LUKA 8
8
Ba ban'lende Yesu
1Mu manima, Yesu kayeleke mu mavulu yi mavulu pe mu mahata yi mahata. Pe kaye mwangi nsangu zi mboti zi kimfumu ki Nzambi. Bantumu ba kumi yi bola bayeleke yi yandi, 2Yi ba nketo bakaka ba bakodi mu maladi ma mifu pe yi maladi makaka: Madiya, wu hata di magdala, wu lubuki peve zimbi nsambwadi, 3Yona, wu yakala diandi Kuza kakele mfumu basuta ku nzo Erode, pe Suzana, ba nketo ba kaka bingi ba basadiki bima bi ba bene samu di kusadisa Yesu pe yi balongoki bandi.
Kingana ki n'kuni sola
(Mt. 13:1-9; Mk. 4:1-9)
4Kibuka kimosi ki batu ki vukani pe batu bayisiki ku yandi ba tukiki mu mavulu yi mavulu. Mana yandi batedidi kingana kiaki: 5Kilumbu kimosi n'kuni masola mosi kalubuki kekuna ngenze. Pe kusalami ha kaye kuni, ngenze zikaka zi bwidi n'zila, ba diete zo pe banuni ba matuti ba didi zo, 6Zikaka zi bwidi mu mafu ma matadi; ha zi yandiki ku mena, zi yumuki, mudiambu mafu ma keloko yi mamba. 7Zikaka zi bwidi hantandu kitini ki n'ti nsaku; nsaku zi meni nzilamosi yi zawu pe bi finiki bio bifidi. 8Zikaka zi bwidi mu mafu ma kitoko. Ha zi meni, zi buta mbuma zingi kuhioka zi bakuni. Hakamanisi kuhoya hoyi mundinga yi ngolo: “wuna wene yi matu makuwa kawa.”
(Mt. 13:10-13; Mk. 4:10-12)
9Bantumu bandi ba hiudi nki disongidila di kingana kiaki. 10Yesu kabudi mvutu: “kahene, kubenu, mukusia luyaba kinsweki ki kimfumu Nzambi, mana mudiambu diba kaka, makaka ma hoyamiki mu kingana, kasi beke mona yaba beke monoko pe beke wa mana beke yaboko.”
(Mt. 13:10-23; Mk. 4:13-20)
11Tala disongidila di kingana kiaki: ngenze zene ndinga Nzambi. 12Batu ba kaka bene boso bibiene n'zila, bene ba bawaka; mana satana wisi pe katudi mambu mu zi mbundu zi bawu, mukusia na ba kwikidiku nki bahuluka. 13Ba hika ba bene bwoso mafu ma ntandu matadi, bene bwoso, ba beke wa mambu beke tambusa yi kiesi; mana beko yi n'sodi, ba kwikilaka muntangu dimosi pe ba bwaka mu masumu. 14Bibi bwidi ha kitini ki n'ti nsaku, bene ba bawidi mambu, mana munzila basa losa samu di pasi zi mambu ma bawu, bi mvama pe yi biesi bi luzingu, pe beke kukoko mu kiyeka kiakina. 15Bibi bwidi mu mafu mabunkete, bene ba bawidi mambu yi mbundu yi bunkete pe beke simba, bahela bibundu bi lukwikilu.
Kingana ki mwinda
(Mt. 4:21-25)
16“Ku nkatu mutu lemisaka mwinda ka nsweka mu kantini to kasia munsi ntangi, kasi kasia hantandu mese mudiambu bana bakota bamona na keke lema.” 17Heku kima ki swekama na mwinda keke lema, heku kima kiba sweki kikonda yabana pe mukilumbu pe mutu wakulu kamona kio. 18Mubwabuna keba boso weke wa; nalo ba bene babaheka bingi, mana mutu weko yi kima bakatuloko ata binkee bi bayinduluka na be biawu.
Bana bakele bampangi ba Yesu ba kiedika
(Mt. 12:46-50; Mk. 3:31-35)
19Ngudi pe yi bapangi ba Yesu bisi m'ona pe ba kukiku muku pusana bele-bele samu batu bakele bingi. 20Ban'kembe: “ngudiaku yi bapangi zaku bene hanzila pe beke zola bakumona.” 21Mana ba kabudidi mvutu: “ngudi mene pe yi bapangi bamene bene ba beke wa ndinga Nzambi pe beke sadila.”
Yesu hioki m'pebe n'golo
(Mt. 8:23-27; Mk. 4:35-41)
22Kilumbu kimosi, Yesu kamete mu bwatu yi bantumu bandi, ka bakambaka: “ntu hioka kusambu dinaka di nzadi.” Pe bele. 23Mutangu diba labukiki, Yesu kakele nimbiki, m'pebe wu ngolo bwidi hantandu nzadi mungu, bwatu bu bese yi mamba, pe ba kulu bakele yi boma. 24Ba longoki bisa kwe Yesu pe ba m'vumbudi yi ba lobi bandi. N'longi, ntweke zola ntu fwa. Pe n'ganini m'pebe mamba makulu makumi hidikiti. 25Mana ba kembe balongoki: “kwe lwene lukwikilu lu benu.? ” Boma bu ba lukwete, pe bayituki bwingi, bayandiki kudihoyila bawu yi bawu: “na kene mutu wu? Keke nganina ata m'pebe pe yi mamba, pe meke n'wila!”
Yesu hioki zi peve zimbi n'golo
(Mt. 8:28-34; Mk. 5:1-20)
26Yesu yi balongoki bandi bahioki ku hata di Geresene, diditalani yi yanga di mbanza galileya. 27Tangu Yesu katuluki mu bwatu, yakala mosi wuku hata kisa ku mesu ma yandi, kakele yi mifu mingi. Mu kizinga kitanu dingi ka mveteko milele, pe kazakadiku n'zo kaka ku, maziamu. 28Tangu kamwene Yesu, kayamuki, dilosi mbala mosi mu malu ma yandi pe bandiki ku n'kamba mundinga yi, ngolo hoyi: “nki zodi ngeyi mene, Yesu, mwana Nzambi kuzulu? Ndolula mbonisiku pasi.” 29Yesu kembe peve mvindu Nzambi yi lubuka ku yandi. Mbala zingi mifu mi mongi kimfumu hantandu yakala wene ata tangu dilu n'sidi hahene ba ban'tadidiki pe ban'kasi misinga pe misinga Katabudi pe lubuki wele ntinu mu n'seke. Mungolo zi m'fu. 30Yesu n'hiudi: zina diaku na? N'kabudidi mvutu, kibuka ki mifu samu kabese yi mifu mingi. 31Mifu mieke n'lendika Yesu samu ka bahitiku kubilungi. 32Kibuka ki bangulu kididiki mumongo, mifu mi n'lendiki kabakotisa mukati di ngulu, pe Yesu baheleke n'sia. 33Mifu mi lubuki ku mutu wuna, mie kota mu ngulu, pe kibuka ki bangulu kitini ntinu hantandu mongo kie bwa ha yanga pe ba fidi. 34Tangu ba batalaka bangulu bamwene mambu mana ha bwidi batini banete nsangu ku mbanza tii mu mahata mankeke. 35Batu bele ba tala kete nki mambu mabwidi, bisi ti ku kene Yesu pe bamwene mutu wukele yi mifu zakadiki mu malu ma Yesu wu kalubudi mifu; vweteke milele pe kumiki mutu wu mayindu mamboti, mana bawidi boma. 36Babakele ba m'oni mambu mana bawu ba mwenge nsangu bwe kahuluka mutu wukele yi peve zimbi. 37Bwabuna batu bansi yi ba Geresene ban'lediki ka katuka kenda kiana, samu ba kele yi boma bwingi. Yesu mete mu bwatu kabuki. 38Mutu wu kalubudi mifu keke m'bondila benda yi yandi, mana Yesu n'kabudi mana keke n'kamba: 39“Lwenda ku nzo pe lukamba batu ma kalusadidi Nzambi benu. Kenda longa mu mbanza yakulu mambu maka n'sadidi Yesu.”
Yesu hioki bulu pe lufwa n'golo
(Mt. 9:18-26; Mk. 5:21-43)
40Tangu kakabuki Yesu kusambu di yanga, batu bingi bayembe yi kiesi, samu ban'hingidiki. 41Mwene diaka mutu mosi wisi muzina di Yayiro, kakele mfumu nzo bisambu. Fukami mu malu ma Yesu pe bandiki ku n'lendika kisa ku nzo yandi. 42Samu kakele yi mwana mosi wu n'ketu kakele ziku yi mvula kumi yi zola kakele bele-bele yi lufwa. Tangu kayeleke Yesu yi bawu, batu ba kulu baye n'zieti ndambu yi ndambu. 43Mana n'ketu mosi wu lubukiki menge bandika mvula kumi yi zola ka manisi mbongo yibima bingi kuba minganga, ata mosi wu n'sasdisi lo. 44Pusani kumanima pe simbi nsongi n'lele Yesu. Mumbala mosi pe menge mahwidi. 45Yesu hoyi: “na nsimbi? ” Ba kulu babusi, Petula pe yi ba kakele yi yandi ba hoyi: “mfumu, batu ba kweku zieti pe beke ku pusa, pe weke hoya: na nsimbiki? ” 46Mana Yesu kahoyi: “mutu mosi nsimbi, samu ngwidi ngolo zi mosi zilubuki ku mene.” 47Kamwene pila yi ku disweka kweku. N'ketu kayisiki muna kwisa tekiti dilosi ha bi tambi biyandi; bandiki kukamba kikuma ka simbidi. Ti Nkipila ka beluki yandi mumbala mosi. 48Mana n'kembe: mwana n'ketu, (kala yinki kese) lukwikilu lwaku lukuhusi. Ndonda yi ngemba! 49Ntangu kakala hioka dikaka, mutu kisa katuki ku nzo mfumu nzo bisambu kahoyi: Mwana ngeyi wu n'ketu fidi: Kulomba mfumu kisiku butwene. 50Mana Yesu, ha kawidi, n'kembe mfumu nzo bisambu: “kadiku yi boma, kwikila kaka pe mwana ngeyi kahuluka.” 51Ntangu di kakumi ku nzo Yayiro, kasisiku ata mutu kakota katulu kaka Petula, Zaa, Izaki, pe bana yi bibuti bibawu. 52Batu ba kulu mukudila pe lukadiku yi kiesi samu di lufwa lu mwana. Yesu Kabakembe: “luyambula kudila (samu) mwana keko wufwa mana, nimbiki kilu.” 53Bakala n'seyaka, bayebe na kene wufwa. 54Yesu simbi kokodi mwana n'ketu pe hoyi: “mwana, telema!” 55Moyi kabuki pe mwana n'ketu telemi mbala mosi. Yesu ba hele n'swa baheka bima bikudia. 56Bibuti biyituki, pe ba hele ngwesi na bakambiku mutu mambu ma masalami haka.
Currently Selected:
LUKA 8: PPP
Highlight
Share
ਕਾਪੀ।
Want to have your highlights saved across all your devices? Sign up or sign in
Pelende Bible by Beyond Translation is licensed under Creative Commons Attribution-ShareAlike 4.0 License.
