လုကာ 24
24
အခန်း (၂၄)
ကိုယ်တော်ယေရှု ပြန်လော့အဟိုင်ဘော်ဝဟော့
(မဿဲ ၂၈.၁-၁၀။ မာကု ၁၆.၁-၈။ ယောဟန် ၂၀.၁-၁၀)
1တနင်္ဂနွေနှုတ်#24.1 ဂျူးလူမျိုးတို့၏ ဥပုသ်နေ့သည် စနေနေ့ဖြစ်ပြီး တနင်္ဂနွေနေ့သည် ရက်သတ္တပတ်နေ့၏ ပထမဆုံးရက်ဖြစ်သည်။ ရက်သတ္တပတ်ပထမနှုတ်၊ အာရုံတက်ချိန်ငါ နှတိုးနူးဝဲ့လော့ ကျာန်အလော့ယနိသောက်ကဟော့ အွပ်ဟော့ အမွှေးနံ့သာဝဲ့ စူဝါ ယနိစိတို့။ 2စူခူအပေါက်ကဟော့ပက်အက်လော့အအွမ်းနဟော့ လုံးသောက်အလင်းလာန်းငဟော့ ပေန်းနောတ်လော့ အနီဂူပေါက်ဝဝါ ဟော့ဟူးအူလော့အအွမ်းကြောင်းငို အလှိုးနေရာဝတ် တာ အဖိုးဝဟော့ ယနိမှုလာ့။ 3စူခူဒိက်ကာဝေါင်းပိစလော့ ကိုယ်တော်ယေရှု အရုတ်ကဟော့ ခွန်းသေးရအို့။ 4ယနိလော့ ဘောင်းခါအမွက်သိမ် စဉ်းစားအလော့လာ့ငှားတွန်းနာ ရုတ်တရက်အောင်းကျီအဘုတ်ရှို့အို့လော့ ကိုယ်ရောင်ကိုယ်ဝါရှုဟော့ ချောင်ပေန်းဟိ ပေါင်လူးလော့သဲ့ ယနိအစိမ်းငါအယားလူး။ 5နှတိုးနူးဝဲ့လော့ ကေ့အလိုသဲ့ ဒိက်ကာအခုက်လူဝိုထောက်အောက်လော့သဲ့ ဦးယနိညွတ်သို့။ ဆိတ်လော့ဟော အနီချောင်ပေန်းဟိလော့ "ဒူဟော့ချောင်ငဲ့မသောက်နောက်ဒွန်းစူဝါ ဟိုင်ဟော့ချောင်ပိုင်သိမ်နော နောင်းနိရွှီလူးတဝိုး။ 6ကိုယ်တော်နီနေရာဝါ မွက်သေးရ။ ယဝဟော့ အဒူးဒွန်းနာဟော့ပြန်လော့ အဟိုင်ဘော်ဟီ။ ယဝဟော့ ဂါလိလဲယာ ယလော့အဟောက်ဝဟော့ ဝဲ့ သတိလာ့ဘွေ့တို့။ 7ချောင်စိုးနော်ဝါ ဒုစရိုက်အပြစ်စိုးဝဲ့ ကွက်တာအအွပ်သိုင်။ ယနိလော့ ချောင်စိုးနော်ဝါ လက်ဝါးကပ်တိုင်ငါ တောင်လော့သဲ့ ယနိသုတ်ကိုင် ဆိတ်လော့ဟော့ ယဝဟော့ နှုတ်ထုံအကြာကနို ပြန်လော့ အဟိုင်ဘော်ဝိုင်း သိမ်အဟောက်ဝတ်ဆိတ်ကမိုး" သိမ်ယနိဟောက်။ 8အနီပိစ အနီနှတိုးနူးဝဲ့လော့ ကိုယ်တော်ယေရှုလော့အဟောက်ဝဟော့ဝဲ့ သတိယနိလာ့လူး။ 9စူဝါဟော့ ပြန်ဘော်အလော့သဲ့ သာဝက ပေန်းပေါင်းဟာလက်ရောတ်လော့ အရာချောင်အားလုံးငါနီအကြောင်းအရာစုံအုံ ယနိဟောက်ပိတ်။ 10သာဝကဝဲ့ယာ နီအကြောင်းအရာဝဲ့ဟောက်ပိတ်ဟော့ချောင်ငဲ့ယဟော့ မာဂဒလမြို့ဝါအွမ်းဟော့ မာရိ၊ ယောဟန္န၊ ယာကုပ်နူအူ ဖြစ်ဟော့ မာရိလော့ အရာနှတိုးနူးဝဲ့ ယနိဖြစ်။ 11ဆိတ်လော့ဟော တပည့်တော်ဝဲ့လော့ အနီနှတိုးနူးဝဲ့လော့ယနိဟောက်ဝဟော့ပေါလ်ဝဟော့ အဓိပ္ပာယ်မွက်ရသိမ်ယနိခင်းကြောင်းငို ယနိလော့ ရွမ်အွမ်နောက်ကအို့။ 12ဆိတ်လော့ဟော ပေတရုလော့ စူခူဝါစွန်းလော့သဲ့ စိလော့သဲ့ အဒိက်ကာအသိုင်းပိ ယေရှုအပွန်း ခွန်းတအုံ အနီအပွန်းနာ ယနိပတ်တဟော့ အထည်ရဲ့နော အမှုတို့။ နီကြောင်းငို ယလော့ အနီအဖြစ်အပျက်သဲ့ အံ့ဩလော့ အင်းနာအပြန်ဘော်တို့။
ကိုယ်တော်ဝိုခွန်းအွမ်ဟော့ တပည့်တော်ပေန်းဟိ
(မာကု ၁၆.၁၂-၁၃)
13အနီနှုတ်တာ ကိုယ်တော်ယေရှုတပည့်တော် ဒိက်ကာဟော့ ပေန်းဟိဝဟော့ ဂျေရုဆလင်နာဟော့ မိုင်ရှေ့ဘောင်းလှိုးဟော့ ဧမောက် နန်းနာယဟိစိတို့။ 14လွန်းနာ ယဟိလော့ ကိုယ်တော်ယေရှုအကြောင်း အဖြစ်သဟော့အကြောင်းအရာဝဲ့ ဆွေးနွေးဟိလော့ ယနိစိ။ 15အလှောက်ကာ ပေန်းနောတ်လော့ပေန်းနောတ် အပြန်အလှန်ဆွေးနွေးဟိလော့ ယဟိစိတွန်နာ ကိုယ်တော်ယေရှုကပ်အပ်လူးလော့သဲ့ ယဟိရိုအတွက်တူဝါ ကြောင်းအောင်ဟိလော့ အလူးပိ။ 16ဘုရားရှင်လော့ ယနိယာ ကိုယ်တော်ယနိမှတ်မိရိုင်တောတ် အကာကြောင်းငို ယဟိလော့ ကိုယ်တော်မှူးလာ့လော့ဟော မှတ်မိရဟိ။ 17ကိုယ်တော်လော့ "နောင်ဟိလော့ လွန်းစိလွှေရို ဘောင်းအကြောင်းနော နောင်းဟိဟောက်ဝိုး" သိမ်အစက်ပိစ ယဟိယဟော့ အမွှန်းစာန်ညှိုးလော့သဲ့ ယဟိယားတို့။ 18ယဟိဒိက်ကာဟော့ ကလောဖသိမ်ဟောက်ဟော့ချောင်လော့ ကိုယ်တော်ဝါ "အကျန်ဟောတ်တဟော့ နှုတ်သဲ့ယာ ဂျေရုဆလင်နာ ဘောင်းငဲ့ အဖြစ်မာက်သိမ်မှတ်ငှားဟော့ နောင်းပေန်းနောတ်လော့နော မှတ်တသိမိုး" သိမ်အဟောက်။ 19ကိုယ်တော်လော့ "ဘောင်းငဲ့ အဖြစ်တောတ်တိုး" သိမ် အစက်ဘော်ပိစ အနီချောင်လော့ "နာဇရက်မြို့ဝါဟော့ ယေရှုအဖြစ်သဟော့ ကဟောက်လွန်း။ ယလော့ ဘုရားရှင်လော့ ချောင်မနဲရှေ့ယာ ကြီးကျယ်ဟော့ မအံ့ဩဗုန်းငဲ့ စိုင်းရွတ်လော့သဲ့ ဝမ်းမြောက်ဝမ်းသာ မင်္ဂလာသတင်းအပွယ်ယဟော့ ဟောက်ဝတ်ဟော့ ပရောဖက်ပါးဝတ်အဖြစ်။ 20ဆိတ်လော့ဟော ကနိပုရောဟိတ်အကြီးအကဲရဲ့လော့ ဂျုးခေါင်းဆောင်ငဲ့လော့ ယမမ်းအလော့သဲ့ ရောမအင်ပါယာ ကွက်တာယနိအွပ်။ အနီအာဏာပိုင်ငဲ့လော့ ယဝါ သေဒဏ်အချောက်ကြောင်းငို ယဝဟော့ လက်ဝါးကပ်တိုင်ငါ သံမှိုဝါဝှေ့အလော့ ယနိသုတ်။ 21အနီအရှင်လော့ ကနိအစ္စရေးဗုန်းအပေါင်းငဲ့ယာ ဟဲ့ရိုင်ယဟော့အရှင်အဖြစ်သိုင်သိမ် ကနိလော့ ကနိမျှော်လင့်အင့်နောတ်။ ဆိတ်လော့ဟော နီအဖြစ်အပျက်အားလုံးငဟော့ အကျန်နောတ်ဟော့ နှုတ်ထုံနာ အဖြစ်ပုန်ဟီ။ 22ဆိတ်လော့ဟော ကနိ အဖွေ့ဒိက်ကာဟော့ နှတိုးနူးတချို့လော့ ကနိယာ မအံ့ဩဗုန်းငဲ့ ယနိဟောက်ပိတ်။ ယနိလော့ တနှုတ်အညေးလွန်းစောစော စူဝါ ယနိစိပိစ 23ကိုယ်တော်အရုတ်ခွန်းနအို့။ ယနိပြန်လူးဘော်လော့သဲ့ နောတ်ဒေဝါတချို့ခွန်းအလော့သဲ့ အနီနောတ်လော့ ကိုယ်တော်ဝဟော့ အရှောက်အဟိုင်ဘော်ဟီ သိမ် ယနိဟောက်ဝတ်အကြောင်းငဟော့ ကနိယာအဟောက်ပိတ်။ 24အနီပုန်ပိ ကနိဒိက်ကာဟော့ ချောင်တချို့လော့ဟော့ စူဝါယနိသိုင်းငေတ်တာ အနီနှတိုးနူးဝဲ့လော့ ယနိဟောက်လှောက်ကာဖြစ်လော့သဲ့ ယနိလော့ဟော ကိုယ်တော်ယေရှုအရုတ် ခွန်းသဘော်ဝအို့" သိမ်ယနိဟောက်။ 25အနီပုန်န်ပိ ကိုယ်တော်လော့ ယဟိယာ "နောင်နိပိုင်သိမ်ကြောင်းငိုနော ရောက်စူးဝတွက်ရိုး။ ပရောဖက် သဲ့လော့ ယနိဟောက်ဝဟော့အရာဝဲ့ယဟော့ နရွမ်အွမ်နောက်ကိုင်း ပိုင်ကြောင်းငိုနော နောင်နိနှောင့်နှေးတဝိုး။ 26ကယ်တင်ရှင် မေရှိယ ဝဟော့ ယဘုန်းတန်ခိုးတော်ဝဲ့ အလအငှားမောင်ငို ဒုက္ခဝေဒနာဝဲ့ အခံစားလာ့ဝိုင့်သိမ် မှတ်သသို့မိုး" သိမ်အဟောက်တို့။ 27အနီပုန်ပိ မောရှေလော့ ပရောဖက်သဲ့ ကျမ်းနာဟော့ မေရှိယဝိုအပတ်သက်အက်သဟော့ အကြောင်းငဟော့ အဟောက်ဝဟော့တကား အဓိပ္ပာယ်ယဟော့ ယဟိယာ အရှင်းပြ။ 28ယဟိပေန်းဟိယဟိစိဒွန်း နန်းစိမ်းငါယဟိဖိုးပိစလော့ ကိုယ်တော်ဝဟော့ အလှိုးဝါဆက်လော့အစိရိုင်ပုံစံ ယဟိမှု။ 29ယဟိလော့ "ခုနီမူလော့သဲ့ ကီးကယ်နောက်အကျဟီကြောင်းငို ကဟိဟွေးတူအတွက်တူဝါ သိုင်အိုင်ရဲ့" သိမ်ကိုယ်တော်ဝါ အဖိတ်ခေါ်။ အနီကြောင်းငို ကိုယ်တော်လော့ ယဟိဟွေးတူ အင်းဒိက်ကာ အသိုင်းအိုင်ရိုင်တောက် အဝေါင်းသို့။ 30ယဟိရိုအတွက်တူဝါ အေးရိုင်တောတ် ယနိငုံးပိစ ကိုယ်တော်လော့ ပေါင်မုန့် ခိုက်လော့သဲ့ ဘုရားဂုဏ်တော် အချီးမွမ်း။ ပေါင်မုန့်ငဟော့ ဖိုင့်လော့သဲ့ ယနိယာ အပိတ်။ 31အနီပိစ ယဟိယာ ပြန်လော့အမှုဝဟော့ အာရုံ အဖွင့်ပိတ်ကြောင်းငို ယဟိလော့ ကိုယ်တော် ယဟိမှတ်မိတို့။ ဆိတ်လော့ဟော အနီယာပ ကိုယ်တော်ဝဟော့ ယနိစိမ်းငါဟော့ အကျုပ်ဘော်တို့။ 32အနီချောင်ငဲ့လော့ဟော "လွန်းနာ ကိုယ်တော်လော့ မဟိယာ ကျမ်းစိုဝဲ့ အရှင်းပြဟနို မဟိစိတ်ကာ ယဝဟော့ ရင်းရင်းနှီးနှီးကမှတ်အပ်သိမ်မခံစားလာ့ဆိတ်ကမိုး" သိမ်အချင်းချင်းဟောက်အောက်တို့။ 33အနီပုန်ပိ ယဟိပေန်းဟိ ချက်ချင်းထောန်ဟိလော့သဲ့ ဂျေရုဆလင်နာ ယဟိပြန်ဘော်ပိစ သာဝကပေန်းပေါင်းဟာလက်ရောတ်တဟော့ အရာချောင်ငဲ့ရို စုအုအလော့ယနိအွမ်းနဟော့ ယဟိခွန်းတို့။ 34စုအုအလော့အွမ်းဟော့ချောင်တကားလော့ ပြန်လော့ဖိုးလူးဘော်ဟောချောင်ပေန်းဟိယာ "ကိုယ်တော်ယေရှုဝဟော့ အဒူးဒွန်းနာဟော့ တကယ့်တကယ်ပ အရှောက်ဟိုင်လူးဘော်လော့သဲ့ ရှိမုန်ငါအဖူးခွင့် အပိတ်" သိမ်ယနိဟောက်။ 35အနီပိစ ဧမောက်နန်းနာဟော့ ချောင်ပေန်းဟိလော့ဟော လွန်းနာ အခွန်းနောတ်လာ့တကားလော့ ပေါင်မုန့်အဖိုင့်ပိတ်ပုန်ပိစ ကိုယ်တော်ယေရှုနောအဖြစ်သိမ် အမှတ်လာ့ဝဟော့ ဝဲ့ ယဟိဟောက်ပိတ်တို့။
ခရစ်တော်လော့တပည့်တော်ဝဲ့ယာ ကိုယ်ထင်အပြအဝဟော့
(မဿဲ ၂၈.၁၆-၂၀။ မာကု ၁၆.၁၄-၁၈။ ယောဟန် ၂၀.၁၉-၂၃)
36နီလှောက်ကာ တပည့်တော်ဝဲ့လော့ အနီအကြောင်းအရာအဖြစ်အပျက်သဟော့ဝဲ့ ယနိဟောက်တွန်နာ ကိုယ်တော်ဝဟော့ ယနိလိုင်ယာ ကိုယ်ထင်ပြအလော့သဲ့ ယနိယာ "ဘုရားရှင်လော့ နောင်နိယာ ငြိမ်းချမ်းခြင်းနဟော့ အပိတ်ဆီးဘွေ့" သိမ်အဟောက်။ 37ဆိတ်လော့ဟော တပည့်တော်ဝဲ့လော့ ခွက်ရိုင်ယနိမှုလာ့သိမ် ခင်အလော့ ယနိကေ့တို့။ 38ဆိတ်လော့ဟော ကိုယ်တော်လော့ "နောင်နိပိုင်ကြောင်းငိုနော နောင်နိကေ့အေရိုး။ ပိုင်ကြောင်းငိုနော ရွန်အွမ်ငှားသလော့ သံသယ နောင်နိဝေါင်းငိုး။ 39ကေ့ကွက်သဲ့၊ ကေ့ခူးဝဲ့အသိုင်ငဲ့တို့။ ကေ့ယဟော့အထိစုပ်ကဲ့သို့။ ခွက်ရိုင်ယာ အရုဝဲ့အန်ဆွန်းမွက်ရ။ ကေ့ယာသဲ့ နောင်နိမှုလာ့လှောက်ကာ အရုဝဲ့အဆွန်းနဲ့အမွက်" သိမ်အဟောက်တို့။ 40အလှောက်ကာဟောက်လော့သဲ့ ယကွက်လော့၊ အခူးဝဲ့ အပြအတို့။ 41တပည့်တော်ဝဲ့လော့ဟော့ ကီးကယ်ပျော်အလို့သဲ့ ကိုယ်တော်အရှောက်အဟိုင်ဟွန်းနဟော့သဲ့ ရွန်အွမ်နောက်ခုငှားအုံ ယနိအံ့ဩ။ နီကြောင်းငို ကိုယ်တော်လော့ ယနိယာ "မအေးဗုန်းအုဝတ်ဟိအမွက်မိုး" သိမ်အစက်။ 42အနီပိစ ယနိလော့ ငိုးကင်း ဘောင်းငေါတ် ယနိပိတ်။ 43ကိုယ်တော်လော့ ယနိရှေ့ယာ အအေး။
ကိုယ်တော်ယေရှုလော့ ယနောက်လိုက်တပည့်တော်ဝဲ့ရာ နောက်ဆုံးညွှန်ကြားချက် အပိတ်ငဟော့
44အနီပုန်ပိ ကိုယ်တော်လော့ "မောရှေပညတ်ကျမ်းလော့ ပရောဖက်သဲ့ စိုအုပ်ကဲ့လော့၊ ဆာလံကျမ်းနဲ့ယာ ကေ့အကြောင်းအပိုဝဟော့လှောက်ကာတကယ်အဖြစ်လူးဝိုင့် သိမ် နောင်နိယာ ကဟောက်ဝဟော့ ကေ့အကြောင်းအရာဝဲ့ယဟော့ တိုဝါ အဖြစ်လူးဝဟော့အဖြစ်" သိမ်အဟောက်။ 45အနီပုန်ပိစ ကျမ်းစိုယနိရောက်စူးခုဝိုင့်တောတ်တပည့်တော်ဝဲ့ယာ သွန်သင်လော့သဲ့ လွန်းအပြပိတ်။ 46အနီပုန်ပိ ယနိယာ "ကျမ်းစိုဝဲ့ယာ မေရှိယဝဟော့ ဆင်းရဲ့ဒုက္ခဝဲ့ခံစားလာ့လော့သဲ့အဒူဝိုင်း။ နှုတ်ထုံအဖိုးဟော့နှုတ်တာ အဒူဒွန်းနာဟော့ ပြန်လော့အဟိုင်လူးဘော်ဝိုင်း။" 47အနီပုန်ပိ ကိုယ်တော်ယေရှုလော့ "နောင်တလာ့ဝိုင့်လော့ ဒုစရိုက်အပြစ်သဲ့ အတောတ် ခွင့်လှို့အခွန်းအွမ်လာ့ဝိုင့်တောတ် ဂျေရုဆလင်နာဟော့စလော့ ချောင်တကားဝါ အဟောဝိုင့် သိမ်အပို။ 48အနီကြောင်းငို နောင်နိယဟော့ နီအဖြစ်အပျက်သဲ့အတောတ် အမိတ်ကိုမှူးလာ့ဟော့ သက်သေနောင်နိဖြစ်။ 49ကေ့ယဟော့ ပအောင်ဘုရားရှင်လော့ ကတိအပိတ်အိပ်လှောက်ကာ နောင်နိငှာ ဘုရားရှင်အမွင်ချိုလှို့ဟလော့ ကသက်ရောက်ရှောက်ကိုင်။ နီကြောင်းငို နောင်နိယဟော့ ရွှေမြို့တော်ဝါဟော့ တန်ခိုးအပိတ်ကဟော့ အချိန်စို့ ဂျေရုဆလင်နာ အစုန်းဘွေ့တို့" သိမ်အဟောက်။
ကိုယ်တော်ယေရှု ရွှေမြို့တော်ဝါအပြန်နဟော့
(မာကု ၁၆.၁၉-၂၀)
50အနီပုန်ပိ ကိုယ်တော်ဝဟော့ တပည့်တော်ဝဲ့ ဘိက်အိပ်လော့သဲ့ဗေသနိနန်း ကြောင်နေရာဝတ်တာ အစိတို့။ အနီနေရာဝါ အဖိုးပိစ တပည့်တော်အားလုံးအတွက် အကွက်မြှောက်အောက်လော့သဲ့ ကောင်းချီးပိတ်။ 51အနီပုန်ပိစ ကိုယ်တော်ယေရှုဝဟော့ ရွှေမြို့တော်ဝါ အကွယ့်တို့။ 52တပည့်တော်ဝဲ့လော့ ကိုယ်တော်ယေရှုဝါ ဒူးထောက်အလော့ ခို့အလော့သဲ့ ပျော်အလော့သဲ့ ဂျေရုဆလင်နာ ယနိပြန်တို့။ 53ဂျေရုဆလင်မြို့ဝါ ယနိဖိုးပိစ ဘုရားကျုံငါ ဘုရားရှင်ဂုဏ်တော်ဝဟော့ အမြဲမပြတ်ငှားအုံ ချီးမွမ်းအလော့ ယနိအွမ်းတို့။
Currently Selected:
လုကာ 24: CEY
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 24
24
အခန်း (၂၄)
ကိုယ်တော်ယေရှု ပြန်လော့အဟိုင်ဘော်ဝဟော့
(မဿဲ ၂၈.၁-၁၀။ မာကု ၁၆.၁-၈။ ယောဟန် ၂၀.၁-၁၀)
1တနင်္ဂနွေနှုတ်#24.1 ဂျူးလူမျိုးတို့၏ ဥပုသ်နေ့သည် စနေနေ့ဖြစ်ပြီး တနင်္ဂနွေနေ့သည် ရက်သတ္တပတ်နေ့၏ ပထမဆုံးရက်ဖြစ်သည်။ ရက်သတ္တပတ်ပထမနှုတ်၊ အာရုံတက်ချိန်ငါ နှတိုးနူးဝဲ့လော့ ကျာန်အလော့ယနိသောက်ကဟော့ အွပ်ဟော့ အမွှေးနံ့သာဝဲ့ စူဝါ ယနိစိတို့။ 2စူခူအပေါက်ကဟော့ပက်အက်လော့အအွမ်းနဟော့ လုံးသောက်အလင်းလာန်းငဟော့ ပေန်းနောတ်လော့ အနီဂူပေါက်ဝဝါ ဟော့ဟူးအူလော့အအွမ်းကြောင်းငို အလှိုးနေရာဝတ် တာ အဖိုးဝဟော့ ယနိမှုလာ့။ 3စူခူဒိက်ကာဝေါင်းပိစလော့ ကိုယ်တော်ယေရှု အရုတ်ကဟော့ ခွန်းသေးရအို့။ 4ယနိလော့ ဘောင်းခါအမွက်သိမ် စဉ်းစားအလော့လာ့ငှားတွန်းနာ ရုတ်တရက်အောင်းကျီအဘုတ်ရှို့အို့လော့ ကိုယ်ရောင်ကိုယ်ဝါရှုဟော့ ချောင်ပေန်းဟိ ပေါင်လူးလော့သဲ့ ယနိအစိမ်းငါအယားလူး။ 5နှတိုးနူးဝဲ့လော့ ကေ့အလိုသဲ့ ဒိက်ကာအခုက်လူဝိုထောက်အောက်လော့သဲ့ ဦးယနိညွတ်သို့။ ဆိတ်လော့ဟော အနီချောင်ပေန်းဟိလော့ "ဒူဟော့ချောင်ငဲ့မသောက်နောက်ဒွန်းစူဝါ ဟိုင်ဟော့ချောင်ပိုင်သိမ်နော နောင်းနိရွှီလူးတဝိုး။ 6ကိုယ်တော်နီနေရာဝါ မွက်သေးရ။ ယဝဟော့ အဒူးဒွန်းနာဟော့ပြန်လော့ အဟိုင်ဘော်ဟီ။ ယဝဟော့ ဂါလိလဲယာ ယလော့အဟောက်ဝဟော့ ဝဲ့ သတိလာ့ဘွေ့တို့။ 7ချောင်စိုးနော်ဝါ ဒုစရိုက်အပြစ်စိုးဝဲ့ ကွက်တာအအွပ်သိုင်။ ယနိလော့ ချောင်စိုးနော်ဝါ လက်ဝါးကပ်တိုင်ငါ တောင်လော့သဲ့ ယနိသုတ်ကိုင် ဆိတ်လော့ဟော့ ယဝဟော့ နှုတ်ထုံအကြာကနို ပြန်လော့ အဟိုင်ဘော်ဝိုင်း သိမ်အဟောက်ဝတ်ဆိတ်ကမိုး" သိမ်ယနိဟောက်။ 8အနီပိစ အနီနှတိုးနူးဝဲ့လော့ ကိုယ်တော်ယေရှုလော့အဟောက်ဝဟော့ဝဲ့ သတိယနိလာ့လူး။ 9စူဝါဟော့ ပြန်ဘော်အလော့သဲ့ သာဝက ပေန်းပေါင်းဟာလက်ရောတ်လော့ အရာချောင်အားလုံးငါနီအကြောင်းအရာစုံအုံ ယနိဟောက်ပိတ်။ 10သာဝကဝဲ့ယာ နီအကြောင်းအရာဝဲ့ဟောက်ပိတ်ဟော့ချောင်ငဲ့ယဟော့ မာဂဒလမြို့ဝါအွမ်းဟော့ မာရိ၊ ယောဟန္န၊ ယာကုပ်နူအူ ဖြစ်ဟော့ မာရိလော့ အရာနှတိုးနူးဝဲ့ ယနိဖြစ်။ 11ဆိတ်လော့ဟော တပည့်တော်ဝဲ့လော့ အနီနှတိုးနူးဝဲ့လော့ယနိဟောက်ဝဟော့ပေါလ်ဝဟော့ အဓိပ္ပာယ်မွက်ရသိမ်ယနိခင်းကြောင်းငို ယနိလော့ ရွမ်အွမ်နောက်ကအို့။ 12ဆိတ်လော့ဟော ပေတရုလော့ စူခူဝါစွန်းလော့သဲ့ စိလော့သဲ့ အဒိက်ကာအသိုင်းပိ ယေရှုအပွန်း ခွန်းတအုံ အနီအပွန်းနာ ယနိပတ်တဟော့ အထည်ရဲ့နော အမှုတို့။ နီကြောင်းငို ယလော့ အနီအဖြစ်အပျက်သဲ့ အံ့ဩလော့ အင်းနာအပြန်ဘော်တို့။
ကိုယ်တော်ဝိုခွန်းအွမ်ဟော့ တပည့်တော်ပေန်းဟိ
(မာကု ၁၆.၁၂-၁၃)
13အနီနှုတ်တာ ကိုယ်တော်ယေရှုတပည့်တော် ဒိက်ကာဟော့ ပေန်းဟိဝဟော့ ဂျေရုဆလင်နာဟော့ မိုင်ရှေ့ဘောင်းလှိုးဟော့ ဧမောက် နန်းနာယဟိစိတို့။ 14လွန်းနာ ယဟိလော့ ကိုယ်တော်ယေရှုအကြောင်း အဖြစ်သဟော့အကြောင်းအရာဝဲ့ ဆွေးနွေးဟိလော့ ယနိစိ။ 15အလှောက်ကာ ပေန်းနောတ်လော့ပေန်းနောတ် အပြန်အလှန်ဆွေးနွေးဟိလော့ ယဟိစိတွန်နာ ကိုယ်တော်ယေရှုကပ်အပ်လူးလော့သဲ့ ယဟိရိုအတွက်တူဝါ ကြောင်းအောင်ဟိလော့ အလူးပိ။ 16ဘုရားရှင်လော့ ယနိယာ ကိုယ်တော်ယနိမှတ်မိရိုင်တောတ် အကာကြောင်းငို ယဟိလော့ ကိုယ်တော်မှူးလာ့လော့ဟော မှတ်မိရဟိ။ 17ကိုယ်တော်လော့ "နောင်ဟိလော့ လွန်းစိလွှေရို ဘောင်းအကြောင်းနော နောင်းဟိဟောက်ဝိုး" သိမ်အစက်ပိစ ယဟိယဟော့ အမွှန်းစာန်ညှိုးလော့သဲ့ ယဟိယားတို့။ 18ယဟိဒိက်ကာဟော့ ကလောဖသိမ်ဟောက်ဟော့ချောင်လော့ ကိုယ်တော်ဝါ "အကျန်ဟောတ်တဟော့ နှုတ်သဲ့ယာ ဂျေရုဆလင်နာ ဘောင်းငဲ့ အဖြစ်မာက်သိမ်မှတ်ငှားဟော့ နောင်းပေန်းနောတ်လော့နော မှတ်တသိမိုး" သိမ်အဟောက်။ 19ကိုယ်တော်လော့ "ဘောင်းငဲ့ အဖြစ်တောတ်တိုး" သိမ် အစက်ဘော်ပိစ အနီချောင်လော့ "နာဇရက်မြို့ဝါဟော့ ယေရှုအဖြစ်သဟော့ ကဟောက်လွန်း။ ယလော့ ဘုရားရှင်လော့ ချောင်မနဲရှေ့ယာ ကြီးကျယ်ဟော့ မအံ့ဩဗုန်းငဲ့ စိုင်းရွတ်လော့သဲ့ ဝမ်းမြောက်ဝမ်းသာ မင်္ဂလာသတင်းအပွယ်ယဟော့ ဟောက်ဝတ်ဟော့ ပရောဖက်ပါးဝတ်အဖြစ်။ 20ဆိတ်လော့ဟော ကနိပုရောဟိတ်အကြီးအကဲရဲ့လော့ ဂျုးခေါင်းဆောင်ငဲ့လော့ ယမမ်းအလော့သဲ့ ရောမအင်ပါယာ ကွက်တာယနိအွပ်။ အနီအာဏာပိုင်ငဲ့လော့ ယဝါ သေဒဏ်အချောက်ကြောင်းငို ယဝဟော့ လက်ဝါးကပ်တိုင်ငါ သံမှိုဝါဝှေ့အလော့ ယနိသုတ်။ 21အနီအရှင်လော့ ကနိအစ္စရေးဗုန်းအပေါင်းငဲ့ယာ ဟဲ့ရိုင်ယဟော့အရှင်အဖြစ်သိုင်သိမ် ကနိလော့ ကနိမျှော်လင့်အင့်နောတ်။ ဆိတ်လော့ဟော နီအဖြစ်အပျက်အားလုံးငဟော့ အကျန်နောတ်ဟော့ နှုတ်ထုံနာ အဖြစ်ပုန်ဟီ။ 22ဆိတ်လော့ဟော ကနိ အဖွေ့ဒိက်ကာဟော့ နှတိုးနူးတချို့လော့ ကနိယာ မအံ့ဩဗုန်းငဲ့ ယနိဟောက်ပိတ်။ ယနိလော့ တနှုတ်အညေးလွန်းစောစော စူဝါ ယနိစိပိစ 23ကိုယ်တော်အရုတ်ခွန်းနအို့။ ယနိပြန်လူးဘော်လော့သဲ့ နောတ်ဒေဝါတချို့ခွန်းအလော့သဲ့ အနီနောတ်လော့ ကိုယ်တော်ဝဟော့ အရှောက်အဟိုင်ဘော်ဟီ သိမ် ယနိဟောက်ဝတ်အကြောင်းငဟော့ ကနိယာအဟောက်ပိတ်။ 24အနီပုန်ပိ ကနိဒိက်ကာဟော့ ချောင်တချို့လော့ဟော့ စူဝါယနိသိုင်းငေတ်တာ အနီနှတိုးနူးဝဲ့လော့ ယနိဟောက်လှောက်ကာဖြစ်လော့သဲ့ ယနိလော့ဟော ကိုယ်တော်ယေရှုအရုတ် ခွန်းသဘော်ဝအို့" သိမ်ယနိဟောက်။ 25အနီပုန်န်ပိ ကိုယ်တော်လော့ ယဟိယာ "နောင်နိပိုင်သိမ်ကြောင်းငိုနော ရောက်စူးဝတွက်ရိုး။ ပရောဖက် သဲ့လော့ ယနိဟောက်ဝဟော့အရာဝဲ့ယဟော့ နရွမ်အွမ်နောက်ကိုင်း ပိုင်ကြောင်းငိုနော နောင်နိနှောင့်နှေးတဝိုး။ 26ကယ်တင်ရှင် မေရှိယ ဝဟော့ ယဘုန်းတန်ခိုးတော်ဝဲ့ အလအငှားမောင်ငို ဒုက္ခဝေဒနာဝဲ့ အခံစားလာ့ဝိုင့်သိမ် မှတ်သသို့မိုး" သိမ်အဟောက်တို့။ 27အနီပုန်ပိ မောရှေလော့ ပရောဖက်သဲ့ ကျမ်းနာဟော့ မေရှိယဝိုအပတ်သက်အက်သဟော့ အကြောင်းငဟော့ အဟောက်ဝဟော့တကား အဓိပ္ပာယ်ယဟော့ ယဟိယာ အရှင်းပြ။ 28ယဟိပေန်းဟိယဟိစိဒွန်း နန်းစိမ်းငါယဟိဖိုးပိစလော့ ကိုယ်တော်ဝဟော့ အလှိုးဝါဆက်လော့အစိရိုင်ပုံစံ ယဟိမှု။ 29ယဟိလော့ "ခုနီမူလော့သဲ့ ကီးကယ်နောက်အကျဟီကြောင်းငို ကဟိဟွေးတူအတွက်တူဝါ သိုင်အိုင်ရဲ့" သိမ်ကိုယ်တော်ဝါ အဖိတ်ခေါ်။ အနီကြောင်းငို ကိုယ်တော်လော့ ယဟိဟွေးတူ အင်းဒိက်ကာ အသိုင်းအိုင်ရိုင်တောက် အဝေါင်းသို့။ 30ယဟိရိုအတွက်တူဝါ အေးရိုင်တောတ် ယနိငုံးပိစ ကိုယ်တော်လော့ ပေါင်မုန့် ခိုက်လော့သဲ့ ဘုရားဂုဏ်တော် အချီးမွမ်း။ ပေါင်မုန့်ငဟော့ ဖိုင့်လော့သဲ့ ယနိယာ အပိတ်။ 31အနီပိစ ယဟိယာ ပြန်လော့အမှုဝဟော့ အာရုံ အဖွင့်ပိတ်ကြောင်းငို ယဟိလော့ ကိုယ်တော် ယဟိမှတ်မိတို့။ ဆိတ်လော့ဟော အနီယာပ ကိုယ်တော်ဝဟော့ ယနိစိမ်းငါဟော့ အကျုပ်ဘော်တို့။ 32အနီချောင်ငဲ့လော့ဟော "လွန်းနာ ကိုယ်တော်လော့ မဟိယာ ကျမ်းစိုဝဲ့ အရှင်းပြဟနို မဟိစိတ်ကာ ယဝဟော့ ရင်းရင်းနှီးနှီးကမှတ်အပ်သိမ်မခံစားလာ့ဆိတ်ကမိုး" သိမ်အချင်းချင်းဟောက်အောက်တို့။ 33အနီပုန်ပိ ယဟိပေန်းဟိ ချက်ချင်းထောန်ဟိလော့သဲ့ ဂျေရုဆလင်နာ ယဟိပြန်ဘော်ပိစ သာဝကပေန်းပေါင်းဟာလက်ရောတ်တဟော့ အရာချောင်ငဲ့ရို စုအုအလော့ယနိအွမ်းနဟော့ ယဟိခွန်းတို့။ 34စုအုအလော့အွမ်းဟော့ချောင်တကားလော့ ပြန်လော့ဖိုးလူးဘော်ဟောချောင်ပေန်းဟိယာ "ကိုယ်တော်ယေရှုဝဟော့ အဒူးဒွန်းနာဟော့ တကယ့်တကယ်ပ အရှောက်ဟိုင်လူးဘော်လော့သဲ့ ရှိမုန်ငါအဖူးခွင့် အပိတ်" သိမ်ယနိဟောက်။ 35အနီပိစ ဧမောက်နန်းနာဟော့ ချောင်ပေန်းဟိလော့ဟော လွန်းနာ အခွန်းနောတ်လာ့တကားလော့ ပေါင်မုန့်အဖိုင့်ပိတ်ပုန်ပိစ ကိုယ်တော်ယေရှုနောအဖြစ်သိမ် အမှတ်လာ့ဝဟော့ ဝဲ့ ယဟိဟောက်ပိတ်တို့။
ခရစ်တော်လော့တပည့်တော်ဝဲ့ယာ ကိုယ်ထင်အပြအဝဟော့
(မဿဲ ၂၈.၁၆-၂၀။ မာကု ၁၆.၁၄-၁၈။ ယောဟန် ၂၀.၁၉-၂၃)
36နီလှောက်ကာ တပည့်တော်ဝဲ့လော့ အနီအကြောင်းအရာအဖြစ်အပျက်သဟော့ဝဲ့ ယနိဟောက်တွန်နာ ကိုယ်တော်ဝဟော့ ယနိလိုင်ယာ ကိုယ်ထင်ပြအလော့သဲ့ ယနိယာ "ဘုရားရှင်လော့ နောင်နိယာ ငြိမ်းချမ်းခြင်းနဟော့ အပိတ်ဆီးဘွေ့" သိမ်အဟောက်။ 37ဆိတ်လော့ဟော တပည့်တော်ဝဲ့လော့ ခွက်ရိုင်ယနိမှုလာ့သိမ် ခင်အလော့ ယနိကေ့တို့။ 38ဆိတ်လော့ဟော ကိုယ်တော်လော့ "နောင်နိပိုင်ကြောင်းငိုနော နောင်နိကေ့အေရိုး။ ပိုင်ကြောင်းငိုနော ရွန်အွမ်ငှားသလော့ သံသယ နောင်နိဝေါင်းငိုး။ 39ကေ့ကွက်သဲ့၊ ကေ့ခူးဝဲ့အသိုင်ငဲ့တို့။ ကေ့ယဟော့အထိစုပ်ကဲ့သို့။ ခွက်ရိုင်ယာ အရုဝဲ့အန်ဆွန်းမွက်ရ။ ကေ့ယာသဲ့ နောင်နိမှုလာ့လှောက်ကာ အရုဝဲ့အဆွန်းနဲ့အမွက်" သိမ်အဟောက်တို့။ 40အလှောက်ကာဟောက်လော့သဲ့ ယကွက်လော့၊ အခူးဝဲ့ အပြအတို့။ 41တပည့်တော်ဝဲ့လော့ဟော့ ကီးကယ်ပျော်အလို့သဲ့ ကိုယ်တော်အရှောက်အဟိုင်ဟွန်းနဟော့သဲ့ ရွန်အွမ်နောက်ခုငှားအုံ ယနိအံ့ဩ။ နီကြောင်းငို ကိုယ်တော်လော့ ယနိယာ "မအေးဗုန်းအုဝတ်ဟိအမွက်မိုး" သိမ်အစက်။ 42အနီပိစ ယနိလော့ ငိုးကင်း ဘောင်းငေါတ် ယနိပိတ်။ 43ကိုယ်တော်လော့ ယနိရှေ့ယာ အအေး။
ကိုယ်တော်ယေရှုလော့ ယနောက်လိုက်တပည့်တော်ဝဲ့ရာ နောက်ဆုံးညွှန်ကြားချက် အပိတ်ငဟော့
44အနီပုန်ပိ ကိုယ်တော်လော့ "မောရှေပညတ်ကျမ်းလော့ ပရောဖက်သဲ့ စိုအုပ်ကဲ့လော့၊ ဆာလံကျမ်းနဲ့ယာ ကေ့အကြောင်းအပိုဝဟော့လှောက်ကာတကယ်အဖြစ်လူးဝိုင့် သိမ် နောင်နိယာ ကဟောက်ဝဟော့ ကေ့အကြောင်းအရာဝဲ့ယဟော့ တိုဝါ အဖြစ်လူးဝဟော့အဖြစ်" သိမ်အဟောက်။ 45အနီပုန်ပိစ ကျမ်းစိုယနိရောက်စူးခုဝိုင့်တောတ်တပည့်တော်ဝဲ့ယာ သွန်သင်လော့သဲ့ လွန်းအပြပိတ်။ 46အနီပုန်ပိ ယနိယာ "ကျမ်းစိုဝဲ့ယာ မေရှိယဝဟော့ ဆင်းရဲ့ဒုက္ခဝဲ့ခံစားလာ့လော့သဲ့အဒူဝိုင်း။ နှုတ်ထုံအဖိုးဟော့နှုတ်တာ အဒူဒွန်းနာဟော့ ပြန်လော့အဟိုင်လူးဘော်ဝိုင်း။" 47အနီပုန်ပိ ကိုယ်တော်ယေရှုလော့ "နောင်တလာ့ဝိုင့်လော့ ဒုစရိုက်အပြစ်သဲ့ အတောတ် ခွင့်လှို့အခွန်းအွမ်လာ့ဝိုင့်တောတ် ဂျေရုဆလင်နာဟော့စလော့ ချောင်တကားဝါ အဟောဝိုင့် သိမ်အပို။ 48အနီကြောင်းငို နောင်နိယဟော့ နီအဖြစ်အပျက်သဲ့အတောတ် အမိတ်ကိုမှူးလာ့ဟော့ သက်သေနောင်နိဖြစ်။ 49ကေ့ယဟော့ ပအောင်ဘုရားရှင်လော့ ကတိအပိတ်အိပ်လှောက်ကာ နောင်နိငှာ ဘုရားရှင်အမွင်ချိုလှို့ဟလော့ ကသက်ရောက်ရှောက်ကိုင်။ နီကြောင်းငို နောင်နိယဟော့ ရွှေမြို့တော်ဝါဟော့ တန်ခိုးအပိတ်ကဟော့ အချိန်စို့ ဂျေရုဆလင်နာ အစုန်းဘွေ့တို့" သိမ်အဟောက်။
ကိုယ်တော်ယေရှု ရွှေမြို့တော်ဝါအပြန်နဟော့
(မာကု ၁၆.၁၉-၂၀)
50အနီပုန်ပိ ကိုယ်တော်ဝဟော့ တပည့်တော်ဝဲ့ ဘိက်အိပ်လော့သဲ့ဗေသနိနန်း ကြောင်နေရာဝတ်တာ အစိတို့။ အနီနေရာဝါ အဖိုးပိစ တပည့်တော်အားလုံးအတွက် အကွက်မြှောက်အောက်လော့သဲ့ ကောင်းချီးပိတ်။ 51အနီပုန်ပိစ ကိုယ်တော်ယေရှုဝဟော့ ရွှေမြို့တော်ဝါ အကွယ့်တို့။ 52တပည့်တော်ဝဲ့လော့ ကိုယ်တော်ယေရှုဝါ ဒူးထောက်အလော့ ခို့အလော့သဲ့ ပျော်အလော့သဲ့ ဂျေရုဆလင်နာ ယနိပြန်တို့။ 53ဂျေရုဆလင်မြို့ဝါ ယနိဖိုးပိစ ဘုရားကျုံငါ ဘုရားရှင်ဂုဏ်တော်ဝဟော့ အမြဲမပြတ်ငှားအုံ ချီးမွမ်းအလော့ ယနိအွမ်းတို့။
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.