Marcos 12
12
Ñañarã padedebasocamena queore buerigue
(Mt 21:33-46; Lc 20:9-19)
1Jesús paia nirũpãrãrẽ, Moisécã ojariguere bueribasocare, judío basoca nirũpãrãrẽ queoremena wedeyugʉ. Abiro ĩyugʉ:
—Ĩcʉ̃ ʉmʉ ʉse wese tiyugʉ. Tuwagʉ tiwesere sãnisãnʉcõ, ĩcã cope ʉ̃tãbaparopʉ coayugʉ. Cʉ̃cã ʉse ocore negʉ̃, ʉsere ñabipoaticopere ĩñerõcã ĩcã wi emʉãriwi tiyugʉ tiwesere coteribasocacã cotepesatiwi. Siro sua ãpẽrã padederibasocare tiwesere wasocũmocã ‘tiecã bʉtituwaremena mʉjã yʉre tiere tocãrõ nʉnirõãcu’ ĩcũmocã aperopʉ warisuayugʉ. 2Siro ʉse bʉtituwariwatoa eañerõcã tiwesere cʉogʉ ĩcʉ̃ cʉ̃rẽ padedecotegʉre ticoyugʉ cʉ̃ya ʉse wesere padederibasocare cʉ̃jãcã wãcũpʉtʉariarora abiro cʉ̃ye nirẽrẽ sãĩdoticogʉ. 3Buri cʉ̃jãpe cʉ̃cã topʉ eañerõcã cʉ̃rẽ ñe panirã icãta pẽrõgãno tiere nʉniherara ñeno manigʉ̃rã cʉ̃rẽ tipʉtʉocomocãyura. 4Tamʉ tiwesere cʉogʉ ãpĩ cʉ̃rẽ padedecoteribasocʉre ticoyugʉ. Buri ãnicãrẽ cʉ̃cã topʉ eawañerõcã dʉpowʉpʉ camitumocã, ñañarõ ĩtutimocã tipʉtʉocoyura. 5Tamʉ tiwesere cʉogʉ ãpĩrẽ ticonemoyugʉ. Topʉ cʉ̃cã eawañerõcã ãni docare diamacãrã cʉ̃jã sĩãcõãmocãyura. Biñerõcã ĩñagʉ̃ pajʉ ticonemoyugʉ. Cʉ̃jãcãrẽ tiwãmerã ãpẽrãrẽ pa, ãpẽrãrã sĩãcõãmocãyura. 6Buri sua cʉ̃rẽ ĩcʉ̃rã cʉ̃ macʉ̃ cʉ̃cã bʉtoro maĩgʉ̃ wadora dʉsayugʉ. Ticotʉogʉ cʉ̃rẽ ticoyugʉ ‘Yʉmacʉ̃ docare wedewõrõãgawa’ ĩ wãcũrẽmena. 7Buri cʉ̃ macʉ̃cã topʉ eañerõcã ĩñarã tiwisere padederibasocape cʉ̃jãbasurupe abiro ĩ came wederucũyura: ‘Ãnirã ñawĩ siropʉre atiwesere cʉogʉ pʉtʉacʉ. ¡Ma cʉ̃rẽ sĩãco! Siro marĩ atiwesere cʉora pʉtʉaracu’ ĩyura. 8Tairo tira cʉ̃rẽ ñe sĩãmocãyura. Tuwanʉcõ tiwese tʉsaropʉ cʉ̃ya ũpʉ̃rẽ cõãmocãyura ―ĩ wedeyugʉ Jesús.
9Jesús cʉ̃jãrẽ ĩyugʉ: —Mʉjãcã tʉoiñañerõcã tiwesere cʉogʉ cʉ̃jãrẽ ¿dairo tigʉagari? Cʉ̃ wati cʉ̃ya wese padederibasocare sĩãcõãpetimocã ãpẽrãrẽ tiwesere nʉnigʉagawi. 10¿Mʉjã Manigʉ̃ye wederucũrẽ ojayoriapũpʉ nirẽrẽ buecaperacãrã atiere masĩheriri? Abiro ojayoriaro niwʉ̃:
«Wi weribasoca cʉ̃jãcã peñaheririapera ĩcã ʉ̃tãpe nipetiriperisotoare bʉtoro wapacʉtiripe pʉtʉaro ea.
11Manigʉ̃ marĩ Nirũpʉ̃ cʉ̃jãcã cõãriapemena tairo tirigʉ niwĩ. Marĩ cʉ̃cã tairo tiriguere ĩñarã ‘ñucametʉasu’ ĩ wãcũ»
ĩ ojayoriaro niwʉ#Sal 118:22-23.
―ĩ wedeyugʉ Jesús cʉ̃jãrẽ.
12Jesúcã tie queoremena wedeñerõcã tʉora nirũpãrãpe “tora abiro ĩgʉ̃ marĩrẽna ĩtutigʉ yawí” ĩ masĩnirã Jesúre ñerugamiyura. Cʉ̃rẽ ñerugacaperacãrã basocare cuira ñemasĩherara warisuayura.
Niyeru wapasere maquẽrẽ sãĩñarigue
13Siro ĩcãrã fariseo basocare ĩñerõcã Herodeyabumacãrãrẽ Jesús cʉtiropʉ ticoyura cʉ̃rẽ sãĩñadoticora cʉ̃cã cʉ̃jãrẽ merĩãpe yʉñerõcã cʉ̃rẽ wedesãrugara. 14Tairo tira cʉ̃jã topʉ wa Jesús cʉtiropʉ eara abiro ĩyura:
—Buegʉ, ʉ̃sã mʉcã ĩritoro manirõ wederucũrẽrẽ masĩ. Mʉ basocare mʉcã buerere tairo bi cʉ̃jãcã ĩrẽrẽ tʉonʉnʉheri. Tairora cʉ̃jãcã peñarẽpere wedeheri. Merẽ mʉ basocare Manigʉ̃ cʉ̃cã cʉ̃jãrẽ nirẽcʉtiñerõcã boriwãmepe queoro bue. Tairo tigʉ ʉ̃sãrẽ mʉ wedeya: ¿Roma macãrã nirũpʉ̃ Césare cʉ̃cã niyeru wapaserere wapatiñerõcã ñujori o ñañajori? ¿Marĩrẽ tidotiri o tidotiheriri quepa? ―ĩ sãĩñayura.
15Buri Jesúpe cʉ̃jãcã tiritoremena sãĩñañerõcã ĩñamasĩnigʉ̃ abiro ĩyugʉ:
—¿Dairo tira mʉjã yʉre queoro niheriwãmepe yʉñerõcã tirugariwãmemena sãĩñarĩ? Yʉre niyerutire neãtiya ĩñarãdara ―ĩyugʉ.
16Tairo tira niyerutire cʉ̃rẽ neãtiyura. Jesúpe ĩyugʉ:
—¿Noãya wãnimacã, noãya wãme tusari? ―ĩyugʉ.
Cʉ̃jã yʉyura:
—Roma macãrã nirũpʉ̃ Césaya wãnimacã ña, cʉ̃ya wãme tusa ―ĩyura.
17Cʉ̃jãcã tairo ĩñerõcã tʉogʉ Jesús cʉ̃jãrẽ ĩyugʉ:
—Topʉare nirũpʉ̃ Césaye nirẽrẽ Césare nʉniña. Manigʉ̃ye nirẽpere Manigʉ̃rẽ nʉniña ―ĩyugʉ.
Tora abiro cʉ̃cã cʉ̃jãrẽ yʉre cʉ̃jãrẽ tʉomaniãsuñerõcã tiyuro.
Basocacã cõwõriasiro masãrẽrẽ Jesúre sãĩñarigue
(Mt 22:23-33; Lc 20:27-40)
18Ãpẽrã saduceo basoca Jesúre ĩñarã wayura. Ãnijã “cõwõãriarapʉ masãherigawa” ĩrẽrẽ wedewõrã niyura. Tairo tira Jesúre abiro ĩ sãĩñayura:
19—Buegʉ, Moisés marĩrẽ abiro dotire cũrĩgʉ̃ niwĩ: «Ĩcʉ̃ nʉmocʉtigʉ pũnamanigʉ̃rã cõwõñerõcã cʉ̃ bajipe cʉ̃ nʉmo nirigo wapearigore nʉmocʉtigʉagawi comena cʉ̃cã pũnacʉtira cʉ̃ sõwʉ̃nigʉ̃ pũnarã abiro pʉtʉatora abiro» ĩ dotire cũrĩgʉ niwĩ Moisés.#Dt 25:5-10. 20Tie ñujo. Buri ĩcʉ̃pũna sietere tairora wariaro niwʉ̃. Cʉ̃jã sõwʉ̃ nʉmocʉti pũnamanigʉ̃rã cõwõãsurigʉ niwĩ. 21Tairo biñerõcã cʉ̃siromacʉ̃ cʉ̃ sõwʉ̃nigʉ̃ nʉmo wapearigore nʉmocʉtigʉ earigʉ niwĩ. Cʉ̃cã tiwãmerã pũnamanigʉ̃rã cõwõãsurigʉ niwĩ. Pʉ̃ãrãsiromacʉ̃cãrẽ tairora wariaro niwʉ̃. 22Ĩcʉ̃pũna nipetira sietepʉrena tairo wado wariaro niwʉ̃. Ĩcʉ̃nopera punamaniriara niwã. Yapatiropʉpʉa cʉ̃jã nʉmo nimirigocã cõwõãsurigo nigõ. 23Ʉ̃sã atiere sãĩña: Topʉare sua Manigʉ̃cã cõwõãriarare masõrĩbʉreco eañerõcã cocã tocʉ̃ sietepʉre core nʉmocʉtiriasiro niñerõcãrẽ co noã nʉmojoro pʉtʉago eamasĩgoagari ―ĩyura.
24Cʉ̃jãcã tairo ĩñerõcã tʉogʉ Jesús cʉ̃jãrẽ yʉyugʉ:
—Mʉjã Manigʉ̃ye wederucũrẽ ojayoriapũpʉ nirẽrẽ queoro masĩrugaherinirã, tairora Manigʉ̃ye tutuarere masĩrugaherinirã, cõwõãriasiropʉ catiatere queoro wãcũherijomocã. 25Cõwõãriarare Manigʉ̃cã masõrõsiropʉre nʉmocʉtire, manʉcʉtire manirõãcu. Buripe ʉmʉãwesepʉ nirã Manigʉ̃rẽ wedecoteribasocara abiro nirõãgawa. 26¿Mʉjã marĩcʉ̃ cõwõãriaracã masãte maquẽrẽ Manigʉ̃cã Moisere yucʉsati ʉ̃rũcũrĩsatipʉ ĩriguere buecaperacãrã tʉomasĩheriri? Abiro ĩrigʉ niwĩ: «Yʉ, mʉjã ñecʉ̃sʉmʉã Abraham, Isaac, Jacojãya Manigʉ̃ ña» ĩrigʉ niwĩ.#Ex 3:2-6. 27Tairo tigʉ Manigʉ̃ cõwõriaraya Manigʉ̃ niheriwi buripe catirucũrãya Manigʉ̃pe ñawĩ. Buri mʉjãpe tiere queoro wãcũherinirã noborora wãcũpãmarã nimocã ―ĩyugʉ.
Moisécã dotire cũrigue watoare pʉaro wapacʉticametʉare
(Mt 22:34-40)
28Jesúcã ñurĩwãmejoro yʉariasiro ĩñagʉ̃ ĩcʉ̃ Moisécã ojariguere bueribasocʉ topʉ wederucũrẽrẽ tʉoarigʉ Jesús cʉtiropʉ wati cʉ̃rẽ abiro ĩ sãĩñayugʉ:
—¿Moisécã dotire cũrigue watoare nope ñarĩ nipetiresotoare wapacʉticametʉanʉcãrõ? ―ĩyugʉ.
29Jesús cʉ̃rẽ yʉyugʉ:
—Nipetire dotire cũrigue watoare dotiro nicosoro ano ña: «Tʉoya Israel macãrã. Nirũpʉ̃ marĩya Manigʉ̃ ĩcʉ̃rã marĩ Nirũpʉ̃joro ñawĩ. 30Tairo tira Manigʉ̃ marĩ Nirũpʉ̃rẽ nipetiri mʉya yeripũnamena, nipetire mʉye catiremena, nipetire mʉye wãcũrẽmena ĩñerõcã nipetire mʉye tutuaremena cʉ̃rẽ maĩña» ĩ.#Dt 6:4-5. 31Buri apero anosiromacãrõ apero ĩcãrõ ña. To abiro ĩ: «Mʉ cʉtiro nigʉ̃rẽ maĩña mʉbasurupe mʉcã maĩrõrã abiro» ĩ.#Lv 19:18. Apeyepʉa atie pʉarosotoare bʉtorojoro wapacʉtire nijomocãrẽ mani ―ĩyugʉ Jesús.
32Cʉ̃cã tairo ĩñerõcã tʉogʉ Moisécã ojariguere bueribasocʉ abiro ĩyugʉ:
—Buegʉ, ñucametʉasu. Mʉcã ĩrẽ diamacãrã ña: Manigʉ̃ ĩcʉrã ñawĩ. Ãpĩ cʉ̃rã abiro nigʉ̃ maniwĩ. 33Tairora Manigʉ̃rẽ nipetiri yeripũnamena, nipetire tʉomasĩrẽmena, nipetire tutuaremena ĩñerõcã marĩ cʉtiro nigʉ̃rẽ maĩña mʉbasurupe mʉcã maĩrõrã abiro maĩrẽ cʉore nipetire marĩcã Manigʉ̃rẽ ñubueriwipʉ waibʉcʉrare sĩã soemʉõcopeoresotoapere, Manigʉ̃rẽ apeyeno nʉnirẽsotoapere wapacʉtijomocãrẽ ña#Os 6:6. ―ĩyugʉ.
34Cʉ̃cã ĩritoro manirõ ñurõ wederucũmemañerõcã ĩñagʉ̃ Jesús cʉ̃rẽ ĩyugʉ:
—Manigʉ̃cã mʉ nirũpʉ̃ nirẽrẽ mʉcã tʉomasĩgʉ̃ eato mʉrẽ pẽrõgã dʉsa ―ĩyugʉ.
Jesúcã atiere ĩãriasiro icãta ĩcʉ̃nopera Jesúre sãĩñanemorugaheriyura.
¿Cristo noã pãrãmi nitutiagʉ ñarĩ? ĩ sãĩñarigue
(Mt 22:41-46; Lc 20:41-44)
35Jesús Manigʉ̃wipʉ buegʉra basocare abiro ĩ sãĩñayugʉ:
—¿Dairo tira Moisécã ojariguere bueribasoca ‘Cristo Manigʉ̃cã beseyorigʉ marĩ nirũpʉ̃ David pãrãmi nitutiagʉ ñawĩ’ ĩrĩ?#Is 11:1-10; Jer 23:5-8. 36Merẽ Davibasurupera Espíritu Santocã masĩrẽ nʉnirẽmena abiro ĩ ojarigʉ niwĩ:
«Nirũpʉ̃ Manigʉ̃ yʉ Nirũpʉ̃ Cristore abiro ĩwĩ:
Ano yʉ diamacãpe duiya yʉmena dotiduigʉdagʉ.
Pʉ mʉrẽ ĩñatutiribasocare mʉcã dotirere yʉcã ñurõ yʉñerõcã tiriwatoapʉ»
ĩ ojarigʉ niwĩ David.#Sal 110:1. 37¿Dairo binigʉ̃ Cristo Manigʉ̃cã beseyorigʉ David pãrãmi nitutiagʉ nimasĩbogari merẽ Davibasurupera cʉ̃rẽ yʉ Nirũpʉ̃ ĩ pisuriasiro nicapetacã?
Pajʉ basoca topʉ nira peñarõpʉra Jesúcã wederere tʉoyura.
Moisécã ojariguere bueribasocacã ñañarẽ tirecʉtirere Jesúcã wederigue
(Mt 23:1-36; Lc 11:37-54; 20:45-47)
38Jesús basocare cʉ̃cã buerewatoapʉre abiro ĩyugʉ:
—¡Mʉjã Moisécã ojariguere bueribasocare tʉomasĩña! Cʉ̃jã basocare ĩñaro ĩrã suti yoarepacare sãñapeñawã. Ĩñerõcã macã decopʉre no cʉ̃jãcã waro cuwiopesaremena ñudotiñerõcã bowa. 39Cʉ̃jãcã neãporiwiseripʉre, boseyarepʉcãrẽ nisocore duiripĩrĩpʉ̃ nirũpãrãcã duirenopʉ wado duirugawa. 40Wapeariara nomiãyawiserire ĩritoremena emawã. Cʉ̃jãcã ñañaro tiariguere yajiosãrã yoariwatoa ñubueñoritowa. Cʉ̃jãrã ãpẽrãsotoare ñañacametʉarojoro tiyoroagawa ―ĩyugʉ Jesús.
Ĩcõ wapearigo bopacago niyeru nʉnirigue
(Lc 21:1-4)
41Jesús Manigʉ̃wipʉ basocacã niyeru nʉnirã sãrĩcũmurĩ apõtĩõrõpʉ basocacã ticũmurĩpʉ niyeru sãñerõcã ĩñaduiyugʉ. Topʉre pairo niyeru cʉora pairo sãyura. 42Cʉ̃jãcã tairo tiriwatoa ĩcõ wapearigo bopacago eayugo. Topʉ ea co niyeru sãrĩcũmuãrĩpʉre pʉati niyeru pẽrõgã wapacʉtiritirere sãyugo. 43Cocã tairo tiariasiro Jesúpe cʉ̃ buerare pisuco cʉ̃jãrẽ abiro ĩyugʉ:
—Mʉjãrẽ diamacãrã wedegʉda: Manigʉ̃cã ĩñacoropʉre atio wapearigo bopacagopera ticũmuãrĩpʉre nipetirasotoare nʉnicametʉanʉcãgõ. 44Merẽ nipetira cʉ̃jãrẽ dʉsarere nʉniwã. Buri cope bopacago ña ĩrõ manirõ nipetire cocã yate maquẽ cʉomoãriguepʉrena nʉnipetimocãgõ ―ĩyugʉ.
Currently Selected:
Marcos 12: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Marcos 12
12
Ñañarã padedebasocamena queore buerigue
(Mt 21:33-46; Lc 20:9-19)
1Jesús paia nirũpãrãrẽ, Moisécã ojariguere bueribasocare, judío basoca nirũpãrãrẽ queoremena wedeyugʉ. Abiro ĩyugʉ:
—Ĩcʉ̃ ʉmʉ ʉse wese tiyugʉ. Tuwagʉ tiwesere sãnisãnʉcõ, ĩcã cope ʉ̃tãbaparopʉ coayugʉ. Cʉ̃cã ʉse ocore negʉ̃, ʉsere ñabipoaticopere ĩñerõcã ĩcã wi emʉãriwi tiyugʉ tiwesere coteribasocacã cotepesatiwi. Siro sua ãpẽrã padederibasocare tiwesere wasocũmocã ‘tiecã bʉtituwaremena mʉjã yʉre tiere tocãrõ nʉnirõãcu’ ĩcũmocã aperopʉ warisuayugʉ. 2Siro ʉse bʉtituwariwatoa eañerõcã tiwesere cʉogʉ ĩcʉ̃ cʉ̃rẽ padedecotegʉre ticoyugʉ cʉ̃ya ʉse wesere padederibasocare cʉ̃jãcã wãcũpʉtʉariarora abiro cʉ̃ye nirẽrẽ sãĩdoticogʉ. 3Buri cʉ̃jãpe cʉ̃cã topʉ eañerõcã cʉ̃rẽ ñe panirã icãta pẽrõgãno tiere nʉniherara ñeno manigʉ̃rã cʉ̃rẽ tipʉtʉocomocãyura. 4Tamʉ tiwesere cʉogʉ ãpĩ cʉ̃rẽ padedecoteribasocʉre ticoyugʉ. Buri ãnicãrẽ cʉ̃cã topʉ eawañerõcã dʉpowʉpʉ camitumocã, ñañarõ ĩtutimocã tipʉtʉocoyura. 5Tamʉ tiwesere cʉogʉ ãpĩrẽ ticonemoyugʉ. Topʉ cʉ̃cã eawañerõcã ãni docare diamacãrã cʉ̃jã sĩãcõãmocãyura. Biñerõcã ĩñagʉ̃ pajʉ ticonemoyugʉ. Cʉ̃jãcãrẽ tiwãmerã ãpẽrãrẽ pa, ãpẽrãrã sĩãcõãmocãyura. 6Buri sua cʉ̃rẽ ĩcʉ̃rã cʉ̃ macʉ̃ cʉ̃cã bʉtoro maĩgʉ̃ wadora dʉsayugʉ. Ticotʉogʉ cʉ̃rẽ ticoyugʉ ‘Yʉmacʉ̃ docare wedewõrõãgawa’ ĩ wãcũrẽmena. 7Buri cʉ̃ macʉ̃cã topʉ eañerõcã ĩñarã tiwisere padederibasocape cʉ̃jãbasurupe abiro ĩ came wederucũyura: ‘Ãnirã ñawĩ siropʉre atiwesere cʉogʉ pʉtʉacʉ. ¡Ma cʉ̃rẽ sĩãco! Siro marĩ atiwesere cʉora pʉtʉaracu’ ĩyura. 8Tairo tira cʉ̃rẽ ñe sĩãmocãyura. Tuwanʉcõ tiwese tʉsaropʉ cʉ̃ya ũpʉ̃rẽ cõãmocãyura ―ĩ wedeyugʉ Jesús.
9Jesús cʉ̃jãrẽ ĩyugʉ: —Mʉjãcã tʉoiñañerõcã tiwesere cʉogʉ cʉ̃jãrẽ ¿dairo tigʉagari? Cʉ̃ wati cʉ̃ya wese padederibasocare sĩãcõãpetimocã ãpẽrãrẽ tiwesere nʉnigʉagawi. 10¿Mʉjã Manigʉ̃ye wederucũrẽ ojayoriapũpʉ nirẽrẽ buecaperacãrã atiere masĩheriri? Abiro ojayoriaro niwʉ̃:
«Wi weribasoca cʉ̃jãcã peñaheririapera ĩcã ʉ̃tãpe nipetiriperisotoare bʉtoro wapacʉtiripe pʉtʉaro ea.
11Manigʉ̃ marĩ Nirũpʉ̃ cʉ̃jãcã cõãriapemena tairo tirigʉ niwĩ. Marĩ cʉ̃cã tairo tiriguere ĩñarã ‘ñucametʉasu’ ĩ wãcũ»
ĩ ojayoriaro niwʉ#Sal 118:22-23.
―ĩ wedeyugʉ Jesús cʉ̃jãrẽ.
12Jesúcã tie queoremena wedeñerõcã tʉora nirũpãrãpe “tora abiro ĩgʉ̃ marĩrẽna ĩtutigʉ yawí” ĩ masĩnirã Jesúre ñerugamiyura. Cʉ̃rẽ ñerugacaperacãrã basocare cuira ñemasĩherara warisuayura.
Niyeru wapasere maquẽrẽ sãĩñarigue
13Siro ĩcãrã fariseo basocare ĩñerõcã Herodeyabumacãrãrẽ Jesús cʉtiropʉ ticoyura cʉ̃rẽ sãĩñadoticora cʉ̃cã cʉ̃jãrẽ merĩãpe yʉñerõcã cʉ̃rẽ wedesãrugara. 14Tairo tira cʉ̃jã topʉ wa Jesús cʉtiropʉ eara abiro ĩyura:
—Buegʉ, ʉ̃sã mʉcã ĩritoro manirõ wederucũrẽrẽ masĩ. Mʉ basocare mʉcã buerere tairo bi cʉ̃jãcã ĩrẽrẽ tʉonʉnʉheri. Tairora cʉ̃jãcã peñarẽpere wedeheri. Merẽ mʉ basocare Manigʉ̃ cʉ̃cã cʉ̃jãrẽ nirẽcʉtiñerõcã boriwãmepe queoro bue. Tairo tigʉ ʉ̃sãrẽ mʉ wedeya: ¿Roma macãrã nirũpʉ̃ Césare cʉ̃cã niyeru wapaserere wapatiñerõcã ñujori o ñañajori? ¿Marĩrẽ tidotiri o tidotiheriri quepa? ―ĩ sãĩñayura.
15Buri Jesúpe cʉ̃jãcã tiritoremena sãĩñañerõcã ĩñamasĩnigʉ̃ abiro ĩyugʉ:
—¿Dairo tira mʉjã yʉre queoro niheriwãmepe yʉñerõcã tirugariwãmemena sãĩñarĩ? Yʉre niyerutire neãtiya ĩñarãdara ―ĩyugʉ.
16Tairo tira niyerutire cʉ̃rẽ neãtiyura. Jesúpe ĩyugʉ:
—¿Noãya wãnimacã, noãya wãme tusari? ―ĩyugʉ.
Cʉ̃jã yʉyura:
—Roma macãrã nirũpʉ̃ Césaya wãnimacã ña, cʉ̃ya wãme tusa ―ĩyura.
17Cʉ̃jãcã tairo ĩñerõcã tʉogʉ Jesús cʉ̃jãrẽ ĩyugʉ:
—Topʉare nirũpʉ̃ Césaye nirẽrẽ Césare nʉniña. Manigʉ̃ye nirẽpere Manigʉ̃rẽ nʉniña ―ĩyugʉ.
Tora abiro cʉ̃cã cʉ̃jãrẽ yʉre cʉ̃jãrẽ tʉomaniãsuñerõcã tiyuro.
Basocacã cõwõriasiro masãrẽrẽ Jesúre sãĩñarigue
(Mt 22:23-33; Lc 20:27-40)
18Ãpẽrã saduceo basoca Jesúre ĩñarã wayura. Ãnijã “cõwõãriarapʉ masãherigawa” ĩrẽrẽ wedewõrã niyura. Tairo tira Jesúre abiro ĩ sãĩñayura:
19—Buegʉ, Moisés marĩrẽ abiro dotire cũrĩgʉ̃ niwĩ: «Ĩcʉ̃ nʉmocʉtigʉ pũnamanigʉ̃rã cõwõñerõcã cʉ̃ bajipe cʉ̃ nʉmo nirigo wapearigore nʉmocʉtigʉagawi comena cʉ̃cã pũnacʉtira cʉ̃ sõwʉ̃nigʉ̃ pũnarã abiro pʉtʉatora abiro» ĩ dotire cũrĩgʉ niwĩ Moisés.#Dt 25:5-10. 20Tie ñujo. Buri ĩcʉ̃pũna sietere tairora wariaro niwʉ̃. Cʉ̃jã sõwʉ̃ nʉmocʉti pũnamanigʉ̃rã cõwõãsurigʉ niwĩ. 21Tairo biñerõcã cʉ̃siromacʉ̃ cʉ̃ sõwʉ̃nigʉ̃ nʉmo wapearigore nʉmocʉtigʉ earigʉ niwĩ. Cʉ̃cã tiwãmerã pũnamanigʉ̃rã cõwõãsurigʉ niwĩ. Pʉ̃ãrãsiromacʉ̃cãrẽ tairora wariaro niwʉ̃. 22Ĩcʉ̃pũna nipetira sietepʉrena tairo wado wariaro niwʉ̃. Ĩcʉ̃nopera punamaniriara niwã. Yapatiropʉpʉa cʉ̃jã nʉmo nimirigocã cõwõãsurigo nigõ. 23Ʉ̃sã atiere sãĩña: Topʉare sua Manigʉ̃cã cõwõãriarare masõrĩbʉreco eañerõcã cocã tocʉ̃ sietepʉre core nʉmocʉtiriasiro niñerõcãrẽ co noã nʉmojoro pʉtʉago eamasĩgoagari ―ĩyura.
24Cʉ̃jãcã tairo ĩñerõcã tʉogʉ Jesús cʉ̃jãrẽ yʉyugʉ:
—Mʉjã Manigʉ̃ye wederucũrẽ ojayoriapũpʉ nirẽrẽ queoro masĩrugaherinirã, tairora Manigʉ̃ye tutuarere masĩrugaherinirã, cõwõãriasiropʉ catiatere queoro wãcũherijomocã. 25Cõwõãriarare Manigʉ̃cã masõrõsiropʉre nʉmocʉtire, manʉcʉtire manirõãcu. Buripe ʉmʉãwesepʉ nirã Manigʉ̃rẽ wedecoteribasocara abiro nirõãgawa. 26¿Mʉjã marĩcʉ̃ cõwõãriaracã masãte maquẽrẽ Manigʉ̃cã Moisere yucʉsati ʉ̃rũcũrĩsatipʉ ĩriguere buecaperacãrã tʉomasĩheriri? Abiro ĩrigʉ niwĩ: «Yʉ, mʉjã ñecʉ̃sʉmʉã Abraham, Isaac, Jacojãya Manigʉ̃ ña» ĩrigʉ niwĩ.#Ex 3:2-6. 27Tairo tigʉ Manigʉ̃ cõwõriaraya Manigʉ̃ niheriwi buripe catirucũrãya Manigʉ̃pe ñawĩ. Buri mʉjãpe tiere queoro wãcũherinirã noborora wãcũpãmarã nimocã ―ĩyugʉ.
Moisécã dotire cũrigue watoare pʉaro wapacʉticametʉare
(Mt 22:34-40)
28Jesúcã ñurĩwãmejoro yʉariasiro ĩñagʉ̃ ĩcʉ̃ Moisécã ojariguere bueribasocʉ topʉ wederucũrẽrẽ tʉoarigʉ Jesús cʉtiropʉ wati cʉ̃rẽ abiro ĩ sãĩñayugʉ:
—¿Moisécã dotire cũrigue watoare nope ñarĩ nipetiresotoare wapacʉticametʉanʉcãrõ? ―ĩyugʉ.
29Jesús cʉ̃rẽ yʉyugʉ:
—Nipetire dotire cũrigue watoare dotiro nicosoro ano ña: «Tʉoya Israel macãrã. Nirũpʉ̃ marĩya Manigʉ̃ ĩcʉ̃rã marĩ Nirũpʉ̃joro ñawĩ. 30Tairo tira Manigʉ̃ marĩ Nirũpʉ̃rẽ nipetiri mʉya yeripũnamena, nipetire mʉye catiremena, nipetire mʉye wãcũrẽmena ĩñerõcã nipetire mʉye tutuaremena cʉ̃rẽ maĩña» ĩ.#Dt 6:4-5. 31Buri apero anosiromacãrõ apero ĩcãrõ ña. To abiro ĩ: «Mʉ cʉtiro nigʉ̃rẽ maĩña mʉbasurupe mʉcã maĩrõrã abiro» ĩ.#Lv 19:18. Apeyepʉa atie pʉarosotoare bʉtorojoro wapacʉtire nijomocãrẽ mani ―ĩyugʉ Jesús.
32Cʉ̃cã tairo ĩñerõcã tʉogʉ Moisécã ojariguere bueribasocʉ abiro ĩyugʉ:
—Buegʉ, ñucametʉasu. Mʉcã ĩrẽ diamacãrã ña: Manigʉ̃ ĩcʉrã ñawĩ. Ãpĩ cʉ̃rã abiro nigʉ̃ maniwĩ. 33Tairora Manigʉ̃rẽ nipetiri yeripũnamena, nipetire tʉomasĩrẽmena, nipetire tutuaremena ĩñerõcã marĩ cʉtiro nigʉ̃rẽ maĩña mʉbasurupe mʉcã maĩrõrã abiro maĩrẽ cʉore nipetire marĩcã Manigʉ̃rẽ ñubueriwipʉ waibʉcʉrare sĩã soemʉõcopeoresotoapere, Manigʉ̃rẽ apeyeno nʉnirẽsotoapere wapacʉtijomocãrẽ ña#Os 6:6. ―ĩyugʉ.
34Cʉ̃cã ĩritoro manirõ ñurõ wederucũmemañerõcã ĩñagʉ̃ Jesús cʉ̃rẽ ĩyugʉ:
—Manigʉ̃cã mʉ nirũpʉ̃ nirẽrẽ mʉcã tʉomasĩgʉ̃ eato mʉrẽ pẽrõgã dʉsa ―ĩyugʉ.
Jesúcã atiere ĩãriasiro icãta ĩcʉ̃nopera Jesúre sãĩñanemorugaheriyura.
¿Cristo noã pãrãmi nitutiagʉ ñarĩ? ĩ sãĩñarigue
(Mt 22:41-46; Lc 20:41-44)
35Jesús Manigʉ̃wipʉ buegʉra basocare abiro ĩ sãĩñayugʉ:
—¿Dairo tira Moisécã ojariguere bueribasoca ‘Cristo Manigʉ̃cã beseyorigʉ marĩ nirũpʉ̃ David pãrãmi nitutiagʉ ñawĩ’ ĩrĩ?#Is 11:1-10; Jer 23:5-8. 36Merẽ Davibasurupera Espíritu Santocã masĩrẽ nʉnirẽmena abiro ĩ ojarigʉ niwĩ:
«Nirũpʉ̃ Manigʉ̃ yʉ Nirũpʉ̃ Cristore abiro ĩwĩ:
Ano yʉ diamacãpe duiya yʉmena dotiduigʉdagʉ.
Pʉ mʉrẽ ĩñatutiribasocare mʉcã dotirere yʉcã ñurõ yʉñerõcã tiriwatoapʉ»
ĩ ojarigʉ niwĩ David.#Sal 110:1. 37¿Dairo binigʉ̃ Cristo Manigʉ̃cã beseyorigʉ David pãrãmi nitutiagʉ nimasĩbogari merẽ Davibasurupera cʉ̃rẽ yʉ Nirũpʉ̃ ĩ pisuriasiro nicapetacã?
Pajʉ basoca topʉ nira peñarõpʉra Jesúcã wederere tʉoyura.
Moisécã ojariguere bueribasocacã ñañarẽ tirecʉtirere Jesúcã wederigue
(Mt 23:1-36; Lc 11:37-54; 20:45-47)
38Jesús basocare cʉ̃cã buerewatoapʉre abiro ĩyugʉ:
—¡Mʉjã Moisécã ojariguere bueribasocare tʉomasĩña! Cʉ̃jã basocare ĩñaro ĩrã suti yoarepacare sãñapeñawã. Ĩñerõcã macã decopʉre no cʉ̃jãcã waro cuwiopesaremena ñudotiñerõcã bowa. 39Cʉ̃jãcã neãporiwiseripʉre, boseyarepʉcãrẽ nisocore duiripĩrĩpʉ̃ nirũpãrãcã duirenopʉ wado duirugawa. 40Wapeariara nomiãyawiserire ĩritoremena emawã. Cʉ̃jãcã ñañaro tiariguere yajiosãrã yoariwatoa ñubueñoritowa. Cʉ̃jãrã ãpẽrãsotoare ñañacametʉarojoro tiyoroagawa ―ĩyugʉ Jesús.
Ĩcõ wapearigo bopacago niyeru nʉnirigue
(Lc 21:1-4)
41Jesús Manigʉ̃wipʉ basocacã niyeru nʉnirã sãrĩcũmurĩ apõtĩõrõpʉ basocacã ticũmurĩpʉ niyeru sãñerõcã ĩñaduiyugʉ. Topʉre pairo niyeru cʉora pairo sãyura. 42Cʉ̃jãcã tairo tiriwatoa ĩcõ wapearigo bopacago eayugo. Topʉ ea co niyeru sãrĩcũmuãrĩpʉre pʉati niyeru pẽrõgã wapacʉtiritirere sãyugo. 43Cocã tairo tiariasiro Jesúpe cʉ̃ buerare pisuco cʉ̃jãrẽ abiro ĩyugʉ:
—Mʉjãrẽ diamacãrã wedegʉda: Manigʉ̃cã ĩñacoropʉre atio wapearigo bopacagopera ticũmuãrĩpʉre nipetirasotoare nʉnicametʉanʉcãgõ. 44Merẽ nipetira cʉ̃jãrẽ dʉsarere nʉniwã. Buri cope bopacago ña ĩrõ manirõ nipetire cocã yate maquẽ cʉomoãriguepʉrena nʉnipetimocãgõ ―ĩyugʉ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.