Hechos 3
3
Pedro, Juanmena camesãmasĩhegʉre ñujeañerõcã tirigue
1Ĩcãbʉreco sotoasiro tres niñerõcã Pedro, Juan Manigʉ̃wipʉ ñubuera wayura. Bʉrecoricãrõ ti hora niñerõcã basoca Manigʉ̃rẽ ñubuera earucũyura. 2Topʉ ĩcʉ̃ basocʉ bajuagʉpʉra camesãmasĩhegʉ nigʉ̃rẽ bʉrecoricãrõ tiyepapʉre sãwarisopepʉtopʉ neãrucũ dopoicãyura to sãwarare niyeru sãĩãro ĩrã. Tisãwarisope wãmecʉtiyuro Peñarĩ Sope. 3Tairo tigʉ ãni camesãmasĩhegʉ Pedro, Juancã sãwaradara tiremena cʉ̃jãrẽ ĩñagʉ̃rã niyeru sãĩyugʉ. 4Cʉ̃jã cʉ̃cã sãĩñerõcã cʉ̃rẽ ĩña apõtĩõnʉcãyura. Pedrope “ʉ̃sãrẽ ĩñaña” ĩyugʉ. 5Cʉ̃cã tairo ĩñerõcã cʉ̃jãrẽ ñurõ ĩñacõãyugʉ “Niyeru o apeyeno yʉre nʉnirãdara tigawa” ĩgʉ̃. 6Pedro cʉ̃rẽ ĩyugʉ:
—Yʉ niyeru, orocãrẽ cʉoheri. Tiere cʉohericapeicã yʉcã cʉorere mʉrẽ nʉnigʉ̃da. Jesucristo Nazaret macʉ̃ tutuare cʉocametʉagʉyawãmemena mʉrẽ ĩ: ‘¡Wʉmʉnʉcã camesãña!’ 7Tairo ĩgʉ̃rã cʉ̃rẽ diamacã wãmorẽ ñe wejewʉmʉõnʉcõyugʉ. Cʉ̃cã wejemʉõcoremenarã nʉcãrĩ, ãñapericã mata tutuasuyuro. 8Camesãmasĩhegʉ niãrigʉ bupu wʉmʉnʉcã camesãsocoyugʉ. Cʉ̃jãmena Manigʉ̃wi potĩõrõ macã yepapʉ cʉ̃basurupe sãwa bupucamesãgʉ̃rã Manigʉ̃rẽ ʉseare nʉniyugʉ. 9-10Nipetira topʉ nirã cʉ̃cã camesãwʉmʉã Manigʉ̃rẽ ʉseare nʉniñerõcã ĩñarã ĩñaʉcʉa ĩñamaniãsuyura. Tairo tira ‘¡Ãni bupuwõnogʉ̃ Peñarĩ Sopepʉ niyeru sãĩduicucũãrigʉ merã ñarĩ!’ ĩyura cʉ̃rẽ ĩñamasĩrã ninirã.
Pedrocã basocare wederigue
11Camesãmasĩhegʉ nimoãrigʉ Pedro, Juanrẽ ñegʉ̃ icãta pitirugaheriyugʉ. Tairo warere nipetira basoca topʉ nirã ĩñamaniã Pedrojã cʉtiropʉ cʉtʉjeayura. To cʉ̃jãcã neãporo Manigʉ̃wi potĩõrõ macã yepa cʉtiro nirĩtatia Pórtico de Salomón wãmecʉtiyuro#3:11 Pecamasãye ʉsero Pórtico wi witinʉcãrõ macãtatia tiaya manirĩtatia ĩrugaro ya.. 12Cʉ̃jãcã cʉtʉ neãpojeañerõcã ĩñagʉ̃ Pedro cʉ̃jãrẽ abiro ĩyugʉ:
—Yara Israelyabumacãrã ¿dairo tira mʉjã tocãrõ ĩñamaniãsuri? ¿Ʉ̃sãrẽ mʉjã tocãrõ ĩñarã ʉ̃sãcã tutuaremena o ʉ̃sãcã ñurã nirẽye wapamena ‘ãnirẽ camesãñerõcã yawa’ ĩ wãcũrã yari? ¡Ʉ̃sã tiere tiheriawʉ! 13Marĩ ñecʉ̃sʉmʉã Abraham, Isaac, Jacob, ãpẽrã marĩ ñecʉ̃sʉmʉãcã Manigʉ̃ ʉmʉãwesepʉ nigʉ̃rẽ wedewõriara niwã. Cʉ̃rã Jesúre cʉ̃cã dotirere queoro tirucũgʉ̃rẽ ticorigʉ niwĩ. Tairo tigʉ Jesúcã ñucametʉanʉcãgʉ̃ nirẽrẽ cʉ̃cã tutuarere eñogʉ̃ camesãmasĩhegʉ niãrigʉre ñujeañerõcã tiawi. Mʉjãpe cʉ̃rẽna nirũpãrãpʉre wiyowʉ. Mʉjãcã wiyoñerõcã Pilato cʉ̃rẽ wiocorugamiwĩ. Mʉjãpe boheriwʉ. 14Mʉjã Jesús ñañarẽ cʉohegʉpere ñucametʉanʉcãgʉ̃pere wiocodotirono tira ĩcʉ̃ ñañagʉ̃ basocare sĩãrigʉpere#3:14 Ãni Barrabás nirigʉ niwĩ (Lc 23:18-25). mʉjã wiocodotiwʉ. 15Abiro tinirã mʉjã Jesús catire petiherere nʉnigʉ̃pere sĩãdotiwʉ. Manigʉ̃pe cʉ̃rẽna cõwõãrigʉpʉre masõwĩ. Tiere ʉ̃sã ĩñawʉ̃. 16Jesúra cʉ̃cã tutuaremena ãni camesãmasĩheririgʉre mʉjãcã ĩñamasĩgʉ̃rẽ wamasĩñerõcã tiawi. Jesúcã ñujeañerõcã timasĩrẽrẽ ʉ̃sãcã wedewõrẽ cʉoñerõcã ĩñagʉ̃ Jesús ãnirẽ mʉjã nipetira ĩñacoropʉ cʉ̃ye diarere ñurõ cametʉopetiawi.
17”Yara, yʉ masĩ mʉjã, mʉjã nirũpãrã Jesúre ‘Manigʉ̃ Macʉ̃rã ñawĩ’ ĩ tʉomasĩherinirã cʉ̃rẽ sĩãdotiwʉ. 18Sʉgueropʉ merẽ Manigʉ̃ nipetira cʉ̃ye maquẽrẽ wedesʉgueribasocamena ‘abiro biroacu’ ĩ wedesiarigʉ niwĩ:
”«Cristo yʉcã beserigʉ ñañarõ cametʉa cõwõgʉagawi» ĩrigʉ niwĩ. Tairo tiro tairora wawʉ. 19Tairo tira mʉjãcã ñañarẽ tirecʉtirere wãcũpasʉti wasoaya. Manigʉ̃cã dotirepere tiya. Mʉjãcã tairo tiñerõcã Manigʉ̃ mʉjãcã ñañarẽ tirecʉtirere acõbogʉagawi. 20Ĩñerõcã Nirũpʉ̃ Manigʉ̃ Jesúre upatuti atiditapʉre ticoribʉrecore mʉjãrẽ ñurõ yerisãrẽmena nirẽcʉtiñerõcã tigʉagawi. Cʉ̃rã mamarõpʉ Manigʉ̃cã beseyorigʉ Cristo ñawĩ mʉjãrẽ cametʉodotigʉ ticoyorigʉ. 21Marĩcʉorore Jesúre ʉmʉãwesepʉra pʉtʉaro ña marĩcʉ̃. Pʉ Manigʉ̃ atidita maquẽrẽ wasoapetiropʉ Manigʉ̃cã sʉgueropʉ cʉ̃cã tiatere cʉ̃ye maquẽ wedesʉgueribasoca ñurãmena wededotiriarora abiro.#Mt 19:28. 22Moisés marĩ ñecʉ̃sʉmʉãrẽ abiro ĩ wederigʉ niwĩ: «Nirũpʉ̃ mʉjãya Manigʉ̃ mʉjã watoare yʉra abiro ĩcʉ̃ Manigʉ̃ye quetire wedesʉgueacʉre bajuañerõcã tigʉagawi. Nipetira cʉ̃cã dotirere ñurõ yʉya. 23Cʉ̃cã dotirere yʉherano cõãyoragawa Manigʉ̃rẽ wedewõrãmena niheriatora abiro. Tairo tira cʉ̃jã sĩãcõãyoragawa»#Lv 23:29-30; Dt 18:15-16, 19. ĩrigʉ niwĩ Moisés. 24Nipetira Manigʉ̃ye quetire wedesʉgueribasoca mamarõrẽ Samueljoromena pʉ cʉ̃siro macãrãpʉcã atibʉrecori abiro biatere ‘siropʉ tairo waroacu’ ĩ ojasʉgueriara niwã.
25”Sʉgueropʉ Manigʉ̃ marĩ ñecũ Abrahamrẽ: «Mʉpãrãmi nitutiagʉmenarã nipetira atidita macãrãrẽ ñurõ tigʉda» ĩrigʉ niwĩ. Cʉ̃cã tairo ĩriguere ãpẽrã cʉ̃ye maquẽrẽ wedesʉgueribasocara marĩ ñecʉ̃sʉmʉãrẽ wedetutiariara niwã tamʉ. Cʉ̃jã wadorena tiere tairo waroacu ĩgʉ̃merã tigatiyi. Marĩcãrẽ maricʉoro cʉ̃jã pãrãmerã nitutiaramenacãrẽ tairora atie queoro waroacu ĩgʉ̃ tigatiyi.#Gn 12:3; 22:18. 26Tairo tigʉ Manigʉ̃ cʉ̃ macʉ̃rẽ cõwõãrigʉpʉre masõ marĩ judío basocarena ticosocorigʉ niwĩ. Tiemena marĩrẽ ñurõ tirigʉ niwĩ marĩcã ñañarẽ tirecʉtirere piti ñurẽpere tiaro ĩgʉ̃ ―ĩ wedeyugʉ Pedro.
Currently Selected:
Hechos 3: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Hechos 3
3
Pedro, Juanmena camesãmasĩhegʉre ñujeañerõcã tirigue
1Ĩcãbʉreco sotoasiro tres niñerõcã Pedro, Juan Manigʉ̃wipʉ ñubuera wayura. Bʉrecoricãrõ ti hora niñerõcã basoca Manigʉ̃rẽ ñubuera earucũyura. 2Topʉ ĩcʉ̃ basocʉ bajuagʉpʉra camesãmasĩhegʉ nigʉ̃rẽ bʉrecoricãrõ tiyepapʉre sãwarisopepʉtopʉ neãrucũ dopoicãyura to sãwarare niyeru sãĩãro ĩrã. Tisãwarisope wãmecʉtiyuro Peñarĩ Sope. 3Tairo tigʉ ãni camesãmasĩhegʉ Pedro, Juancã sãwaradara tiremena cʉ̃jãrẽ ĩñagʉ̃rã niyeru sãĩyugʉ. 4Cʉ̃jã cʉ̃cã sãĩñerõcã cʉ̃rẽ ĩña apõtĩõnʉcãyura. Pedrope “ʉ̃sãrẽ ĩñaña” ĩyugʉ. 5Cʉ̃cã tairo ĩñerõcã cʉ̃jãrẽ ñurõ ĩñacõãyugʉ “Niyeru o apeyeno yʉre nʉnirãdara tigawa” ĩgʉ̃. 6Pedro cʉ̃rẽ ĩyugʉ:
—Yʉ niyeru, orocãrẽ cʉoheri. Tiere cʉohericapeicã yʉcã cʉorere mʉrẽ nʉnigʉ̃da. Jesucristo Nazaret macʉ̃ tutuare cʉocametʉagʉyawãmemena mʉrẽ ĩ: ‘¡Wʉmʉnʉcã camesãña!’ 7Tairo ĩgʉ̃rã cʉ̃rẽ diamacã wãmorẽ ñe wejewʉmʉõnʉcõyugʉ. Cʉ̃cã wejemʉõcoremenarã nʉcãrĩ, ãñapericã mata tutuasuyuro. 8Camesãmasĩhegʉ niãrigʉ bupu wʉmʉnʉcã camesãsocoyugʉ. Cʉ̃jãmena Manigʉ̃wi potĩõrõ macã yepapʉ cʉ̃basurupe sãwa bupucamesãgʉ̃rã Manigʉ̃rẽ ʉseare nʉniyugʉ. 9-10Nipetira topʉ nirã cʉ̃cã camesãwʉmʉã Manigʉ̃rẽ ʉseare nʉniñerõcã ĩñarã ĩñaʉcʉa ĩñamaniãsuyura. Tairo tira ‘¡Ãni bupuwõnogʉ̃ Peñarĩ Sopepʉ niyeru sãĩduicucũãrigʉ merã ñarĩ!’ ĩyura cʉ̃rẽ ĩñamasĩrã ninirã.
Pedrocã basocare wederigue
11Camesãmasĩhegʉ nimoãrigʉ Pedro, Juanrẽ ñegʉ̃ icãta pitirugaheriyugʉ. Tairo warere nipetira basoca topʉ nirã ĩñamaniã Pedrojã cʉtiropʉ cʉtʉjeayura. To cʉ̃jãcã neãporo Manigʉ̃wi potĩõrõ macã yepa cʉtiro nirĩtatia Pórtico de Salomón wãmecʉtiyuro#3:11 Pecamasãye ʉsero Pórtico wi witinʉcãrõ macãtatia tiaya manirĩtatia ĩrugaro ya.. 12Cʉ̃jãcã cʉtʉ neãpojeañerõcã ĩñagʉ̃ Pedro cʉ̃jãrẽ abiro ĩyugʉ:
—Yara Israelyabumacãrã ¿dairo tira mʉjã tocãrõ ĩñamaniãsuri? ¿Ʉ̃sãrẽ mʉjã tocãrõ ĩñarã ʉ̃sãcã tutuaremena o ʉ̃sãcã ñurã nirẽye wapamena ‘ãnirẽ camesãñerõcã yawa’ ĩ wãcũrã yari? ¡Ʉ̃sã tiere tiheriawʉ! 13Marĩ ñecʉ̃sʉmʉã Abraham, Isaac, Jacob, ãpẽrã marĩ ñecʉ̃sʉmʉãcã Manigʉ̃ ʉmʉãwesepʉ nigʉ̃rẽ wedewõriara niwã. Cʉ̃rã Jesúre cʉ̃cã dotirere queoro tirucũgʉ̃rẽ ticorigʉ niwĩ. Tairo tigʉ Jesúcã ñucametʉanʉcãgʉ̃ nirẽrẽ cʉ̃cã tutuarere eñogʉ̃ camesãmasĩhegʉ niãrigʉre ñujeañerõcã tiawi. Mʉjãpe cʉ̃rẽna nirũpãrãpʉre wiyowʉ. Mʉjãcã wiyoñerõcã Pilato cʉ̃rẽ wiocorugamiwĩ. Mʉjãpe boheriwʉ. 14Mʉjã Jesús ñañarẽ cʉohegʉpere ñucametʉanʉcãgʉ̃pere wiocodotirono tira ĩcʉ̃ ñañagʉ̃ basocare sĩãrigʉpere#3:14 Ãni Barrabás nirigʉ niwĩ (Lc 23:18-25). mʉjã wiocodotiwʉ. 15Abiro tinirã mʉjã Jesús catire petiherere nʉnigʉ̃pere sĩãdotiwʉ. Manigʉ̃pe cʉ̃rẽna cõwõãrigʉpʉre masõwĩ. Tiere ʉ̃sã ĩñawʉ̃. 16Jesúra cʉ̃cã tutuaremena ãni camesãmasĩheririgʉre mʉjãcã ĩñamasĩgʉ̃rẽ wamasĩñerõcã tiawi. Jesúcã ñujeañerõcã timasĩrẽrẽ ʉ̃sãcã wedewõrẽ cʉoñerõcã ĩñagʉ̃ Jesús ãnirẽ mʉjã nipetira ĩñacoropʉ cʉ̃ye diarere ñurõ cametʉopetiawi.
17”Yara, yʉ masĩ mʉjã, mʉjã nirũpãrã Jesúre ‘Manigʉ̃ Macʉ̃rã ñawĩ’ ĩ tʉomasĩherinirã cʉ̃rẽ sĩãdotiwʉ. 18Sʉgueropʉ merẽ Manigʉ̃ nipetira cʉ̃ye maquẽrẽ wedesʉgueribasocamena ‘abiro biroacu’ ĩ wedesiarigʉ niwĩ:
”«Cristo yʉcã beserigʉ ñañarõ cametʉa cõwõgʉagawi» ĩrigʉ niwĩ. Tairo tiro tairora wawʉ. 19Tairo tira mʉjãcã ñañarẽ tirecʉtirere wãcũpasʉti wasoaya. Manigʉ̃cã dotirepere tiya. Mʉjãcã tairo tiñerõcã Manigʉ̃ mʉjãcã ñañarẽ tirecʉtirere acõbogʉagawi. 20Ĩñerõcã Nirũpʉ̃ Manigʉ̃ Jesúre upatuti atiditapʉre ticoribʉrecore mʉjãrẽ ñurõ yerisãrẽmena nirẽcʉtiñerõcã tigʉagawi. Cʉ̃rã mamarõpʉ Manigʉ̃cã beseyorigʉ Cristo ñawĩ mʉjãrẽ cametʉodotigʉ ticoyorigʉ. 21Marĩcʉorore Jesúre ʉmʉãwesepʉra pʉtʉaro ña marĩcʉ̃. Pʉ Manigʉ̃ atidita maquẽrẽ wasoapetiropʉ Manigʉ̃cã sʉgueropʉ cʉ̃cã tiatere cʉ̃ye maquẽ wedesʉgueribasoca ñurãmena wededotiriarora abiro.#Mt 19:28. 22Moisés marĩ ñecʉ̃sʉmʉãrẽ abiro ĩ wederigʉ niwĩ: «Nirũpʉ̃ mʉjãya Manigʉ̃ mʉjã watoare yʉra abiro ĩcʉ̃ Manigʉ̃ye quetire wedesʉgueacʉre bajuañerõcã tigʉagawi. Nipetira cʉ̃cã dotirere ñurõ yʉya. 23Cʉ̃cã dotirere yʉherano cõãyoragawa Manigʉ̃rẽ wedewõrãmena niheriatora abiro. Tairo tira cʉ̃jã sĩãcõãyoragawa»#Lv 23:29-30; Dt 18:15-16, 19. ĩrigʉ niwĩ Moisés. 24Nipetira Manigʉ̃ye quetire wedesʉgueribasoca mamarõrẽ Samueljoromena pʉ cʉ̃siro macãrãpʉcã atibʉrecori abiro biatere ‘siropʉ tairo waroacu’ ĩ ojasʉgueriara niwã.
25”Sʉgueropʉ Manigʉ̃ marĩ ñecũ Abrahamrẽ: «Mʉpãrãmi nitutiagʉmenarã nipetira atidita macãrãrẽ ñurõ tigʉda» ĩrigʉ niwĩ. Cʉ̃cã tairo ĩriguere ãpẽrã cʉ̃ye maquẽrẽ wedesʉgueribasocara marĩ ñecʉ̃sʉmʉãrẽ wedetutiariara niwã tamʉ. Cʉ̃jã wadorena tiere tairo waroacu ĩgʉ̃merã tigatiyi. Marĩcãrẽ maricʉoro cʉ̃jã pãrãmerã nitutiaramenacãrẽ tairora atie queoro waroacu ĩgʉ̃ tigatiyi.#Gn 12:3; 22:18. 26Tairo tigʉ Manigʉ̃ cʉ̃ macʉ̃rẽ cõwõãrigʉpʉre masõ marĩ judío basocarena ticosocorigʉ niwĩ. Tiemena marĩrẽ ñurõ tirigʉ niwĩ marĩcã ñañarẽ tirecʉtirere piti ñurẽpere tiaro ĩgʉ̃ ―ĩ wedeyugʉ Pedro.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.