Matayi 28
28
Mfulukulu yi Yesu
(Mlk 16.1-10; Luk 24.1-12; Yoa 20.1-10)
1Ku manima ma kilumbu ki saba, mu kilumbu ki lumingu mu minkyelo mi bwisi, Maliya mwisi-Mangadala, na Maliya mahiika, bayenda tala ndyamu. 2Bu bayutukulu kwawu, butoto buzakama mu nkatika ngolo, mu dyambu ti mbazi yi mfumu yifuma ku yulu, yi nengomona tadi, na yi zakala ha yulu. 3Yedi lezima bonso mpedamu mpe binkutu byandi biba na vekoveko. 4Minkengi myedi keba ndyamu miyena bunkuta bubwingi na myedi tekita, na miyiza kituka bonso bantu bafwidi. 5Kansi mbazi yiteela bakento ti: «Yeno luyenandi bunkuta ko. Nazebi ti Yesu luna sosa, yondowo wu bakomini ha kulunsi, 6kasiidi ha ko, fulukidi mu bafwa bonso bu kaluteela wo. Yizeno, lutala huma ha bamutudidi. 7Yendeeno mu muswalu luta ku milongoki myandi ti: “Fulukidi mu bafwa na wulutekididi ku mbanza Ngalili, kuna lwaamuyenina.” Misamu myamyomyo mi bedi nani mu luteela.» 8Basala sisa ndyamu mu muswalu, ku nsye bunkuta, na kyese kikingi, na bayenda mu ntiinu mu kwe yala mpolo ku milongoki. 9Bayitukulu, ni Yesu wubabweni. Wubateela ti: «Mbote eno!» Yawu bafinama ha kaba, bafukama mpe basimba bitambi byandi. 10Yesu wubateela ti: «Lubandi na bunkuta ko. Yendeeno luteela zimpangi zani benda ku Ngalili: kwakoko baanyenina.»
Kimbangi ki bambulumbulu
11Mu ntangu bakento yi baba mu nzila, mwa ndambu yi bambulumbulu yedi kenganga ndyamu yiyenda ku mbanza. Bayadila zimfumu zinganga-Nzambi mpolo zi misamu mimvimba mihyoka koko. 12Zimfumu zinganga-Nzambi zikutakana na mbuta zi bantu zi Bayudayo. Bu bamana yuwasana, ni bahaana mbongo zizingi ku bambulumbulu, 13na babateela ti: «Yuweno misamu mi lwaata: “Milongoki myandi mizi yibanga nitu andi mu mpimpa, bu tubedingi balambalala.” 14Tala ti munyadi yudi wo, yeto mbo tuzaba bwedi twa mubwisila mutima, na mbo tusa ti nakani dyambu di mpasi dilutudilandi ko.» 15Bambulumbulu babonga mbongo, na bahidika bonso ntumunu zi babahaana. Buna kikuumu kimwangana ku Bayudayo natee mu kilumbu ki bubedidi.
Yesu wuyenika ku milongoki myandi
(Mlk 16.14-18; Luk 24.36-49; Yoa 20.19-23; Mav 1.6-8)
16Milongoki kumi na wumosi miyenda ku kizunga ki Ngalili, ha yulu mulandu wubalonka Yesu. 17Bu bamuyena, bafukama, kansi bahiika ha kati dyawu baba na maketiketi. 18Yesu wufinama ha baba na wubateela ti: «Bampeeni lulendo lumvimba lu ku yulu na lu ha butoto. 19Yendeeno mu nsi zimvimba, lusa ti bantu bamvimba bakituka milongoki myani, lubabotika mu nkumbu yi Tata na yi Mwana na yi Mpeve Yilongo, 20na lubalonga bakeba mimvimba mi nalusikidikisi. Mpe meno, ni neeno bilumbu bimvimba natee ku nsukunu yi nza.»
Currently Selected:
Matayi 28: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 28
28
Mfulukulu yi Yesu
(Mlk 16.1-10; Luk 24.1-12; Yoa 20.1-10)
1Ku manima ma kilumbu ki saba, mu kilumbu ki lumingu mu minkyelo mi bwisi, Maliya mwisi-Mangadala, na Maliya mahiika, bayenda tala ndyamu. 2Bu bayutukulu kwawu, butoto buzakama mu nkatika ngolo, mu dyambu ti mbazi yi mfumu yifuma ku yulu, yi nengomona tadi, na yi zakala ha yulu. 3Yedi lezima bonso mpedamu mpe binkutu byandi biba na vekoveko. 4Minkengi myedi keba ndyamu miyena bunkuta bubwingi na myedi tekita, na miyiza kituka bonso bantu bafwidi. 5Kansi mbazi yiteela bakento ti: «Yeno luyenandi bunkuta ko. Nazebi ti Yesu luna sosa, yondowo wu bakomini ha kulunsi, 6kasiidi ha ko, fulukidi mu bafwa bonso bu kaluteela wo. Yizeno, lutala huma ha bamutudidi. 7Yendeeno mu muswalu luta ku milongoki myandi ti: “Fulukidi mu bafwa na wulutekididi ku mbanza Ngalili, kuna lwaamuyenina.” Misamu myamyomyo mi bedi nani mu luteela.» 8Basala sisa ndyamu mu muswalu, ku nsye bunkuta, na kyese kikingi, na bayenda mu ntiinu mu kwe yala mpolo ku milongoki. 9Bayitukulu, ni Yesu wubabweni. Wubateela ti: «Mbote eno!» Yawu bafinama ha kaba, bafukama mpe basimba bitambi byandi. 10Yesu wubateela ti: «Lubandi na bunkuta ko. Yendeeno luteela zimpangi zani benda ku Ngalili: kwakoko baanyenina.»
Kimbangi ki bambulumbulu
11Mu ntangu bakento yi baba mu nzila, mwa ndambu yi bambulumbulu yedi kenganga ndyamu yiyenda ku mbanza. Bayadila zimfumu zinganga-Nzambi mpolo zi misamu mimvimba mihyoka koko. 12Zimfumu zinganga-Nzambi zikutakana na mbuta zi bantu zi Bayudayo. Bu bamana yuwasana, ni bahaana mbongo zizingi ku bambulumbulu, 13na babateela ti: «Yuweno misamu mi lwaata: “Milongoki myandi mizi yibanga nitu andi mu mpimpa, bu tubedingi balambalala.” 14Tala ti munyadi yudi wo, yeto mbo tuzaba bwedi twa mubwisila mutima, na mbo tusa ti nakani dyambu di mpasi dilutudilandi ko.» 15Bambulumbulu babonga mbongo, na bahidika bonso ntumunu zi babahaana. Buna kikuumu kimwangana ku Bayudayo natee mu kilumbu ki bubedidi.
Yesu wuyenika ku milongoki myandi
(Mlk 16.14-18; Luk 24.36-49; Yoa 20.19-23; Mav 1.6-8)
16Milongoki kumi na wumosi miyenda ku kizunga ki Ngalili, ha yulu mulandu wubalonka Yesu. 17Bu bamuyena, bafukama, kansi bahiika ha kati dyawu baba na maketiketi. 18Yesu wufinama ha baba na wubateela ti: «Bampeeni lulendo lumvimba lu ku yulu na lu ha butoto. 19Yendeeno mu nsi zimvimba, lusa ti bantu bamvimba bakituka milongoki myani, lubabotika mu nkumbu yi Tata na yi Mwana na yi Mpeve Yilongo, 20na lubalonga bakeba mimvimba mi nalusikidikisi. Mpe meno, ni neeno bilumbu bimvimba natee ku nsukunu yi nza.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.