Juan 5
5
Ũpʉ̃ bʉrigʉre Jesúcã ñujeañerõcã tirigue
1Yoariwatoasiro Jesús Jerusalénpʉra judío basoca bosebʉreco tiribʉrecore ĩñagʉ̃ wawi. 2To Jerusalénpʉ sãwarisope Oveja wãmecʉtirisope#Neh 3:1, 32; 12:39. cʉtiro icãtara cusaritara niwʉ̃. Titarara hebreoyemena Betzatá wãmecʉtiwʉ. Titara tʉsarorena ĩcãõpʉcʉñe tatiri tiaya manirẽ niwʉ̃. 3-4Titatiripʉrena pajʉ basoca diarecʉtira, caperi ĩñabʉahera, upayuriri wara ĩñerõcã ũpʉ̃rĩ bʉriara cõãyucowa wãcũñamaniriwatoa Manigʉ̃rẽ wedecoteribasocʉcã emʉãrõpʉmena duiati titara maquẽ ocore cameñañerõcã tirere yuera. Tairo tiro tairo waremenarã ñañuãsʉguegʉnorẽ cʉ̃ye diarere cametʉoyoarigʉpʉ pʉtʉañerõcã ticãyuro. 5Cʉ̃jã watoarena ĩcʉ̃ bʉre diarecʉtiremena treinta y ocho cʉmarĩjoro newagʉ nirigʉ niwĩ. 6Jesús titara tʉsaro tʉawʉmʉãgʉ̃ ãni bʉrigʉre ĩñagʉ̃ cʉ̃cã topʉ yoariwatoari cõãwõnorẽrẽ masĩñigʉ̃ cʉ̃rẽ abiro ĩ sãĩñawĩ:
—¿Mʉcã diarecʉtirere mʉrẽ cametʉoñerõcã bogari? ―ĩwĩ.
7Cʉ̃pe Jesúre abiro ĩ yʉwi:
—Nirũpʉ̃, icãta yʉre titamubogʉno maniwĩ. Ococã cameñarẽcãrõ yʉcã titarapʉ toquẽrĩrã ñañuãrugañerõcã ãpẽrãpe wado yʉsʉguero yʉre ñañuãweoicãwã ―ĩwĩ.
8Jesús cʉ̃rẽ ĩwĩ: —¡Wʉmʉnʉcãña! Mʉcã pesarore neãpa waya ―ĩwĩ.
9Tora abiro cʉ̃cã cʉ̃rẽ ĩrẽmenarã cʉ̃ diaremanigʉ̃pʉ pʉtʉawi. Tairo tigʉ wʉmʉnʉcãnigʉ̃ cʉ̃cã pesarore neãpa warisuawi. Buri Jesúcã cʉ̃rẽ diare cametʉoribʉreco judío basocacã yerisãrĩbʉreco niwʉ̃. 10Tairo tira judío basoca nirũpãrã Jesúcã cametʉoyoarigʉre cʉ̃cã pesarore neãñerõcã ĩñarã cʉ̃rẽ ĩyura:
—Marĩcʉ̃ã yerisãrĩbʉreco ña. Mʉcã pesarore apagʉ marĩrẽ dotirere cametʉanʉcãgʉ̃ ya ―ĩyura.
11Cʉ̃jãcã tairo ĩñerõcã cʉ̃ ʉmʉpe cʉ̃jãrẽ abiro ĩ yʉyugʉ:
—Yʉre ya diarere cametʉoarigʉ ‘wʉmʉnʉcãnigʉ̃ mʉcã pesarore neãpa waya’ ĩãwĩ ―ĩyugʉ.
12Cʉ̃cã tairo ĩñerõcã tʉora cʉ̃rẽ abiro ĩ sãĩñayura:
—Mʉrẽ tiere tora abiro ‘wʉmʉnʉcãnigʉ̃ mʉcã pesarore neãpa waya’ ĩãrigʉ ¿nino niãrĩ? ―ĩyura.
13Jesús cʉ̃rẽ cametʉoariasiro to nirã pajʉ basoca watoapʉ warisuawi. Tairo tigʉ cʉ̃pe cʉ̃jãrẽ “cʉ̃rã ñawĩ yʉre cametʉoarigʉ” ĩmasĩheriyugʉ. 14Siro Jesús cʉ̃rẽ Manigʉ̃wipʉ bʉajeagʉ abiro ĩwĩ:
—Mʉ ñurõ tʉoya. Mʉ marĩcʉorore cametʉoyoarigʉpʉ ña. Tairo tigʉ nemorõ ñañarõ cametʉari ĩgʉ̃ upatuti ñañarẽrẽ tinemogʉ̃merã tiwa ―ĩwĩ.
15Cʉ̃cã tairo ĩãriasiro cʉ̃pe judío basoca nirũpãrãpʉre “yʉre cametʉoarigʉ Jesús wãmecʉtigʉ niãwĩ” ĩ wedegʉ warigʉ niwĩ. 16Cʉ̃cã tairo ĩ wederemena judío basoca nirũpãrã Jesúcã yerisãrĩbʉrecorena tiere tora abiro tiariguere masĩrã eara cʉ̃rẽ ñañarõ ti sĩãcõãrugara quetatusocoriara niwã. 17Cʉ̃jãcã cʉ̃rẽ tairo ñañarõ tirugañerõcã ĩñagʉ̃ Jesúpe cʉ̃jãrẽ abiro ĩwĩ:
—Yʉpacʉ icãta padede pitiro manirõ tairo padederucũmocãwĩ; tairora yʉ cʉ̃ Macʉ̃cã padederucũmocã ―ĩwĩ.
18Cʉ̃cã tairo ĩñerõcã tʉora judío basocacã cʉ̃rẽ sĩãrugariarosotoapera sĩãcõãrugara tiriara niwã. Yerisãrĩbʉreco dotirere cʉ̃cã cametʉanʉcãrẽ wapa wadomerẽna tairo tirugaramerã tiriara niwã. Tairora cʉ̃cã Manigʉ̃rẽ “yʉpacʉ̃” ĩrẽ wapamenacãrẽ tairo tirugara tiriara niwã. Cʉ̃ tairo ĩgʉ̃ “yʉ Manigʉ̃mena ĩcãrõ nigʉ̃ ña” ĩrugagʉ tiwi.
Jesús, cʉ̃ Pacʉ dotirora abiro cʉ̃cã tirere wederigue
19Tairo tigʉ Jesús cʉ̃jãrẽ abiro ĩ wedewi:
—Yʉ mʉjãrẽ diamacãrã wede. Yʉ Manigʉ̃ Macʉ̃ nicapeicã yʉcã boriwãmepe icãta tiheri. Buripe yʉpacʉcã tirere yʉcã ĩñarẽpe wadorena yʉ ya. Nipetire yʉpacʉcã tirenorẽna yʉ cʉ̃ Macʉ̃cã ya.#4:34; 6:38. 20Merẽ yʉpacʉ yʉre maĩgʉ̃ ninigʉ̃ nipetire cʉ̃cã tirenorẽ yʉre eñowĩ. Buri marĩcʉ̃ atiesotoape paca nirẽrẽ yʉre tiẽñodotigʉ eñogʉagawi. Tiere yʉcã tiẽñoñerõcã mʉjã ĩñamaniãsuroacu. 21Yʉpacʉcã basoca cõwõãriarapʉrena masõ, upatuti catire nʉnirõrã abirora yʉ cʉ̃ macʉ̃cã yʉcã catire nʉnirugaranorẽ nʉni. 22Tairora yʉpacʉ basocare ĩcʉ̃noperena ĩñabeseheriwi; buripe yʉpere nipetire cʉ̃ye tutuarere cũwĩ cʉ̃jãrẽ ĩñabesedotigʉ. 23Nipetirare yʉpacʉre cuwiopesaremena ĩñarõrã abirora yʉ cʉ̃ Macʉ̃cãrẽ cuwiopesaremena ĩñaro ĩgʉ̃ yʉre tairo tidotiwi. Ĩcʉ̃no yʉre cuwiopesaremena ĩñabʉahegʉno yʉpacʉre yʉre ticorigʉcãrẽ cuwiopesaremena ĩñaheriwi. 24Mʉjãrẽ diamacãrã wede. Nipetira yʉcã wederere#12:49-50. tʉorano tairora yʉre ticorigʉcãrẽ wedewõrãno catire petiherere cʉowa. Cʉ̃jã ñañarõ tiyoherigawa.#3:16-18; Ro 8:1. Merẽ cʉ̃jã pecamepʉ waboariarara catire petiherepere cʉora easiawa. 25Atie queorora ña. Merẽ marĩcʉorora cõwõãriarara abiro nirãrẽ yʉ Manigʉ̃ Macʉ̃cã wederucũrẽrẽ tʉoriwatoano easia. Nipetire yʉcã wederere queoro yʉquetaturano Manigʉ̃mena catirucũrõãgawa. 26Yʉpacʉ cʉ̃cã basocare catire petiherere nʉnimasĩrõrã abirora yʉ cʉ̃ macʉ̃cãrẽ basocare catire petiherere nʉnimasĩñerõcã yawí. 27Tairora basocare ĩñabeseribʉreco eañerõcã yʉpacʉ yʉrena, yʉ Nipetira Sõwʉ̃ nigʉ̃rẽna basocare ĩñabeseacʉ cũwĩ. 28Mʉjã atiere tʉora tʉoʉcʉaherimocãña. Merẽ nipetira basoca cõwõãriarapʉra yʉcã wederucũrẽrẽ tʉoatiwatoa earodaropʉ ya. 29Cʉ̃jã yʉcã wederucũrẽrẽ tʉora masãcoperipʉ niãriara upatuti masã witipetiasuroagawa. Ñurẽrẽ tiriara masãrãgawa ʉmʉãwesepʉ catire petiheremena nirucũrãdara. Buri tairora ñañarẽ tiriaracã masãrãgawa petiheri pecamepʉ ñañarõ tiyorucũmocãrãdara.
Jesúcã cʉ̃ye maquẽrẽna wedenemorigue
30”Yʉ icãta yʉbasurupe yʉcã boriwãmepe timasĩheri. Yʉpacʉ yʉre ticorigʉcã basocare ĩñabesedotirora abirora yʉ basocacã ñurẽ tirere, cʉ̃jãcã ñañarẽ tirere ĩñabese. Tairo tiro yʉcã ĩñabesere queoro nirĩwãmerã ĩñabesere ña. Tiere yʉcã boriwãmepe tiheri; buripe yʉpacʉcã dotiriwãmepe queoro yʉquetatu. 31Yʉbasurupe wado yaye maquẽrẽ ñurõ wederucũñerõcã doca mʉjã ‘cʉ̃cã wederucũrẽ queoro niheri; tairo ĩmocãgʉ̃ yawí’ ĩboga. 32Buri ãpĩpʉ ñawĩ yʉre ‘cʉ̃ yʉcã beseyorigʉra ñawĩ’ ĩ masĩñerõcã tigʉ. Cʉ̃rã yʉpacʉ ñawĩ. Tie docare yʉ diamacã maquẽrã queoro nirẽ ‘wedewõborera ña’ ĩmasĩ. 33Mʉjãcã ãpẽrãmena Juan basocare wãmeõtiribasocʉpʉre yaye maquẽrẽna sãĩñadoticoriguecã,#1:19-28. cʉ̃cã cʉ̃jãrẽ wederigue diamacã macʉ̃ nigʉ̃ye maquẽrẽna cʉ̃cã queoro wederiguera ña. 34Tairo tigʉ marĩcʉoropere yʉra nimocãnigʉ̃ ĩcʉ̃no basocʉre yʉre ‘cʉ̃rã Manigʉ̃cã beseyorigʉ ñawĩ’ ĩñerõcã boheri. Buri yʉ Juanrẽ wãmeboawʉ, cʉ̃cã mʉjãrẽ yaye maquẽrẽ wederiguere mʉjãcã wãcũ ‘tiere diamacãrã ña’ ĩ yʉre wedewõrã earemena, Manigʉ̃rẽ cametʉoyoanapʉ nirã eañerõcã bogʉ wadora. 35Juan cʉ̃cã wedere ñucametʉare naĩtĩãrõpʉre ĩcã sĩãworigara abiro ñurõ asiya bowerera abiro niwʉ̃. Tairo tira mʉjã cʉ̃cã wederere tʉora nocãrõmerã ʉseawʉ. 36Yʉcã tirera Juancã wederiguesotoape yʉcã nirẽcʉtirere eño. Yʉcã tire yʉpacʉcã yʉre tidotirera ña. Yʉcã tairo tiremenarã nirõrã yʉpacʉcã yʉre ticoriguere eño. 37Yʉpacʉ yʉre ticorigʉra mʉjãrẽ ‘cʉ̃rã yʉcã beseyorigʉ ñawĩ’ ĩ masĩñerõcã yawí. Buri mʉjãpe cʉ̃cã tairo masĩñerõcã ticapetacãrã sʉgueripʉmenarã pʉ marĩcʉoropʉcãrẽ cʉ̃basurupepʉrena cʉ̃cã wederucũrẽrẽ icãta tʉorugahera ña. Cʉ̃cã baurecãrẽ cʉ̃ diamacãpʉrena icãta ĩñarugahera ña.#1:1, 14; 3:34; 14:9-10, 24. 38Tairora mʉjã cʉ̃ye wederucũrẽrẽ mʉjãye yeripũnarĩpʉ tʉosã tiere quenoheri yʉre yʉpacʉpʉra ticoyorigʉrena mʉjã wedewõherinirã. 39Mʉjã Manigʉ̃ye wederucũrẽ ojayoriapũrẽ ñurõ cuwiopesaremena buerucũmocã ‘tipũcã wederemena catire petiherere bʉarada’ ĩrã. Buri mʉjã tipũpʉre yaye maquẽrẽna wederere buecaperacãrã 40yʉre wedewõrugaheri tie catire petiherere cʉorugara nimocãcaperacãrã.
41”Yʉ marĩcʉorore yʉra nimocãnigʉ̃ ĩcʉ̃no basocʉnopere ‘cʉ̃ ñurẽrẽ tigʉ yawí’ ĩrẽrẽ bogʉmerã ya. 42Ĩñerõcã apeyere yʉ mʉjã basocare ñurõ masĩ; mʉjã icãta Manigʉ̃rẽ maĩrẽ cʉohera ña. 43Cʉ̃rã yʉpacʉ yʉre ticorigʉ ñawĩ. Tora abiro yʉcã cʉ̃ya wãmemena watigʉ nicapetacã mʉjãpe yʉre boheri. Buri nonigʉ̃ cʉ̃basurupe cʉ̃ya wãmemena watigʉnopere doca mʉjã ñurõ bo. 44Mʉjã Manigʉ̃ ĩcʉ̃ nigʉ̃pere doca ‘mʉjãcã tirecʉtirere ñujo’ ĩrẽpere amahericaperacãrã mʉjã basocabasurupera ‘mʉjãcã tirecʉtirere ñujo’ ĩrẽpere amarã ¿dairo ti mʉjã yʉre wedewõmasĩbogari? 45Mʉjã ‘marĩcã cʉ̃rẽ bohere wapa cʉ̃ Pacʉpʉre marĩrẽ wedesãgʉagawi’ ĩ wacũherimocãña. Mʉjã ‘Moisécã dotire cũriguere ʉ̃sã queoro ya. Tairo tira Manigʉ̃mena ñurõ nirõãcu’ ĩ wãcũ. Tairo tigʉ cʉ̃rã mʉjãcã wedewõrigʉra mʉjãrẽ wedesãgʉagawi. 46Mʉjã nirõrã Moisére wedewõriarapʉa cʉ̃rẽ wedewõrõrã abirora yʉcãrẽ wedewõboga. Merẽ cʉ̃ Moisés yaye maquẽrẽna ojarigʉ niwĩ. 47Buri mʉjã Moisécã ojariguere wedewõhera ¿daironomenape yʉcã mʉjãrẽ wederepere wedewõmasĩbogari? Icãta wedewõherijomocã ―ĩwĩ.
Currently Selected:
Juan 5: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Juan 5
5
Ũpʉ̃ bʉrigʉre Jesúcã ñujeañerõcã tirigue
1Yoariwatoasiro Jesús Jerusalénpʉra judío basoca bosebʉreco tiribʉrecore ĩñagʉ̃ wawi. 2To Jerusalénpʉ sãwarisope Oveja wãmecʉtirisope#Neh 3:1, 32; 12:39. cʉtiro icãtara cusaritara niwʉ̃. Titarara hebreoyemena Betzatá wãmecʉtiwʉ. Titara tʉsarorena ĩcãõpʉcʉñe tatiri tiaya manirẽ niwʉ̃. 3-4Titatiripʉrena pajʉ basoca diarecʉtira, caperi ĩñabʉahera, upayuriri wara ĩñerõcã ũpʉ̃rĩ bʉriara cõãyucowa wãcũñamaniriwatoa Manigʉ̃rẽ wedecoteribasocʉcã emʉãrõpʉmena duiati titara maquẽ ocore cameñañerõcã tirere yuera. Tairo tiro tairo waremenarã ñañuãsʉguegʉnorẽ cʉ̃ye diarere cametʉoyoarigʉpʉ pʉtʉañerõcã ticãyuro. 5Cʉ̃jã watoarena ĩcʉ̃ bʉre diarecʉtiremena treinta y ocho cʉmarĩjoro newagʉ nirigʉ niwĩ. 6Jesús titara tʉsaro tʉawʉmʉãgʉ̃ ãni bʉrigʉre ĩñagʉ̃ cʉ̃cã topʉ yoariwatoari cõãwõnorẽrẽ masĩñigʉ̃ cʉ̃rẽ abiro ĩ sãĩñawĩ:
—¿Mʉcã diarecʉtirere mʉrẽ cametʉoñerõcã bogari? ―ĩwĩ.
7Cʉ̃pe Jesúre abiro ĩ yʉwi:
—Nirũpʉ̃, icãta yʉre titamubogʉno maniwĩ. Ococã cameñarẽcãrõ yʉcã titarapʉ toquẽrĩrã ñañuãrugañerõcã ãpẽrãpe wado yʉsʉguero yʉre ñañuãweoicãwã ―ĩwĩ.
8Jesús cʉ̃rẽ ĩwĩ: —¡Wʉmʉnʉcãña! Mʉcã pesarore neãpa waya ―ĩwĩ.
9Tora abiro cʉ̃cã cʉ̃rẽ ĩrẽmenarã cʉ̃ diaremanigʉ̃pʉ pʉtʉawi. Tairo tigʉ wʉmʉnʉcãnigʉ̃ cʉ̃cã pesarore neãpa warisuawi. Buri Jesúcã cʉ̃rẽ diare cametʉoribʉreco judío basocacã yerisãrĩbʉreco niwʉ̃. 10Tairo tira judío basoca nirũpãrã Jesúcã cametʉoyoarigʉre cʉ̃cã pesarore neãñerõcã ĩñarã cʉ̃rẽ ĩyura:
—Marĩcʉ̃ã yerisãrĩbʉreco ña. Mʉcã pesarore apagʉ marĩrẽ dotirere cametʉanʉcãgʉ̃ ya ―ĩyura.
11Cʉ̃jãcã tairo ĩñerõcã cʉ̃ ʉmʉpe cʉ̃jãrẽ abiro ĩ yʉyugʉ:
—Yʉre ya diarere cametʉoarigʉ ‘wʉmʉnʉcãnigʉ̃ mʉcã pesarore neãpa waya’ ĩãwĩ ―ĩyugʉ.
12Cʉ̃cã tairo ĩñerõcã tʉora cʉ̃rẽ abiro ĩ sãĩñayura:
—Mʉrẽ tiere tora abiro ‘wʉmʉnʉcãnigʉ̃ mʉcã pesarore neãpa waya’ ĩãrigʉ ¿nino niãrĩ? ―ĩyura.
13Jesús cʉ̃rẽ cametʉoariasiro to nirã pajʉ basoca watoapʉ warisuawi. Tairo tigʉ cʉ̃pe cʉ̃jãrẽ “cʉ̃rã ñawĩ yʉre cametʉoarigʉ” ĩmasĩheriyugʉ. 14Siro Jesús cʉ̃rẽ Manigʉ̃wipʉ bʉajeagʉ abiro ĩwĩ:
—Mʉ ñurõ tʉoya. Mʉ marĩcʉorore cametʉoyoarigʉpʉ ña. Tairo tigʉ nemorõ ñañarõ cametʉari ĩgʉ̃ upatuti ñañarẽrẽ tinemogʉ̃merã tiwa ―ĩwĩ.
15Cʉ̃cã tairo ĩãriasiro cʉ̃pe judío basoca nirũpãrãpʉre “yʉre cametʉoarigʉ Jesús wãmecʉtigʉ niãwĩ” ĩ wedegʉ warigʉ niwĩ. 16Cʉ̃cã tairo ĩ wederemena judío basoca nirũpãrã Jesúcã yerisãrĩbʉrecorena tiere tora abiro tiariguere masĩrã eara cʉ̃rẽ ñañarõ ti sĩãcõãrugara quetatusocoriara niwã. 17Cʉ̃jãcã cʉ̃rẽ tairo ñañarõ tirugañerõcã ĩñagʉ̃ Jesúpe cʉ̃jãrẽ abiro ĩwĩ:
—Yʉpacʉ icãta padede pitiro manirõ tairo padederucũmocãwĩ; tairora yʉ cʉ̃ Macʉ̃cã padederucũmocã ―ĩwĩ.
18Cʉ̃cã tairo ĩñerõcã tʉora judío basocacã cʉ̃rẽ sĩãrugariarosotoapera sĩãcõãrugara tiriara niwã. Yerisãrĩbʉreco dotirere cʉ̃cã cametʉanʉcãrẽ wapa wadomerẽna tairo tirugaramerã tiriara niwã. Tairora cʉ̃cã Manigʉ̃rẽ “yʉpacʉ̃” ĩrẽ wapamenacãrẽ tairo tirugara tiriara niwã. Cʉ̃ tairo ĩgʉ̃ “yʉ Manigʉ̃mena ĩcãrõ nigʉ̃ ña” ĩrugagʉ tiwi.
Jesús, cʉ̃ Pacʉ dotirora abiro cʉ̃cã tirere wederigue
19Tairo tigʉ Jesús cʉ̃jãrẽ abiro ĩ wedewi:
—Yʉ mʉjãrẽ diamacãrã wede. Yʉ Manigʉ̃ Macʉ̃ nicapeicã yʉcã boriwãmepe icãta tiheri. Buripe yʉpacʉcã tirere yʉcã ĩñarẽpe wadorena yʉ ya. Nipetire yʉpacʉcã tirenorẽna yʉ cʉ̃ Macʉ̃cã ya.#4:34; 6:38. 20Merẽ yʉpacʉ yʉre maĩgʉ̃ ninigʉ̃ nipetire cʉ̃cã tirenorẽ yʉre eñowĩ. Buri marĩcʉ̃ atiesotoape paca nirẽrẽ yʉre tiẽñodotigʉ eñogʉagawi. Tiere yʉcã tiẽñoñerõcã mʉjã ĩñamaniãsuroacu. 21Yʉpacʉcã basoca cõwõãriarapʉrena masõ, upatuti catire nʉnirõrã abirora yʉ cʉ̃ macʉ̃cã yʉcã catire nʉnirugaranorẽ nʉni. 22Tairora yʉpacʉ basocare ĩcʉ̃noperena ĩñabeseheriwi; buripe yʉpere nipetire cʉ̃ye tutuarere cũwĩ cʉ̃jãrẽ ĩñabesedotigʉ. 23Nipetirare yʉpacʉre cuwiopesaremena ĩñarõrã abirora yʉ cʉ̃ Macʉ̃cãrẽ cuwiopesaremena ĩñaro ĩgʉ̃ yʉre tairo tidotiwi. Ĩcʉ̃no yʉre cuwiopesaremena ĩñabʉahegʉno yʉpacʉre yʉre ticorigʉcãrẽ cuwiopesaremena ĩñaheriwi. 24Mʉjãrẽ diamacãrã wede. Nipetira yʉcã wederere#12:49-50. tʉorano tairora yʉre ticorigʉcãrẽ wedewõrãno catire petiherere cʉowa. Cʉ̃jã ñañarõ tiyoherigawa.#3:16-18; Ro 8:1. Merẽ cʉ̃jã pecamepʉ waboariarara catire petiherepere cʉora easiawa. 25Atie queorora ña. Merẽ marĩcʉorora cõwõãriarara abiro nirãrẽ yʉ Manigʉ̃ Macʉ̃cã wederucũrẽrẽ tʉoriwatoano easia. Nipetire yʉcã wederere queoro yʉquetaturano Manigʉ̃mena catirucũrõãgawa. 26Yʉpacʉ cʉ̃cã basocare catire petiherere nʉnimasĩrõrã abirora yʉ cʉ̃ macʉ̃cãrẽ basocare catire petiherere nʉnimasĩñerõcã yawí. 27Tairora basocare ĩñabeseribʉreco eañerõcã yʉpacʉ yʉrena, yʉ Nipetira Sõwʉ̃ nigʉ̃rẽna basocare ĩñabeseacʉ cũwĩ. 28Mʉjã atiere tʉora tʉoʉcʉaherimocãña. Merẽ nipetira basoca cõwõãriarapʉra yʉcã wederucũrẽrẽ tʉoatiwatoa earodaropʉ ya. 29Cʉ̃jã yʉcã wederucũrẽrẽ tʉora masãcoperipʉ niãriara upatuti masã witipetiasuroagawa. Ñurẽrẽ tiriara masãrãgawa ʉmʉãwesepʉ catire petiheremena nirucũrãdara. Buri tairora ñañarẽ tiriaracã masãrãgawa petiheri pecamepʉ ñañarõ tiyorucũmocãrãdara.
Jesúcã cʉ̃ye maquẽrẽna wedenemorigue
30”Yʉ icãta yʉbasurupe yʉcã boriwãmepe timasĩheri. Yʉpacʉ yʉre ticorigʉcã basocare ĩñabesedotirora abirora yʉ basocacã ñurẽ tirere, cʉ̃jãcã ñañarẽ tirere ĩñabese. Tairo tiro yʉcã ĩñabesere queoro nirĩwãmerã ĩñabesere ña. Tiere yʉcã boriwãmepe tiheri; buripe yʉpacʉcã dotiriwãmepe queoro yʉquetatu. 31Yʉbasurupe wado yaye maquẽrẽ ñurõ wederucũñerõcã doca mʉjã ‘cʉ̃cã wederucũrẽ queoro niheri; tairo ĩmocãgʉ̃ yawí’ ĩboga. 32Buri ãpĩpʉ ñawĩ yʉre ‘cʉ̃ yʉcã beseyorigʉra ñawĩ’ ĩ masĩñerõcã tigʉ. Cʉ̃rã yʉpacʉ ñawĩ. Tie docare yʉ diamacã maquẽrã queoro nirẽ ‘wedewõborera ña’ ĩmasĩ. 33Mʉjãcã ãpẽrãmena Juan basocare wãmeõtiribasocʉpʉre yaye maquẽrẽna sãĩñadoticoriguecã,#1:19-28. cʉ̃cã cʉ̃jãrẽ wederigue diamacã macʉ̃ nigʉ̃ye maquẽrẽna cʉ̃cã queoro wederiguera ña. 34Tairo tigʉ marĩcʉoropere yʉra nimocãnigʉ̃ ĩcʉ̃no basocʉre yʉre ‘cʉ̃rã Manigʉ̃cã beseyorigʉ ñawĩ’ ĩñerõcã boheri. Buri yʉ Juanrẽ wãmeboawʉ, cʉ̃cã mʉjãrẽ yaye maquẽrẽ wederiguere mʉjãcã wãcũ ‘tiere diamacãrã ña’ ĩ yʉre wedewõrã earemena, Manigʉ̃rẽ cametʉoyoanapʉ nirã eañerõcã bogʉ wadora. 35Juan cʉ̃cã wedere ñucametʉare naĩtĩãrõpʉre ĩcã sĩãworigara abiro ñurõ asiya bowerera abiro niwʉ̃. Tairo tira mʉjã cʉ̃cã wederere tʉora nocãrõmerã ʉseawʉ. 36Yʉcã tirera Juancã wederiguesotoape yʉcã nirẽcʉtirere eño. Yʉcã tire yʉpacʉcã yʉre tidotirera ña. Yʉcã tairo tiremenarã nirõrã yʉpacʉcã yʉre ticoriguere eño. 37Yʉpacʉ yʉre ticorigʉra mʉjãrẽ ‘cʉ̃rã yʉcã beseyorigʉ ñawĩ’ ĩ masĩñerõcã yawí. Buri mʉjãpe cʉ̃cã tairo masĩñerõcã ticapetacãrã sʉgueripʉmenarã pʉ marĩcʉoropʉcãrẽ cʉ̃basurupepʉrena cʉ̃cã wederucũrẽrẽ icãta tʉorugahera ña. Cʉ̃cã baurecãrẽ cʉ̃ diamacãpʉrena icãta ĩñarugahera ña.#1:1, 14; 3:34; 14:9-10, 24. 38Tairora mʉjã cʉ̃ye wederucũrẽrẽ mʉjãye yeripũnarĩpʉ tʉosã tiere quenoheri yʉre yʉpacʉpʉra ticoyorigʉrena mʉjã wedewõherinirã. 39Mʉjã Manigʉ̃ye wederucũrẽ ojayoriapũrẽ ñurõ cuwiopesaremena buerucũmocã ‘tipũcã wederemena catire petiherere bʉarada’ ĩrã. Buri mʉjã tipũpʉre yaye maquẽrẽna wederere buecaperacãrã 40yʉre wedewõrugaheri tie catire petiherere cʉorugara nimocãcaperacãrã.
41”Yʉ marĩcʉorore yʉra nimocãnigʉ̃ ĩcʉ̃no basocʉnopere ‘cʉ̃ ñurẽrẽ tigʉ yawí’ ĩrẽrẽ bogʉmerã ya. 42Ĩñerõcã apeyere yʉ mʉjã basocare ñurõ masĩ; mʉjã icãta Manigʉ̃rẽ maĩrẽ cʉohera ña. 43Cʉ̃rã yʉpacʉ yʉre ticorigʉ ñawĩ. Tora abiro yʉcã cʉ̃ya wãmemena watigʉ nicapetacã mʉjãpe yʉre boheri. Buri nonigʉ̃ cʉ̃basurupe cʉ̃ya wãmemena watigʉnopere doca mʉjã ñurõ bo. 44Mʉjã Manigʉ̃ ĩcʉ̃ nigʉ̃pere doca ‘mʉjãcã tirecʉtirere ñujo’ ĩrẽpere amahericaperacãrã mʉjã basocabasurupera ‘mʉjãcã tirecʉtirere ñujo’ ĩrẽpere amarã ¿dairo ti mʉjã yʉre wedewõmasĩbogari? 45Mʉjã ‘marĩcã cʉ̃rẽ bohere wapa cʉ̃ Pacʉpʉre marĩrẽ wedesãgʉagawi’ ĩ wacũherimocãña. Mʉjã ‘Moisécã dotire cũriguere ʉ̃sã queoro ya. Tairo tira Manigʉ̃mena ñurõ nirõãcu’ ĩ wãcũ. Tairo tigʉ cʉ̃rã mʉjãcã wedewõrigʉra mʉjãrẽ wedesãgʉagawi. 46Mʉjã nirõrã Moisére wedewõriarapʉa cʉ̃rẽ wedewõrõrã abirora yʉcãrẽ wedewõboga. Merẽ cʉ̃ Moisés yaye maquẽrẽna ojarigʉ niwĩ. 47Buri mʉjã Moisécã ojariguere wedewõhera ¿daironomenape yʉcã mʉjãrẽ wederepere wedewõmasĩbogari? Icãta wedewõherijomocã ―ĩwĩ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.