Marcos 10
10
Nʉmocʉtira, manʉcʉtira, came cõãrẽ maquẽrẽ Jesúcã buerigue
1Jesús Capernaúmpʉ niãrigʉ Judea ditapʉ ĩñerõcã Jordán wãmecʉtiriya ainʉãpʉ muĩpʉ̃cã mʉãtirisope nirĩditapʉcãrẽ wayugʉ. Topʉcãrẽ basoca upatutira neãpora eayura. Tairo tigʉ cʉ̃cã ticucũãriaronorã cʉ̃jãrẽ buesocoayugʉ. 2Cʉ̃cã bueriwatoa ĩcãrã fariseo basoca Jesús cʉtiropʉ wayura cʉ̃rẽ merĩãpe yʉñerõcã wedesãrãda ĩrã. Cʉ̃rẽ abiro ĩ sãĩñayura:
—¿Ĩcʉ̃ manʉ nigʉ̃rẽ cʉ̃ nʉmorẽ cõãñerõcã ñujogari? ¿Marĩrẽ dotire tairora ĩrĩ? ―ĩyura.
3Jesús cʉ̃jãrẽ yʉyugʉ:
—¿Moisés dairo tidotiyuri mʉjãrẽ?
4Cʉ̃jã yʉyura:
—Moisés ĩcʉ̃ cʉ̃ nʉmorẽ cõãgʉ̃no ĩcãpũ ‘atieye wapamenarã mʉrẽ cõãgʉ̃ ya’ ĩ ojaripũrẽ tidotirigʉ niwĩ. ‘Tairo quenoãriasiropʉ docare nʉmorẽ cõãmasĩrõrã nirõ ya’ ĩ dotirigʉ niwĩ Moisés ―ĩyura.#Dt 24:1-4; Mt 5:31.
5Cʉ̃jãcã tairo ĩñerõcã Jesúpe cʉ̃jãrẽ abiro ĩyugʉ:
—Tairora ña. Moisés atiere mʉjãrẽ tora abiro tidotirigʉ niwĩ mʉjãcã Manigʉ̃rẽ tʉorugahera cametʉanʉcãrẽpira nirẽye wapamena. 6Buri Manigʉ̃ mamarõpʉra nipetirere cʉ̃cã tisocoriawatoapʉra ʉmʉrẽ, nomiõrẽ tirigʉ niwĩ cʉ̃jãcã pʉ̃ãrã ñurõ ĩcãrõrã nirucũãtora abiro.#Gn 1:27; 5:2. 7«Tairo tigʉ ʉmʉ cʉ̃ pacʉre, cʉ̃ pacore dicawatigʉagawi merĩã cʉ̃ nʉmomenape ĩcãrõrã nigʉ̃ eagʉdagʉ. 8Anorã abiro cʉ̃jã pʉ̃ãrã ĩcã ũpʉ̃rã abiro pʉtʉara ea» ĩyugʉ Manigʉ̃. Tairo tira pʉ̃ãrãpʉra abiro niheriwa; ĩcã ũpʉ̃rã abiro ñawã. 9Tairo tiro anorã abiro Manigʉ̃pʉra cʉ̃jã pʉ̃ãrãrẽ ĩcã ũpʉ̃rã pʉtʉara eañerõcã tiyoriasiro niñerõcãrã manʉ nigʉ̃rẽ cʉ̃ nʉmorẽ cõãdotiheri ―ĩyugʉ Jesús.
10Sirosãñurõ wi nirãpʉ cʉ̃ buera cʉ̃rẽ upatuti atie maquẽrẽ sãĩñanemoyura tamʉ. 11Jesús cʉ̃jãrẽ abiro ĩyugʉ:
—Ĩcʉ̃ cʉ̃ nʉmorẽ cõãmocã apeomena nʉmocʉtigʉ eagʉ cʉ̃ nʉmo nisocorigomenapere ñañarõ tigʉ tigawĩ. 12Tiwãmerã nomiõcã co manʉrẽ cõãmocã ãpĩmena manʉcʉtigo eago manʉ nisocorigʉre ñañaro tigo tigago ―ĩyugʉ Jesús.#Mt 5:32; 1Co 7:10-11.
Jesúcã wĩmarãrẽ ñurõ waro ĩrigue
(Mt 19:13-15; Lc 18:15-17)
13Siro ĩcãrã cʉ̃jã pũna wĩmarãrẽ Jesús cʉtiropʉ nejeawa, cʉ̃rẽ cʉ̃jãrẽ ñapeo “mʉjãrẽ ñurõ waro” ĩ sãĩbosadotira. Buri ʉ̃sã cʉ̃ buerape cʉ̃jãrẽ neãtirare boca “Cʉ̃rẽ patocõherimocãña” ĩ tutisocowʉ. 14Cʉ̃jãcã tairo tiñerõcã ĩñagʉ̃ Jesús cuasuyugʉ. Cʉ̃jãrẽ ĩyugʉ:
—Wĩmarãrẽ yʉcʉtiropʉ watidotiya. Cʉ̃jãrẽ acutaherimocãña. Merẽ ãnijã wĩmarãrã abiro nirãnoyera ña yʉpacʉcã cʉ̃yarare dotire. 15Yʉ mʉjãrẽ atiere diamacãrã wede: ãnijã wĩmarãcã tirora abiro yʉre wedewõrugahegʉno icãta pẽrõgãno Manigʉ̃cã cʉ̃yarare dotiropʉre sãwaherigawi ―ĩyugʉ.
16Tairo ĩ wedegʉra wĩmarãrẽ apamʉõcõ cʉ̃jãrẽ ñapeo cʉ̃ Pacʉre “ãnijãrẽ ñurõ wañerõcã tiya” ĩ sãĩbosayugʉ.
Ĩcʉ̃ ʉmʉ paje bʉere cʉogʉ Jesúmena wederucũrigue
(Mt 19:16-30; Lc 18:18-30)
17Jesúcã aperopʉ witiwʉmʉãgʉ̃dagʉ tiriwatoa ĩcʉ̃ ʉmʉ cʉtʉremena ea Jesús cʉtiro ãsʉ̃rʉ̃poperimena ñanujea cʉ̃rẽ abiro ĩ sãĩñayugʉ:
—¿Bueribasocʉ ñugʉ̃ yʉ ñenorẽ tigʉagari catire petiherere cʉogʉ eagʉdagʉ? ―ĩyugʉ.#Lc 10:25.
18Jesús cʉ̃rẽ yʉyugʉ: —¿Dairo tigʉ mʉ yʉre ‘ñugʉ̃’ pisuri? Ĩcʉ̃rã ñugʉ̃ ñawĩ. Cʉ̃rã Manigʉ̃ ñawĩ.
19Mʉ Manigʉ̃cã dotire cũrĩguere masĩsia: «Basocare sĩãherimocãña. Ãpĩ nʉmorẽ buirigo cʉtiherimocãña. Yajaherimocãña. Ĩritoremena ãpẽrãrẽ wedesãherimocãña; ĩritoherimocãña. Mʉpacʉre, mʉpacore wedewõña» ĩ ―ĩyugʉ.#Ex 20:12-16; Dt 5:16-20; 24:14.
20Cʉ̃cã tairo ĩñerõcã tʉogʉ yʉyugʉ:
—Buegʉ, merẽ yʉ wĩmagʉ̃pʉra atie nipetire dotirerena cametʉanʉcãrõ manirõ queoro tipetiwʉmʉãtisiawʉ ―ĩyugʉ.
21Jesús cʉ̃rẽ maĩrẽmena ĩña, abiro yʉyugʉ:
—Mʉrẽ marĩcʉ̃ ĩcãwãme dʉsa: mʉcã cʉorere duapetimocãgʉ̃ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya ―ĩyugʉ.
22Ʉ̃mʉ cʉ̃cã tairo ĩñerõcã tʉogʉ peñahegʉjoro pʉtʉayugʉ. Tairo tigʉ bʉtoro wãcũpasʉticametʉagʉ warisuayugʉ paje bʉere cʉogʉ ninigʉ̃.
23Jesúpe cʉ̃cã nirõ tʉsaro ĩñaco cʉ̃ buerare abiro ĩyugʉ:
—¡Paje bʉere cʉoribasocare Manigʉ̃cã cʉ̃yarare dotiropʉre sãwañerõcã nocãrõ bʉtoro wisiorojoro nirõgari! ―ĩyugʉ.
24Atie Jesúcã abiro ĩ wedere cʉ̃ buerare tʉomaniãsuñerõcã tiyuro. Buri Jesúpe abiro ĩnemoyugʉ tamʉ:
—Yʉ pũna ¡bʉerepere wedewõrãrẽ yʉpacʉcã cʉ̃yarare dotirope sãwañerõcã wisiojomocã! 25Waibʉcʉ camellore aviga copegãpʉre sãcamewitiñerõcã wisiojomocã. Tosotoape docare paje bʉere cʉogʉre Manigʉ̃cã cʉ̃yarare dotiropʉre sãwañerõcã wisiocametʉasu ―ĩyugʉ.
26Atiere tʉora sotoa tʉomaniãsuyura. Tairo tira cʉ̃jãbasurupe abiro ĩ came sãĩñayura:
—¿Topʉare tora abiro niñerõcãpʉare noãnope cametʉoyoroagari? ―ĩyura.
27Jesús ʉ̃sã diamacãrẽ ĩñacõã abiro ĩwĩ:
—Basocapʉare dairo timasĩñamani wisiojomocã.#Gn 18:14; Job 42:1-2; Zac 8:6.
28Cʉ̃cã tairo ĩñerõcã tʉogʉ Pedro abiro ĩsocoyugʉ:
—Ʉ̃sãpe mʉrẽ quetaturadara nipetire ʉ̃sãcã cʉomoãriguere cũpetiwʉmʉãtiawʉ ―ĩyugʉ.
29Jesúpe cʉ̃rẽ yʉyugʉ:
—Mʉjãrẽ diamacãrã wedegʉda: Nobogʉra yʉre wedewõrẽ wapamena ĩñerõcã Manigʉ̃cã basocare cametʉore quetire wedewõ wedere wapamena cʉ̃yawire, cʉ̃ya wederare, cʉ̃ pacʉsʉ̃mʉãrẽ, cʉ̃pũnarẽ, cʉ̃ya ditarire cũwitiariasiro 30marĩcʉorore ano cʉ̃cã catiromena nirõrẽ ciencãrõ sotoare wiserire, cʉ̃yarare, cʉ̃yara nomiãrẽ, pacosãrõmiãrẽ, pũnarẽ ĩñerõcã ditarire cʉonemogʉagawi cʉ̃rẽ ñañarõ tirugara quetatucapetacãrã. Tairora siropʉre cʉ̃cã anorẽ cõwõãriasiropʉcãrẽ catire petiherere cʉogʉagawi. 31Buri marĩcʉorogãrẽ pajʉ nirũpãrãrã abiro nirã siropʉre buri nira pʉtʉara earagawa. Buri marĩcʉorore pajʉ buri nirãpe siropʉre nirũpãrãrã abiro pʉtʉara earagawa ―ĩyugʉ Jesús.#Mt 20:16; Lc 13:30.
Itiãrĩ waromena Jesús cʉ̃cã cõwõãte maquẽrẽ wedenemorigue
(Mt 20:17-19; Lc 18:31-34)
32Cʉ̃jãcã Jerusalénpʉ warucũrõ Jesús cʉ̃ buerasʉguero sʉguewʉmʉyugʉ. Abiro biñerõcã cʉ̃ buera ĩñamaniãsura wayura. Cʉ̃jãsiro watirapecã cuiremena wayura. Jesús tamʉ cʉ̃ buera doce wadorena sioco cʉ̃rẽ biatere cʉ̃jãrẽ wedesocoyugʉ:
33—Mʉjãcã ĩñarõrã abirora marĩ marĩcʉorore Jerusalénpʉ wara ya; topʉ yʉ Nipetira Sõwʉ̃ paia nirũpãrãpʉre, Moisécã ojariguere bueribasocapʉre wiyoyogʉacu. Cʉ̃jãpʉra yʉre sĩãcõãdotira judío basoca nihera nirũpãrãpʉre yʉre wiyotutiaragawa. 34Cʉ̃jãpʉ yʉre buieperagawa, yʉre ʉsecoa eoturoagawa, yʉre baperagawa tosiro yʉre sĩãcõãmocãrãgawa. Buri cʉ̃jãcã yʉre tairo ticapetacãrã itiabʉrecosiromenarã masãsugʉacu ―ĩyugʉ Jesús.
Santiago, Juan Jesúre ĩcãwãme sãĩmirigue
(Mt 20:20-28)
35Zebedeo pũna Santiago ĩñerõcã Juan Jesús cʉtiro wa cʉ̃rẽ abiro ĩyura:
—Ʉ̃sãrẽ Buegʉ, ʉ̃sãcã sãĩrõrã abirora mʉrẽ tiñerõcã boga.
36Cʉ̃jãcã tairo ĩñerõcã Jesús cʉ̃jãrẽ sãĩñayugʉ:
—¿Ñenorẽ mʉjãrẽ tibosañerõcã bori?
37Cʉ̃jã yʉyura:
—Mʉ nirũpʉ̃ sãgʉ̃ eagʉ ʉ̃sãrẽ mʉmena dotiduiana soneña. Ĩcʉ̃rẽ mʉcã duiro diamacãpanepe, ãpĩrẽ mʉcã duiro acũnʉãpanepe dopoawa ―ĩyura.
38Cʉ̃jãcã tairo ĩñerõcã tʉogʉ Jesús ĩyugʉ:
—Nirõrã ña. Yʉcã bʉtoro ñañarõ cametʉatiwãmerã mʉjãcã bʉtoro ñañarõ cametʉaroacu. Buri yʉpe mʉjãrẽ tiere wedemasĩcapeicãrã ya diamacãpanepe, ya acũnʉãpanepe duianarẽ besemasĩheriga. Merẽ yʉpacʉ tiepʉ duianarẽ besecũsiarigʉ niwĩ ―ĩyugʉ.
39Cʉ̃jã yʉyura:
—Ʉ̃sã apõtĩõmocãrõãcu ―ĩyura.
Jesús cʉ̃jãrẽ ĩyugʉ:
—Nirõrã ña. Yʉcã bʉtoro ñañarõ cametʉatiwãmerã mʉjãcã bʉtoro ñañarõ cametʉaroacu. 40Buri yʉpe mʉjãrẽ tiere wedemasĩcapeicãrã ya diamacãpanepe, ya acũnʉãpanepe duianarẽ besemasĩheriga. Merẽ yʉpacʉ tiepʉ duianarẽ besecũsiarigʉ niwĩ ―ĩyugʉ.
41Ãpẽrã Jesús buera pʉaõpʉcʉñʉrãpe atiere tʉora Santiago, Juanmena cuasuyura. 42Buri Jesúpe cʉ̃jãrẽ cuañerõcã ĩñagʉ̃ nipetirare sioco abiro ĩyugʉ:
—Mʉjã ñurõ masĩ. Atidita macãrã nipetira nirũpãrã Manigʉ̃rẽ masĩhera cʉ̃jãcã dotiriwãmepe tiñerõcã bora, cʉ̃jãyarare tutuaromena dotira ñawã. Tairora cʉ̃jãdoca macãrãcã ãpẽrãsotoare dotiribasoca ñawã. 43Buri mʉjãwatoapere cʉ̃jãrã abiro tireno manimocãrõ bo. Buripe mʉjãwatoapʉre nirũpʉ̃rã nirugagʉ ĩcʉ̃ mʉjãrẽ padedecotegʉra abiro nigʉ̃ niro bo. 44Ĩñerõcã mʉjãwatoare ãpẽrãsotoa nisocogʉ nirugagʉno nipetiraya dotiepeyoribasocʉra abiro niãro.#Mt 23:11; Mc 9:35; Lc 22:25-27. 45Merẽ yʉ Nipetira Sõwʉ̃cã basocare titamuãro ĩgʉ̃merã watiwʉ; buripe cʉ̃jãrẽ yʉpe titamu, pajʉ basocare yʉcã cõwõãrẽmena cʉ̃jãcã ñañarẽ tirigue wapare wapatibosagʉ watigʉ tiwʉ ―ĩyugʉ Jesús.#Is 53:5-6, 11-12; 1Tm 2:5-6.
Jesúcã Bartimeorẽ caperi bauyohegʉre ñujeañerõcã tirigue
(Mt 20:29-34; Lc 18:35-43)
46Cʉ̃jã Jerusalénpʉ warucũrã Jericópʉ eawayura. Timacãrẽ Jesúcã cʉ̃ bueramena tʉawʉmʉã witiwʉmʉãrõpʉre pajʉ basoca cʉ̃rẽ quetatuayura. Topʉ Timeo macʉ̃ Bartimeo wãmecʉtigʉ caperi ĩñabʉahegʉ ma tʉsaropʉ niyeru sãĩduiyugʉ. 47Tairo tigʉ Bartimeo Jesús Nazaret macʉ̃ ano cametʉawagʉ yawí ĩrẽrẽ tʉogʉ abiro caribisocoyugʉ:
—¡Jesús David pãrãmi nitutiagʉ yʉre bopacaĩñamocãña! ―ĩyugʉ.
48Cʉ̃cã tairo caribiñerõcã pajʉ basoca tutiyura cʉ̃rẽ disuadotira. Buri cʉ̃pe disurono tigʉ sotoape caribinemocomocãyugʉ:
—¡David pãrãmi nitutiagʉ yʉre pẽrõ bopacaĩñamocãña! ―ĩyugʉ.
49Cʉ̃cã tairo ĩñerõcã tʉogʉ Jesúpe pʉtʉanʉcãjea abiro ĩyugʉ:
—Cʉ̃rẽ pisucoya.
Cʉ̃jãpe cʉ̃rẽ pisuco ĩyura:
—Mʉ wãcũtutuaya. Boyero wʉmʉnʉcã watiya. Mʉrẽ pisugʉ yawi ―ĩyura.
50Cʉ̃jãcã tairo ĩñerõcã tʉogʉ cʉ̃ya sutiro sotoamacãrõrẽ tuwedocacũmocã bupu wʉmʉnʉcãmocã Jesús cʉtiropʉ wayugʉ.
51Cʉ̃ cʉtiropʉ eanʉcãgʉ̃ eañerõcã Jesús cʉ̃rẽ sãĩñayugʉ:
—¿Ñenorẽ tiñerõcã bori mʉ? ―ĩyugʉ.
Caperi bauyohegʉ yʉyugʉ:
—Nirũpʉ̃, ya caperi yʉre bauñerõcã boga ―ĩyugʉ.
52Jesús cʉ̃rẽ ĩyugʉ:
—Mʉ yʉre wedewõrẽrẽ cʉonigʉ̃ caperi ĩñabʉañerõcã tiyogʉ ea. Ñurõ waya ―ĩyugʉ.
Cʉ̃cã tairo ĩrẽmenarã caperi ĩñabʉahegʉ nimoãrigʉ caperi ĩñabʉagʉ pʉtʉagʉ eanigʉ̃ tosiromenarã Jesúre mapʉ quetatuwʉmʉãyugʉ.
Currently Selected:
Marcos 10: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Marcos 10
10
Nʉmocʉtira, manʉcʉtira, came cõãrẽ maquẽrẽ Jesúcã buerigue
1Jesús Capernaúmpʉ niãrigʉ Judea ditapʉ ĩñerõcã Jordán wãmecʉtiriya ainʉãpʉ muĩpʉ̃cã mʉãtirisope nirĩditapʉcãrẽ wayugʉ. Topʉcãrẽ basoca upatutira neãpora eayura. Tairo tigʉ cʉ̃cã ticucũãriaronorã cʉ̃jãrẽ buesocoayugʉ. 2Cʉ̃cã bueriwatoa ĩcãrã fariseo basoca Jesús cʉtiropʉ wayura cʉ̃rẽ merĩãpe yʉñerõcã wedesãrãda ĩrã. Cʉ̃rẽ abiro ĩ sãĩñayura:
—¿Ĩcʉ̃ manʉ nigʉ̃rẽ cʉ̃ nʉmorẽ cõãñerõcã ñujogari? ¿Marĩrẽ dotire tairora ĩrĩ? ―ĩyura.
3Jesús cʉ̃jãrẽ yʉyugʉ:
—¿Moisés dairo tidotiyuri mʉjãrẽ?
4Cʉ̃jã yʉyura:
—Moisés ĩcʉ̃ cʉ̃ nʉmorẽ cõãgʉ̃no ĩcãpũ ‘atieye wapamenarã mʉrẽ cõãgʉ̃ ya’ ĩ ojaripũrẽ tidotirigʉ niwĩ. ‘Tairo quenoãriasiropʉ docare nʉmorẽ cõãmasĩrõrã nirõ ya’ ĩ dotirigʉ niwĩ Moisés ―ĩyura.#Dt 24:1-4; Mt 5:31.
5Cʉ̃jãcã tairo ĩñerõcã Jesúpe cʉ̃jãrẽ abiro ĩyugʉ:
—Tairora ña. Moisés atiere mʉjãrẽ tora abiro tidotirigʉ niwĩ mʉjãcã Manigʉ̃rẽ tʉorugahera cametʉanʉcãrẽpira nirẽye wapamena. 6Buri Manigʉ̃ mamarõpʉra nipetirere cʉ̃cã tisocoriawatoapʉra ʉmʉrẽ, nomiõrẽ tirigʉ niwĩ cʉ̃jãcã pʉ̃ãrã ñurõ ĩcãrõrã nirucũãtora abiro.#Gn 1:27; 5:2. 7«Tairo tigʉ ʉmʉ cʉ̃ pacʉre, cʉ̃ pacore dicawatigʉagawi merĩã cʉ̃ nʉmomenape ĩcãrõrã nigʉ̃ eagʉdagʉ. 8Anorã abiro cʉ̃jã pʉ̃ãrã ĩcã ũpʉ̃rã abiro pʉtʉara ea» ĩyugʉ Manigʉ̃. Tairo tira pʉ̃ãrãpʉra abiro niheriwa; ĩcã ũpʉ̃rã abiro ñawã. 9Tairo tiro anorã abiro Manigʉ̃pʉra cʉ̃jã pʉ̃ãrãrẽ ĩcã ũpʉ̃rã pʉtʉara eañerõcã tiyoriasiro niñerõcãrã manʉ nigʉ̃rẽ cʉ̃ nʉmorẽ cõãdotiheri ―ĩyugʉ Jesús.
10Sirosãñurõ wi nirãpʉ cʉ̃ buera cʉ̃rẽ upatuti atie maquẽrẽ sãĩñanemoyura tamʉ. 11Jesús cʉ̃jãrẽ abiro ĩyugʉ:
—Ĩcʉ̃ cʉ̃ nʉmorẽ cõãmocã apeomena nʉmocʉtigʉ eagʉ cʉ̃ nʉmo nisocorigomenapere ñañarõ tigʉ tigawĩ. 12Tiwãmerã nomiõcã co manʉrẽ cõãmocã ãpĩmena manʉcʉtigo eago manʉ nisocorigʉre ñañaro tigo tigago ―ĩyugʉ Jesús.#Mt 5:32; 1Co 7:10-11.
Jesúcã wĩmarãrẽ ñurõ waro ĩrigue
(Mt 19:13-15; Lc 18:15-17)
13Siro ĩcãrã cʉ̃jã pũna wĩmarãrẽ Jesús cʉtiropʉ nejeawa, cʉ̃rẽ cʉ̃jãrẽ ñapeo “mʉjãrẽ ñurõ waro” ĩ sãĩbosadotira. Buri ʉ̃sã cʉ̃ buerape cʉ̃jãrẽ neãtirare boca “Cʉ̃rẽ patocõherimocãña” ĩ tutisocowʉ. 14Cʉ̃jãcã tairo tiñerõcã ĩñagʉ̃ Jesús cuasuyugʉ. Cʉ̃jãrẽ ĩyugʉ:
—Wĩmarãrẽ yʉcʉtiropʉ watidotiya. Cʉ̃jãrẽ acutaherimocãña. Merẽ ãnijã wĩmarãrã abiro nirãnoyera ña yʉpacʉcã cʉ̃yarare dotire. 15Yʉ mʉjãrẽ atiere diamacãrã wede: ãnijã wĩmarãcã tirora abiro yʉre wedewõrugahegʉno icãta pẽrõgãno Manigʉ̃cã cʉ̃yarare dotiropʉre sãwaherigawi ―ĩyugʉ.
16Tairo ĩ wedegʉra wĩmarãrẽ apamʉõcõ cʉ̃jãrẽ ñapeo cʉ̃ Pacʉre “ãnijãrẽ ñurõ wañerõcã tiya” ĩ sãĩbosayugʉ.
Ĩcʉ̃ ʉmʉ paje bʉere cʉogʉ Jesúmena wederucũrigue
(Mt 19:16-30; Lc 18:18-30)
17Jesúcã aperopʉ witiwʉmʉãgʉ̃dagʉ tiriwatoa ĩcʉ̃ ʉmʉ cʉtʉremena ea Jesús cʉtiro ãsʉ̃rʉ̃poperimena ñanujea cʉ̃rẽ abiro ĩ sãĩñayugʉ:
—¿Bueribasocʉ ñugʉ̃ yʉ ñenorẽ tigʉagari catire petiherere cʉogʉ eagʉdagʉ? ―ĩyugʉ.#Lc 10:25.
18Jesús cʉ̃rẽ yʉyugʉ: —¿Dairo tigʉ mʉ yʉre ‘ñugʉ̃’ pisuri? Ĩcʉ̃rã ñugʉ̃ ñawĩ. Cʉ̃rã Manigʉ̃ ñawĩ.
19Mʉ Manigʉ̃cã dotire cũrĩguere masĩsia: «Basocare sĩãherimocãña. Ãpĩ nʉmorẽ buirigo cʉtiherimocãña. Yajaherimocãña. Ĩritoremena ãpẽrãrẽ wedesãherimocãña; ĩritoherimocãña. Mʉpacʉre, mʉpacore wedewõña» ĩ ―ĩyugʉ.#Ex 20:12-16; Dt 5:16-20; 24:14.
20Cʉ̃cã tairo ĩñerõcã tʉogʉ yʉyugʉ:
—Buegʉ, merẽ yʉ wĩmagʉ̃pʉra atie nipetire dotirerena cametʉanʉcãrõ manirõ queoro tipetiwʉmʉãtisiawʉ ―ĩyugʉ.
21Jesús cʉ̃rẽ maĩrẽmena ĩña, abiro yʉyugʉ:
—Mʉrẽ marĩcʉ̃ ĩcãwãme dʉsa: mʉcã cʉorere duapetimocãgʉ̃ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya ―ĩyugʉ.
22Ʉ̃mʉ cʉ̃cã tairo ĩñerõcã tʉogʉ peñahegʉjoro pʉtʉayugʉ. Tairo tigʉ bʉtoro wãcũpasʉticametʉagʉ warisuayugʉ paje bʉere cʉogʉ ninigʉ̃.
23Jesúpe cʉ̃cã nirõ tʉsaro ĩñaco cʉ̃ buerare abiro ĩyugʉ:
—¡Paje bʉere cʉoribasocare Manigʉ̃cã cʉ̃yarare dotiropʉre sãwañerõcã nocãrõ bʉtoro wisiorojoro nirõgari! ―ĩyugʉ.
24Atie Jesúcã abiro ĩ wedere cʉ̃ buerare tʉomaniãsuñerõcã tiyuro. Buri Jesúpe abiro ĩnemoyugʉ tamʉ:
—Yʉ pũna ¡bʉerepere wedewõrãrẽ yʉpacʉcã cʉ̃yarare dotirope sãwañerõcã wisiojomocã! 25Waibʉcʉ camellore aviga copegãpʉre sãcamewitiñerõcã wisiojomocã. Tosotoape docare paje bʉere cʉogʉre Manigʉ̃cã cʉ̃yarare dotiropʉre sãwañerõcã wisiocametʉasu ―ĩyugʉ.
26Atiere tʉora sotoa tʉomaniãsuyura. Tairo tira cʉ̃jãbasurupe abiro ĩ came sãĩñayura:
—¿Topʉare tora abiro niñerõcãpʉare noãnope cametʉoyoroagari? ―ĩyura.
27Jesús ʉ̃sã diamacãrẽ ĩñacõã abiro ĩwĩ:
—Basocapʉare dairo timasĩñamani wisiojomocã.#Gn 18:14; Job 42:1-2; Zac 8:6.
28Cʉ̃cã tairo ĩñerõcã tʉogʉ Pedro abiro ĩsocoyugʉ:
—Ʉ̃sãpe mʉrẽ quetaturadara nipetire ʉ̃sãcã cʉomoãriguere cũpetiwʉmʉãtiawʉ ―ĩyugʉ.
29Jesúpe cʉ̃rẽ yʉyugʉ:
—Mʉjãrẽ diamacãrã wedegʉda: Nobogʉra yʉre wedewõrẽ wapamena ĩñerõcã Manigʉ̃cã basocare cametʉore quetire wedewõ wedere wapamena cʉ̃yawire, cʉ̃ya wederare, cʉ̃ pacʉsʉ̃mʉãrẽ, cʉ̃pũnarẽ, cʉ̃ya ditarire cũwitiariasiro 30marĩcʉorore ano cʉ̃cã catiromena nirõrẽ ciencãrõ sotoare wiserire, cʉ̃yarare, cʉ̃yara nomiãrẽ, pacosãrõmiãrẽ, pũnarẽ ĩñerõcã ditarire cʉonemogʉagawi cʉ̃rẽ ñañarõ tirugara quetatucapetacãrã. Tairora siropʉre cʉ̃cã anorẽ cõwõãriasiropʉcãrẽ catire petiherere cʉogʉagawi. 31Buri marĩcʉorogãrẽ pajʉ nirũpãrãrã abiro nirã siropʉre buri nira pʉtʉara earagawa. Buri marĩcʉorore pajʉ buri nirãpe siropʉre nirũpãrãrã abiro pʉtʉara earagawa ―ĩyugʉ Jesús.#Mt 20:16; Lc 13:30.
Itiãrĩ waromena Jesús cʉ̃cã cõwõãte maquẽrẽ wedenemorigue
(Mt 20:17-19; Lc 18:31-34)
32Cʉ̃jãcã Jerusalénpʉ warucũrõ Jesús cʉ̃ buerasʉguero sʉguewʉmʉyugʉ. Abiro biñerõcã cʉ̃ buera ĩñamaniãsura wayura. Cʉ̃jãsiro watirapecã cuiremena wayura. Jesús tamʉ cʉ̃ buera doce wadorena sioco cʉ̃rẽ biatere cʉ̃jãrẽ wedesocoyugʉ:
33—Mʉjãcã ĩñarõrã abirora marĩ marĩcʉorore Jerusalénpʉ wara ya; topʉ yʉ Nipetira Sõwʉ̃ paia nirũpãrãpʉre, Moisécã ojariguere bueribasocapʉre wiyoyogʉacu. Cʉ̃jãpʉra yʉre sĩãcõãdotira judío basoca nihera nirũpãrãpʉre yʉre wiyotutiaragawa. 34Cʉ̃jãpʉ yʉre buieperagawa, yʉre ʉsecoa eoturoagawa, yʉre baperagawa tosiro yʉre sĩãcõãmocãrãgawa. Buri cʉ̃jãcã yʉre tairo ticapetacãrã itiabʉrecosiromenarã masãsugʉacu ―ĩyugʉ Jesús.
Santiago, Juan Jesúre ĩcãwãme sãĩmirigue
(Mt 20:20-28)
35Zebedeo pũna Santiago ĩñerõcã Juan Jesús cʉtiro wa cʉ̃rẽ abiro ĩyura:
—Ʉ̃sãrẽ Buegʉ, ʉ̃sãcã sãĩrõrã abirora mʉrẽ tiñerõcã boga.
36Cʉ̃jãcã tairo ĩñerõcã Jesús cʉ̃jãrẽ sãĩñayugʉ:
—¿Ñenorẽ mʉjãrẽ tibosañerõcã bori?
37Cʉ̃jã yʉyura:
—Mʉ nirũpʉ̃ sãgʉ̃ eagʉ ʉ̃sãrẽ mʉmena dotiduiana soneña. Ĩcʉ̃rẽ mʉcã duiro diamacãpanepe, ãpĩrẽ mʉcã duiro acũnʉãpanepe dopoawa ―ĩyura.
38Cʉ̃jãcã tairo ĩñerõcã tʉogʉ Jesús ĩyugʉ:
—Nirõrã ña. Yʉcã bʉtoro ñañarõ cametʉatiwãmerã mʉjãcã bʉtoro ñañarõ cametʉaroacu. Buri yʉpe mʉjãrẽ tiere wedemasĩcapeicãrã ya diamacãpanepe, ya acũnʉãpanepe duianarẽ besemasĩheriga. Merẽ yʉpacʉ tiepʉ duianarẽ besecũsiarigʉ niwĩ ―ĩyugʉ.
39Cʉ̃jã yʉyura:
—Ʉ̃sã apõtĩõmocãrõãcu ―ĩyura.
Jesús cʉ̃jãrẽ ĩyugʉ:
—Nirõrã ña. Yʉcã bʉtoro ñañarõ cametʉatiwãmerã mʉjãcã bʉtoro ñañarõ cametʉaroacu. 40Buri yʉpe mʉjãrẽ tiere wedemasĩcapeicãrã ya diamacãpanepe, ya acũnʉãpanepe duianarẽ besemasĩheriga. Merẽ yʉpacʉ tiepʉ duianarẽ besecũsiarigʉ niwĩ ―ĩyugʉ.
41Ãpẽrã Jesús buera pʉaõpʉcʉñʉrãpe atiere tʉora Santiago, Juanmena cuasuyura. 42Buri Jesúpe cʉ̃jãrẽ cuañerõcã ĩñagʉ̃ nipetirare sioco abiro ĩyugʉ:
—Mʉjã ñurõ masĩ. Atidita macãrã nipetira nirũpãrã Manigʉ̃rẽ masĩhera cʉ̃jãcã dotiriwãmepe tiñerõcã bora, cʉ̃jãyarare tutuaromena dotira ñawã. Tairora cʉ̃jãdoca macãrãcã ãpẽrãsotoare dotiribasoca ñawã. 43Buri mʉjãwatoapere cʉ̃jãrã abiro tireno manimocãrõ bo. Buripe mʉjãwatoapʉre nirũpʉ̃rã nirugagʉ ĩcʉ̃ mʉjãrẽ padedecotegʉra abiro nigʉ̃ niro bo. 44Ĩñerõcã mʉjãwatoare ãpẽrãsotoa nisocogʉ nirugagʉno nipetiraya dotiepeyoribasocʉra abiro niãro.#Mt 23:11; Mc 9:35; Lc 22:25-27. 45Merẽ yʉ Nipetira Sõwʉ̃cã basocare titamuãro ĩgʉ̃merã watiwʉ; buripe cʉ̃jãrẽ yʉpe titamu, pajʉ basocare yʉcã cõwõãrẽmena cʉ̃jãcã ñañarẽ tirigue wapare wapatibosagʉ watigʉ tiwʉ ―ĩyugʉ Jesús.#Is 53:5-6, 11-12; 1Tm 2:5-6.
Jesúcã Bartimeorẽ caperi bauyohegʉre ñujeañerõcã tirigue
(Mt 20:29-34; Lc 18:35-43)
46Cʉ̃jã Jerusalénpʉ warucũrã Jericópʉ eawayura. Timacãrẽ Jesúcã cʉ̃ bueramena tʉawʉmʉã witiwʉmʉãrõpʉre pajʉ basoca cʉ̃rẽ quetatuayura. Topʉ Timeo macʉ̃ Bartimeo wãmecʉtigʉ caperi ĩñabʉahegʉ ma tʉsaropʉ niyeru sãĩduiyugʉ. 47Tairo tigʉ Bartimeo Jesús Nazaret macʉ̃ ano cametʉawagʉ yawí ĩrẽrẽ tʉogʉ abiro caribisocoyugʉ:
—¡Jesús David pãrãmi nitutiagʉ yʉre bopacaĩñamocãña! ―ĩyugʉ.
48Cʉ̃cã tairo caribiñerõcã pajʉ basoca tutiyura cʉ̃rẽ disuadotira. Buri cʉ̃pe disurono tigʉ sotoape caribinemocomocãyugʉ:
—¡David pãrãmi nitutiagʉ yʉre pẽrõ bopacaĩñamocãña! ―ĩyugʉ.
49Cʉ̃cã tairo ĩñerõcã tʉogʉ Jesúpe pʉtʉanʉcãjea abiro ĩyugʉ:
—Cʉ̃rẽ pisucoya.
Cʉ̃jãpe cʉ̃rẽ pisuco ĩyura:
—Mʉ wãcũtutuaya. Boyero wʉmʉnʉcã watiya. Mʉrẽ pisugʉ yawi ―ĩyura.
50Cʉ̃jãcã tairo ĩñerõcã tʉogʉ cʉ̃ya sutiro sotoamacãrõrẽ tuwedocacũmocã bupu wʉmʉnʉcãmocã Jesús cʉtiropʉ wayugʉ.
51Cʉ̃ cʉtiropʉ eanʉcãgʉ̃ eañerõcã Jesús cʉ̃rẽ sãĩñayugʉ:
—¿Ñenorẽ tiñerõcã bori mʉ? ―ĩyugʉ.
Caperi bauyohegʉ yʉyugʉ:
—Nirũpʉ̃, ya caperi yʉre bauñerõcã boga ―ĩyugʉ.
52Jesús cʉ̃rẽ ĩyugʉ:
—Mʉ yʉre wedewõrẽrẽ cʉonigʉ̃ caperi ĩñabʉañerõcã tiyogʉ ea. Ñurõ waya ―ĩyugʉ.
Cʉ̃cã tairo ĩrẽmenarã caperi ĩñabʉahegʉ nimoãrigʉ caperi ĩñabʉagʉ pʉtʉagʉ eanigʉ̃ tosiromenarã Jesúre mapʉ quetatuwʉmʉãyugʉ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.