Romanos Atipũ abiro tiro ojayoyu
Atipũ abiro tiro ojayoyu
Atipũrẽ Pablocã Roma macãrã Jesúre wedewõrĩbumacãrãrẽ ojacoriapũrẽ Corintopʉmena cʉmarĩ 56, 58 watoano Jesucristocã bajuariasiro niñerõcã ojayogatiyu ĩ wãcũyo. Pʉãrĩsiro Jesucristoye quetire wedecamesãrĩwatoa nitʉoriwatoamena ojayogatiyu ĩyo (Hch 20) Macedonia macãrã ĩñerõcã Acaya macãrã judío basoca nihera Jesúre wedewõrãcã niyeru neõriguere cʉ̃cã Jerusalén macãrãpʉre Jesúre wedewõrã judío basoca bopacarare wiyogʉ watosʉguero niñerõcã (15:25-27). Pablo Romapʉre ĩñagʉ̃ waheririgʉ nicapeicã Españapʉ Jesúye quetire wedegʉ wagʉpʉ (15:20-24) Roma macãrãrẽ ĩñatʉagʉda ĩ wãcũyugʉ cʉ̃jãcã Jesúre wedewõrẽ cʉorere wacũtutuañerõcã tigʉdagʉ.
Tocawatoapʉre Roma macãrã timacãcã dotiro pʉpeapʉ nirĩmacãrĩrẽ dotijorimacã niriaro niwʉ̃; timacãrã marĩcʉorore Italia wãmecʉtiriditare nirĩmacã. Pablocã nirĩbʉrecoripʉre Romapʉre Jesúre wedewõrĩbasoca nijomocãrã judío basoca niherapera nicametʉanʉcãyura. Bicapetacãrã judío basoca Jesúre wedewõrãcã nijomocãyura; cʉ̃jãrã judío basoca niheramenarẽ came asiaso wederucũrẽcʉtiñerõcã tiyura. Tairo tiro Pablocã atipũpʉre buere pʉabumacãrãcã came nirẽrẽna wede. Tocawatoamacãrã judío basoca judío basoca niherasotoape tʉoiñarã niyura Manigʉ̃cã Moisére dotire cũriguere cʉoremena wadora.
Atipũrã Manigʉ̃cã basocare cametʉore quetire ñurõ wedecamewiopeti Pablocã judío basoca niherapʉre Jesucristoye quetire buecamesãgʉ̃ wederiguerena. Tipũcã wederere capítulo 1:16-17rena neõnʉcoyore pʉtʉa; tocã ĩrõrã abirora ñurẽ mama quetira Manigʉ̃ye tutuare ña. Tairo tiro nipetira judío basocare, judío basoca niherare cʉ̃jãcã Jesucristore wedewõrẽmena wadora cametʉoyoana nirã eañerõcã tiroacu ĩ.
Pablocã
Roma Macãrãrẽ Ojacoriapũ
Currently Selected:
Romanos Atipũ abiro tiro ojayoyu: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.