လုကာ 23
23
အခန်း (၂၃)
ကိုယ်တော်ယေရှုငဟော့ ပိလတ်ရှေ့ဝါ အစစ်ဆေးယဟော့
(မဿဲ ၂၇.၁-၂၊ ၁၁-၁၄။ မာကု ၁၅.၁-၅။ ယောဟန် ၁၈.၂၈-၃၈)
1အနီပုန်ပိ ဂျူးခေါင်းဆောင်အားလုံးလော့ ကိုယ်တော်ယေရှုဝါ ရောမဘုရင်ခံပိလတ်ကွက်တာ ယနိဘိက်အိပ်တို့။ 2အနီချောင်ငဲ့လော့ "နီချောင်ငဟော့ ဧကရာဇ်#23.2 ဧကရာဇ်သဟော့ အင်ပါယာသိမွက်ဟော့ တိုင်းပြည်ယဟော့ အုပ်ချုပ်ဟော့ချောင်အဖြစ်။ ဧကရာဇ်သဟော့ ရှန်ပလာန်းထောက်ကာ အသာအာ။ သာ အခွန်ပိတ်ငှားအုံ ငါးအာလော့သဲ့ ယလုန်တ မေရှိယ သိမ်ဟောက်ဟော့ ရောမရှန်ပလာန်းပါးဝတ်အဖြစ်သိမ် ဟောက်လော့သဲ့ ချောင်ငဲ့ လွန်းမှားဖိုးအုံ အလှို့ဆော်ဝဟော့ ကနိကနိခွန်းလာ့" သိမ် ပိလတ်ရှေ့ယာ ကိုယ်တော်စွပ်စွဲအလော့ယနိဟောက်။ 3ပိလတ်လော့ ကိုယ်တော်ယေရှုဝါ "နောင်းငဟော့ ဂျူးချောင်ဗုန်းငဲ့ ဘုရင်နဆိတ်မိုး" သိမ်စက်ပိစ "နောင်နဟောက်ဝဟော့အဆိတ်" သိမ်ကိုယ်တော်လော့ ပြန်လော့အဟောက်ဘော်။ 4ပိလတ်လော့ ပုရောဟိတ်အလင်းကဲ့ရဲ့လော့ ချောင်ငဲ့ပါတ်တို့သိုင်လော့သဲ့ "ယဝါ အပြစ်အုဝတ်ဟော့ ကေ့ခွန်းနငှူ" သိမ်အဟောက်။ 5ဆိတ်လော့ဟော ယနိအားလုံးလော့ "နီချောင်ငဟော့ ဂါလိလဲအရပ်တာဟော့စလော့ ယုဒပြည်အုဝတ်လုံးငါ ချောင်ငဲ့ငါ ရုန်းရင်းဆန်ခတ်ဖြစ်အုံ လှို့ဆော်လော့သဲ့ တိုဝါနီနေရာဝါဟော လူးလော့သဲ့အလှို့ဆော်" သိမ်အခိုင်အမာယနိဟောက်။
ပိလတ်လော့ ကိုယ်တော်ယေရှုငဟော့ ဟေရုဒ်ငွါ အစိယဟော့
6အလှောက်ကာအဟောက်ဝဟော့ ပိလတ်လော့အယောက်ပိစ "နီချောင်ငဟော့ ဂါလိလဲနယ်ယာဟော့ အဆိတ်မိုး" သိမ်အစက်။ 7အနီပုန်ပိ ကိုယ်တော်ဝဟော့ ဟေရုဒ်အုပ်ချုပ်ဟော့ ဂါလိလဲပြည်ယာဟော့အဖြစ်သိမ် အမှတ်ပိစ အနီချိန်ငါ ဟေရုဒ်ဟော ဂျေရုဆလင်နာအဖိုးကြောင်းငို ကိုယ်တော်ဝဟော့ ဟေရုဒ်ငှာ အထို့တို့။ 8ဟေရုဒ်ဝဟော့ ကိုယ်တော်ယေရှုအကြောင်းငဟော့ယောက်လာ့လော့သဲ့ အခွန်းအွမ်ငှူးဝဟော့အကြာဟီကြောင်းငို ကိုယ်တော်အခွန်းလာ့ပိစလော့ ကီးကယ်အပျော်လှိုင်း။ ယလော့ ကိုယ်တော်ယေရှုလော့ အစိုင်းယဟော့ မအံ့ဩဗုန်းအမှုအရာဝဲ့အုဝတ်ဟိမှုလာ့ဝိုင့်တောတ် အမျှော်လင့်အင့်။ 9နီကြောင်းငို ဟေရုဒ်လော့ ကိုယ်တော်ဝါ မေးခွန်းမနဲစက်လော့ဟော ကိုယ်တော်လော့ အုဝတ်ဟောဖြေယ။ 10အနီပုန်ပိစ ပုရောဟိတ်အကြီးအကဲရဲ့လော့ ကျမ်းဟယ်ဟော့ဆရာဝဲ့လော့ ထောင်အလော့သဲ့ ကိုယ်တော်ဝါ အပြင်းအထန်ယနိစွပ်စွဲ။ 11ဟေရုဒ်လော့ ယရဲမက်သဲ့လော့ ကိုယ်တော်ဝဟော့လှောင်အလို့ နွိနောက်အလော့ ကိုယ်တော်ဝါ ရှန်ပလာန်းလှောက်ကာ တန်ဖိုးလင်းဟော့ အောင်းကျီရှို့အို့ရှောက်အလော့ ပိလတ်ဘုရင်ခံငှာ ပြန်လော့ယနိထို့ဘော်။ 12ဟေရုဒ်လော့ ပိလတ် လကိုးဝါရန်ဖက်သဲ့ဖြစ်လော့ဟော အနီနှုတ်တာနော မိတ်ဆွေရဲ့ ယဟိဖြစ်တို့။
ကိုယ်တော်ယေရှုငဟော့ အဒူးဒဏ်အချောက်အခေါင်းအောင်လငဟော့
(မဿဲ ၂၇.၁၅-၂၆။ မာကု ၁၅.၆-၁၅။ ယောဟန် ၁၈.၃၉-၁၉.၁၆)
13ပိလတ်ဘုရင်ခံလော့ ပုရောဟိတ်အကြီးအကဲရဲ့၊ ဂျူးဘာသာရေးခေါင်းဆောင်ငဲ့လော့ ချောင်ပရိတ်သတ်သဲ့ ဘိတ်အိပ်လော့တဲ့ 14"အနီချောင်ငဟော့ တိုင်းပြည်ဆူအုံအလှုံ့ဆော်သိမ် ဟောက်သလော့ နောင်နိ ကေ့ငှာ နောင်နိလူး။ ဆိတ်လော့ဟော နောင်နိရှေ့ယာပ စစ်ဆေးဟလော့ဟော နောင်နိလော့ နောင်နိစွပ်စွဲလှောက်ကာ အပြစ်သဲ့ အကျူးလွန်နဟော့ ခွန်းလာ့ငှူ။ 15ဟေရုဒ်လော့ဟော ယဝဟော့ အပြစ်ရွှီလော့သဲ့ခွန်းနကြောင့်ငို ယဝဟော့ ဘောင်းအပြစ်ဟောပိတ်တအုံ ကေ့ငှာပြန်လော့ အထို့ဘော်။ နီချောင်ငဟော့ ဒူခုအုံအပြစ်အုဝတ်ဟောမွက်ရ ယဟော့ အထင်ရှား။ 16နီကြောင်းငို ယဝါ ကြိမ်ဒဏ်ပိတ်ဟလော့ကလှို့ဝိုင့်" သိမ်အဟောက်။ 17ပိလတ်လော့ အနလှောက်လာဝဟော့ ပသခါပွေးယာ ထုံငါကျောက်ဟော့ချောင်ငဲ့ဟာဟော့ ပေန်းနောတ် အလှို့ပိတ်လာ့ဝဟော့ ထုံစံကြောင်းငိုအဖြစ်။#23.17 တစ်ခြားသော ကျမ်းများတွင် ၏ကျမ်းပိုဒ်မပါ 18ဆိတ်လော့ဟော ချောင်အားလုံးလော့ နီချောင်သုတ်သလော့သဲ့ ဗာရဗ္ဗ အလှို့ပိတ်ကဲ့ သိမ်ပါန်အာန် အလို့သဲ့ ယနိတောင်းဆို#23.18 ဤနေရာ၌ လူထုပရိသတ်ဆိုသည်မှာ ဂျူးပုရောဟိတ်အကြီးအကဲများ၏လူများဖြစ်သည်။။ 19ဗာရဗ္ဗ ဝဟော့ မြို့ဒိက်ကာ အဖြစ်သဟော့ ပုန်ကန်မှုလော့ ချောင်သုတ်ဟော့ အမှုဝဲ့ ကျူးလွန်ဟော့ချောင်ဖြစ်လော့သဲ့ အပြစ်ဒဏ်အကြောက်။ 20ပိလတ်လော့ ကိုယ်တော်ယေရှုဝဟော့ အလှို့ပိတ်ကိုင်း အလိုအိုကြောင်းငို ချောင်ထုလော့ ဘာသာရေးခေါင်းဆောင်ငဲ့ယာ အရာပတ်တောတ် အစက်။ 21ဆိတ်လော့ဟော ယနိလော့ "ယဝဟော့ လက်ဝါးကပ်တိုင်ငါတောင်သလော့သုတ်ဘွေ့တို့" သိမ်နော ထောတ်လော့သဲ့ ဆက်အလော့ ယနိတောင်းဆိုအို။ 22အနီပိစ ပိလတ်လော့ "ယဝဟော့ ပိဘောင်းပြစ်မှုဝဲ့အကျူးလွန်ကြောင်းငိုဝိုး။ ယဝါ သေဒဏ်ပိတ်ခုအုံ အပြစ်ကဟော့ ကေ့မှူးဝငှူ။ နီကြောင်းငို ယဝါ ကြိမ်ဒဏ်ပိတ်ဟလော့ ကလှို့ပိတ်ကိုင်း" သိမ် ပါတ်ထုံမြောက်အဟောက်။ 23ဆိတ်လော့ဟော ချောင်ပရိတ်သတ်သဲ့လော့ "ကိုယ်တော်ယေရှုဝဟော့ လက်ဝါးကပ်တိုင်ငါတောင်သလော့ သုတ်ကဲ့" သိမ် ပိလတ်လော့ လိုက်လျောငှားရှောင်ရှေ့ အလုတ်လုတ်ကာ ယနိပါန်အာန်။ 24နောက်ဆုံးငါ ချောင်ငဲ့လော့ယနိတောင်းဆိုလှောက်ကာ ပိလတ်ဘုရင်ခံလော့ဟော လိုက်လျောလော့သဲ့ 25ယလော့ ချောင်ပုရိတ်သတ်သဲ့လော့ အလှို့ရှောက်ဝိုင့်ဟော့ ပုန်ကန်မှုလော့ လူသတ်မှုဝဲ့ဝို ကျူးလွန်လော့သဲ့ထုံငါ အပြစ်ကျောက်ဟော့ ရာဇဝတ်သား ဗာရဗ္ဗ အလှို့ပိတ်လော့သဲ့ ကိုယ်တော်ယေရှုဝဟော့ ယနိလော့ ဆန္ဒလှောက်ကာ ယနိစိုင်းရိုင်းတောတ် ယနိငှာအလွှေးပိတ်တို့။
ကိုယ်တော်ယေရှု လက်ဝါးကပ်တိုင်ငါ တောင်အလော့တဲ့ ယနိဒုတ်ငဟော့
(မဿဲ ၂၇.၃၂-၄၄။ မာကု ၁၅.၂၁-၃၂။ ယောဟန် ၁၉.၁၇-၂၇)
26ရဲမက်သဲ့လော့ ကိုယ်တော် ယနိစိအိတွန်းနာ ကုရေနေအရပ် သာဟော့ ရှိမုန်သိမ်ဟောက်ဟော့ချောင် ယနိမှုပိစ လမ်းရှူအလော့တဲ့ ကိုယ်တော်နှိုးဝိုလက်ဝါးကပ်တိုင် ကို့လော့သဲ့ အတွန်းအွမ်ရှောက်။ 27ချောင်မနဲရိုအတွက်တူဝါ ကိုယ်တော်အတောတ် အလုန်ဗုန်းထုအုလော့သဲ့ ကဟော့နှတိုးနူးဝဲ့ယဟော့ ကိုယ်တော်နှိုးဝို ယနိတွန်းအွမ်။ 28ကိုယ်တော်လော့ အနီချောင်ပေါတ်တို သိုင်လော့သဲ့ "ဂျေရုဆလင်နာဟော့ နှတိုးဝဲ့ယော၊ ကိုယ်တော်အတောက် ကဝိုင်သို့။ နောင်နိ အတောတ်လော့ နောင်နိစိုးနောင်အတွက်နောကဘွေ့တို့။ 29'အစိုးလာ့အခုငှားဟော့နှတိုးနူး၊ ကိုယ်ဝန်မွက်ဖူးငှားဟော့ အဟုန်တုံးလော့ စွိအပိတ်အိပ်ဖူးငှားဟော့ နှတိုးနူးဝဲ့နော ကံယနိပွယ်' သိမ် ချောင်မနဲလော့ ယနိဟောက်ဝိုင့်ယဟော့နှုတ်သဲ့ အဖိုးလူးဝိုင့်။ 30အနီကာလဝါ ချောင်ငဲ့လော့ တုံငဲ့ဝါ 'ကနိအပေါ်ဝါ အပြိုနောက်ဘွေ့' သိမ်ပဆိတ်ကဆိတ်။၊ တုံကုန်းငဲ့ဝါ 'ကနိယာ အကွက်ဘွေ့တို့' သိမ်ပဆိတ်ကာဆိတ် နောင်နိတောင်းဆိုအိုဝိုင့်။#23.30 ဗျာဒိတ်ကျမ်း (၆း၁၆) တရားဟောရာကျမ်' ၁၀း၈ 31အဟိုင်စိမ်းဟော့ထိန်းလှောက်ကာ အပြစ်ကင်းဟော့ကေ့ယာပ နီလှောက်ဆိုးရွားဟော့ အဖြစ်ကနို စာလာက်ဟော့ထိန်းလှောက်ကာ အပြစ်သဲ့မွက်ဟော့ နောင်နိယာ ဘောင်းခါအဖြစ်လူးဝိုင်းရိုး" သိမ်အဟောက်တို့။ 32အရာရာဇဝတ်သားပေန်းဟိဟော ကိုယ်တော်ဝိုအတွက်တူဝါ ယနိသုတ်ကိုင် ယနိဘိက်အိပ်တို့။ 33အလူဟုတ်သိမ် အမိန်မွက်ဟော့တုံကုန်းပုဝါအဖိုးပိစ ရောမစစ်သားဝဲ့လော့ ကိုယ်တော်ဝဟော့ လက်ဝါးကပ်တိုင်ပေါ်ဝါတောင်အလော့သဲ့ သံနိုယနိဟွေ့။ ကိုယ်တော်ဝို ဖောဝတ်စီယာ ရာဇဝတ်သားပေန်းဟိဟော ကိုယ်တော်ဝိုလောက်ပွန်ပါတ်တို ပေန်းနောတ်၊ ခက်တုံးပေါတ်တိုပေန်းနောတ် လက်ဝါးကပ်တိုင်ပုဝါတောင်အလော့ သံနိုယနိဟွေ့။ 34အနီပိစ ကိုယ်တော်လော့ "ပအောင်ဘုရား၊ ယနိယဟော့ မပဟှိုးလော့ယနိုစိုင်းယဟော့ရှာက် မှတ်တအို့ကြောင်းငို ယနိ ခွင့်လှို့ဘွေ့" သိမ်ဆုအတောင်းအောင်#23.34 အစောပိုင်း ကျမ်းစာတစ်ချို့တွင် ဤကျမ်းပိုဒ်သည် မပါဝင်ပါ။ ရဲမက်သဲ့လော့ဟော ကိုယ်တော်အောင်းကျီရဲ့ အလောင်းအစားစိုင်းအလော့သဲ့ ယနိဖိုင့်အိုင့်#23.34 အဿဲ ၂၇း၃၅ မာကု ၁၅း၂၄ ယောဟန် ၁၉း၂၄ ဆလာလံကျမ်း ၂၂း၁၈။ 35ချောင်ငဲ့လော့ ယားအလော့ယနိသိုင်တွန်နာ ဂျူးခေါင်းဆောင်ငဲ့လော့ ကိုယ်တော်ယေရှုဝါ လှောင်ပြောင်အလော့သဲ့ "ယလော့ အရာချောင်ငဲ့ ကယ်တင်လော့သဲ့ ယဝဟော့ ဘုရားရှင်လော့အဟဲ့ယဟော့ မေရှိယအဆိတ်ကနို ယလုန်တ ကယ်အယ်ပွယ့်ရွှီ့" သိမ်ယနိဟောက်။ 36ရဲမက်သဲ့လော့ဟော ကိုယ်တော်ဝါ လှောင်ပြောင်အလို့သဲ့ ဝိုင်ထူးယနိတောက်#23.36 ဝိုင်ချဉ်ဆိုသည်မှာ အချဉ်ရည်တစ်မျိုးဖြစ်သည်။ နာကျင်မှုများ သက်သာစေရန်အတွက် အသုံးပြုကြသည်။ ယုဒသန် ကျမ်းတွင်ပုံးရည်ဟု ဖော်ပြသည်။။ 37ယနိလော့ ဆက်လော့သဲ့ ကိုယ်တော်ဝါ "နောင်ဟော့ ဂျူးချောင်ဗုန်းဘုရင်နဆိတ်ကနို နောင်းလုံတ ကယ်တင်ဘွေ" သိမ်ယနိဟောက်။ 38နီချောင်ငဟော့ ဂျူးဘုရင်အဖြစ် သိမ် အရေးအေယဟော့ ဆိုင်းဘုတ်ကဟော့ ယလူအပု လက်ဝါးကပ်တိုင်ငါ ချိတ်အလော့ ယနိသောက်။ 39လက်ဝါးကပ်တိုင်ငါ သံနိုအဟွေ့ခွန်းအွမ်လာ့ဟော့ ရာဇဝတ်စိုးပေန်းနောတ်လော့ ကိုယ်တော်ဝါ "နောင်းဟော့ မေရှိယ နဆိတ်ကနို နောင်းလုန်တ ကယ်အယ်သလော့သဲ့ ကဟိဟောအကယ်ရဲ့" သိမ်ကဲ့ရဲ့လော့အဟောက်တို့။ 40ဆိတ်လော့ဟော အရာ ရာဇဝတ်သားပေန်းနောတ်လော့ အနီချောင်ငါ "နောင်းငဟော့ နီချောင်ငိုတူဟော့ အပြစ်ဒဏ်စီရင်နဟော့ခွန်းအွမ်လာ့သလော့ဟော ဘုရားရှင်ကျေ့ယသိမိုး။ 41မဟိယဟော့ အပြစ်မစိုင်းဘာန်ကြောင်းငို အပြစ်မခွန်းအွမ်လာ့ဝဟော့ အတာန်အွမ်။ ဆိတ်လော့ဟော နီချောင်လော့ ဘောင်းအပြစ်ဟောကျူးလွန်န" သိမ်အဟောက်။ 42အနီပုန်ပိ ယလော့ဆက်လော့သဲ့ "ကိုယ်တော်ယေရှု၊ နောင်းငဟော့ ရှန်ပလာန်းပါးဝတ်လှောက်ကာ နအုပ်ချုပ်ကဟော့အချိန်ငါကေ့ နကယ်ရိုင်းသတိလာ့ဘွေ့" သိမ်အဟောက်။ 43ကိုယ်တော်လော့ဟော "နောင်းငါ ကဟောက်လာ့ဝိုင့်နပါ၊ နောင်းငဟော့ တနှုတ်ပ ကေ့ရိုအတွက်တူဝပရဒိသုဘုံ#23.43 ပရဒိသုဘုံသိမ်ဟောက်ဝဟော့ ဖြောင့်မတ်ဟော့ချောင်ငဲ့အရှောက်ယနိဟိုင်ဘော်ဝဟော့လော့ နောက်ဆုံးတရားအစီရင်နိုင်း ယဟော့ စုံးဟော့ငြိမ်းချမ်းဟော့နေရာအဖြစ်။ ငါ မမွက်ရိုင်" သိမ်အဟောက်။
ကိုယ်တော်ယေရှု အဒူးဝဟော့
(မဿဲ ၂၇.၄၅-၅၆။ မာကု ၁၅.၃၃-၄၁။ ယောဟန် ၁၉.၂၈-၃၀)
44အနီအချိန်ငဟော့ အနှုတ်လွန်းအချိန်ဖြစ်လော့ဟော့ အမူလွန်းသုံးနာရီဖိုးအုံ ကမ္ဘာအုဝေါတ်လုံးငဟော့ အာကာဝဟော့အကိုင်မာက်။ 45ခွနီအဝါန်းငဟော့ ကျုံလော့သဲ့ အုပ်ကဟော့ သလကာဝဟော့#23.45 ဗိန်မာတော်ရှ မြင့်မြတ်နေရာနဲ့ မြင့်မြတ်ဆုံးရှိနေရာမှာ ကာထားသော် ထူပြီးကြီးသော် ကန့်လန့်ဖြစ်၏။ ဖောအိယာ အအာက်တို့။ 46အနီအချိန်ငါ ကိုယ်တော်လော့ အလုတ်လုတ်ကာ "ပအောင်ဘုရားအကွက်ဒိတ်ကာ ကေ့ဝိညာဉ်တော်ဝဟော့ ကအွပ်#23.46 ဆာလံကျမ်း ၃၁း၅" သိမ်ဟောက်လော့သဲ့ အရှောက်စွန့်တို့။ 47အနီအဖြစ်အပျက်သဟော့မှူးဟော့ တပ်မှုးလော့ ဘုရားရှင်ဂုဏ်တော်ဝဟော့ ချီးမွမ်းလော့သဲ့ "နီချောင်ငဟော့ တကယ့်တကယ်ဖြောင့်မတ်လော့ မှန်ကန်ဟော့ချောင်အဖြစ်" သိမ်အဟောက်တို့။ 48နီကားစင်နာတောင်ဟော့အနိဌာရုံမြင်ကွင်းနဟော့ အသိုင်ငိုင် စုအုအလော့လူးဟော့ ချောင်ထုပရိတ်သတ်လင်လော့ ကိုယ်တော်အဖြစ်သဟော့မှူးအလော့သဲ့ အလုန်ဗုန်းအာက်ဝိုင့်လှိုင့်အုံ ဝမ်းနည်းပူဆွေးအလော့ ယနိအင်းနာယနိပြန်တို့။ 49ဆိတ်လော့ဟော ကိုယ်တော်ယေရှု မိတ်ဆွေရဲ့လော့ မို့ဆိုးဝဲ့၊ ဂါလိလဲယာဟော့ လူးပိဟော့ နတိုးနူးဟော့ နိုက်စအောင်အလှိုးဝါယားအလော့သဲ့ ယနိစုန်း။
ကိုယ်တော်ယေရှု သင်္ဂြိုဟ်ငဟော့
(မဿဲ ၂၇.၅၇-၆၁။ မာကု ၁၅.၄၂-၄၇။ ယောဟန် ၁၉.၃၈-၄၂)
50အနီအချိန်ငါ ယုဒပြည်အရိမဿဲအရပ်သာဟော့ ယောသပ်သိမ်ဟောက်ဟော့ ချောင်ပေန်းနောတ်အမွက်။ ယဝဟော့ ဖြောင့်မတ်ဟော့ ချောင်ပွယ်ဖြစ်လော့သဲ့ ဂျူးလွှတ်တော်အဖွဲ့ဝင်ပေန်းနောတ်ဟောအဖြစ်။ 51ယလော့ ယေရှု ယနိသုတ်ကိုင် ကြံစည်ဟော့ အရာလွှတ်တော်အဖွဲ့ဝင်နဲ့ ဆုံးဖြတ်ချက်လော့ ယနိစိုင်းယဟော့ သဘောတူဝတ်တ။ အနီအပြင်နာ နီကမ္ဘာပေါ်ဝါ ဘုရားရှင်သာသနာတော်အဖိုးဝိုင့်ယဟော့ ကီးကယ်လိုအိုဟော့ချောင်ပေန်းနောတ်ဟောအဖြစ်။ 52ယဟော့ ကိုယ်တော်အရုတ်ဟော့ ပိလတ်ဘုရင်ငှာ အတုံးအုံငါ ပိလတ်လော့ ခွင့်အပြုတို့။ 53အနီကြောင်းငို ယလော့ ကိုယ်တော်အပွန်းနဟော့ လက်ဝါးကပ်တိုင်ငါဟော့ အောက်ကာချောက်လော့သဲ့ ပွယ်ဟော့ပိတ်စဝဲ့ရို အပတ်တို့။ အနီပုန်ပိ လုံးသောက်လင်းလုံးငေတ် ယနိဖောက်ကဟော့ နီးဟော့အသောက်အောက်လာ့ငှားဟော့ စူခူအထာဝါ ကိုယ်တော်အပွန်းနဟော့ အပွယ့်ယာအသောက်သို့။ 54အနီနှုတ်တဟော့ သောကြာနှုတ်ဖြစ်လော့သဲ့#23.54 ပြန်ရှင်နေရာနေ့သည် ဥသုပ်နေရောက်ရန် ရှေ့တစ်ရက်၏။ ဥပုသ်နှုတ်အစဝိုင့်ယဟော့ အစောင့်ဟီအဖြစ်။ 55ဂါလိလဲဒေသဝါဟော့ ကိုယ်တော်ဝိုအတွက်တူဝါ လူးပိဟော့နှတိုးနူးဝဲ့ဟော့ စူခူဝဟော့ပဆိတ်ကာဆိတ် ကိုယ်တော်အပွန်း နဟော့ အရှုန်းငဟော့ ယနိခွန်း။ 56အနီပုန်ပိ ယနိယဟော့ အင်းနာပြန်အလော့သဲ့ ကိုယ်တော်ယနိပူဇော်ဝိုင့်တောတ် ရေမွှေးလော့ နံ့သာဝဲ့ ယနိကျာန်။ ဆိတ်လော့ဟော့ ယနိယဟော့ မောရှေဥပဒေပညတ်တော်ကြောင်းငို ဥပုသ်နှုတ်တာ ယနိဒွန်း။
Currently Selected:
လုကာ 23: CEY
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 23
23
အခန်း (၂၃)
ကိုယ်တော်ယေရှုငဟော့ ပိလတ်ရှေ့ဝါ အစစ်ဆေးယဟော့
(မဿဲ ၂၇.၁-၂၊ ၁၁-၁၄။ မာကု ၁၅.၁-၅။ ယောဟန် ၁၈.၂၈-၃၈)
1အနီပုန်ပိ ဂျူးခေါင်းဆောင်အားလုံးလော့ ကိုယ်တော်ယေရှုဝါ ရောမဘုရင်ခံပိလတ်ကွက်တာ ယနိဘိက်အိပ်တို့။ 2အနီချောင်ငဲ့လော့ "နီချောင်ငဟော့ ဧကရာဇ်#23.2 ဧကရာဇ်သဟော့ အင်ပါယာသိမွက်ဟော့ တိုင်းပြည်ယဟော့ အုပ်ချုပ်ဟော့ချောင်အဖြစ်။ ဧကရာဇ်သဟော့ ရှန်ပလာန်းထောက်ကာ အသာအာ။ သာ အခွန်ပိတ်ငှားအုံ ငါးအာလော့သဲ့ ယလုန်တ မေရှိယ သိမ်ဟောက်ဟော့ ရောမရှန်ပလာန်းပါးဝတ်အဖြစ်သိမ် ဟောက်လော့သဲ့ ချောင်ငဲ့ လွန်းမှားဖိုးအုံ အလှို့ဆော်ဝဟော့ ကနိကနိခွန်းလာ့" သိမ် ပိလတ်ရှေ့ယာ ကိုယ်တော်စွပ်စွဲအလော့ယနိဟောက်။ 3ပိလတ်လော့ ကိုယ်တော်ယေရှုဝါ "နောင်းငဟော့ ဂျူးချောင်ဗုန်းငဲ့ ဘုရင်နဆိတ်မိုး" သိမ်စက်ပိစ "နောင်နဟောက်ဝဟော့အဆိတ်" သိမ်ကိုယ်တော်လော့ ပြန်လော့အဟောက်ဘော်။ 4ပိလတ်လော့ ပုရောဟိတ်အလင်းကဲ့ရဲ့လော့ ချောင်ငဲ့ပါတ်တို့သိုင်လော့သဲ့ "ယဝါ အပြစ်အုဝတ်ဟော့ ကေ့ခွန်းနငှူ" သိမ်အဟောက်။ 5ဆိတ်လော့ဟော ယနိအားလုံးလော့ "နီချောင်ငဟော့ ဂါလိလဲအရပ်တာဟော့စလော့ ယုဒပြည်အုဝတ်လုံးငါ ချောင်ငဲ့ငါ ရုန်းရင်းဆန်ခတ်ဖြစ်အုံ လှို့ဆော်လော့သဲ့ တိုဝါနီနေရာဝါဟော လူးလော့သဲ့အလှို့ဆော်" သိမ်အခိုင်အမာယနိဟောက်။
ပိလတ်လော့ ကိုယ်တော်ယေရှုငဟော့ ဟေရုဒ်ငွါ အစိယဟော့
6အလှောက်ကာအဟောက်ဝဟော့ ပိလတ်လော့အယောက်ပိစ "နီချောင်ငဟော့ ဂါလိလဲနယ်ယာဟော့ အဆိတ်မိုး" သိမ်အစက်။ 7အနီပုန်ပိ ကိုယ်တော်ဝဟော့ ဟေရုဒ်အုပ်ချုပ်ဟော့ ဂါလိလဲပြည်ယာဟော့အဖြစ်သိမ် အမှတ်ပိစ အနီချိန်ငါ ဟေရုဒ်ဟော ဂျေရုဆလင်နာအဖိုးကြောင်းငို ကိုယ်တော်ဝဟော့ ဟေရုဒ်ငှာ အထို့တို့။ 8ဟေရုဒ်ဝဟော့ ကိုယ်တော်ယေရှုအကြောင်းငဟော့ယောက်လာ့လော့သဲ့ အခွန်းအွမ်ငှူးဝဟော့အကြာဟီကြောင်းငို ကိုယ်တော်အခွန်းလာ့ပိစလော့ ကီးကယ်အပျော်လှိုင်း။ ယလော့ ကိုယ်တော်ယေရှုလော့ အစိုင်းယဟော့ မအံ့ဩဗုန်းအမှုအရာဝဲ့အုဝတ်ဟိမှုလာ့ဝိုင့်တောတ် အမျှော်လင့်အင့်။ 9နီကြောင်းငို ဟေရုဒ်လော့ ကိုယ်တော်ဝါ မေးခွန်းမနဲစက်လော့ဟော ကိုယ်တော်လော့ အုဝတ်ဟောဖြေယ။ 10အနီပုန်ပိစ ပုရောဟိတ်အကြီးအကဲရဲ့လော့ ကျမ်းဟယ်ဟော့ဆရာဝဲ့လော့ ထောင်အလော့သဲ့ ကိုယ်တော်ဝါ အပြင်းအထန်ယနိစွပ်စွဲ။ 11ဟေရုဒ်လော့ ယရဲမက်သဲ့လော့ ကိုယ်တော်ဝဟော့လှောင်အလို့ နွိနောက်အလော့ ကိုယ်တော်ဝါ ရှန်ပလာန်းလှောက်ကာ တန်ဖိုးလင်းဟော့ အောင်းကျီရှို့အို့ရှောက်အလော့ ပိလတ်ဘုရင်ခံငှာ ပြန်လော့ယနိထို့ဘော်။ 12ဟေရုဒ်လော့ ပိလတ် လကိုးဝါရန်ဖက်သဲ့ဖြစ်လော့ဟော အနီနှုတ်တာနော မိတ်ဆွေရဲ့ ယဟိဖြစ်တို့။
ကိုယ်တော်ယေရှုငဟော့ အဒူးဒဏ်အချောက်အခေါင်းအောင်လငဟော့
(မဿဲ ၂၇.၁၅-၂၆။ မာကု ၁၅.၆-၁၅။ ယောဟန် ၁၈.၃၉-၁၉.၁၆)
13ပိလတ်ဘုရင်ခံလော့ ပုရောဟိတ်အကြီးအကဲရဲ့၊ ဂျူးဘာသာရေးခေါင်းဆောင်ငဲ့လော့ ချောင်ပရိတ်သတ်သဲ့ ဘိတ်အိပ်လော့တဲ့ 14"အနီချောင်ငဟော့ တိုင်းပြည်ဆူအုံအလှုံ့ဆော်သိမ် ဟောက်သလော့ နောင်နိ ကေ့ငှာ နောင်နိလူး။ ဆိတ်လော့ဟော နောင်နိရှေ့ယာပ စစ်ဆေးဟလော့ဟော နောင်နိလော့ နောင်နိစွပ်စွဲလှောက်ကာ အပြစ်သဲ့ အကျူးလွန်နဟော့ ခွန်းလာ့ငှူ။ 15ဟေရုဒ်လော့ဟော ယဝဟော့ အပြစ်ရွှီလော့သဲ့ခွန်းနကြောင့်ငို ယဝဟော့ ဘောင်းအပြစ်ဟောပိတ်တအုံ ကေ့ငှာပြန်လော့ အထို့ဘော်။ နီချောင်ငဟော့ ဒူခုအုံအပြစ်အုဝတ်ဟောမွက်ရ ယဟော့ အထင်ရှား။ 16နီကြောင်းငို ယဝါ ကြိမ်ဒဏ်ပိတ်ဟလော့ကလှို့ဝိုင့်" သိမ်အဟောက်။ 17ပိလတ်လော့ အနလှောက်လာဝဟော့ ပသခါပွေးယာ ထုံငါကျောက်ဟော့ချောင်ငဲ့ဟာဟော့ ပေန်းနောတ် အလှို့ပိတ်လာ့ဝဟော့ ထုံစံကြောင်းငိုအဖြစ်။#23.17 တစ်ခြားသော ကျမ်းများတွင် ၏ကျမ်းပိုဒ်မပါ 18ဆိတ်လော့ဟော ချောင်အားလုံးလော့ နီချောင်သုတ်သလော့သဲ့ ဗာရဗ္ဗ အလှို့ပိတ်ကဲ့ သိမ်ပါန်အာန် အလို့သဲ့ ယနိတောင်းဆို#23.18 ဤနေရာ၌ လူထုပရိသတ်ဆိုသည်မှာ ဂျူးပုရောဟိတ်အကြီးအကဲများ၏လူများဖြစ်သည်။။ 19ဗာရဗ္ဗ ဝဟော့ မြို့ဒိက်ကာ အဖြစ်သဟော့ ပုန်ကန်မှုလော့ ချောင်သုတ်ဟော့ အမှုဝဲ့ ကျူးလွန်ဟော့ချောင်ဖြစ်လော့သဲ့ အပြစ်ဒဏ်အကြောက်။ 20ပိလတ်လော့ ကိုယ်တော်ယေရှုဝဟော့ အလှို့ပိတ်ကိုင်း အလိုအိုကြောင်းငို ချောင်ထုလော့ ဘာသာရေးခေါင်းဆောင်ငဲ့ယာ အရာပတ်တောတ် အစက်။ 21ဆိတ်လော့ဟော ယနိလော့ "ယဝဟော့ လက်ဝါးကပ်တိုင်ငါတောင်သလော့သုတ်ဘွေ့တို့" သိမ်နော ထောတ်လော့သဲ့ ဆက်အလော့ ယနိတောင်းဆိုအို။ 22အနီပိစ ပိလတ်လော့ "ယဝဟော့ ပိဘောင်းပြစ်မှုဝဲ့အကျူးလွန်ကြောင်းငိုဝိုး။ ယဝါ သေဒဏ်ပိတ်ခုအုံ အပြစ်ကဟော့ ကေ့မှူးဝငှူ။ နီကြောင်းငို ယဝါ ကြိမ်ဒဏ်ပိတ်ဟလော့ ကလှို့ပိတ်ကိုင်း" သိမ် ပါတ်ထုံမြောက်အဟောက်။ 23ဆိတ်လော့ဟော ချောင်ပရိတ်သတ်သဲ့လော့ "ကိုယ်တော်ယေရှုဝဟော့ လက်ဝါးကပ်တိုင်ငါတောင်သလော့ သုတ်ကဲ့" သိမ် ပိလတ်လော့ လိုက်လျောငှားရှောင်ရှေ့ အလုတ်လုတ်ကာ ယနိပါန်အာန်။ 24နောက်ဆုံးငါ ချောင်ငဲ့လော့ယနိတောင်းဆိုလှောက်ကာ ပိလတ်ဘုရင်ခံလော့ဟော လိုက်လျောလော့သဲ့ 25ယလော့ ချောင်ပုရိတ်သတ်သဲ့လော့ အလှို့ရှောက်ဝိုင့်ဟော့ ပုန်ကန်မှုလော့ လူသတ်မှုဝဲ့ဝို ကျူးလွန်လော့သဲ့ထုံငါ အပြစ်ကျောက်ဟော့ ရာဇဝတ်သား ဗာရဗ္ဗ အလှို့ပိတ်လော့သဲ့ ကိုယ်တော်ယေရှုဝဟော့ ယနိလော့ ဆန္ဒလှောက်ကာ ယနိစိုင်းရိုင်းတောတ် ယနိငှာအလွှေးပိတ်တို့။
ကိုယ်တော်ယေရှု လက်ဝါးကပ်တိုင်ငါ တောင်အလော့တဲ့ ယနိဒုတ်ငဟော့
(မဿဲ ၂၇.၃၂-၄၄။ မာကု ၁၅.၂၁-၃၂။ ယောဟန် ၁၉.၁၇-၂၇)
26ရဲမက်သဲ့လော့ ကိုယ်တော် ယနိစိအိတွန်းနာ ကုရေနေအရပ် သာဟော့ ရှိမုန်သိမ်ဟောက်ဟော့ချောင် ယနိမှုပိစ လမ်းရှူအလော့တဲ့ ကိုယ်တော်နှိုးဝိုလက်ဝါးကပ်တိုင် ကို့လော့သဲ့ အတွန်းအွမ်ရှောက်။ 27ချောင်မနဲရိုအတွက်တူဝါ ကိုယ်တော်အတောတ် အလုန်ဗုန်းထုအုလော့သဲ့ ကဟော့နှတိုးနူးဝဲ့ယဟော့ ကိုယ်တော်နှိုးဝို ယနိတွန်းအွမ်။ 28ကိုယ်တော်လော့ အနီချောင်ပေါတ်တို သိုင်လော့သဲ့ "ဂျေရုဆလင်နာဟော့ နှတိုးဝဲ့ယော၊ ကိုယ်တော်အတောက် ကဝိုင်သို့။ နောင်နိ အတောတ်လော့ နောင်နိစိုးနောင်အတွက်နောကဘွေ့တို့။ 29'အစိုးလာ့အခုငှားဟော့နှတိုးနူး၊ ကိုယ်ဝန်မွက်ဖူးငှားဟော့ အဟုန်တုံးလော့ စွိအပိတ်အိပ်ဖူးငှားဟော့ နှတိုးနူးဝဲ့နော ကံယနိပွယ်' သိမ် ချောင်မနဲလော့ ယနိဟောက်ဝိုင့်ယဟော့နှုတ်သဲ့ အဖိုးလူးဝိုင့်။ 30အနီကာလဝါ ချောင်ငဲ့လော့ တုံငဲ့ဝါ 'ကနိအပေါ်ဝါ အပြိုနောက်ဘွေ့' သိမ်ပဆိတ်ကဆိတ်။၊ တုံကုန်းငဲ့ဝါ 'ကနိယာ အကွက်ဘွေ့တို့' သိမ်ပဆိတ်ကာဆိတ် နောင်နိတောင်းဆိုအိုဝိုင့်။#23.30 ဗျာဒိတ်ကျမ်း (၆း၁၆) တရားဟောရာကျမ်' ၁၀း၈ 31အဟိုင်စိမ်းဟော့ထိန်းလှောက်ကာ အပြစ်ကင်းဟော့ကေ့ယာပ နီလှောက်ဆိုးရွားဟော့ အဖြစ်ကနို စာလာက်ဟော့ထိန်းလှောက်ကာ အပြစ်သဲ့မွက်ဟော့ နောင်နိယာ ဘောင်းခါအဖြစ်လူးဝိုင်းရိုး" သိမ်အဟောက်တို့။ 32အရာရာဇဝတ်သားပေန်းဟိဟော ကိုယ်တော်ဝိုအတွက်တူဝါ ယနိသုတ်ကိုင် ယနိဘိက်အိပ်တို့။ 33အလူဟုတ်သိမ် အမိန်မွက်ဟော့တုံကုန်းပုဝါအဖိုးပိစ ရောမစစ်သားဝဲ့လော့ ကိုယ်တော်ဝဟော့ လက်ဝါးကပ်တိုင်ပေါ်ဝါတောင်အလော့သဲ့ သံနိုယနိဟွေ့။ ကိုယ်တော်ဝို ဖောဝတ်စီယာ ရာဇဝတ်သားပေန်းဟိဟော ကိုယ်တော်ဝိုလောက်ပွန်ပါတ်တို ပေန်းနောတ်၊ ခက်တုံးပေါတ်တိုပေန်းနောတ် လက်ဝါးကပ်တိုင်ပုဝါတောင်အလော့ သံနိုယနိဟွေ့။ 34အနီပိစ ကိုယ်တော်လော့ "ပအောင်ဘုရား၊ ယနိယဟော့ မပဟှိုးလော့ယနိုစိုင်းယဟော့ရှာက် မှတ်တအို့ကြောင်းငို ယနိ ခွင့်လှို့ဘွေ့" သိမ်ဆုအတောင်းအောင်#23.34 အစောပိုင်း ကျမ်းစာတစ်ချို့တွင် ဤကျမ်းပိုဒ်သည် မပါဝင်ပါ။ ရဲမက်သဲ့လော့ဟော ကိုယ်တော်အောင်းကျီရဲ့ အလောင်းအစားစိုင်းအလော့သဲ့ ယနိဖိုင့်အိုင့်#23.34 အဿဲ ၂၇း၃၅ မာကု ၁၅း၂၄ ယောဟန် ၁၉း၂၄ ဆလာလံကျမ်း ၂၂း၁၈။ 35ချောင်ငဲ့လော့ ယားအလော့ယနိသိုင်တွန်နာ ဂျူးခေါင်းဆောင်ငဲ့လော့ ကိုယ်တော်ယေရှုဝါ လှောင်ပြောင်အလော့သဲ့ "ယလော့ အရာချောင်ငဲ့ ကယ်တင်လော့သဲ့ ယဝဟော့ ဘုရားရှင်လော့အဟဲ့ယဟော့ မေရှိယအဆိတ်ကနို ယလုန်တ ကယ်အယ်ပွယ့်ရွှီ့" သိမ်ယနိဟောက်။ 36ရဲမက်သဲ့လော့ဟော ကိုယ်တော်ဝါ လှောင်ပြောင်အလို့သဲ့ ဝိုင်ထူးယနိတောက်#23.36 ဝိုင်ချဉ်ဆိုသည်မှာ အချဉ်ရည်တစ်မျိုးဖြစ်သည်။ နာကျင်မှုများ သက်သာစေရန်အတွက် အသုံးပြုကြသည်။ ယုဒသန် ကျမ်းတွင်ပုံးရည်ဟု ဖော်ပြသည်။။ 37ယနိလော့ ဆက်လော့သဲ့ ကိုယ်တော်ဝါ "နောင်ဟော့ ဂျူးချောင်ဗုန်းဘုရင်နဆိတ်ကနို နောင်းလုံတ ကယ်တင်ဘွေ" သိမ်ယနိဟောက်။ 38နီချောင်ငဟော့ ဂျူးဘုရင်အဖြစ် သိမ် အရေးအေယဟော့ ဆိုင်းဘုတ်ကဟော့ ယလူအပု လက်ဝါးကပ်တိုင်ငါ ချိတ်အလော့ ယနိသောက်။ 39လက်ဝါးကပ်တိုင်ငါ သံနိုအဟွေ့ခွန်းအွမ်လာ့ဟော့ ရာဇဝတ်စိုးပေန်းနောတ်လော့ ကိုယ်တော်ဝါ "နောင်းဟော့ မေရှိယ နဆိတ်ကနို နောင်းလုန်တ ကယ်အယ်သလော့သဲ့ ကဟိဟောအကယ်ရဲ့" သိမ်ကဲ့ရဲ့လော့အဟောက်တို့။ 40ဆိတ်လော့ဟော အရာ ရာဇဝတ်သားပေန်းနောတ်လော့ အနီချောင်ငါ "နောင်းငဟော့ နီချောင်ငိုတူဟော့ အပြစ်ဒဏ်စီရင်နဟော့ခွန်းအွမ်လာ့သလော့ဟော ဘုရားရှင်ကျေ့ယသိမိုး။ 41မဟိယဟော့ အပြစ်မစိုင်းဘာန်ကြောင်းငို အပြစ်မခွန်းအွမ်လာ့ဝဟော့ အတာန်အွမ်။ ဆိတ်လော့ဟော နီချောင်လော့ ဘောင်းအပြစ်ဟောကျူးလွန်န" သိမ်အဟောက်။ 42အနီပုန်ပိ ယလော့ဆက်လော့သဲ့ "ကိုယ်တော်ယေရှု၊ နောင်းငဟော့ ရှန်ပလာန်းပါးဝတ်လှောက်ကာ နအုပ်ချုပ်ကဟော့အချိန်ငါကေ့ နကယ်ရိုင်းသတိလာ့ဘွေ့" သိမ်အဟောက်။ 43ကိုယ်တော်လော့ဟော "နောင်းငါ ကဟောက်လာ့ဝိုင့်နပါ၊ နောင်းငဟော့ တနှုတ်ပ ကေ့ရိုအတွက်တူဝပရဒိသုဘုံ#23.43 ပရဒိသုဘုံသိမ်ဟောက်ဝဟော့ ဖြောင့်မတ်ဟော့ချောင်ငဲ့အရှောက်ယနိဟိုင်ဘော်ဝဟော့လော့ နောက်ဆုံးတရားအစီရင်နိုင်း ယဟော့ စုံးဟော့ငြိမ်းချမ်းဟော့နေရာအဖြစ်။ ငါ မမွက်ရိုင်" သိမ်အဟောက်။
ကိုယ်တော်ယေရှု အဒူးဝဟော့
(မဿဲ ၂၇.၄၅-၅၆။ မာကု ၁၅.၃၃-၄၁။ ယောဟန် ၁၉.၂၈-၃၀)
44အနီအချိန်ငဟော့ အနှုတ်လွန်းအချိန်ဖြစ်လော့ဟော့ အမူလွန်းသုံးနာရီဖိုးအုံ ကမ္ဘာအုဝေါတ်လုံးငဟော့ အာကာဝဟော့အကိုင်မာက်။ 45ခွနီအဝါန်းငဟော့ ကျုံလော့သဲ့ အုပ်ကဟော့ သလကာဝဟော့#23.45 ဗိန်မာတော်ရှ မြင့်မြတ်နေရာနဲ့ မြင့်မြတ်ဆုံးရှိနေရာမှာ ကာထားသော် ထူပြီးကြီးသော် ကန့်လန့်ဖြစ်၏။ ဖောအိယာ အအာက်တို့။ 46အနီအချိန်ငါ ကိုယ်တော်လော့ အလုတ်လုတ်ကာ "ပအောင်ဘုရားအကွက်ဒိတ်ကာ ကေ့ဝိညာဉ်တော်ဝဟော့ ကအွပ်#23.46 ဆာလံကျမ်း ၃၁း၅" သိမ်ဟောက်လော့သဲ့ အရှောက်စွန့်တို့။ 47အနီအဖြစ်အပျက်သဟော့မှူးဟော့ တပ်မှုးလော့ ဘုရားရှင်ဂုဏ်တော်ဝဟော့ ချီးမွမ်းလော့သဲ့ "နီချောင်ငဟော့ တကယ့်တကယ်ဖြောင့်မတ်လော့ မှန်ကန်ဟော့ချောင်အဖြစ်" သိမ်အဟောက်တို့။ 48နီကားစင်နာတောင်ဟော့အနိဌာရုံမြင်ကွင်းနဟော့ အသိုင်ငိုင် စုအုအလော့လူးဟော့ ချောင်ထုပရိတ်သတ်လင်လော့ ကိုယ်တော်အဖြစ်သဟော့မှူးအလော့သဲ့ အလုန်ဗုန်းအာက်ဝိုင့်လှိုင့်အုံ ဝမ်းနည်းပူဆွေးအလော့ ယနိအင်းနာယနိပြန်တို့။ 49ဆိတ်လော့ဟော ကိုယ်တော်ယေရှု မိတ်ဆွေရဲ့လော့ မို့ဆိုးဝဲ့၊ ဂါလိလဲယာဟော့ လူးပိဟော့ နတိုးနူးဟော့ နိုက်စအောင်အလှိုးဝါယားအလော့သဲ့ ယနိစုန်း။
ကိုယ်တော်ယေရှု သင်္ဂြိုဟ်ငဟော့
(မဿဲ ၂၇.၅၇-၆၁။ မာကု ၁၅.၄၂-၄၇။ ယောဟန် ၁၉.၃၈-၄၂)
50အနီအချိန်ငါ ယုဒပြည်အရိမဿဲအရပ်သာဟော့ ယောသပ်သိမ်ဟောက်ဟော့ ချောင်ပေန်းနောတ်အမွက်။ ယဝဟော့ ဖြောင့်မတ်ဟော့ ချောင်ပွယ်ဖြစ်လော့သဲ့ ဂျူးလွှတ်တော်အဖွဲ့ဝင်ပေန်းနောတ်ဟောအဖြစ်။ 51ယလော့ ယေရှု ယနိသုတ်ကိုင် ကြံစည်ဟော့ အရာလွှတ်တော်အဖွဲ့ဝင်နဲ့ ဆုံးဖြတ်ချက်လော့ ယနိစိုင်းယဟော့ သဘောတူဝတ်တ။ အနီအပြင်နာ နီကမ္ဘာပေါ်ဝါ ဘုရားရှင်သာသနာတော်အဖိုးဝိုင့်ယဟော့ ကီးကယ်လိုအိုဟော့ချောင်ပေန်းနောတ်ဟောအဖြစ်။ 52ယဟော့ ကိုယ်တော်အရုတ်ဟော့ ပိလတ်ဘုရင်ငှာ အတုံးအုံငါ ပိလတ်လော့ ခွင့်အပြုတို့။ 53အနီကြောင်းငို ယလော့ ကိုယ်တော်အပွန်းနဟော့ လက်ဝါးကပ်တိုင်ငါဟော့ အောက်ကာချောက်လော့သဲ့ ပွယ်ဟော့ပိတ်စဝဲ့ရို အပတ်တို့။ အနီပုန်ပိ လုံးသောက်လင်းလုံးငေတ် ယနိဖောက်ကဟော့ နီးဟော့အသောက်အောက်လာ့ငှားဟော့ စူခူအထာဝါ ကိုယ်တော်အပွန်းနဟော့ အပွယ့်ယာအသောက်သို့။ 54အနီနှုတ်တဟော့ သောကြာနှုတ်ဖြစ်လော့သဲ့#23.54 ပြန်ရှင်နေရာနေ့သည် ဥသုပ်နေရောက်ရန် ရှေ့တစ်ရက်၏။ ဥပုသ်နှုတ်အစဝိုင့်ယဟော့ အစောင့်ဟီအဖြစ်။ 55ဂါလိလဲဒေသဝါဟော့ ကိုယ်တော်ဝိုအတွက်တူဝါ လူးပိဟော့နှတိုးနူးဝဲ့ဟော့ စူခူဝဟော့ပဆိတ်ကာဆိတ် ကိုယ်တော်အပွန်း နဟော့ အရှုန်းငဟော့ ယနိခွန်း။ 56အနီပုန်ပိ ယနိယဟော့ အင်းနာပြန်အလော့သဲ့ ကိုယ်တော်ယနိပူဇော်ဝိုင့်တောတ် ရေမွှေးလော့ နံ့သာဝဲ့ ယနိကျာန်။ ဆိတ်လော့ဟော့ ယနိယဟော့ မောရှေဥပဒေပညတ်တော်ကြောင်းငို ဥပုသ်နှုတ်တာ ယနိဒွန်း။
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.