoani, okapaleni onɔ moda mokapaleni bii?» Amosɔmbɛdja boo: – «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» 16Bea amohɔdja mbala ɛ babae: «Simo, mwana ɔ Yoani, okapaleni?» – Amosɔmbɛdja boo: «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» 17Bea amohɔdja mbala ɛ basato boo: «Simo, mwana ɔ Yoani, okapaleni?» Piɛlɛ aoka ndjokwa ta molema ena ɔmohɔdja Yesu mbala ɛ basato boo: «Okapaleni?» Ko amosɔmbɛdja boo: «Kumu, ɔdjebaka midjɔ misusu; ɔdjebaka boo nakaopale!» Yesu abala na nde boo: «Banea bhata ba mbai. 18Edii bea, nabali na wɛ sooti: ehole ɛdaka wɛ yɛngɛ, osalwɛdjaka mosenge ma wɛ ko ɔkɛkɛ dɔngɔ lapalaka wɛ; endolo ehole eimeabi wɛ mobange, oninodjabi mabɔ, ko okina aolwɛdjabi mosenge ko akebi na wɛ dɔngɔ lidii wɛ pɛpɛ opala okɛɛ.» 19Yesu abala bibaeli bia oinedja moda mogwabi na Piɛlɛ tina ɛ ekumu ɛ Ndjambe. Ngɔngɔ djia abala na nde boo: «Kimanani!»
Yesu na motingami ona ɔpalaka yo
20Piɛlɛ ahokea sangɔngɔ ko aenɛ motingami ona ɔpalaka Yesu onɔdja batingami bakina – ona odaka aheki dɔngɔ la Yesu ta ehole ɛyaka bo ko amohɔdja boo: «Kumu, ona ookabalea nda?» – 21Ehole ɛmoenɛ Piɛlɛ ahɔdja Yesu boo: «Kumu, modjɔ mokɔmɔbi na nde nda?» 22Yesu amosɔmbɛdja boo: «Nga nakapala boo ahelame mbunoko ehole esɔmbɔbi mbai, ma wɛ nda? Wɛ, kimanani!» 23Na bea ngala ɛnangana odii denga boo motingami ona atagwa. Endolo Yesu aibala na Piɛlɛ boo: «Agwɛtebi», endolo abala wɛte boo: «Nga nakapala boo ahelame mbunoko osɔmbɔ ba mbai, ma wɛ nda?»
24Edii oko motingami ona ɔɔpaka tati ɛ midjɔ mia ko ɔmikoma, ko lodjebi boo tati ɛ nde edii sooti.
Ta osukedja
25Yesu akɔɔ midjɔ mikina mike. Nga makomama momɔti na momɔti, nalɛdji boo ngondo esusu etabolodja esika eobomba buku idjakɔkɔ komama.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
©2025 Communauté des Eglises Travaillistes (CET)