Matayi 27
27
Banata Yesu ku Pilatu
(Mlk 15.1; Luk 23.1-2; Yoa 18.28-32)
1Bwisi bu bukya, zimfumu zinganga-Nzambi zimvimba na mbuta zi bantu zi Bayudayo, bakutakana mu bonga nzengolo ye hondisa Yesu. 2Bu bamubindika misinga, bamunata mpe bamuyekola ku Pilatu, munyadi wu bisi-Loma.
Lufwa lu Yuda
(Mav 1.18-19)
3Yuda yondowo wuyekola Yesu, bu kayena ti Yesu bamuzengila lufwa, wuyena mutima mpasi, na wuyenda vutula makumatatu ma mbongo zi bisengo ku zimfumu zinganga-Nzambi na mbuta zi bantu zi Bayudayo. 4Wubateela ti: «Masumu nasidi bu nayekodi ku lufwa muntu wulembolo hidika musamu!» Kansi bamuvutudila ti: «Mitutedi ko! Dyambu dyaku!» 5Yuda wulosa mbongo zi bisengo bezozo mu kati di nzo-Nzambi, mboki wuyenda kiledika. 6Zimfumu zinganga-Nzambi batota mbongo bezozo na bata ti: «Bu bumbote ko mu vutula zo mu kiswekolo ki mvwilu yi nzo-Nzambi, mu dyambu ti mufutu wu menga ma muntu.» 7Bu bamana yuwasana, basumba mu mbongo bezozo mfuba yi muntu wukwe hidikanga masanga mu zikanga banzenza. 8Ni hahoho, natee mu kilumbu kibubedidi, mfuba beyoyo ya bakwe tumisinanga «mfuba yi menga.» 9Bwabobo misamu mi ta mumbikudi Yelemiya miyendila detila: «Babonga makumatatu ma mbongo zi bisengo, ntalu yi zenga bisi-Isaeli mu dyambu dyandi, 10na bahaana zo mu sumba mfuba yi muntu wukwe hidikanga masanga, bonso Mfumu bu kantumina wo.»
Pilatu wufundisa Yesu
(Mlk 15.2-5; Luk 23.3-5; Yoa 18.33-38)
11Bu banata Yesu ha ntadisi yi Pilatu munyadi, munyadi wufundisa Yesu. Wumufuula ti: «Ngeye ni ntinu yi Bayudayo e?» Yesu wumuvutudila ti: «Ngeye wuna ta wo.» 12Kansi, mu ntangu zimfumu zinganga-Nzambi na mbuta zi bantu zi Bayudayo bu bedi mufunda, kavutula dyambu ko. 13Buna Pilatu wumuteela ti: «Wuna yuwa misamu mimvimba mi bana kufundila ko e?» 14Kansi Yesu kavutula dyambu ko, mpe munyadi wutoma yituku.
Bazengila Yesu lufwa
(Mlk 15.6-15; Luk 23.13-25; Yoa 18.39–19.16)
15Kadi mukembo wu Pake, munyadi wuba na kifu kye yambulanga nkole yimosi, yondowo waasoola mukangu. 16Kuba mu ntangu beyoyo na nkole yimosi yi ba na nsangu, nkumbu andi [Yesu] Balabase. 17Buna Pilatu wufuula kamba di bantu di ba dikutakana ti: «Nani lutidi na luyambudila, [Yesu] Balabase, hoti Yesu wu bakwe tumisinanga ti Klisto e?» 18Pilatu wuzaba ti mu dyambu di musoki bamuyekodila.
19Pilatu bu kaba wuzakala ha kyandu ki bakwe fundisilanga, mukento andi wumutambikila ntumi eyi: «Kukotandi kwaku mu musamu wu muntu bewuwu wulembolo zaba dyambu, mu dyambu ti mpimpa beyiyi ntomini kwamusu mu ndozi mu dyambu dyandi.»
20Zimfumu zinganga-Nzambi na mbuta zi bantu zi Bayudayo bateela ku kamba di bantu mu lomba ba bayambudila Balabase, na bahonda Yesu. 21Munyadi wubafuula dyaka ti: «Nani mu ya babole lutidi na luyambudila e?» Bavutula ti: «Balabase!» 22Pilatu wubafuula ti: «Nki naasa ku Yesu wu bakwe tumisinanga ti Klisto e?» Bamvimba bavutula ti: «Bamukoma ha kulunsi!» 23Wubateela dyaka ti: «Nkye musamu wumbi kasiidi e?» Kansi batatamana mu lookana mu ngolo ti: «Bamukoma ha kulunsi!» 24Pilatu bu kayena ti kalendi hidika dyaka musamu ko, mpe bedi nangumuka bubwingi, wubonga mamba na wusukula moko ha ntadisi yi kamba di bantu, na wubateela ti: «Meno nazebi dyambu mu mfwilu yi muntu bewuwu ko! Wo mutete dyambu eno wudi!» 25Kamba dimvimba divutula ti: «Bika menga mandi mabwa ha yulu mutu eto na wu baala beto!» 26Buna Pilatu wubayambudila Balabase. Wuzubusu Yesu bikoti, mpe wumuyekola mwanki baamukoma ha kulunsi.
Mbulu-mbulu zi vweza Yesu
(Mlk 15.16-20; Yoa 19.2-3)
27Mbulu-mbulu zi Pilatu zinata Yesu mu kati di nzo yi kisalu yi munyadi, kabu dimvimba di zimbulu-mbulu dikutakana, mpe dimuzungidila. 28Bamuvula binkutu byandi, na bamulwika kiyunga kimbwaki. 29Bamusyetila mpu yi nsende yi kintinu, na bamutuula yo ha yulu mutu, mpe bamusimbisa dyadya ku kooko ku lubakala. Mboki bafukama ha ntadisi andi mu muvweza, na bata ti: «Mbote aku, ntinu yi Bayudayo!» 30Bedi mulobodila mante, na babonga dyadya ni bedi muzubanga dyo ku mutu. 31Bu bamana muvweza, bamukatula kiyunga kimbwaki, na bamuvutudila binkutu byandi, mpe bamunata mu kwe mukoma ha kulunsi.
Bakoma Yesu ha kulunsi
(Mlk 15.21-32; Luk 23.26-43; Yoa 19.17-27)
32Bu bedi duuka mu mbanza, babwana Simoni, muntu wu mbanza yi Sileni, bamukwika mu nata kulunsi di Yesu. 33Bu batula ha kifulu ki nkumbu Ngolongota, mbangudulu ti: «Kikonzongolo ki mutu.» 34Bamuhaana kanwa vinu di bavwatisa na bima bindudi, kansi bu kabimba dyo, katya dyaka munwa dyo ko.
35Bu bamana mukoma ha kulunsi, bata hwadi mu kabana binkutu byandi. 36Mboki bazakala mu mukenga. 37Ha yulu kulunsi dyandi, basonika kibila ki bana mu komina: «Yundu bewuwu ni Yesu, ntinu yi Bayudayo.» 38Bimpumbulu byole bakoma nandi, wumosi ku lubakala na wuhiika ku lumoso.
39Mimpyoka nzila myedi hyokilanga hoho myedi sa tukanga Yesu, na kuningisa mitu, 40myedi tanga ti: «Ngeye wu keti bula nzo-Nzambi, na wu keti ye tunga mu bilumbu bitatu. Bwabu wukivuukisa ngebende! Tala ti ngeye Mwana Nzambi wudi, kulumuka ha kulunsi!» 41Zimfumu zinganga-Nzambi, milongisi mi Misiku, na zimbuta zi bantu zi Bayudayo, bamuvweza mpe bata ti: 42«Wuvuukisa bahiika, kansi kalendi kivuukisa yandi bende ko! Yandi ni ntinu yi Isaeli, bika ka kulumuka bwabu ha kulunsi, na tuna mulekila kiminu. 43Wutuula kivuvu kyandi mu Nzambi, na wuta ti: “Meno ni Mwana Nzambi.” Tala ti Nzambi wumutidi, bika kamukuula bwabu!» 44Bimpumbulu bi bakoma nandi ha kulunsi, byedi mutukanga mpe.
Lufwa lu Yesu
(Mlk 15.33-41; Luk 23.44-49; Yoa 19.28-30)
45Mu ntangu ambata, tombe kiyiza bwa mu nsi yimvimba natee mu kilokola kitatu. 46Ngunga yi tatu yi nkokila bu yedi fwana, Yesu wulooka mu ngolo ti: «Eli, Eli, lema sabakatani e?» Mpila mosi ti: «Nzambi ani, Nzambi ani, bila nki wunsisidi e?»
47Mwa ndambu yi bantu baba hoho bamuyuwa na bata ti: «Eliya kana tumisa!»
48Buna wumosi ha kati dyawu, wunooka mu kwe bonga mwa musakasaka wu kavwanga mu vinu dinsa. Wusoka wo mu nsongi yi dyadya, mboki wuhaana kanwa dyo. 49Kansi bahiika bata ti: «Kingileeno tutala, tala ti Eliya waakwiza muvuukisa!»
50Yesu wulooka dyaka mu ngolo, na wufwa. 51Mu ntangu beyoyo kwandi, mulele wu bamanika ha nkotolo yi kihinga kilongo wukakuka ha kati-kati kutonina ku yulu natee ku banda. Butoto bunikuka, na matadi mabudika, 52Ndyamu zi zibuka na bantu balongo babingi bamana fwa bafuluka. 53Batotoka mu zindyamu kumanima ma mfulukulu yi Yesu, bakota mu Yelusalemi, mbanza yilongo, na bayenika ku bantu babingi. 54Mfumu yi zimbulu-mbulu nkama, na zimbulu-mbulu ziba nandi mu kenga Yesu, bu bayena butoto bu bunikuka na misamu mimvimba mihyoka, bayena bunkuta bubwingi, na bata ti: «Kedika, muntu bewuwu Mwana Nzambi wubedi!» 55Bakento babingi baba koko, baba batelama kitatu mu talanga. Ni yobobo bedi kwe landingi Yesu kutonina ku mbanza yi Ngalili mu kwe musadisi. 56Ha kati di bakento bebobo, ha ba na Maliya mwisi-Mangadala, Maliya ngudi yi Zaki na Yosefi, mpe na ngudi yi baala ba Zebedayi.
Batuula nitu yi Yesu mu ndyamu
(Mlk 15.42-47; Luk 23.50-56; Yoa 19.38-42)
57Mpimpa bu yitula, bakala dimosi dimvwama diyiza, wuba mwisi-Alimate, nkumbu andi Yosefi, yandi mpe wuba mulongoki wu Yesu. 58Wuyenda yenikina Pilatu, na wumulomba nitu yi Yesu. Buna Pilatu wuhaana luve ba muhaana yo. 59Yosefi wubonga nitu yi Yesu, wuzinga yo mulele wu lino wumoona 60na wutuula yo mu kati di ndyamu andi yimoona yi katoboso mu ntadi. Mboki wunengomona tadi didinene ha nkotolo yi ndyamu, na wuyenda kwandi. 61Maliya mwisi-Mangadala, na ndoyi andi Maliya baba koko. Baba bazakala ni bedi talanga ku ndyamu.
Mbulu-mbulu zikenga ndyamu yi Yesu
62Kilumbu kilanda, mpila mosi kitekila nkubukulu yi kilumbu ki saba, zimfumu zinganga-Nzambi, na Bafalisi bayenda ha kimosi ku Pilatu 63na bata ti: «Mfumu, tubambukidi moyo ti kihuni bekyokyo, bu kaba wu moyo wuta ti: “Ku manima ma bilumbu bitatu, naafuluka mu bafwa.” 64Ni hahoho, haana luve mu kenga ndyamu beyoyo natee mu kilumbu ki bitatu. Mwanki milongoki myandi milembolo kwe yiba nitu, na mita ku mukangu ti: “Wufulukidi mu bafwa.” Buna luvunu belolo lwaavula kitezo na lo lu tekila.» 65Pilatu wubateela ti: «Mbulu-mbulu ezi! Yendeeno lu kenga ndyamu bonso bu lutiidi!» 66Buna bayenda, na bakubika bonso bufwanakani mu kenga ndyamu: batoma kanga tadi, na batuula mbulu-mbulu mu kenga.
Currently Selected:
Matayi 27: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 27
27
Banata Yesu ku Pilatu
(Mlk 15.1; Luk 23.1-2; Yoa 18.28-32)
1Bwisi bu bukya, zimfumu zinganga-Nzambi zimvimba na mbuta zi bantu zi Bayudayo, bakutakana mu bonga nzengolo ye hondisa Yesu. 2Bu bamubindika misinga, bamunata mpe bamuyekola ku Pilatu, munyadi wu bisi-Loma.
Lufwa lu Yuda
(Mav 1.18-19)
3Yuda yondowo wuyekola Yesu, bu kayena ti Yesu bamuzengila lufwa, wuyena mutima mpasi, na wuyenda vutula makumatatu ma mbongo zi bisengo ku zimfumu zinganga-Nzambi na mbuta zi bantu zi Bayudayo. 4Wubateela ti: «Masumu nasidi bu nayekodi ku lufwa muntu wulembolo hidika musamu!» Kansi bamuvutudila ti: «Mitutedi ko! Dyambu dyaku!» 5Yuda wulosa mbongo zi bisengo bezozo mu kati di nzo-Nzambi, mboki wuyenda kiledika. 6Zimfumu zinganga-Nzambi batota mbongo bezozo na bata ti: «Bu bumbote ko mu vutula zo mu kiswekolo ki mvwilu yi nzo-Nzambi, mu dyambu ti mufutu wu menga ma muntu.» 7Bu bamana yuwasana, basumba mu mbongo bezozo mfuba yi muntu wukwe hidikanga masanga mu zikanga banzenza. 8Ni hahoho, natee mu kilumbu kibubedidi, mfuba beyoyo ya bakwe tumisinanga «mfuba yi menga.» 9Bwabobo misamu mi ta mumbikudi Yelemiya miyendila detila: «Babonga makumatatu ma mbongo zi bisengo, ntalu yi zenga bisi-Isaeli mu dyambu dyandi, 10na bahaana zo mu sumba mfuba yi muntu wukwe hidikanga masanga, bonso Mfumu bu kantumina wo.»
Pilatu wufundisa Yesu
(Mlk 15.2-5; Luk 23.3-5; Yoa 18.33-38)
11Bu banata Yesu ha ntadisi yi Pilatu munyadi, munyadi wufundisa Yesu. Wumufuula ti: «Ngeye ni ntinu yi Bayudayo e?» Yesu wumuvutudila ti: «Ngeye wuna ta wo.» 12Kansi, mu ntangu zimfumu zinganga-Nzambi na mbuta zi bantu zi Bayudayo bu bedi mufunda, kavutula dyambu ko. 13Buna Pilatu wumuteela ti: «Wuna yuwa misamu mimvimba mi bana kufundila ko e?» 14Kansi Yesu kavutula dyambu ko, mpe munyadi wutoma yituku.
Bazengila Yesu lufwa
(Mlk 15.6-15; Luk 23.13-25; Yoa 18.39–19.16)
15Kadi mukembo wu Pake, munyadi wuba na kifu kye yambulanga nkole yimosi, yondowo waasoola mukangu. 16Kuba mu ntangu beyoyo na nkole yimosi yi ba na nsangu, nkumbu andi [Yesu] Balabase. 17Buna Pilatu wufuula kamba di bantu di ba dikutakana ti: «Nani lutidi na luyambudila, [Yesu] Balabase, hoti Yesu wu bakwe tumisinanga ti Klisto e?» 18Pilatu wuzaba ti mu dyambu di musoki bamuyekodila.
19Pilatu bu kaba wuzakala ha kyandu ki bakwe fundisilanga, mukento andi wumutambikila ntumi eyi: «Kukotandi kwaku mu musamu wu muntu bewuwu wulembolo zaba dyambu, mu dyambu ti mpimpa beyiyi ntomini kwamusu mu ndozi mu dyambu dyandi.»
20Zimfumu zinganga-Nzambi na mbuta zi bantu zi Bayudayo bateela ku kamba di bantu mu lomba ba bayambudila Balabase, na bahonda Yesu. 21Munyadi wubafuula dyaka ti: «Nani mu ya babole lutidi na luyambudila e?» Bavutula ti: «Balabase!» 22Pilatu wubafuula ti: «Nki naasa ku Yesu wu bakwe tumisinanga ti Klisto e?» Bamvimba bavutula ti: «Bamukoma ha kulunsi!» 23Wubateela dyaka ti: «Nkye musamu wumbi kasiidi e?» Kansi batatamana mu lookana mu ngolo ti: «Bamukoma ha kulunsi!» 24Pilatu bu kayena ti kalendi hidika dyaka musamu ko, mpe bedi nangumuka bubwingi, wubonga mamba na wusukula moko ha ntadisi yi kamba di bantu, na wubateela ti: «Meno nazebi dyambu mu mfwilu yi muntu bewuwu ko! Wo mutete dyambu eno wudi!» 25Kamba dimvimba divutula ti: «Bika menga mandi mabwa ha yulu mutu eto na wu baala beto!» 26Buna Pilatu wubayambudila Balabase. Wuzubusu Yesu bikoti, mpe wumuyekola mwanki baamukoma ha kulunsi.
Mbulu-mbulu zi vweza Yesu
(Mlk 15.16-20; Yoa 19.2-3)
27Mbulu-mbulu zi Pilatu zinata Yesu mu kati di nzo yi kisalu yi munyadi, kabu dimvimba di zimbulu-mbulu dikutakana, mpe dimuzungidila. 28Bamuvula binkutu byandi, na bamulwika kiyunga kimbwaki. 29Bamusyetila mpu yi nsende yi kintinu, na bamutuula yo ha yulu mutu, mpe bamusimbisa dyadya ku kooko ku lubakala. Mboki bafukama ha ntadisi andi mu muvweza, na bata ti: «Mbote aku, ntinu yi Bayudayo!» 30Bedi mulobodila mante, na babonga dyadya ni bedi muzubanga dyo ku mutu. 31Bu bamana muvweza, bamukatula kiyunga kimbwaki, na bamuvutudila binkutu byandi, mpe bamunata mu kwe mukoma ha kulunsi.
Bakoma Yesu ha kulunsi
(Mlk 15.21-32; Luk 23.26-43; Yoa 19.17-27)
32Bu bedi duuka mu mbanza, babwana Simoni, muntu wu mbanza yi Sileni, bamukwika mu nata kulunsi di Yesu. 33Bu batula ha kifulu ki nkumbu Ngolongota, mbangudulu ti: «Kikonzongolo ki mutu.» 34Bamuhaana kanwa vinu di bavwatisa na bima bindudi, kansi bu kabimba dyo, katya dyaka munwa dyo ko.
35Bu bamana mukoma ha kulunsi, bata hwadi mu kabana binkutu byandi. 36Mboki bazakala mu mukenga. 37Ha yulu kulunsi dyandi, basonika kibila ki bana mu komina: «Yundu bewuwu ni Yesu, ntinu yi Bayudayo.» 38Bimpumbulu byole bakoma nandi, wumosi ku lubakala na wuhiika ku lumoso.
39Mimpyoka nzila myedi hyokilanga hoho myedi sa tukanga Yesu, na kuningisa mitu, 40myedi tanga ti: «Ngeye wu keti bula nzo-Nzambi, na wu keti ye tunga mu bilumbu bitatu. Bwabu wukivuukisa ngebende! Tala ti ngeye Mwana Nzambi wudi, kulumuka ha kulunsi!» 41Zimfumu zinganga-Nzambi, milongisi mi Misiku, na zimbuta zi bantu zi Bayudayo, bamuvweza mpe bata ti: 42«Wuvuukisa bahiika, kansi kalendi kivuukisa yandi bende ko! Yandi ni ntinu yi Isaeli, bika ka kulumuka bwabu ha kulunsi, na tuna mulekila kiminu. 43Wutuula kivuvu kyandi mu Nzambi, na wuta ti: “Meno ni Mwana Nzambi.” Tala ti Nzambi wumutidi, bika kamukuula bwabu!» 44Bimpumbulu bi bakoma nandi ha kulunsi, byedi mutukanga mpe.
Lufwa lu Yesu
(Mlk 15.33-41; Luk 23.44-49; Yoa 19.28-30)
45Mu ntangu ambata, tombe kiyiza bwa mu nsi yimvimba natee mu kilokola kitatu. 46Ngunga yi tatu yi nkokila bu yedi fwana, Yesu wulooka mu ngolo ti: «Eli, Eli, lema sabakatani e?» Mpila mosi ti: «Nzambi ani, Nzambi ani, bila nki wunsisidi e?»
47Mwa ndambu yi bantu baba hoho bamuyuwa na bata ti: «Eliya kana tumisa!»
48Buna wumosi ha kati dyawu, wunooka mu kwe bonga mwa musakasaka wu kavwanga mu vinu dinsa. Wusoka wo mu nsongi yi dyadya, mboki wuhaana kanwa dyo. 49Kansi bahiika bata ti: «Kingileeno tutala, tala ti Eliya waakwiza muvuukisa!»
50Yesu wulooka dyaka mu ngolo, na wufwa. 51Mu ntangu beyoyo kwandi, mulele wu bamanika ha nkotolo yi kihinga kilongo wukakuka ha kati-kati kutonina ku yulu natee ku banda. Butoto bunikuka, na matadi mabudika, 52Ndyamu zi zibuka na bantu balongo babingi bamana fwa bafuluka. 53Batotoka mu zindyamu kumanima ma mfulukulu yi Yesu, bakota mu Yelusalemi, mbanza yilongo, na bayenika ku bantu babingi. 54Mfumu yi zimbulu-mbulu nkama, na zimbulu-mbulu ziba nandi mu kenga Yesu, bu bayena butoto bu bunikuka na misamu mimvimba mihyoka, bayena bunkuta bubwingi, na bata ti: «Kedika, muntu bewuwu Mwana Nzambi wubedi!» 55Bakento babingi baba koko, baba batelama kitatu mu talanga. Ni yobobo bedi kwe landingi Yesu kutonina ku mbanza yi Ngalili mu kwe musadisi. 56Ha kati di bakento bebobo, ha ba na Maliya mwisi-Mangadala, Maliya ngudi yi Zaki na Yosefi, mpe na ngudi yi baala ba Zebedayi.
Batuula nitu yi Yesu mu ndyamu
(Mlk 15.42-47; Luk 23.50-56; Yoa 19.38-42)
57Mpimpa bu yitula, bakala dimosi dimvwama diyiza, wuba mwisi-Alimate, nkumbu andi Yosefi, yandi mpe wuba mulongoki wu Yesu. 58Wuyenda yenikina Pilatu, na wumulomba nitu yi Yesu. Buna Pilatu wuhaana luve ba muhaana yo. 59Yosefi wubonga nitu yi Yesu, wuzinga yo mulele wu lino wumoona 60na wutuula yo mu kati di ndyamu andi yimoona yi katoboso mu ntadi. Mboki wunengomona tadi didinene ha nkotolo yi ndyamu, na wuyenda kwandi. 61Maliya mwisi-Mangadala, na ndoyi andi Maliya baba koko. Baba bazakala ni bedi talanga ku ndyamu.
Mbulu-mbulu zikenga ndyamu yi Yesu
62Kilumbu kilanda, mpila mosi kitekila nkubukulu yi kilumbu ki saba, zimfumu zinganga-Nzambi, na Bafalisi bayenda ha kimosi ku Pilatu 63na bata ti: «Mfumu, tubambukidi moyo ti kihuni bekyokyo, bu kaba wu moyo wuta ti: “Ku manima ma bilumbu bitatu, naafuluka mu bafwa.” 64Ni hahoho, haana luve mu kenga ndyamu beyoyo natee mu kilumbu ki bitatu. Mwanki milongoki myandi milembolo kwe yiba nitu, na mita ku mukangu ti: “Wufulukidi mu bafwa.” Buna luvunu belolo lwaavula kitezo na lo lu tekila.» 65Pilatu wubateela ti: «Mbulu-mbulu ezi! Yendeeno lu kenga ndyamu bonso bu lutiidi!» 66Buna bayenda, na bakubika bonso bufwanakani mu kenga ndyamu: batoma kanga tadi, na batuula mbulu-mbulu mu kenga.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.