Matayi 21
21
Nkotolo yi Yesu ku Yelusalemi
(Mlk 11.1-11; Luk 19.28-40; Yoa 12.12-19)
1Bu baba bela-bela na mbanza Yelusalemi na bu batula ha bwala Betefaze, ku mulandu wu Olive, Yesu wutambika milongoki myandi myole. 2Wubateela ti: «Yendeeno ha bwala bu ku mutwala. Lwaayena mbuluku yi nkento yi yikangama ha muti na mwana andi. Nyanguneeno zo, mpe ntwadileno zo. 3Tala ti muntu wuluteedidi dyambu, muteeleeno ti: “Mfumu wuna zo nsatu.” Hansi na nsi waabika zo zenda.»
4Misamu bemyomyo mitula mwanki mita mimbikudi myenda detila:
5«Teeno ku bantu ba mbanza yi Syoni:
“Ntinu eno yina kwiza ku yeno,
wu wufuluka mu lembami,
tentamani ha yulu mbuluku yinkento,
na ha yulu mwana mbuluku.”»
6Milongoki miyenda hidika bonso Yesu kabatumina mu kwe sa. 7Banata mbuluku yi nkento na mwana andi. Batentika binkutu awu ha yulu awu. Mboki, Yesu wuzakala ha yulu. 8Kamba di bantu didingi dyedi kwe yadi binkutu byawu mu nzila, mpe bahiika bedi kwe zengi mwa bintala bi miti na bedi kwe bye yadi mu nzila. 9Kamba di bantu dyedi kwe tekidi na dyedi kwe landi Yesu ku manima dyedi kwe tengi mu ngolo ti: «Ozana! Mwana Davidi! Bika Nzambi kasakumuna muntu wuna kwiza mu nkumbu yi Mfumu! Ozana! Nkembo ku Nzambi yi mu mazulu mahyokidi kuzangama!»
10Yesu bu kakota mu mbanza Yelusalemi, mbanza yimvimba yiningana, na bedi kwe te ti: «Muntu bewuwu nani kadi e?» 11Kamba di bantu divutula ti: «Ni mumbikudi Yesu, mwisi Nazaleti mu kizunga ki Ngalili.»
Yesu wukuma mintekisi mu nzo-Nzambi
(Mlk 11.15-19; Luk 19.45-48; Yoa 2.13-22)
12Yesu wukota mu nzo-Nzambi. Wukuma minteki na bisumbi biba momo. Wumwangisa meza ma bedi hyakisanga mbongo na byandu bi minteki mi mabembe. 13Mboki wubateela ti: «Wusonama: “Nzo ani, nzo yi lusambulu baatumisina yo.” Kansi, yeno lukitudi yo kiswamunu ki bimpumbulu!»
14Zimpofo na baba na byeta bayenda ha ntadisi andi mu kati di nzo-Nzambi na wubanyakisa. 15Zimfumu zinganga-Nzambi na milongisi mi Misiku babaka mankesi bu bayena misamu mingitukulu mi kasa na baala bafyoti bedi lookananga mu nzo-Nzambi ti: «Ozana! Mwana Davidi!» 16Ni bamuteela ti: «Wuna yuwa misamu mi bena ta e?» Yesu wubavutudila ti: «Ninga, Yeno lutanga mambu masonama mu buuku di Nzambi ko ti: “Mu munwa wu baala bafyoti na wu baala bansombe wuna kemboso bonso bu wutya.”»
17Mboki wusala basisa na wutotoka mu mbanza mu kwenda ku bwala bu Betani ku kayenda lambidila.
Yesu wusinga muti wu fike
(Mlk 11.12-14,20-24)
18Mu mene na mene, Yesu bu kedi vutuka ku mbanza, wubaka nsatu. 19Wuyena muti wu fike mu nzila na wufinama, kansi makaya na makaya kwandi kayena. Wusinga muti wu fike ti: «Waabwesa buta dyaka mbutu ko!» Hansi na nsi, muti wu fike wutumbu yuma. 20Milongoki bu bayena bobo bayituku, ni bata ti: «Bwedi muti wu fike bewuwu wutumbu yumina hansi na nsi e?» 21Yesu wubavutudila ti: «Kedika nina luteela, tala ti kiminu ki neeno, na lusidi maketiketi ko, lulendi hidika misamu minsidi ku muti wu fike bewuwu. Lulendi ta mpe ku mulandu bewuwu ti: “Katuka hoho na yenda wu kituba mu mubu”, bwabobo mpe bwaavangama. 22Tala ti lukwikidi, mimvimba mi lwaalomba mu lusambulu mya lwaatambula.»
Kwedi kufuma lutumu lu Yesu?
(Mlk 11.27-33; Luk 20.1-8)
23Yesu wukota mu nzo-Nzambi bu katona mu longa, zimfumu zinganga-Nzambi na bakuluntu bamukangu bayenda ku kabela na bamufuula ti: «Tuteela, mu lutumu lu nani wuna hidikila misamu bemimi e? Mpe nani wukuheeni lutumu belulu e?» 24Yesu wubavutudila ti: «Meno mpe kyuhu kimosi nina luziika, tala ti lumvutudidi mvutu, naaluteela mu lutumu lu nani, nina hidikila myo. 25Nani wutambika Yoane mu botika e? Nzambi hoti bantu e?» Banyunguta yawu na yawu na bata ti: «Ni twaavutula ti “Nzambi”, mbo katufuula ti: “Mu dyambu di nki lulembolo mukwikila e?” 26Tumana vutula ti: “Bantu”, tufweti tiina mukangu, mu dyambu ti mu mabanza mawu, Yoane mumbikudi wuba.» 27Ni hahoho bavutula ku Yesu ti: «Tu zebyeto ko.» Buna Yesu wubavutudila ti: «Meno mpe naaluteela ko mu lutumu lu nani, nina hidikila misamu bemimi.
Kingana ki baala bole
28Bwabu, bwedi luna banzila musamu bewuwu e? Bakala dimosi diba na baala bole ba babakala. Wuteela mwana wuntete ti: “Mwana ani, yenda wusala bubedidi ku mfuba yi vinu.” 29Mwana bewowo wumuvutudila ti: “Kaani, naakwendani ko”! Kansi kumanima, wusanza mabanza na wuyenda ku mfuba yi vinu. 30Tata wuteela bobo mpe ku mwana andi wunzole. Yandi wuvutula ti: “Ninga tata, naakwenda”, kansi kayendandi ko. 31Nani mu ya babole wuhidika luzolo lu tata e?» Bavutula ti: «Ni wuntete». Buna Yesu wubateela ti: «Kedika nina luteela, mitoti mimpaku na zinsuza baalutekidila mu Kimfumu ki Nzambi. 32Mu dyambu ti Yoane wuyiza ku yeno mu lulonka nzila yi lunungu, kadi yeno lumukwikila ko. Kansi mitoti mimpaku na zinsuza bamukwikila. Mpeleko luyena bo, kansi luviluleeno madyela ko, na lumukwikileeno ko.
Kingana ki bisadi bimbi bimfuba yi vinu
(Mlk 12.1-12; Luk 20.9-19)
33Yuweno kingana kihiika eki: Kuba na mfumu yimosi yikuna mfuba yi miti mi vinu. Wuzunga yo mu lupangu, wutima bulu mu kamunanga mbutu zi vinu mpe wutunga nzo yi kibanga yi munkengi. Mboki, wuhaana yo ku bisadi bi vinu mwanki bafutilanga yo, mpe wuyenda mu nzyetolo. 34Ntangu yi nyonzokolo bu yifwana, wutambika mindongo myandi ku bisadi bimfuba yi vinu, mwanki benda babonga mimbutu mi mfuba andi. 35Kansi bisadi bimfuba yi vinu babwila mindongo myandi, batuuta wumosi nkuba, bahonda wuhiika mu muwinda matadi ku wu mitatu. 36Wubwesa tambika dyaka mindongo mimingi mihiika kuhyoka lutangu luntete. Kansi bisadi bimfuba yi vinu, ba bahidika misamu mi ba sa ku bantete. 37Ku manima, wubatambika mwana andi, na wuta ti: “Baavumina mwana ani.” 38Kansi bisadi bi mfuba yi vinu bu bayena mwana, bateelasana yawu na yawu ti: “Taleno wabyadila fwa! Tokweno, tumuhondeno, mwanki tu byadila fwa dyandi!” 39Bamubwila, bamutuba ku mbazi yi mfuba yi vinu na bamuhonda.
40Yesu wubafuula ti: Bwabu mfumu yi mfuba yi miti mi vinu bu kaakwiza, nki kaasa ku bisadi bimfuba yi vinu e?» 41Bamuvutudila ti: «Mbo kahondisa bimpumbulu bebibi kondo ku manyongo na mbo kahaana mfuba ku bisadi bihiika bi vinu, yobobo bamuhaananga mbutu mu ntangu yi fwanakani.»
42Mboki Yesu wubateela ti: «Yeno lutanga ko masonama mata ti:
“Tadi dinyafuna bituungi bi nzo
dyeka tadi divudidi mfunu.
Mu dyambu ti Mfumu wusidi ti bubela bobo:
musamu wungitukulu wudi ha meso meto!”
43Ni hahoho, nina luteela ti: Mbo balukatula Kimfumu ki Nzambi, na mbo bahaana kyo ku mukangu waabuta mimbutu. [44Wonso muntu waabwa ha yulu tadi bedyodyo waamwangana, na wonso wu dyaabwila, dyaamukosona.»]
45Bu bamana yuwa bingana bebyobyo, zimfumu zinganga-Nzambi na Bafalisi babakula ti yawu kedi zonzilanga, 46basosa mu mukanga, kansi batiina mpumbu yi bantu, mu dyambu ti bedi mubongila bonso mumbikudi.
Currently Selected:
Matayi 21: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 21
21
Nkotolo yi Yesu ku Yelusalemi
(Mlk 11.1-11; Luk 19.28-40; Yoa 12.12-19)
1Bu baba bela-bela na mbanza Yelusalemi na bu batula ha bwala Betefaze, ku mulandu wu Olive, Yesu wutambika milongoki myandi myole. 2Wubateela ti: «Yendeeno ha bwala bu ku mutwala. Lwaayena mbuluku yi nkento yi yikangama ha muti na mwana andi. Nyanguneeno zo, mpe ntwadileno zo. 3Tala ti muntu wuluteedidi dyambu, muteeleeno ti: “Mfumu wuna zo nsatu.” Hansi na nsi waabika zo zenda.»
4Misamu bemyomyo mitula mwanki mita mimbikudi myenda detila:
5«Teeno ku bantu ba mbanza yi Syoni:
“Ntinu eno yina kwiza ku yeno,
wu wufuluka mu lembami,
tentamani ha yulu mbuluku yinkento,
na ha yulu mwana mbuluku.”»
6Milongoki miyenda hidika bonso Yesu kabatumina mu kwe sa. 7Banata mbuluku yi nkento na mwana andi. Batentika binkutu awu ha yulu awu. Mboki, Yesu wuzakala ha yulu. 8Kamba di bantu didingi dyedi kwe yadi binkutu byawu mu nzila, mpe bahiika bedi kwe zengi mwa bintala bi miti na bedi kwe bye yadi mu nzila. 9Kamba di bantu dyedi kwe tekidi na dyedi kwe landi Yesu ku manima dyedi kwe tengi mu ngolo ti: «Ozana! Mwana Davidi! Bika Nzambi kasakumuna muntu wuna kwiza mu nkumbu yi Mfumu! Ozana! Nkembo ku Nzambi yi mu mazulu mahyokidi kuzangama!»
10Yesu bu kakota mu mbanza Yelusalemi, mbanza yimvimba yiningana, na bedi kwe te ti: «Muntu bewuwu nani kadi e?» 11Kamba di bantu divutula ti: «Ni mumbikudi Yesu, mwisi Nazaleti mu kizunga ki Ngalili.»
Yesu wukuma mintekisi mu nzo-Nzambi
(Mlk 11.15-19; Luk 19.45-48; Yoa 2.13-22)
12Yesu wukota mu nzo-Nzambi. Wukuma minteki na bisumbi biba momo. Wumwangisa meza ma bedi hyakisanga mbongo na byandu bi minteki mi mabembe. 13Mboki wubateela ti: «Wusonama: “Nzo ani, nzo yi lusambulu baatumisina yo.” Kansi, yeno lukitudi yo kiswamunu ki bimpumbulu!»
14Zimpofo na baba na byeta bayenda ha ntadisi andi mu kati di nzo-Nzambi na wubanyakisa. 15Zimfumu zinganga-Nzambi na milongisi mi Misiku babaka mankesi bu bayena misamu mingitukulu mi kasa na baala bafyoti bedi lookananga mu nzo-Nzambi ti: «Ozana! Mwana Davidi!» 16Ni bamuteela ti: «Wuna yuwa misamu mi bena ta e?» Yesu wubavutudila ti: «Ninga, Yeno lutanga mambu masonama mu buuku di Nzambi ko ti: “Mu munwa wu baala bafyoti na wu baala bansombe wuna kemboso bonso bu wutya.”»
17Mboki wusala basisa na wutotoka mu mbanza mu kwenda ku bwala bu Betani ku kayenda lambidila.
Yesu wusinga muti wu fike
(Mlk 11.12-14,20-24)
18Mu mene na mene, Yesu bu kedi vutuka ku mbanza, wubaka nsatu. 19Wuyena muti wu fike mu nzila na wufinama, kansi makaya na makaya kwandi kayena. Wusinga muti wu fike ti: «Waabwesa buta dyaka mbutu ko!» Hansi na nsi, muti wu fike wutumbu yuma. 20Milongoki bu bayena bobo bayituku, ni bata ti: «Bwedi muti wu fike bewuwu wutumbu yumina hansi na nsi e?» 21Yesu wubavutudila ti: «Kedika nina luteela, tala ti kiminu ki neeno, na lusidi maketiketi ko, lulendi hidika misamu minsidi ku muti wu fike bewuwu. Lulendi ta mpe ku mulandu bewuwu ti: “Katuka hoho na yenda wu kituba mu mubu”, bwabobo mpe bwaavangama. 22Tala ti lukwikidi, mimvimba mi lwaalomba mu lusambulu mya lwaatambula.»
Kwedi kufuma lutumu lu Yesu?
(Mlk 11.27-33; Luk 20.1-8)
23Yesu wukota mu nzo-Nzambi bu katona mu longa, zimfumu zinganga-Nzambi na bakuluntu bamukangu bayenda ku kabela na bamufuula ti: «Tuteela, mu lutumu lu nani wuna hidikila misamu bemimi e? Mpe nani wukuheeni lutumu belulu e?» 24Yesu wubavutudila ti: «Meno mpe kyuhu kimosi nina luziika, tala ti lumvutudidi mvutu, naaluteela mu lutumu lu nani, nina hidikila myo. 25Nani wutambika Yoane mu botika e? Nzambi hoti bantu e?» Banyunguta yawu na yawu na bata ti: «Ni twaavutula ti “Nzambi”, mbo katufuula ti: “Mu dyambu di nki lulembolo mukwikila e?” 26Tumana vutula ti: “Bantu”, tufweti tiina mukangu, mu dyambu ti mu mabanza mawu, Yoane mumbikudi wuba.» 27Ni hahoho bavutula ku Yesu ti: «Tu zebyeto ko.» Buna Yesu wubavutudila ti: «Meno mpe naaluteela ko mu lutumu lu nani, nina hidikila misamu bemimi.
Kingana ki baala bole
28Bwabu, bwedi luna banzila musamu bewuwu e? Bakala dimosi diba na baala bole ba babakala. Wuteela mwana wuntete ti: “Mwana ani, yenda wusala bubedidi ku mfuba yi vinu.” 29Mwana bewowo wumuvutudila ti: “Kaani, naakwendani ko”! Kansi kumanima, wusanza mabanza na wuyenda ku mfuba yi vinu. 30Tata wuteela bobo mpe ku mwana andi wunzole. Yandi wuvutula ti: “Ninga tata, naakwenda”, kansi kayendandi ko. 31Nani mu ya babole wuhidika luzolo lu tata e?» Bavutula ti: «Ni wuntete». Buna Yesu wubateela ti: «Kedika nina luteela, mitoti mimpaku na zinsuza baalutekidila mu Kimfumu ki Nzambi. 32Mu dyambu ti Yoane wuyiza ku yeno mu lulonka nzila yi lunungu, kadi yeno lumukwikila ko. Kansi mitoti mimpaku na zinsuza bamukwikila. Mpeleko luyena bo, kansi luviluleeno madyela ko, na lumukwikileeno ko.
Kingana ki bisadi bimbi bimfuba yi vinu
(Mlk 12.1-12; Luk 20.9-19)
33Yuweno kingana kihiika eki: Kuba na mfumu yimosi yikuna mfuba yi miti mi vinu. Wuzunga yo mu lupangu, wutima bulu mu kamunanga mbutu zi vinu mpe wutunga nzo yi kibanga yi munkengi. Mboki, wuhaana yo ku bisadi bi vinu mwanki bafutilanga yo, mpe wuyenda mu nzyetolo. 34Ntangu yi nyonzokolo bu yifwana, wutambika mindongo myandi ku bisadi bimfuba yi vinu, mwanki benda babonga mimbutu mi mfuba andi. 35Kansi bisadi bimfuba yi vinu babwila mindongo myandi, batuuta wumosi nkuba, bahonda wuhiika mu muwinda matadi ku wu mitatu. 36Wubwesa tambika dyaka mindongo mimingi mihiika kuhyoka lutangu luntete. Kansi bisadi bimfuba yi vinu, ba bahidika misamu mi ba sa ku bantete. 37Ku manima, wubatambika mwana andi, na wuta ti: “Baavumina mwana ani.” 38Kansi bisadi bi mfuba yi vinu bu bayena mwana, bateelasana yawu na yawu ti: “Taleno wabyadila fwa! Tokweno, tumuhondeno, mwanki tu byadila fwa dyandi!” 39Bamubwila, bamutuba ku mbazi yi mfuba yi vinu na bamuhonda.
40Yesu wubafuula ti: Bwabu mfumu yi mfuba yi miti mi vinu bu kaakwiza, nki kaasa ku bisadi bimfuba yi vinu e?» 41Bamuvutudila ti: «Mbo kahondisa bimpumbulu bebibi kondo ku manyongo na mbo kahaana mfuba ku bisadi bihiika bi vinu, yobobo bamuhaananga mbutu mu ntangu yi fwanakani.»
42Mboki Yesu wubateela ti: «Yeno lutanga ko masonama mata ti:
“Tadi dinyafuna bituungi bi nzo
dyeka tadi divudidi mfunu.
Mu dyambu ti Mfumu wusidi ti bubela bobo:
musamu wungitukulu wudi ha meso meto!”
43Ni hahoho, nina luteela ti: Mbo balukatula Kimfumu ki Nzambi, na mbo bahaana kyo ku mukangu waabuta mimbutu. [44Wonso muntu waabwa ha yulu tadi bedyodyo waamwangana, na wonso wu dyaabwila, dyaamukosona.»]
45Bu bamana yuwa bingana bebyobyo, zimfumu zinganga-Nzambi na Bafalisi babakula ti yawu kedi zonzilanga, 46basosa mu mukanga, kansi batiina mpumbu yi bantu, mu dyambu ti bedi mubongila bonso mumbikudi.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.