Mateo 15
15
Basocare ñañarã wañerõcã tire
(Mc 7:1-23)
1Siro ĩcãrã fariseo basoca ĩñerõcã Moisécã ojariguere bueribasoca Jerusalénpʉmena watiariara, Jesús cʉtiro ea, cʉ̃rẽ abiro ĩ sãĩñawã:
2—¿Dairo tira mʉ buera mari ñecʉ̃sʉmʉãcã tiwʉmʉãtiriguere cametʉanʉcãrĩ? Cʉ̃jãcã yatosʉguero marĩ ñecʉ̃sʉmʉãcã tiriarora abiro wãmocoseheriwa ―ĩwã.
3Jesús cʉ̃jãrẽ yʉgʉ abiro ĩwĩ:
—Yʉcã mʉjãrẽ sãĩñagʉ̃da. ¿Topʉare mʉjãpe dairo tira Manigʉ̃cã dotirepere tirono tira mʉjã ñecʉ̃sʉmʉãcã tiwʉmʉãtiriguepere yari? 4Manigʉ̃ abiro dotirigʉ niwĩ: «Mʉpacʉre, mʉpacore wedewõña. Ĩcʉ̃no pacʉre o pacore ñañarõ wederucũgʉ̃no sĩãcõãyogʉ pʉtʉaro» ĩrigʉ niwĩ. 5Buri mʉjãpe basocare tierena abiro ĩ bue: ‘Ĩcʉ̃ cʉ̃ pacʉre o cʉ̃ pacore “yʉcã mʉjãrẽ titamuboariguere Manigʉ̃rẽ nʉnipetimocãtiwʉ. Tairo tigʉ mʉjãrẽ titamupeñaheriga” ĩñerõcã ñujo’ ĩ bue mʉjã. 6Mʉjã tora abiro ĩ basocare bueremena cʉ̃jã pacʉsʉmʉãrẽ titamumasĩborere ‘titamudotimasĩbore mani’ ĩrã ya. Anorã abiriwãmepe Manigʉ̃cã dotirepere wapamanire pʉtʉañerõcã tinirã mʉjã ñecʉ̃sʉmʉãcã tirecʉtirigueniguẽpere tiquetatudotira tairo ya. 7Mʉjã ñañarã tiritoribasoca basoca ĩñacoropʉ wadore ñurẽrẽ tirecʉtira ña. Manigʉ̃ye quetire wedesʉgueribasocʉ Isaías mʉjãye maquẽrẽ ojagʉ, queorora ojagʉ tiyi. Abiro ojarigʉ niwĩ:
8«Ãnijã basoca ʉseromena wadora yʉre wedewõwã.
Queorojoropʉare cʉ̃jãye yeripũnarĩmenapere yʉre icãta wedewõheriwa.
9Cʉ̃jãcã neãpo yʉre ñubuepeore icãta wapamani.
Cʉ̃jã basocabasurupe dotire cũnirã tierena ‘Manigʉ̃cã dotire ña’ ĩnirã buewa»#Is 29:13.
ĩ ojarigʉ niwĩ Isaías ―ĩwĩ Jesús.
10Cʉ̃jãrẽ tairo ĩtuwaco Jesús basocare cʉ̃ cʉtiro sioco cʉ̃jãcãrẽ abiro ĩwĩ:
—Yʉre mʉjã ñurõ tʉoya yaye maquẽrẽ ñurõ tʉomasĩrãdara. 11Basocʉre cʉ̃ya ʉseropʉre yarigue sãware, Manigʉ̃cã ĩñacoropʉre cʉ̃rẽ ñañagʉ̃ wañerõcã tiheri. Cʉ̃ya ʉseropʉ witiatirepe doca, Manigʉ̃cã ĩñacoropʉre cʉ̃rẽ ñañagʉ̃ wañerõcã ya ―ĩwĩ.
12Cʉ̃cã tairo ĩñerõcã ʉ̃sã cʉ̃ buera cʉ̃ cʉtiro wa cʉ̃rẽ ĩwʉ̃:
—¿Mʉ masĩrĩ? Mʉcã tairo ĩãriguere fariseo basoca tʉora cuasuawa ―ĩwʉ̃.
13Jesúpe abiro ĩ yʉwi:
—Yʉpacʉ ʉmʉãwesepʉ nigʉ̃ nipetire cʉ̃cã oteheririguere nʉcõrĩpʉmenarã wũãcõãgʉ̃rã abiro cʉ̃jãrẽ cõãmocãgʉagawi. 14Tairo tira cʉ̃jãrẽ tairo ĩñamocãña. Cʉ̃jã Manigʉ̃yere masĩhericaperacãrã ãpẽrãrẽ cʉ̃yere buewa. Tairo tira ĩcʉ̃ caperi ĩñabʉahegʉ ãpĩ caperi ĩñabʉahegʉre wejesʉguegʉra abiro ñawã. Ĩcʉ̃ caperi ĩñabʉhegʉ ãpĩ caperi ĩñabʉahegʉre wejesʉgueñerõcã cʉ̃jã pʉ̃ãrãpʉra noboricopenopʉ ñasãsumasĩgawa ―ĩwĩ Jesús.
15Siro Pedrope Jesúre:
—Mʉcã queoremena wedeariguere ʉ̃sãrẽ ‘tairo ĩrugaro tiawʉ’ ĩ wedeya ―ĩwĩ.
16Jesúpe cʉ̃rẽ:
—¿Marĩcʉ̃ mʉjãcã atiere tʉomasĩhera yari? 17¿Mʉjã atiere masĩheriri? Nipetire marĩcã yare marĩya ʉseropʉ sãwa pagapʉ wa. Tosiromenarã camewitiduiasurodaro. 18Buri ʉseropʉ witirepe yeripũnapʉmenarã ñañarõ wãcũrẽ witiatiga. Tiera Manigʉ̃cã ĩñacorore basocare ñañarã wañerõcã ya. 19Pupea yeripũnapʉmenarã atie witiatiga: ñañarõ wãcũrẽ, basocare sĩãcõãrugare, nʉmo nihegomena, manʉ nihegʉmena apaepere, ʉmʉã, nomiã came apaepere, yajare, ĩritorepire ĩñerõcã ãpẽrãrẽ ñañarõ ĩtutire niga.
20Atiera ña Manigʉ̃cã ĩñacoropʉre basocare ñañarã wañerõcã tire. Yatosʉguero wãmocoserepe niheri.
Judío basoco nihego apedita macõpʉ Jesúre wedewõrigue
(Mc 7:24-30)
21Jesús tore witiwʉmʉãgʉ̃ Tiro, Sidón ditapʉ wawi.#15:21 Jesús Galileamena wagʉ tosotoa cʉtiripanepe dia pairiya Mediterráneo tʉsaro Tiro ĩñerõcã Sidón nirõpe wayugʉ. 22Topʉ eañerõcã ĩcõ nomiõ Canaán dita macõ Jesús cʉtiro caribiwʉmʉãtiago:
—Yʉ Nirũpʉ̃, David pãrãmi nitutiagʉ yʉre bopacaĩñaña. Yʉmacõ wãtĩ sãyorigo ninigõ bʉtoro ñañarõ cametʉago yago ―ĩgõ.
23Cocã tairo ĩñerõcã tʉocapeicãrã Jesús core ĩcã ʉserono yʉheriwi. Tairo tira ʉ̃sã cʉ̃ buerape cʉ̃ cʉtiro wa, cʉ̃rẽ ĩwʉ̃:
—Core wadotiya marĩrẽ ñañarõ caribiquetatuwʉmʉãtigo ―ĩwʉ̃.
24Ʉ̃sãcã tairo ĩñerõcã Jesús core:
—Yʉpacʉ, Israelyabumacãrã oveja ditiriarara abiro nirã wadore titamudotigʉ yʉre ticowi ―ĩwĩ.
25Co Israelyabumacõ nihericapeocãrã Jesús cʉtiro ea cʉ̃ya dʉpori cʉtiro ãsʉ̃rʉ̃poperimena eacumuwa abiro ĩ sãĩgõ:
—Yʉ Nirũpʉ̃, yʉre titamumocãña ―ĩgõ.
26Jesús core yʉwi:
—Pũnacã yarere emamocã diayiwapere ecañerõcã ñuheri ―ĩwĩ.
27Cʉ̃cã tairo ĩcapetacãrã cope cʉ̃rẽ:
—Yʉ Nirũpʉ̃, tairora ña nirõpʉa. Buri yaduiripĩrõmena cʉ̃jãrẽ cʉoracã yabatedujiocorere diayiwapʉra to ñarẽrẽ yacotewa ―ĩgõ.
28Cocã tairo ĩñerõcã Jesús yʉwi:
—Mʉ doca wedewõrẽ cʉocametʉa. Tairo tiro mʉcã sãĩãriarora abirora waro ―ĩwĩ.
Cʉ̃cã tairo ĩrẽmenarã co macõ ñujearigopʉ pʉtʉayugo.
Jesúcã pajʉ diarecʉtirare ñujeañerõcã tirigue
29Jesús to niãrigʉ witiwʉmʉãgʉ̃, Galileatara tʉsaropʉ eawi. Siro buropʉ mʉãwa topʉ eanuãwĩ. 30Cʉ̃cã topʉ niñerõcã pajʉ basoca eawa. Upayuriri warare, caperi ĩñabʉaherare, posariarare, wederucũherare ĩñerõcã ãpẽrã pajʉ diarare cʉ̃ cʉtiro nejea, cũwã. Jesúpe cʉ̃jãrẽ ñujeañerõcã tiwi. 31Basoca, wederucũmasĩhera niãriarare wederucũãñerõcã ĩñarã, posariarare cametʉañerõcã ĩñarã, upayuriri niãriarare ñurõ wañerõcã ĩñarã, caperi ĩñabʉahera niãriara ĩñabʉara wañerõcã ĩñarã ĩñamaniãsuwa. Tairo tira “marĩ Israelyabumacãrãya Manigʉ̃ ñucametʉasuwi” ĩ ʉseare nʉniwã.
Jesúcã cuatro milsotoare yarigue ecarigue
(Mc 8:1-10)
32Siro Jesús ʉ̃sã cʉ̃ buerare sioco abiro ĩwĩ:
—Yʉ ãnijã basocare bopacaĩñarẽ tʉoiña. Merẽ cʉ̃jã yʉmena itiabʉreco neãwã. Cʉ̃jã yarigueno icãta cʉoheriwa. Tairo tigʉ cʉ̃jãrẽ yaherarena cʉ̃jãyawiseripʉ coepʉtʉañerõcã boheriga. No ma decono ʉasãcametʉa ñacũmuãsubogawa ―ĩwĩ.
33Cʉ̃cã tairo ĩñerõcã ʉ̃sã cʉ̃ buera cʉ̃rẽ ĩwʉ̃:
—¿Dairo tinirã marĩ ano basoca manirõ yoaropʉre ãnijã pajʉ basocare yare ecaradara bʉabogari? ―ĩwʉ̃.
34Jesúpe ʉ̃sãrẽ:
—¿Noquẽ panpagari cʉori mʉjã? ―ĩ sãĩñawĩ.
Ʉ̃sã cʉ̃rẽ:
—Sietepaga ĩñerõcã wai pẽrãgã cʉo ―ĩ yʉwʉ.
35Tairo tigʉ Jesús basocare yepapʉ duidotiwi. 36Siro siete panpagarire ĩñerõcã waire ne cʉ̃ Pacʉ Manigʉ̃rẽ ʉseare nʉniwi. Tairo tituwagʉra pemʉtõsã ʉ̃sã cʉ̃ buerare nʉniwĩ. Ʉ̃sãpʉ basocare batowʉ. 37Nipetira basoca yariguere yara yayapira pʉtʉawa. Yatuwariasiro tiwãmerã cʉ̃jãcã yadʉariguere dʉsarere siete piserijoro sesãdado dopowʉ. 38Tiere yariara nomiãrẽ, wĩmarãrẽ queoro manirõ, ʉmʉã wadore queoñerõcã cuatro miljoro niwã. 39Siro Jesús basocare uitʉocowi. Tuwacoro doriacũmuãpʉ mʉãsãwa Magdala wãmecʉtiriditapʉ warisuawʉ.
Currently Selected:
Mateo 15: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Mateo 15
15
Basocare ñañarã wañerõcã tire
(Mc 7:1-23)
1Siro ĩcãrã fariseo basoca ĩñerõcã Moisécã ojariguere bueribasoca Jerusalénpʉmena watiariara, Jesús cʉtiro ea, cʉ̃rẽ abiro ĩ sãĩñawã:
2—¿Dairo tira mʉ buera mari ñecʉ̃sʉmʉãcã tiwʉmʉãtiriguere cametʉanʉcãrĩ? Cʉ̃jãcã yatosʉguero marĩ ñecʉ̃sʉmʉãcã tiriarora abiro wãmocoseheriwa ―ĩwã.
3Jesús cʉ̃jãrẽ yʉgʉ abiro ĩwĩ:
—Yʉcã mʉjãrẽ sãĩñagʉ̃da. ¿Topʉare mʉjãpe dairo tira Manigʉ̃cã dotirepere tirono tira mʉjã ñecʉ̃sʉmʉãcã tiwʉmʉãtiriguepere yari? 4Manigʉ̃ abiro dotirigʉ niwĩ: «Mʉpacʉre, mʉpacore wedewõña. Ĩcʉ̃no pacʉre o pacore ñañarõ wederucũgʉ̃no sĩãcõãyogʉ pʉtʉaro» ĩrigʉ niwĩ. 5Buri mʉjãpe basocare tierena abiro ĩ bue: ‘Ĩcʉ̃ cʉ̃ pacʉre o cʉ̃ pacore “yʉcã mʉjãrẽ titamuboariguere Manigʉ̃rẽ nʉnipetimocãtiwʉ. Tairo tigʉ mʉjãrẽ titamupeñaheriga” ĩñerõcã ñujo’ ĩ bue mʉjã. 6Mʉjã tora abiro ĩ basocare bueremena cʉ̃jã pacʉsʉmʉãrẽ titamumasĩborere ‘titamudotimasĩbore mani’ ĩrã ya. Anorã abiriwãmepe Manigʉ̃cã dotirepere wapamanire pʉtʉañerõcã tinirã mʉjã ñecʉ̃sʉmʉãcã tirecʉtirigueniguẽpere tiquetatudotira tairo ya. 7Mʉjã ñañarã tiritoribasoca basoca ĩñacoropʉ wadore ñurẽrẽ tirecʉtira ña. Manigʉ̃ye quetire wedesʉgueribasocʉ Isaías mʉjãye maquẽrẽ ojagʉ, queorora ojagʉ tiyi. Abiro ojarigʉ niwĩ:
8«Ãnijã basoca ʉseromena wadora yʉre wedewõwã.
Queorojoropʉare cʉ̃jãye yeripũnarĩmenapere yʉre icãta wedewõheriwa.
9Cʉ̃jãcã neãpo yʉre ñubuepeore icãta wapamani.
Cʉ̃jã basocabasurupe dotire cũnirã tierena ‘Manigʉ̃cã dotire ña’ ĩnirã buewa»#Is 29:13.
ĩ ojarigʉ niwĩ Isaías ―ĩwĩ Jesús.
10Cʉ̃jãrẽ tairo ĩtuwaco Jesús basocare cʉ̃ cʉtiro sioco cʉ̃jãcãrẽ abiro ĩwĩ:
—Yʉre mʉjã ñurõ tʉoya yaye maquẽrẽ ñurõ tʉomasĩrãdara. 11Basocʉre cʉ̃ya ʉseropʉre yarigue sãware, Manigʉ̃cã ĩñacoropʉre cʉ̃rẽ ñañagʉ̃ wañerõcã tiheri. Cʉ̃ya ʉseropʉ witiatirepe doca, Manigʉ̃cã ĩñacoropʉre cʉ̃rẽ ñañagʉ̃ wañerõcã ya ―ĩwĩ.
12Cʉ̃cã tairo ĩñerõcã ʉ̃sã cʉ̃ buera cʉ̃ cʉtiro wa cʉ̃rẽ ĩwʉ̃:
—¿Mʉ masĩrĩ? Mʉcã tairo ĩãriguere fariseo basoca tʉora cuasuawa ―ĩwʉ̃.
13Jesúpe abiro ĩ yʉwi:
—Yʉpacʉ ʉmʉãwesepʉ nigʉ̃ nipetire cʉ̃cã oteheririguere nʉcõrĩpʉmenarã wũãcõãgʉ̃rã abiro cʉ̃jãrẽ cõãmocãgʉagawi. 14Tairo tira cʉ̃jãrẽ tairo ĩñamocãña. Cʉ̃jã Manigʉ̃yere masĩhericaperacãrã ãpẽrãrẽ cʉ̃yere buewa. Tairo tira ĩcʉ̃ caperi ĩñabʉahegʉ ãpĩ caperi ĩñabʉahegʉre wejesʉguegʉra abiro ñawã. Ĩcʉ̃ caperi ĩñabʉhegʉ ãpĩ caperi ĩñabʉahegʉre wejesʉgueñerõcã cʉ̃jã pʉ̃ãrãpʉra noboricopenopʉ ñasãsumasĩgawa ―ĩwĩ Jesús.
15Siro Pedrope Jesúre:
—Mʉcã queoremena wedeariguere ʉ̃sãrẽ ‘tairo ĩrugaro tiawʉ’ ĩ wedeya ―ĩwĩ.
16Jesúpe cʉ̃rẽ:
—¿Marĩcʉ̃ mʉjãcã atiere tʉomasĩhera yari? 17¿Mʉjã atiere masĩheriri? Nipetire marĩcã yare marĩya ʉseropʉ sãwa pagapʉ wa. Tosiromenarã camewitiduiasurodaro. 18Buri ʉseropʉ witirepe yeripũnapʉmenarã ñañarõ wãcũrẽ witiatiga. Tiera Manigʉ̃cã ĩñacorore basocare ñañarã wañerõcã ya. 19Pupea yeripũnapʉmenarã atie witiatiga: ñañarõ wãcũrẽ, basocare sĩãcõãrugare, nʉmo nihegomena, manʉ nihegʉmena apaepere, ʉmʉã, nomiã came apaepere, yajare, ĩritorepire ĩñerõcã ãpẽrãrẽ ñañarõ ĩtutire niga.
20Atiera ña Manigʉ̃cã ĩñacoropʉre basocare ñañarã wañerõcã tire. Yatosʉguero wãmocoserepe niheri.
Judío basoco nihego apedita macõpʉ Jesúre wedewõrigue
(Mc 7:24-30)
21Jesús tore witiwʉmʉãgʉ̃ Tiro, Sidón ditapʉ wawi.#15:21 Jesús Galileamena wagʉ tosotoa cʉtiripanepe dia pairiya Mediterráneo tʉsaro Tiro ĩñerõcã Sidón nirõpe wayugʉ. 22Topʉ eañerõcã ĩcõ nomiõ Canaán dita macõ Jesús cʉtiro caribiwʉmʉãtiago:
—Yʉ Nirũpʉ̃, David pãrãmi nitutiagʉ yʉre bopacaĩñaña. Yʉmacõ wãtĩ sãyorigo ninigõ bʉtoro ñañarõ cametʉago yago ―ĩgõ.
23Cocã tairo ĩñerõcã tʉocapeicãrã Jesús core ĩcã ʉserono yʉheriwi. Tairo tira ʉ̃sã cʉ̃ buerape cʉ̃ cʉtiro wa, cʉ̃rẽ ĩwʉ̃:
—Core wadotiya marĩrẽ ñañarõ caribiquetatuwʉmʉãtigo ―ĩwʉ̃.
24Ʉ̃sãcã tairo ĩñerõcã Jesús core:
—Yʉpacʉ, Israelyabumacãrã oveja ditiriarara abiro nirã wadore titamudotigʉ yʉre ticowi ―ĩwĩ.
25Co Israelyabumacõ nihericapeocãrã Jesús cʉtiro ea cʉ̃ya dʉpori cʉtiro ãsʉ̃rʉ̃poperimena eacumuwa abiro ĩ sãĩgõ:
—Yʉ Nirũpʉ̃, yʉre titamumocãña ―ĩgõ.
26Jesús core yʉwi:
—Pũnacã yarere emamocã diayiwapere ecañerõcã ñuheri ―ĩwĩ.
27Cʉ̃cã tairo ĩcapetacãrã cope cʉ̃rẽ:
—Yʉ Nirũpʉ̃, tairora ña nirõpʉa. Buri yaduiripĩrõmena cʉ̃jãrẽ cʉoracã yabatedujiocorere diayiwapʉra to ñarẽrẽ yacotewa ―ĩgõ.
28Cocã tairo ĩñerõcã Jesús yʉwi:
—Mʉ doca wedewõrẽ cʉocametʉa. Tairo tiro mʉcã sãĩãriarora abirora waro ―ĩwĩ.
Cʉ̃cã tairo ĩrẽmenarã co macõ ñujearigopʉ pʉtʉayugo.
Jesúcã pajʉ diarecʉtirare ñujeañerõcã tirigue
29Jesús to niãrigʉ witiwʉmʉãgʉ̃, Galileatara tʉsaropʉ eawi. Siro buropʉ mʉãwa topʉ eanuãwĩ. 30Cʉ̃cã topʉ niñerõcã pajʉ basoca eawa. Upayuriri warare, caperi ĩñabʉaherare, posariarare, wederucũherare ĩñerõcã ãpẽrã pajʉ diarare cʉ̃ cʉtiro nejea, cũwã. Jesúpe cʉ̃jãrẽ ñujeañerõcã tiwi. 31Basoca, wederucũmasĩhera niãriarare wederucũãñerõcã ĩñarã, posariarare cametʉañerõcã ĩñarã, upayuriri niãriarare ñurõ wañerõcã ĩñarã, caperi ĩñabʉahera niãriara ĩñabʉara wañerõcã ĩñarã ĩñamaniãsuwa. Tairo tira “marĩ Israelyabumacãrãya Manigʉ̃ ñucametʉasuwi” ĩ ʉseare nʉniwã.
Jesúcã cuatro milsotoare yarigue ecarigue
(Mc 8:1-10)
32Siro Jesús ʉ̃sã cʉ̃ buerare sioco abiro ĩwĩ:
—Yʉ ãnijã basocare bopacaĩñarẽ tʉoiña. Merẽ cʉ̃jã yʉmena itiabʉreco neãwã. Cʉ̃jã yarigueno icãta cʉoheriwa. Tairo tigʉ cʉ̃jãrẽ yaherarena cʉ̃jãyawiseripʉ coepʉtʉañerõcã boheriga. No ma decono ʉasãcametʉa ñacũmuãsubogawa ―ĩwĩ.
33Cʉ̃cã tairo ĩñerõcã ʉ̃sã cʉ̃ buera cʉ̃rẽ ĩwʉ̃:
—¿Dairo tinirã marĩ ano basoca manirõ yoaropʉre ãnijã pajʉ basocare yare ecaradara bʉabogari? ―ĩwʉ̃.
34Jesúpe ʉ̃sãrẽ:
—¿Noquẽ panpagari cʉori mʉjã? ―ĩ sãĩñawĩ.
Ʉ̃sã cʉ̃rẽ:
—Sietepaga ĩñerõcã wai pẽrãgã cʉo ―ĩ yʉwʉ.
35Tairo tigʉ Jesús basocare yepapʉ duidotiwi. 36Siro siete panpagarire ĩñerõcã waire ne cʉ̃ Pacʉ Manigʉ̃rẽ ʉseare nʉniwi. Tairo tituwagʉra pemʉtõsã ʉ̃sã cʉ̃ buerare nʉniwĩ. Ʉ̃sãpʉ basocare batowʉ. 37Nipetira basoca yariguere yara yayapira pʉtʉawa. Yatuwariasiro tiwãmerã cʉ̃jãcã yadʉariguere dʉsarere siete piserijoro sesãdado dopowʉ. 38Tiere yariara nomiãrẽ, wĩmarãrẽ queoro manirõ, ʉmʉã wadore queoñerõcã cuatro miljoro niwã. 39Siro Jesús basocare uitʉocowi. Tuwacoro doriacũmuãpʉ mʉãsãwa Magdala wãmecʉtiriditapʉ warisuawʉ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.