ລູກາ 4
4
ບຣ໊ະທົດລອງພຣະເຢຊຸເຈົ້າ
(ມທ 4:1-11; ມຣກ 1:12-13)
1ເບິອຈເຈ໊ອ ພະເຢຊູລັບບັບຕິສະມາ ພະເຢຊູ ບິ່ອງ ຕີ່ອລິດອຳນາດຕີ່ອ ພະວິນຍານບໍລິສຸດເຈົ້າ ພະອົງເຍັ້ຍແຣະຕ໊ອະ ຕອາກ ຈໍແດນ ເມະ ຈີ້ໂຮ້ ແຂວງຄາລີເລ ແຕ່ພຣະວິນຍານ ບໍລິສຸດເຈົ້າ ເກອິ່ນ ພະອົງ ເຣິອກ ໂຮ້ແບ໊ຣ ປຣັ່ງ ຣໍ໋ອ. 2ຕ໊ອະແບ່ອ ແງ່ອ ພະອົງ ຕຣໍ່ບ໊ຣະຕິ໋ອຣ່າຍ ທົດລອງພະອົງມີ່ອເບີ່ອມບາບ ວຸ່ນ ເວລາປ່ວນຈິດເງ່ອ ປ່ວນຈິດນອັ່ງ ຕ໊ອະ ປ່ວນຈິດເງ່ອແນ່ອ ພະອົງ ເອີ່ນບິຈ ຈ໋ອງຈ່າ ຕໍ້ເບິອຈໂຕ໊ຍ ປັ່ງເນື່ອຍແງ່ອ ພະອົງຄະໂງ່ຍຈ໋ອງ.
3ບ໊ຣະຕິ໋ອຣ່າຍ ແນ່ອ ເຕນຕ໊ອະພະອົງ ຢັ່ງແນ່, “ຕ໊ອະຢ່ອານວຸ່ນ ກວານຕີ່ອພະເຈົ້າ ມອາດ ມີ່ອຢ່ອານ ຈ໋ອກ ໂກ່ອນວໍ່ ເບີອມ ມອີ່ ວຸ່ນ ວຽກຈ່າ ອາເຣິ່ງ ເລ໋ອຢ່ອານເມ໋ວຸ່ນວຽກຈ່າ.”
4ພະເຢຊູເຈົ້າມໍ່ອອື່ ແນ່ອ, “ອາເມ໋ະເອີ່ນເບີ່ອມຢັ່ງແອ່ ຍ້ອນວຸ່ນເມື່ອຍມອ່າງ ຂຽນເຕ໋ອາະຕ໊ອະ ພະຄຳພີ ຢັ່ງແນ່ອ, ‘ງ່າຍນຸ໊ອຍ ເມະ ເອີ່ນວຸ່ນຊີວິດກົ່ວນັ່ອນຈ໋ອງຈ່າ ສຳ່ແອ່ ແຕ່ນະເອີ່່ນອິ໋ອ ນັ່ອນແອ່ ແມ່ຕ້ອງເຊິ່ງມອ່າງທີ່ພະເຈົ້າຣຽນເຕ໋ອາະ.’”
5ເຈ໊ອແອ່ບ໊ຣະຕິ໋ອຣ່າຍແງ່ອ ເກີ່ອນພຣະອົງຕອຶກ ນື້ງ ນົ່ວຢຣ່ວງ ແລະ ຢຸ໊ອແອ່ ອື່ເປຼ໋າະ ມອີ່ ພະເຢຊູ ເຕີ ອານາຈັກ ໂຕ໋ຈໂລກແນ່ອ ມວຍສຸ໊ອສະ. 6ເຈ໊ອແອ່ບ໊ຣະຕິ໋ອຣ່າຍແງ່ອ ເຕນຕ໊ອະພະອົງ ຢັ່ງແນ່ອ,“ອາເມະເອີ່ມ ສິດອຳນາດເປ໋ອເນ່ອຍ ວ່າ ສະຫງ່າລາສີ ຕີ່ອ ແບ໊ຣ ແນ່ອ ເອີ່ມຢອ່ານ ເລ໋ອຢ່ອານເມ໋ມອັດເຣີ່ງ ປັ່ງນຸ໊ອຍທີ່ວຸ່ນຫົວໜ້າ ເທິງປັ່ງຊົດຊາດ ເພາະລິດອຳນາດ ວ່າສິດອໍານາດແນອ່ ເບິ໋ອຈຕຣໍ່ມອບ ເອີ່ມຕ໊ອະອາ ແລະ ອາໂງ່ຍເອີ່ມກຼ່າຕີ່ອ ຄະເລີ໋ມໍ່ອ ອາໂງ່ຍເອີ່ມ. 7ຢັງແອ່ ຕ໊ອະຢ່ອານຍ່ອມ ນະມັດສະການອາ ຕ໊ອະຖານະ ອາວຸ່ນເຈົ້ານາຍຕີ່ອຢ່ອານ ອຳນາດ ວ່າ ສິດອຳນາດ ຕ໊ອະການມອັດເຣີ່ງຊົດຊາດຕ໊ອະແບ໋ຣແນອ່ ເມະວຸ່ນ ຕີ່ອຢ່ອານ.”
8ພະເຢຊູມໍ່ອ ອື່ແນອ່,“ວຸ່ນ ມອ່າງ ຂຽນເຕ໋ອາະຕ໊ອະ ພະຄຳພີ ຣຽນຢັງແນ່ອ, ‘ເອີ່ນ ອາເມ໋ະເບີ່ອມຢັງເອ ຍ້ອນອາ ເມະ ນະມັດສະການ ຢະພະເຈົ້າຕີ່ອຢ່ອານ#4:8 ຢະພະເຈົ້າຕີ່ອຢ່ອານ ພບຍ 6:13 ແລະ ລັບໃຊ້ ພະອົງມວຍຣ່າ.’”
9ເຈ໊ອແອ່ບ໊ຣະຕິ໋ອຣ່າຍ ເກິ່ອນພະອົງ ເຣິອກ ຕ໊ອະນະຄອນເຢລູຊາເລັມ ອື່ມີ່ອພະອົງ ເຢີ່ອງ ໜື້ື້ງ ປົ່ວພະວິຫານ ເຕນ ຕ໊ອະພະອົງ ແນອ່ ນວ່າວ,“ຕ໊ອະຢ່ອານວຸ່ນ ກວານຕີ່ອພະເຈົ້າ ມີ່ອຢ່ອານ ຕອົ່ງຈຣຸ໊ ແມ່ຣເຣີ່ງ. 10ຢ່ອານເມ໋ອເອີ່ນຢຈີ້ຈັກຍ້ອນ ວຸ່ນເມື່ຣອຍມອ່າງ ຂຽນເຕ໋ອາະ ຢັ່ງແນ່ອ, ‘ພະເຈົ້າເມະ ມີ່ອ ປອ່າງເທວະດາ ຕີ່ອພະອົງ ບຶ໊ອ ລັກສາ ຢ່ອານ ຕ໊ອະອັນຕະລາຍ ເຈ໊ອແອ່ ປັ່ງເທວະດາ ຄະເມ໋ລັກສາຢ່ອານ.’ 11ນະວຸ່ນ ມອ່າງຂຽນ ເຕ໋ອາະ ຕ໊ອະພະຄຳນວ່າວ ແນ່ອ, ‘ປອ່າງເທວະດາ ເມະ ຈ໋ອກຕີ່ແມ່ ປອຽກສ່າເຕ໋ອາະ#4:11 ປອຽກສ່າເຕ໋ອາະ ພສສ 91:11-12 ເພື່ອເອີ່ນ ມີ່ອ ຢອີ່ງ ຢ່ອານ ຕຣໍ່ໂກ່ອ ນວໍ່.’”
12ແຕ່ພຣະເຢຊູມໍ່ອຢັງແນ່,“ ເອີ່ນ ເອີ່ນອິ໋ອ ວຸ່ນມອ່າງຂຽນເຕ໋ອາະ#4:12 ຂຽນເຕ໋ອາະ ພບຍ 6:16 ຕ໊ອະພະຄຳພີ ແນອ່, ‘ຍ໋ອງ ທົດລອງ ຢະພະຜູ້ເປັນເຈົ້າ ພະເຈົ້າຕີ່ອ ສ່າ.’”
13ເບີ໋ອຈເຈ໊ອ ບ໊ຣະຕິ໋ອຣ່າຍທົດລອງພຣະເຢຊູ ເປ໊ອ ເນ່ອຍແງ່ອ ອື່ຄະແຣະ ຕັກພະອົງ ຈົນບຶ໋ອ ຕໍ້ ເບີ໋ອຈ ອື່ວຸ່ນໂອກາດ ເມະເບີ່ອມນວ່າວ.
ພະເຢຊູເຈົ້າເລີ້ມເບອີມວຽກຕີ່ອພະອົງຕ໊ອະແຂວງຄາລີເລ
(ມທ 4:12-17; ມຣກ 1:14-15)
14ເບີ໋ອຈພະເຢຊູເຈົ້າ ຈີ້ວິ່ງ ບຶ໋ອ ແຂວງຄາລີເລ ຕີ່ອ ລິດອໍານາດພະວິນຍານ ບໍລິສຸດເຈົ້າ ຂ່າວບຣີ່ ເລື້ອງ ພະອົງບິຈ ຮ່ວຍຊ່າລື ເຣ່ວ ຂົງເຂດ ແງອ່. 15ພະອົງບິຈ ກຶ໋ອປຣຽນພະຄຳພະເຈົ້າ ຕ໊ອະທຳມະສາລາ ຕີ່ອແມ່ ແລະ ນຸ໊ອຍທີ່ບິຈເຊິ່ງພະອົງຄະເກຣີຍຣຽນ ຍ້ອງຍໍສັນເສີນພະເຈົ້າ.
ນອຸ໊ຍນາຊາເລັດເອີ່ນຍອມລັບພະເຢຊູເຈົ້າ
(ມທ 13:53-58; ມຣກ 6:1-6)
16ເຈ໊ອແອ່ ພະເຢຊູເຈົ້າ ຄະບິຈ ບຶ໋ອ ຕ໊ອະ ນາຊາເຣັດ ວຸ່ນ ເມືອງທີ່ພະອົງ ຕິ໋ອນອຶກ ແລະ ຕ໊ອະເນື່ອຍສະບາໂຕ ພະອົງ ເຣິອກໂຮ້ ທຳມະສາລາ ເລ໋ອ ນະມັດສະການ ມໍ່ອເຄີຍມໍ່ອຣີດແມ່ ພະອົງ ຕອຶກເຢີ່ອງ ເມະອ່ານພະຄຳພີ. 17ວຸ່ນມ່ວຍຣ່າ ວຸ່ນນຸ໊ອຍມອັດ ເຣີ່ງໜັງສື່ປຼະປໍ່ ຕີ່ອ ນອຸ໊ຍທໍານວຍ ເອຊະຢາ ແມ່ເອີ່ມໜັງສືແງອ່ ຕ໊ອະພະອົງ ແລະ ພະອົງ ປຼ໊ະໜັງສືປໍ່ແງອເຍັ໋ຍອ່ານ ວຸ່ນມອ່າງຂຽນເຕ໋ອາະຢັງແນ່,
18“ພະວິນຍານຕີ່ອພະເຈົ້າ
ບິຈກົ່ວຕ໊ອະອາ ເລ໋ອຊ່ອຍອາ
ເພາະພະອົງ ບິຈເຈື໋ອຍແຕ່ງຕັ້ງອາເຕ໋ອາະ
ມີ່ອເກຣີ່ອຍຣຽນຂ່າວປະເສີດ ເອີ່ມຕ໊ອະນອຸ໊ຍທົກຝ່າຍວິນຍານ.
ພະອົງ ມີ່ອອາເຣິອກເກຣີ່ຍຣຽນ
ຕ໊ອະນອຸ໊ຍ ອູ່ຣ່າທີ່ຕຣໍ່ກຣັ່ນ ຕຣໍ່ກຣັ່ນຝ່າຍວິນຍານ
ຄື ນຸ໊ອຍບາບ ກົ່ວຕ໊ອະຄວາມເກດ ອຳນາດຕີ່ອມານຣ່າຍ ມີ່ອ ວຸ່ນອິດສະລະພາບ
ແລະນອຸ໊ຍມັດໂສດ ຝ່າຍເມຣະຊຣວດ ເທິງຝ່າຍວິນຍານ ເມະເຣີເຕີນວ່າວ
ໂປ໊ຣຍ ປອ່າງນອຸ໊ຍຕຣໍ່ການຂົມເຫັງມີ່ອ ວຸ່ນອິດສະລະພາບ.
19ພະອົງ ມີ່ອ ອານບຶ໋ອ ຣຽນແນອ່, ຢຸ໊ອແນ່ວຸ່ນເວລາທີ່ພະເຈົ້າ ມີ່ອເຕີຄວາມເວີ່ຍສຣະຕີ່ອພະອົງ
ເທິ່ງຊ່ວຍປະຊາຊົນຕີ່ອພະອົງມີ່ອໂຣັຍ ຕ໊ອະອຳນາດບາບ ວ່າຜົນຕີ່ອບາບ ເທິງຄວາມເຕີອບເມີດຕີ່ອພະເຈົ້າ.”
20ເຈ໊ອແອ່ ພະເຢຊູເຈົ້າຄະ ປໍ່ເຕ໋ອາະໜັງສືຕ໊ອະແງ່ອ ເອີ່ມຕ໊ອະ ນອຸ໊ຍວຸ່ນໜ້າທີ່ ມອັດລັກສາເຕ໋ອາະ ເຈ໊ແອ່ພະອົງກົ່ວ ຕ໊ອະບ່ອນຮື່ ນອຸ໊ຍເຕຣີ່ມຣ່າ ຕ໊ອະທຳມະສາລາແງ່ອ ຄະນອັ່ນເຣີ່ງພຣະອົງ. 21ເຈ໊ອແອ່ພະອົງເຕນຕ໊ອະແມ່ແນອ່,“ ເນື່ອຍອິ່ນພະຄຳພີຕອ່ນແນອ່ ເບິ໋ອຈວຸ່ນມອາດ ຕ໊ອະຈັກອາ ມຮໍ່ແວ່ບິຈເຊີ່ງຢັ່ງແອ.”
22ເຕຣີ່ມຣ່າ ຄະບອິຈຍ້ອງຍໍຊົມເຊີຍ ແລະ ຕຣໍ່ເກຼີມຕ໊ອະເມຣື່ອຍມອ່າງ ເກຣີຍຣຽນຕີ່ອພຣະອົງ ແມ່ເຍັ້ອຍມອ່າງ ເຕນແນ່ອ,“ອື່ເອີ່ນອິ໋ອ ກວານກຼໍ່ ຕີ່ອ ໂຢເຊັບກຶນ?”
23ພະອົງ ເຕນຕ໊ອະແມ່ຢັງແນ່,“ແວ່ຣຶບມອ່າງຄຳສຸພາສິດຕ໊ອະອາມອ່າດໆ ແນອ່, ນາຍໝໍເລີ໋, ມີ່ອສາປົ່ວຈັກເຕື່ອຮື່ມີ່ອ ບຣີ່ນຽມ ຄື ມໍ່ອການທີ່ຢ່ອານເບີອມການອັດສະຈັນ ຍ່າບອິຈເຊີ່ງ ຢ່ອານເບີ່ອມຕ໊ອະເມືອງ ກາເປນາອູມແງອ່ ມີ່ອຢ່ອານເບີ່ອມການອັດສະຈັນຕ໊ອະແມຣ່ ຄືເມືອງ ນາຊາເລັດ ເມືອງທີ່ຢ່ອານຕິ໋ແງອ່ມວຍເນ່ອຍ.” 24ເຈ໊ອແງ່ອ ພະອົງຣຽນແນອ່,“ອາຣຽນແວ່ມອາດໆ ເອີ່ນວຸ່ນນອຸ໊ຍທໍານວຍ ນ໊ອະໆບອິຈລັບການເຄົາລົບນັບຖືຕ໊ອະສຣຸກເມືອງຕີ່ອຮື່.”
25“ອາຣຽນຕ໊ອະແວ່ມອາດໆ, ມີ່ອແວ່ຄຶດເລື້ອງແນອ່ ຕ໊ອະສະໄໝ ເອລີຢາ ນະວຸ່ນຊີວິດ ທີ່ພະເຈົ້າກລ່ຽງກຣື່ມເອີ່ນເລິ໋ເມື່ອອ ແປ່ມໍ່ອ ໂຕຣ່ເຄ ແງ່ອ ອື່ວຸ່ນເຫດການມີ່ອວຸ່ນການ ກົ່ວງວາດກວາດ ຕິ໋ເຣ່ວແບ໊ຣແງ່ອ ແລະ ວຸ່ນແມ່ເຕຣ່ຍ ມອ່າຍ ອູ່ຣ່າຕ໊ອະຊາດອິດສະຣາເອນ. 26ແຕ່ ເອີ່ນພະເຈົ້າມີ່ອ ເອລີຢາ ເຣິອກຕອັ່ງ ນອຸ໊ຍນ໊ອະໆ ຕ໊ອະປອ່າງແມ່ເຕຣ່ຍມອ່າຍ ຕ໊ອະຊາດ ອິດສະຣາເອນ ນອັ່ນຕ໊ອະແມ່ເຕຣ່ຍມວຍຣ່າ ອື່ກົ່ວຕ໊ອະເມືອງ ຊາເຣຟັດ ແຂວງຊີໂດນ ແງ່ອ. 27ຕ໊ອະສະໄໝ ຕີ່ອ ນອຸ໊ຍທໍານວຍ ເອລີຊາ ວຸ່ນ ນອຸ໊ຍ ວຸ່ນ ພະຍາດຂີ້ທູດ ອູ່ຣ່າຕ໊ອະຊາດອິດສະຣາເອນ, ແຕ່ວ່າ ເອີນວຸ່ນກຼ່າ ບອິຈລັບການປຸ໊ລປຼ່າວລັກສາ ມີ່ອແມ່ນ ນອກຈາກ ນາອາມານ ເບຣ່ຊີເຣຍ.”
28ແລະປະຊາຊົນ ຕ໊ອະທຳມະສາລາ ບອິ່ງຕີ່ອຄວາມຕອັກ ເກຼີມ ມອາດໆ ຕໍ້ແມ່ເຊິ່ງເມຣື່ອຍມອ່າງ ພະເຢຊູເຕນ ພະອົງເມ໋ະເອີ່ນເບີ່ອມໝາຍສຳຄັນ ແບບອັດສະຈັນອີ່ສັ່ງຕ໊ອະແມ່. 29ເຈ໊ແອ່ ແມ່ຕອຶກ ເຢິ່ອງ ບັ່ງຄັບ ພະເຢຊູເຈົ້າ ມີ່ອເຍັ໋ອຍແຣະຕ໊ອະເມືອງ ແລະ ເກິອນພະອົງເຣິອກໂຮ້ຈຣ່ຽວຢຣຸຈ໊ະຮຸ່ງ ຕ໊ອະເມືອງແມ່ເບີ່ອມເຕອ໋າະ ແມ່ຄຶດເມ໋ະຈຣູດພະອົງເກຼ໋ຍຕ໊ອະແບ່ ກອຽດເຈດພະອົງ. 30ແຕ່ພຣະອົງເຣິອກຣວດໂຕ່ຍເງື່ອນແມ່ ປະຊາຊົນ ໂຕ່ອຕູ່ອແຣະຕ໊ອະແມ່.
ແມ່ກຼໍ່ມວຍຣ່າຕຣໍ່ບຣ໊ະຕິ໋ອກຼັ່ງມຸດສິງ
(ມຣກ 1:21-28)
31ເຈ໊ອແອ່ ພະເຢຊູຄິດເຈົ້າ ບອິຈເຣິອກໂຮ້ເມືອງ ກາເປນາອູມ ແຂວງຄາລີເລ ບອິຈກົ່ວຕ໊ອະເມືອງແງ່ອ ພະອົງບອິຈ ກຶ໋ອປຣ່ຽນພະຄຳພະເຈົ້າ ຢຸ໊ອເນື່ອຍສະບາໂຕ. 32ພະອົງ ກຶ໋ອປຣຽນຕີ່ອລິດອຳນາດ ມວຍເນອ່ຍແງອ່ ພະອົງເບີ່ອມ ມີ່ອເຕີແນອ່ ພະອົງວຸ່ນສິດອໍານາດບຶ໋ອເຕິ້ມນຶ້ງພະເຈົ້າ. 33ຕ໊ອະທຳມະສາລາແງ່ອ ວຸ່ນແມ່ກຼໍ່ມວຍຣ່າ ວຸ່ນບຣ໊ະຣ່າຍມຸດ ອື່ ອຣົ໋ວກຣົ່ວກຼັ່ງມອາດໆ. 34“ເຢຊູ ເບຣ່ນາຊາເຣັດເລີ໋ ມ໊ອະຢ່ອານແຣະບຶ໋ອເວີ໋ນຕ໊ອະ ຍ່າເບີ່ອມແງ່ອ? ຢ່ອານ ເມະບຶ໋ອທຳລາຍຍ່າກຶນແມອ່? ຍ່າເບິອຈ ຍ່າຕອຸກມ໊ອະຢ່ອານວຸ່ນອຸ໊ຍແງ່ອ ຄະວຸ່ນນອຸ໊ຍບໍລິສຸດ ຕີ່ອພະເຈົ້າ.”
35ພະເຢຊູເຈົ້າ ເກື່ອມບ໊ຣະຣ່າຍແງອ່ຢັງແນ່ອ,“ຈອ້ຽບ ເຍັ້ອຍຕ໊ອະນອຸ໊ຍແງ່ອເຮ້” ບຣ໊ະຣ່າຍ ແງ່ອເບີ່ອມມີ່ອແມ່ກຼໍ່ແງອ່ບອ໋ອງຕ໊ອະແບຣ໊ ຕ໊ອະເງື່ອນແມ່ ແລະ ເຍັ້ອຍແຣະຕ໊ອະຢໍ່ແງອ່ ໂດຍທີ່ເອີ່ນວຸ່ນອື່ທຳລາຍແມ່ກຼໍ່ແງ່ອ ຮັດມວຍເນ່ອຍເອີ່ນ.
36ປະຊາຊົນ ເຕີ່ຣມຣ່າຄະຕຸດຕ໊ອະງຣື່ນເກຼີມ ແລະ ແມ່ເລີຍເປ່ອຕ໊ອະເບີ່ອນຮື່ແນ່ອ, “ໂອ! ເມຣື່ອຍມອ່າງເຕນຕ໊ອະຢໍ່ແງອ່ ຍ໋ອງມອ໊ະວຸ່ນຄວາມໝາຍແນອ່ ຍ້ອນວຸ່ນມອ່າງອັດສະຈັນ ເພາະເຈຣີບສັ່ງມີ່ອ ບ໊ຣະຣ່າຍແງ່ອ ຕີ່ອສິດອໍານາດ ວ່າລິດອໍານາດ ແລະ ບຣ໊ະຣ່າຍ ຄະເຍັ້ອຍແຣະ.” 37ເຕີ້ອມແອ່ ຊື່ສຽງຕີ່ອພຣະເຢຊູເຈົ້າຄະໂຮ່ຍເຣ່ວຂົງເຂດແງ່ອ.
ພະເຢຊູເຈົ້າ ເວອີຍສຣະເຂ່ຍເຕຣ່ຍເປໂຕ ເບີອມມີ່ອນຽມໂຕອະ
(ມທ 8:14-17; ມຣກ 1:29-34)
38ເບິ໋ອຈພະເຢຊູເຈົ້າ ແຣະຕ໊ອະ ທຳມະສາລາ ເນື່ອຍແງອ່ ພະອົງມຸດໂຮ້ຢຣ່າມ ຊີໂມນ ຊື່ ມວຍມ໊ອະ ເປໂຕ ຢຸ໊ອະມ໊ອະແງອ່ ເຂ່ຍເຕຣ່ຍ ຕີ່ອ ຊີໂມນໂຕອະ ອື່ໂຕອະຢອຶ໊ ແມ່ອ້ອນວອນຕອັ່ງພຣະເຢຊູເຈົ້າ ມີ່ອລັກສາເຈຣີບ. 39ພະອົງເຣິອກເຢີອງ ຕ໊ອະຕອຽກອື່ ແລະ ສັ່ງມີ່ອ ອາການໂຕອະແງອ່ເມິ່ອງ, ອາການໂຕອະແງອ່ ຄະແຢຣ໊ະປັດຕ໊ອະເຈຣີບ ແລະ ເຈຣີບຄະຕອຶກຕ໊ອະບ່ອນທັນທີ ເບີ່ອມຮະອໍ່ນ່າ ແລະ ລັບໃຊ້ແມ່.
40ຢຸ໊ອຕັ່ອງໂຕອຍເນື່ອຍສະບາໂຕ ເບິອຈ ລອຸ໋ຈເນື່ອຍ ນອຸ໊ຍທີ່ວຸ່ນ ເບີ່ອນມອໍ໊ ອໍ໊ອຊ່າຍ ໝູ່ຄູ່ ແມ່ເກິ່ອນນຸ໊ອຍເອີ່ນເຕອິ່ງ ໂຕອະຈີ້ ຍ້ອນພະຍາດໂລຄາ ບຶ໋ອ ຕອັ່ງພະເຢຊູເຈົ້າ ພະອົງ ວາງຕີ່ ຕ໊ອະແມ່ເຕຣີ່ມຣ່າ ແລະ ເວອີຍສຣະລັກສາ ມີ່ອ ແມ່ເຕຣີ່ມຣ່ານຽມພະຍາດ. 41ປອ່າງບຣ໊ະຣ່າຍຄະໂຕ່ອເຍັ໋ອຍຕ໊ອະປອ່າງນອຸ໊ຍອູ່ຣ່າ ອຣົ໊ວກຣົ່ວ ເຍັ້ອຍມອ່າງເຕນ,“ເຈຣີບວຸ່ນ ກວານຕີ່ອພະເຈົ້າ.”
ແຕ່ພຣະເຢຊູເຈົ້າ ເກື່ອມແມ່ມອາ່ດໆ ເອີ່ນມອີ່ເຕນນອາວ ເພາະເບິອຈແມ່ ຕອຸກພຣະເຢຊູວຸ່ນພະຄິດ.
ພະເຢຊູເກຣີຍຣຽນພະຄຳຕ໊ອະທຳມະສາລາ
(ມຣກ 1:35-39)
42ເບີ໋ອຈຕຣ໊າຈຣໍ້ ພະເຢຊູເຈົ້າ ຄະແຣະຕ໊ອະເມືອງ ກາເປນາອູມ ເຣິອກໂຮ້ບ່ອນຈຣຽບໆ ບ່ອນທີ່ພະອົງເມ໋ບິຈກົ່ວມ່ວຍຣ່າຮື່ ຕ໊ອະບ່ອນແງອ່. ປອ່າງປະຊາຊົນ ພາ ເບີ່ອນຮື່ລຸ໊ອ ຕອັ່ງພະອົງ ແລະ ຕໍ້ເບິອຈ ແມ່ເຕີພຣະອົງຕອົ່ວ ອື່ຄະ ເກື່ອມ ພະອົງ ເອີນມີ່ອແຣະຕັກແມ່. 43ພະອົງເຕນຕ໊ອະແມ່ ແນອ່ “ອາຈຳເປັນ ເມະເກຣີ່ອຍຣຽນຂ່າວປະເສີດ ເລື້ອງອານາຈັກຕີ່ອພະເຈົ້າ ໂຮ້ເມືອງນ໊ອະໆ ມວຍເນອ່ຍແອ່ ທີ່ພະເຈົ້າ ມີ່ອອາບຶ໋ອເຄະເພື່ອວຽກແນ່ອເມະ.”
44ເຈ໊ອແອ່ ພະເຢຊູ ບອິຈເກຣີ່ຍຣຽນ ພະທຳປະກາດຂ່າວປະເສີດ ຕ໊ອະທຳມະສາລາ ນ໊ອະໆ ຕ໊ອະແຂວງ ຢູດາຍ.
Currently Selected:
ລູກາ 4: NEV
Highlight
Share
ਕਾਪੀ।
Want to have your highlights saved across all your devices? Sign up or sign in
Nyaheun (ຍ່າເຫີນ ) Bible by Beyond Translation is licensed under Creative Commons Attribution-ShareAlike 4.0 License.
